بس يا سيدى وطلعت الشمس بس هى اللى بتتكسف:D

مساء الخييييييير وصباحه
بصوا بقى انا قلت انا هغمض عينى شويه وهسد ودانى وهبقى بنت حلال كده واسيب الشعب ياكل عيش
فترة كده وهرجع تانى.........مش عشان حاجة غير عشان ارجع تانى ابحلق عينياع كل حاجة عشان الدنيا كده متشقلبه
وكنت محتاجة قعده صفا عشان ابحلق على البنت اللى جوايا واعرفها كويس لان كل شويه بكتشف فيها جديد وما لا شىء الا لانها شعار التغيير والتجديد((وهى بتحب تبدأبنفسها))
وبعدين وبعدين قعدت مع صفا واتفقنا واتناقشنا وطلعنا بنتائج زى الفل:D

عشان تعرف تتقبل الدنيا بعيوبها وتحبها عشان تعرف تغيرها او تكون سبب فى تغيير.......وكذلك مع الناس تحبهم عشان تعرف تتقبل عيوبهم رجاء فى انهم يتقبلوها  ع الاقل تقدر تساعدحد ع التغيير وتساعد نفسها اصل احنا مختلفين..........شىء طبيعى وعادى جدا(:



طيب .....كان يا ما كان فى سالف العصر والاوان
مخلوقه اسمها حوا ......كل بناتها اتعرف عنهم  الوداعه والرقه والحنان والمشاعر الجياشه وكل حاجة رققيقه والخجل واحمرار الوجه ودموع فى العينين كلها رقة
واقل حاجة تجرح مشاعرها...............بقول ررررررررقة:$
اذ فجاءة فجاءة ....مع تطور العصور واختفاء اميره البحور وسندريلا ....ظهرت فجاءة كائن هلامى ضخم ولا هى عفريت ولا هى انثى ولا هى رجل ولا شبه اى حاجة ......لا لا هى شبه الانثى .........بس مرجلشة كده اتنين فى واحد:D

بقوا حالتهم صعبه بجد
انا بيصبنى حاله من الدهشه من اللى بشوفه فى اى تجمع

ايه ؟؟؟مرجلشه؟؟؟
ايه الفاظك دى يا هبة؟؟؟
لا لا دى مش الفاظى ........اصل النوت دى بالذات هتلاقونى متقمصه ادوار كتييييير

(:
المهم نرجع لموضوعنا
ايوة هى لحم ودم.....بس اللى باين منها كل حاجةووشها واخد وشين بالرولا والشفايف عدت على الميكانيكى
وانتم ادرى بقى باللى بيعملوه اخونا اقصد اخوتنا
يااااااااااااااااا.........يا عليكى يا هبة يابنتى انتى قديمه قوى
ده من زماااااااااااااان............طيب والله عرفت انه من زماااااااااااااااان
المحزق والملزق والبويات والبكينى ويشهد زمن الفن الجميل
طيب اهدوا بس عليا..........قولوا الناس دلوقتى مبشرة بالخير ناس كتير قربت من ربنا وعرفوا الدين وبنات كتير محجبه
الخجل بقى مش ان الواحد يعمل زى كل الناس عشان التقاليد والعادات لااااااااا......ما فيه تقاليد وعادات تودى فى داهيه ولا ليهاعلاقه بدين
زى ان بن عمتها ده ممكن ينكشف عليه شعرها عادىاصله زى اخوها.........اخوها منين والنبى؟؟؟
الخجل من المولى مش هيكون فى المظهر وبس فىالاخلاق فى النفس فى كل حاجة.....تحس ان الانسان اقرب ما يكون للملائكه
الخجل غير الملابس والاحتشام ..........الاخلاق


يعنى ممكن زمان تلاقى بنت لابسه مينى جيب بس وشها يحمر لو حد قالها ايه ده هو القمر بيطلع الصبح:D
دلوقتى بقى الفاظ سواقين ميكروباص  ممكن ترد على اللى عاسكها بالفاظ اقذر كتير مناللى عاكسها بيها وماشيه بتقول يا ارض اتهدى ما عليكى قدى ولبس متبقاش تفرق بينهيثم وبكينام الا لو بكينام ربنا كرمها وشعرها طويل
وقشطه يا باشا وعسل يا معلمى وبحبك حب الشرابللشوز .........فين البنت بقى فى كلامى ده؟؟؟
دلوقتى البنت بقت جريئه بشكل مخيييف.........فىمرة شوفت بنت هى اللى بتهزر مع الولد بايدها وتمسك ايديه ويا عينى هو وشه احمرواتكسف قوووووى
وهى عادى كده.........اصله صااااااااااااااااحبى
يا حونينه:D
وفى الاخر تقولك أصلىبتكسسسسسسسسف.............احم احم
من ايه يا ماما؟؟؟
هو انتى عاوزة تعملى ايه اكتر من كده؟؟؟؟؟



افتح التلفزيون هتشوف الهبل كلوووووو......موجةولا هوجة استاند اب و500 مسا ...ياريت تلاقى بنات بتدلع....تلاقى واحد عامل واحدهوواحده عامله واحد وشكلهم يجيب تلبك معوووى
ساعات ببقى قعده مستنيه اشوف حاجة كل اللى اناسمعاه واحد الاراجوز مفيد وبيضحك عنه واقف عمال يقول كلام عبيييييط وناس عبيطهعماله تضحك وتصقف
افضل قعده مستنيه الفكرة الاقى التتر نازل
ساعتها مش بحس بحاجة غير التخلف....اعزكم الله(:
مطلعين البنات كده حلوييين قوى وجامدين قوووى........زمان كانت البنت يوم ما تقول انا عاوزة اتجوز ويوم ما ربنا يكرمها وتنشن
كانت بتروح لعم حزومبل .......تقوله انا عاوزة من ده يا حزومبل انا عاوزة من ده
دلوقتى عم حزوووومبل مات واصبح من الزمن اللى فات...........واصبحت البنات
ماشييين بمبدأ...........انا هركز على حد واخلى شويه استبن ويا بخت باللى بحظه بات
وطبعا لازم تسيب الباب موارب لكل من هب ودب..........تضحك وتهزر مع طوب الارض والدبان ....ودلع شويه وحركات شويه وحاجه بجد تقررررف


اقرب حاجة عندك ع صفحتك لو حد عملك تاج ولد يعنىادخل شوف التعليقات
انا شوفت بنت كاتبه لولد وسورى للالفاظ..............بتقوله انت موز موز موز
يا شييييييييييييييييخة؟؟؟
وتبص على الصورة تلاقيه شبه جدو حولان
والله كان جدو حولان احلى....................فيه بنت تقول لولد انت قمر؟؟؟
هيبقى قمر ازاى؟؟؟
طيب هو يقولها انتى ايه؟؟؟
وفى االاخر يقووولك دىمتدينه.........والله؟؟؟.........طيب هى مش سمعت عن غض البصر؟؟؟
طيب هى كده تبقى خجوله؟؟؟
حاجة غريبة بجد بجد بتتكسف؟؟؟.......دى بتقول انتقمر هههههههههههههههههه
صبرررررررررنى يارب

تقولك يا بنتى اصلك انتى بنت لازم تبقى دلوعه كده وعسوله ..............هههههههههههههه ..........ازاى لما ابقى شبه اللبان فى بوق الناس
لما ابقى بدنى من مكانتى اللى ربنا جعلنى زى ملكه على عرش
وقالى انتى جوهرة عزيزة.........اتعاملىبدينك....حافظى ع نفسك.......زينى نفسك بالايمان
حلى صوتك بنور القرءان
خجلك تاجك ..........ربنا نزلنا اللى نحترم نفسنابيه .........وجعلنا ملكات فى الجنة سيدات الحور العين
الحقيقه انا مش عارفه ازاى ربنا يعلمك ازاى تبقى ملكه ؟؟؟
وانت تقولى لا
وبعدين تقولى انا مش عارفه اتجوزززز
ده مين المحترم اللى عاوز يربى اولاد من خلاله اجيال وتعملى كل ده وتقولى اصلى انا بتكسسسسف
امال لو مكنتيش بتتكسفى بقى؟؟؟
انا مش عاوزة اقولك يا شيييخة اتلهى:D
بس انتى اسكت ساكت

لانى معرفش انتى اخذتى ثقافتك منين؟؟
بس اللى اعرفه ان دينك مسئوليتك لوحدك
لو فهمتيه هتشوفى قد ايه ربنا جعلك عزيزة وانتىبتقولى لا
عمرك ما هتبعدى عن ربنا وتعملى نفسك اغمالادووووسوهتتجوزى
وعمرك ما هتتجوزى حد محترم دينه...........لاناللى بيحترم دينه بيختار حد بيحترم دينه
جرأتك هتخوف الولاد منك.........دول بيتكسفواوانتى لا .....عيب عليكى كسفتينا يا شيخة
ليهم حق يخافوا والله ويقعدكوا لبعد التلاثين منغير جواز...........خليكى عزيزة
وانت ماتشجعهاش لما تقول هى اللى سمحت لى وانا مش هقولها لا
عرفها انها كده غلط.....اعتبرها أختك اللى فاهمهالدنيا غلط......لانك برضه هتتحاسب
ربنا مش هيحاسبها لوحدها
البعد عن الدين حول الناس لسلع
بدون احساس ................بقوا زى المكينات
الدين عمره ما قتل فطرة بالعكس ده بيحافظ لك عنفسك.....وبيعزك قوووى وبيخليك فى احسن صورة
كل لما بتبعد بتقل الانسانيه منك ....وبتبقى سلعههتعيش وتموت وانت سلعه والدنيا بتتشقلب وكل شىء بقى فى بوقنا عادى مع انه مشعادى(:
عاوز تحب وتحلم وتحقق اهدافك وتعيش صح وتدخل الجنةاعرف ربك
اعرف دينك(:
وناسف للاطاله
نوت صحيح طووويله بس من اللى بشوفه واللى معبرتشعن 1%منه
ربنا يصلح حال شباب المسلمين
يا بنات ماتحسسونيش ان الشمس هى بقت المخلوق الوحيد اللى بينكسف:D
ده الرسول قدوتنا كان خجول

انا مش قديمه بس انا معتزة جدا بكونى مسلمه
وشايفه ناس كتييير مشوهييييين صورته وفهم معانيه

النوت اللى جايه الجزء الثانى من ورق التوت
وبحلم بايه أسألنى هقولك بحلم اقرب واحس بقربك تتكلم وتحكى واشكى لك وابكى اسمع لك بقلبى تسمعنى بقلبك تتدوب الحواجز تتهد السدود واقولك وتفهم حتى السكوت وادارى اشتياقى وحنينى اللى باقى بورقه توت تتدوب الحواجز تتهد السدود واقولك وتفهم حتى السكوت وادارى اشتياقى وحنينى اللى باقى بورقه توت
http://hebasamy.blogspot.com/

ههههههههه
:D

ان لم تستحى فاصنع ما شئت(:

للصايميين وبس(:

السلام عليكم ورحمة الله وبركاته
ازيكم يا اهل الجنة ان شاء الله؟؟
من كام يوم حضرت ندوة رائعه د/محمد العجرودى
بجد ربنا يعزه ويجزيه خير..........كان بيتكلم عن الاعجاز الطبى للصيام
بجد الحمد لله ع نعمه الصيام....بجد كل عبادة ربنا بيأمرنا بيها فيها نفعلينا دنيا وأخرة ...بدنيا ونفسيا واخلاقيا
سبحانك يارب سبحانك(:

قال تعالى‏
{يَاأَيُّهَا الَّذِينَ آمَنُواْ كُتِبَعَلَيْكُمُالصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ . أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُوَأَن تَصُومُواْ خَيْرٌ لَّكُمْ إِن كُنتُمْتَعْلَمُونَ . شَهْرُ رَمَضَانَ الَّذِيَ أُنزِلَ فِيهِالْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْعَلَى سَفَرٍ فَعِدَّةٌ مِّنْ أَيَّامٍأُخَرَ يُرِيدُ اللّهُ بِكُمُ الْيُسْرَ وَلاَ يُرِيدُبِكُمُالْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ } البقرة : 183 -185
بدأتالندوة بالتفسير الرائع للايات
يا ايها الذين امنوا كتب عليكم الصيام
1)التقوى
نداء لاحبابالله :يا ايها الذين امنوا....المؤمنين احباب الله
هيكتبعليهم حاجة وحشة؟؟؟
لاطبعا........اكيد حاجة حلوة
كتب علي كمالصيام كما كتب على الذين من قبلكم
لعلكم تتقون؟؟
النتيجة ان احبابه المؤمنين اللى كتب عليهم اكيد حاجة حلوة اللى هى الصيام النتيجة انهم هيبقوامتقين
وفيه ايهفى سورة القمر بتقول
ان المتقينفى جنات ونهر فى مقعد صدق عند مليك مقتدر
الله
الجزاءالجنة
فى ايامامعدودات ....30 يوم بنصوم كام ساعه وبنفطر باقى اليوم والرسول صلى الله عليه وسلمينهى عن وصال الصيام.....وله فائدة للنفس والصحة البدنيه والعقل والاخلاق...شهربيطهرنا من كل اللى بيحصل فينا طول السنة من امراض النفوس والابدان .....ولكن الذى سيعافى منهم من يسير على هدى الحبيب ومن يفهم حقا معنى الصيام عن الطعام والشرابوالمعاصى وعن الشهوات ويتقرب الى الله بالعبادات شهر التنظييييييييييييييف((منوجهة نظرى)).....
2)الخيرذكر الخير ثلاث مرات
فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ

(:

3)يريدالله بكم اليسر ولا يريد بكم العسر
أمرالله  لا يمكن ان يكون شاقا او صعبا لان لايكلف الله نفسا الا وسعها
من الناس ممكن ينقطعوا عن الاكل شهرا او اكثر ومش بيموتوا......30 يوم ومن مننا حس ان انهاردة اليوم الحادى عشر؟؟؟
وكمان فى الاديان الاخرى ممكن يصوموا فوق الاربعين يوم مش بياكلوا الا حاجات معينه الحاجات اللى مفيهاش روح يعنى بيحرموا جسمهم من بروتينات وحاجات كتير مهمة للجسم
انما احنابنفطر كل يوم وبناكل كل حاجة .....ولو سيرنا ع هدى الحبيب فى اننا نبدا بالتمر له فوووووووائد رهيبة ونهانا الرسول عن وصال الصيام
ومننابيقول الطعام مش مهم......المياه بس ....مش كده؟؟؟
بس سبحان الواحد الاحد
فيه علاج فى اوربا لعلاج بعض الامراض اسمه الصيام الطبى
ده بيخلواالناس فى المصحات مايكلوش لمده ايام متواصله بس يشربوا مياه بس
اكتشفواانه خطييييير جدا وانه بيتسبب فى امراض كمان لان مياه ومافيش اكل
بينقص حاجات فى الجسم محتاجها
يعنى سبحانالله
واللى مسافر او مريض ربنا محلله الفطر
فيه يسراكثر من ذلك؟؟
1)صحةللابدان حاجات كتير فى الجسم بتتنظم
2)للنفس.....الروحانيات والخير بيكثر قوووى خلال الشهر.....الصيام عن العادات والسلوكياتالسيئه ....بيبقى سهل عليك تركهم بتقوى عزمتك ع الاخلاق الحميده والعادات السليمه
3)راحه للقلب:معدلالدقات مش بتقف طبعا الا وهنموت ههههههههه
الدقاتبتقل بنسبه معينه
4)التخلص من السموم اللى فى الجسم
يتعرض الجسم البشري لكثير من المواد الضارة والسموم التي قد تتراكم في أنسجته،وأغلب هذه المواد تأتي للجسم عبر الغذاء الذي يتناوله بكثرة، وخصوصًا في هذا العصرالذي عمت فيه الرفاهية مجتمعات كثيرة، وحدث وفر هائل في الأطعمة بأنواعهاالمختلفة، وتقدمت سوائل التقنية في تحسنيها وتهيئتها وإغراء الناس بها، فانكبالناس يلتهمونها بنهم؛ وهو ما كان له أكبر الأثر في إحداث الخلل لكثير من العمليات الحيوية داخل خلايا الجسم، وظهر نتيجة لذلك ما يُسمَّى بأمراض الحضارة؛ كالسمنة،وتصلب الشرايين، وارتفاع الضغط الدموي، وجلطات القلب والمخ والرئة، ومرض السرطان،وأمراض الحساسية المناعة.
وتذكر المراجع الطبية أن جميع الأطعمة تقريبًا في هذا الزمان تحتوي على كمياتقليلة من المواد السامة، وهذه المواد تضاف للطعام أثناء إعداده أو حفظه؛ كالنكهات،والألوان، ومضادات الأكسدة، والمواد الحافظة، أو الإضافات الكيميائية للنبات أوالحيوان كمنشطات النمو، والمضادات الحيوية، والمخصبات أو مشتقاتها.
وتحتوى بعض النباتات في تركيبها على بعض المواد الضارة، كما أن عددًا كبيرًا منالأطعمة يحتوي على نسبة من الكائنات الدقيقة التي تفرز سمومها فيه وتعرضه للتلوث.
هذا بالإضافة إلى السموم التي نستنشقها مع الهواء مع عوادم السيارات وغازاتالمصانع وسموم الأدوية التي يتناولها الناس بغير ضابط إلى غير ذلك من سموم الكائناتالدقيقة التي تقطن في أجسامنا بأعداد تفوق الوصف والحصر. وأخيرًا مخلفات الاحتراقالداخلي، والتي تسبح في الدم؛ كغاز ثاني أكسيد الكربون، واليوريا، والكرياتينين،والأمونيا، والكبريتات، وحمض اليوريك... إلخ. ومخلفات الغذاء المهضوم والغازاتالسامة التي تنتح من تخمره وتعفنه، مثل: الندول، والسكاتول، والفينول.
كل هذه السموم جعل الله (سبحانه وتعالى) للجسم منها فرجًا ومخرجًا؛ فيقوم الكبد-وهو الجهاز الرئيسي في تنظيف الجسم من السموم- بإبطال مفعول كثير من هذه الموادالسامة، بل قد يحولها إلى مواد نافعة، مثل: اليرويا، والكرياتنين، وأملاحالأمونيا. غير أن للكبد جهدًا وطاقة محدودين، وقد يعتري خلاياه بعض الخلل لأسبابمرضية أو لأسباب طبيعية كتقدم السن، فيترسب جزء من هذه المواد السامة في أنسجةالجسم، خصوصًا في المخازن الدهنية.
فالكبد يقوم بتحويل مجموعة واسعة من الجزيئات السمية -والتي غالبًا ما تقبلالذوبان في الشحوم- إلى جزيئات غير سامة تذوب في الماء، يمكن أن يفرزها الكبد عنطريق الجهاز الهضمي أو تخرج عن طريق الكلى
5)قوةالمناعه
6)زيادةالتركيز دى لحاجات بتحصل فى العقل طبية –قدرة الحفظ بتبقى اكبر-حفظ الجهاز البولى
7)الوقايه من السمنه بس طبعا لوسرنا على السنة تقليل الطعام فى السحر ولكن يستحب تأخيرهوالفطر ع تمرة وصلاة المغرب وترجع تكمل وصلاة التراويح.......مهما كنت بتاكل فىخلال الفترة من الفطار للسحر  مش زى الاياما لعاديه
8)للتنفس..........تنظيم عمليه التنفس
امتلاءالمعده يجعل الحجاب الحاجز الذى يفصل المعده عن الرئتين يضغط على الرئتين فيصعبعمليه التنفس
فى الصيامتنظم هذه العمليه
30 يوم يهذبونا اخلاقيا.....روحانيات للتخلص من كل امراض النفوس
بدءلانطلاق حياه جديده خاليه من العادات السيئه
فقط نقول لله ورسوله سمعنا واطعنا غفرانك ربنا واليك المصير

كل فرض ليك نفع فى الدنيا والاخرة...سبحان الله
رغم ان ربنا قال ان الصيام له.......ولكن شوفنا اد ايه منافعه ولسه فيه منافع منعرفهاش
قال الله عز وجل :
" كل عمل ابن ادم له الا الصيام فانه لى وانا اجزى به والصيام جنة واذا كان يوم صوم احدكم فلا يرفث
ولا يخب وان سابه احد او قاتله فليقل انى امرؤ صائم والذى نفس محمد بيده لخلوف فم الصائم اطيب عند
الله من ريح المسك وللصائم فرحتان يفرحهما اذا افطر فرح بفطره واذا لقى ربه فرح بصومه "

يقول الله تعالى فى حديث قدسى
" اذا كان أول ليلة من شهر رمضان نظر الله الى خلقه واذا نظر الله الى عبد لم يعذبه ابدا ولله فى كل ليلةألف ألف عتيق من النار فاذا كانت ليلة تسع وعشرين اعتق الله فيها مثل جميع ما أعتق فى الشهر كله فاذا كانت ليلة الفطر ارتجت الملائكة وتجلى الجبار بنوره مع انه لا يصفه الواصفون فيقول للملائكة وهم فى عيدهم من الغد : يا معشر الملائكة يوحى اليهم ما جزاء الاجير اذا وفى عمله ؟ تقول الملائكة : يوفى أجره فيقول الله تعالى : أشهدكم أنى قد غفرت لهم " ( اخرجه ابن صصرى فى أماليه عن أبى هريرة )


بجد لوتعمقنا فى الدين هنلاقي من غيره مافيش حياه......هنموت
كل حاجةموجوده فى القرءان والسنة واوامر الله والفرائض
من يطيعالله  يفهم الاسلام وسر العبادة ويتأمل فىالكون وفى النفس
وفى كل امرهيلاقى كل علوم الغرب واكثررررررررر اللى اكتشفوها واللى لسه
آمنت بك ياربى
كل فرضصلاة صوم ذكر .........امر الله لتنظيم حياتك وحفظ بدنك ونفسك وروحك
الدين عشانت عيش سعيد .....عشان تنجح.......عشان تحس بقيمتك الانسانيه
طول ما انتبعيد عن ربنا.....جردت نفسك من كلمه انسان
انسان بدون دين ....ميت لا روح فيك
انسان بدين ومش فاهم اسراره ومتعمق فيها .....هيعيش حيران والشيطان هيفضل معه بكل اشاعته الشريرة من اكتئاب وحزن وهم
انسان بدين فاهمه ومتأمل فيه وعارف ان ربه احكم الحاكمين
اعلم به من نفسه....ونزل له كتالوج يمشى به وقاله عندك عقل لو مشغلتوش هتعيش حيران ومقفول ومتخلف
انسان عارف يعنى ايه دين.........يعنى ناجح معمر خليفه الله فى ارضه حقا يعنى كل المعانى الحلوة اللى فى الدنيا

الدين هوالحياه
الدين هوالحياه
الدين هوالحياه
الندوةاطول من كده وكلامه اكثر من كده......واعجازات الصيام طبيه ونفسيه ..له اعجازاتمختلفة
ولكن
دينك مسئوليتك فى البحث والتأمل فيه.....ودائما الجنة فى قلبك
لو شوفت بهرسائل الله اى بصيرتك....كل واحد شاف النوت دى
يعتبرهارساله الله له.........حتى يرفع من شأنه ....فقط اعرف ربك
واعرف دينك
نقلت جزء صغير بشكل بسيط جدامن الندوة واستعنت بموقع لشرح جزئيه
ابحث.....اياتالله كثيررررة لعلكم تتفكرون
سبحانك يارب
ربنا يتقبل منكم ويشرح صدوركم للاسلام ويغفر لكم
ويجعلكم مناهل الجنة
نتقابل جميعا ع باب الجنة ان شاء الله(:




(:يا مقلب القلوب ثبت قلبى ع دينك


انتظروا النوت القادم
للرومانسييييين وبس.........الجزء الثانى من ورق التوت
هنا الجزء الاول
http://hebasamy.blogspot.com/




رمضان كريم يا سييييييييييييدى:D

رمضان كريم .....مساء وصباح الخير وكل سنة وانتم طيييييييييبين

رمضان بكرة هووووووووووووووب الزينه فى الشارع
رمضان كريم يا مرعى
كل سنة وانتى طيبة يا ام انشراح
انا جبت الفانوس والعرايس والياميش وكمان خزين الشهررر اصل رمضان حر برد سخن ساقع حاجة يعنى مش ممكن:D
ولازم املا عين المودااااااااااااام اصلها لسه بتقولى انا مش هعمل اكل لو الدولاب مش ماليان ده رمضااااااااااااان
وكمان لازم لما تعزم مرات اخويا تلاقى الترابيزة عمرانه وتقول عليها متهنيه اصلها بتقول انها بتقول عليا بخييييل وانى غير اخويا..........يادى الفضايح:$
طب كل سنة وانت طيب يا سييييييييييييدى:D
ايووووووون اصله الواحد هيبقى حران وزهقان ومش هيبقى طايق نفسه بالك انت لو الواد عتريس ابنى ده جه بكرة وانا صايم وكلمنى حاسس انى هديله ع خلقته
ده الواحد صايم فى عز الحر
انا كمان هأجز بكرة وبعده اصله رمضان .....شهر الاكل والنوم والفووازير والمسلسلات ده انا سمعت ان مسلسل الحجة زهرة ده هيبقى ايييييييييييييه
وانت عارف بقى الواحد لازم يسلى صيامه
وبعد الفطار بقى هلم العيله وعيله العيله ونروح الجامع نصلى التراويح ونهوى العيال
والله انت راجل لوزززززززززززززززززززز اخر حاجة
ده كله كله انطباعك عن رمضان؟؟؟؟؟
ايوووووووووون
هم مش بيقولوا برضه رمضان كريم يا سييييييييييييييييدى:D


حلو قوى الاكل والشرب وكل حاجة
وانت ميييييييين قالك انك هتبقى طهقان وزهقان ومش هطيق دبان وشك يعنى؟؟؟
وميييييييين قالك ان احلى حاجة فى رمضان الحجة زهرة ومكرونة طنط؟؟؟
ومييييين قالك برضه انه اليوم هيبقى صعب؟؟؟
ومين قالك انه شهر النوووووووووووووووووووووووووووووووووووووووووم؟؟؟
ومين قالك انه شهر التفاريح؟؟؟
ومي قالك ان شهر الاستعراااااااااض؟؟
ومين قالك ان التراويح عشان تهوى العيال؟؟؟
ههههههههههههههههههههههههههههههه


هو احنا ليه بنعبد ربنا بسذاجة ؟؟؟
ليه كل عبادة بنستصعبها وكل شهوة بنجرى وراها
اقصد فاكرين نفسنا بنعبده يعنى؟؟؟.........ممكن تقولى ايه فى كل اللى قلته ده اسمه عبادة
اسمه صيام عن شهوة؟؟؟
اسمه احساسك بانك بتعمل حاجة حبييبك قال انها لييييييييه مش لييييييييييك
حبيبك بيأدبك.....حبيبك بيربيك.......حبيبك بيعلمك تعيش صح........حبيبك بيملا قلبك روحانيات اسال الله ان يجعلها عادات محوله لعبادات

صحيح احنا نفوسنا ضعيفه بس ربنا سلسلك الشياطين
يعنى كل واحد هيششووووووف نفسه على حقيقتها
لو هتعمل شر هو من نفسك
ربنا من كرمه عليك بيعلمك ويربيك


رمضان ممكن يبقى هو بدايه انطلاق كل ذرة خير جوة نفسك ............بدايه تقويمك
بدايه كل حاجة حلوة نفسك تبقى فيك
بدايه انك تستديم على الصلاة وتحس حلاوووووتها
تحس كل يوم لما تقف خمس مرات بين ايدين ربنا تريح بالك وتطمن قلبك والصلاة تصلك بمن تحب باكتر حد بيحبك وممكن يوصلك لاى حاجة انت نفسك فيها
بدايه انك تصوم عن اى شهوة اى حاجة جووووواك
بدايه انك تكون عبد ربانى...........................عايش صح فى الدنيا.......حاسس معنى ان كل شىء فى دنيته لربه حتى ضحكه
جميع ععاداتك تبقى عباداتك
كلمه متسر قالهالى
يعنى تحوووول كل عادة حتى صباح الخير لعبادة لو قلت جواك بعمل كده عشان ترضى عنى يارب عشان بسمع كلام رسولك بقت عبادة وحسنة
وممكن تبقى دى وكل حاجة عبادة بس نيتك هى اللى تحدد ده
ماتحطش فى دماغك الحر..........حط فى دماغك انك بتسمع كلام حبيبك
اى حاجة لاى حد بنحبه بتبقى ع قلبنا زى العسسسسسسسسسسل
مش كده ولا ايه؟؟:D
واخدين بالكم انتم؟؟

عشان كده هيبقى ده الصيام على قلوبنا زى العسسسل هنصوم ونصلى نذكر ونقرر انه هيكون بدايه الحياه الحلوة فى حياتنا
نقرر نكون عايشنها صح
ونحضر مجالس علم ونسمع مصطفى حسنى وعمرو خالد ونتعلم التراويح يا جماعه لو هتروحى عشان تنمى على جارتك صلى فى بيتك احسن واحترمى بيت ربنا
انت رايح عشان تقف بين ايدين ربنا وتشحن قلبك نور


وعندى ليكم مشااااااااااريع رمضان الكسبانه وانت فى بيتك وانت ع الفيس

مشاريع كتييييييير كلها خير
هقولكم على مشروع منهم قلبى انفتح ليه قووووووووووووى

مشروع خزائن الله*
****************
هل تعلم ان لك فى رمضان 60 دعوة مستجابه يعنى 60 مشكله من ماشكل حياتك يمكن ان تحل،60 حلما من احلام حياتك يمكن ان يتحقق....((ولكل مسلم فى كل يوم وليله دعوة مستجابة))....صححه الالبانى

لو ان اغنى اغنياء العالم اعطاك شيكا على بياض_كيف يكون فرحك؟؟....ولله المثل الاعلى..الله اعطاك 60 دعوة مستجابه كل يوم وليله
غير حياتك فى نصف ساعه
ولله كل يوم وليله عتقاء من النار
يوم واحد يحدد مصيرنا ويكتب لنا جنات النعيم

ومشارييييييع كتييييييييير بجد تغير حياتك .........بس شرط تبقى واثق قووووووووى فى الله

ده ربنا
اللى ادانا كل حاجة حلوة عندنا

هبقى معاكم كل يوم بمشاريع رمضان....واذكار وختم كل يوم جزء فى القرءان ....وكل ندوة ومجلس علم هيكون ليكم به خبر
وحاجات كتييييييييير ومفاجأت اكتررررررررررر
ع صفحة كل يوم فى رمضان

http://www.facebook.com/pages/kl-ywm-fy-rmdan/114000708648928?ref=mf

اشترك واعملها شير فى صفحتك خلى الخير ينتشرررررررر وهنبقى مع بعض دقيقه بدقيقه
ها مين هيساعدنى؟؟؟

ومشاريع رمضان الرابحة ........تجارة مع الله لن تبور
دعوة للتجديد والتغييييير من اوسع باب للرحمة والمغفرة

ياااااااااااااارب اعتق رقابنا من النار
واعنا على ذكرك وشكرك وحسن عبادتك

فاكرين المشهد ده فى مسلسل سارة
شايفين البراءة اللى كانت بتدعى بيها ربنا ........ثقه
على نفس حلوة طيبة
متعلقة بالمولى
وعارفه انه القادر الكبييييييير فوق كل كبيييييير


ياااااارب مالناش غيرك
متكرمين ومتنعمين فى خيرك

كل سنة وانتم طيبييييييييين
وكل احلامكم وطموحاتكم ان شاءالله تكونوا ليها محققين
ونتقابل جميعا فى جنة رب العالمين
واى حد متضايق منى فى اى حاجة يسامحنى من قلبه
وانا كمان مسمحاك من قلبى يا كل حد ضايقنى
بحبكم فى الله
وان شاء اله نتقابل جميعااااااااااااااااااااا على باب الجنة
ايدينا فى ايد بعض

يا بنت الايه يا لذينا:D

قبل كده عملت حوار مع حد ظريف ودمه خفيف بس مع حد دمه تقيل ويلطش بس دخلته الانعاش فى الاخر
نياهاها.......كان مع الاحباط


حوارى انهاردة مع حد اخيرا انتصرت عليه امبارح بس

انا:يسعدنى جدا ان يكون حوارى مع الاستاذ حزن لانه حد فظيع مريع ولازم نتعرف عليه عن قرب

هو:هههههههههه بيسعدك ؟؟انتى تانى؟؟؟

انا:شوفت الدنيا هو انت اللى راضى تعتقنى ....فضلت تزن ورايا واعاندك واخنقك
لحد ما افتكرت انك قدرت عليا .........هع كان غيرك اشطر:D


هو:عارفه يا بت يا انتى اكتر حاجة بتضحكنى عليكى انك شايفه نفسك سبع الليل
وانتى قطة يا قطة

أنا:اولا تحترم نفسك فى الكلام .......وانت اللى فاكر نفسك جناب البيه الكوماندا المهم:D
أعقل كده ونحكم الناس بينا وكمان عشان هم عاوزين يتعرفوا على عبده القوى اللى قارفهم؟؟؟


هو:قارفهم؟؟؟........هم اللى بيضحكونى طول الليل والنهار
كل اللى بعمله انى بشيل كل الالوان من قدامهم واحط لون واحد وحاجة واحده بس هى كل حاجة مقفوله
بقدر اغمى عنيهم وهم مفتحين
واخليهم يركزوا ع حاجة واحده بس تعباهم


انا:لئيم وخبيث .......

هو:(ضحكة شريرة)....شوفتينى من كام يوم لما كنت هكسرك؟؟

انا:شوفتنى انا بقى لما قعدت معاك قعده وبهدلتك؟؟شوفتنى لما قلت لك انى بستغلك فى انى اكون فى حاله من الهدوء واشرد بعيد فى كل حاجة كانت بتخلينى فى وقتها هروبا منها اضحك بالعكس كنت كل لما اعاندك اقوى اكتررررررر واتحداك واتحدى اى ضغط
هو ليه انا عاوزة استر عليك وانت عاوز تتفضح؟؟


هو:هههههههههههههههههههه يا بنتى ده انا بقالى فترة بحاول ادخلك اى وقت لازم اكون موجود
كنتى بتغيظينى قوى لما بلاقيكى بتضحكى وبتهرجى وبتعملى كل حاجة
بس كنت بقول دى هتيجى فترة واستلمها استلامة فلالى......كل حاجة من ورا قلبها:P


انا:مشكلتك انك مغرووووور زيك زى اى حاجة وحشة فى الدنيا
بيحاول الشيطان يزرعها فى نفوسنا ساعات لما بنغلط او بنبعد شويه عن اللى خالقنا او بتكون مجرد اختبار ما هى دى الحياه اختبارات
ما هو انت شعاع من اشعه شر الشيطان ضعيفه قوى مع قوة الايمان نوره بيحرقك وبيخليك فى حالتك دى


هو))عينه حمرا وشعره وقف وبقى حالته حال)):اسكتى انا اصلا عمرى ما هسيبك هفضل وراكى وهاسر كل احوالك بيا
وهخليكى عايشه من كتر وجودى عندك مش قادرة حتى تعيطى وتعبرى عن اللى جواكى

انا:قولى سبب واحد بس يخليك موجود فى حياتى؟؟؟


هو:نياهاهاها ((ضحكه كبرياء)).......الحياه خسارة ومكسب وقت الخسارة هخليك ماتشوفيش غيرى لونى المفضل الاسود
هبعت لك كل اصدقائى الاحباط والضعف والياس وكل حاجة وهبقى انا حالك الاخير


انا:طيب .......هو انا مش كده كده هموت؟؟؟
مش بعمل كل حاجة عشان ربنا؟؟
مش اللى بياخد وبيدى ربنا؟؟؟
مش اللى بيكرم وبيرحم ربنا؟؟
مش اللى بيعذب ربنا؟؟؟
مش كده كده الدنيا فانيه؟؟
مش انا عارفه ان ربنا خلقنى عشان يسعدنى بدينه بس شرط اكون قويه الايمان؟؟
حتى لو حاجة ضاعت منى ربنا هيعوضنى عنها لو ماكنش فى الدنيا يبقى فى الاخرة
وانا اقدر اخلق لنفسى سبب السعادة
اقدر انجح ....اقدر ادى .....اقدر اعمل كل حاجة مهما ضاع هحقق ....مهما كان سبب وجودك اقدر انهيك ...وجودك بمزاجى وابقى عبيطة لو سابتك تتحكم فيا
اكيد فيه نور جديد جاى من بعيد شايفنى وشايفاه
اكيد فيه حاجة حلوة جايه.......احسن يوم فى حياتى لسه هايجى ان شاء الله
يا فاااااااااااااااااااااااااااااااشل


هو:اسكتى اسكتى
وانتى متفائله بمبالغه هتوديكى فى داهيه هتفوقى ع صدمه هع هع هع


انا:بتضايق يا فاشل
طيب يا فاشل يا فاشل
يااااااااااااا فااااااااااااااااااااااااشل

وبعدين مين قالك انى متفائله؟؟؟
انا مؤمنه
مؤمنه ان فيه رب يقدر ع كل شىء
وده اقوى من التفائل .......لان ممكن يحصل حاجة وحشة واشوفها وحشة من وجهة نظرك
وهى وراها الخيييييييييييير كله..........ده ايمان اقوى من اى تفائل



هو:يا بنت الايه يا لذينا
:D عرفتى السررررررررررر
وهو بيتحرق اصله شعاع ضعيف من كيد الشيطان عاوز يخلينى بكل اشاعته من احباط وحزن وهم فى حياتى



حاولت امحيه من حياتى زى ما محيت الاحباط
ومحيته ............همحى كل شعاع من اشعه الشيطان فى حياتى
دخل معايا فى مباراة كان مغرور فيها.............وهو عارف انى استسلامى ليه
مكنش حاجة غير انى كنت بعيد حسابات معينه ....بس انا اللى كنت مسيطرة مش هوزى ما كان متخيل
اى حاجة مخلياك حاسس بضعف
واجهها بشجاعه ولازم تعرف انك المتحكم فى كل حاجة


تعبير للخروج من حالة او المحاوله للخروج من حاله معينه كان فيها شعاع.لئيم كان هيدمرنى..لو كنت خليته يصدق نفسه

ياريت كل حد بيكلمنى على التليفون ومش بقدر ارد يسامحنى
وكل الناس اللى بتسال بجد بشكركم .......انا حتى مش قادرة اتابع المسجات او ادخل الوول اتابع
انا تعبانه شويه ......بس الحمد لله دلوقتى احسن
سامحوووووووووووونى............وشكرا جزيلا لمشاعركم الطيبة فى السؤال عليا
بحبكم فى الله

نزلت التوبيك عشان1)اى حد بيجى فى حياته الاشعه دى ....التنوبيك رساله انه يقدر يمحى اى حاجة وحشة من حياته بمشيئه الله
2)اعتذر واشكر كل الناس (:
أدعوا لى ارجع بسرعه


رسالتى وصلت؟؟؟

هو ده اللى حصل:D

بعد يوم بتكون فيه برة البيت
ترجع تقول انا تعبت هدخل انام ....حاسس انى كنت مبسوط
قدرت امشى واتكلم.....قدرت اضحك......اول لما جيت بيتنا لقيت الطعام موجود....
لقيت مكان انام فيه........لقيت كل حاجة لقيت ماما وبابا واخواتى وفرحة حلوة جوة قلبى....
وازاى مبقاش فرحان؟؟
فتحت شباكنا ابص على الجيران؟؟....سمعت صوت فرحة
لقيت زغروطة حلوة..........ودمعه حد حيران

طيب ايه بقى؟؟
ادخل انام؟؟............امممممممممممم
طيب هيجى لى نوم؟؟؟
ازاى.؟؟؟

اللى فرحنى واطعمنى وكسانى وراعنى ودايما معايا .......بفكر فيه؟؟؟
كنت واقفه سمعت كلام جميل
قلت ياربى ازاى الناس شايفنى كده؟؟؟
وانا مش بعمل حاجة غير انى بحاول اكون قريبة ليك؟؟
ليه حب الخير جوايا مش بحسه شىء جديد؟؟
ليه بحسه شىء عادى كده لان ربى هو انت؟؟
كرمتنى كرمك عليا كبيييييييير

ازاى اكون شرير؟؟
ازاى اكون شايف نفسى كبير وانت الكبير؟؟


وانا بين كتير واقفه عقلى بيسرح منهم وبيروح؟؟
بقول يارب مش عارفه اعمل ايه؟؟
حسيت انا احساس غريب .......هتقولوا عيب؟؟
حسيت انى عاوزة احضن الارض اللى بسجد عليها
حسيت قلبى يبكى وفى عينى دمعه كبريائى مداريها


مش عارفه ليه حسيت كده؟؟
بس وقت ما كل اللى حوليا مشغولين باللى حوليهم ...وانا بضحك الاقى حاجة جوايا بتقول يارب
بلاقينى بسرح فيهم .....بسرح فى كرم ربنا على كل حد عليهم
ببقى نفسى اروح اقول ...انت فاكره؟؟
انتى فاكراه؟؟

هو فاكرك وخلاك وخلاكى فى عينيا جميل وجميلة
مش جميل وجميله شكلا...........هاهاها:D
روحا وخلقا

حاجات كتييييييير...........وكلام كبييييييييير.........فى قلبى الصغيييير
اللى بجناحات بيطيييير...... وعقلى اللى مليان فوازييييير وكلام خطيييير
وحلمى الكبيييييييييييير

مش هطول عليكم......لانى مش هقدر اوصف اكتر من كده
بس اللى خلانى حلفت ما انام
حبى للمولى اللى لا بيغفل ولا بينام......وكرمه اللى بشوفه فى كل حاجة اولها انى قلبى فاكره فى وسط الانشغال
وعارفه انه حنين وعالم بيا ....وهيحقق امالى اللى ممكن تكون كتيرة عليا
بس مش كبيرة عليه


قلت هصلى وافضفض له فى ركعتين ....عشرين
لحد ما ابكى واوصف له اللى بيا ....هدعيه واشكره
بس اللى حسته ليا....حسيته ليكم


ها هاتكسفونى ومش هتشاركونى .....وتصلوا ولو ركعتين قيام ليل؟؟
تشكروه....وتدعوه
وانا واثقه فيه.....هتثقوا فيه؟؟
زى ما حبيت تشاركونى احساسى
ممكن تشاركونى فلاحكم؟؟؟

ايوة فلاحكم فى قيامكم
قيام الليل سر كل حاجة حلوة بتحلم بيها ونفسك تتحق
بحبكم فى الله

واللهم اجعلنى خيرا مما تظنون ...واغفر لى ما لا تعلمون
ويجمعنى بيكم فى الجنة بجوار الرسول
عليه الصلاة والسلام(:

هبة سامى

ع فكرة
وقت ما تشوف النوت دى فى اى وقت
اعتبر ربنا بعت رساله ليك......عشان تفضل فاكره
مهما كنت ....فى اى وقت
(

عقيدتك ليست تعنينى

حدثنى بالهاتف صوت ،لم اسمع فى عذوبته .صوت د.عبله الكحلاوى ،وبعد حوار طويل حول ما يجرى فى بلادنا الآن من مشاحنات طائفيه مخزية،أنهت العلامه الجميلة المكالمه بعبارة من أبلغ ما يكون:((يا أبنتى نحن البشر جميعنا مسلمين ونصارى ويهودا سوف ندخل الجنة باعمالنا.فقط باعمالنا)).وذكرنى هذا بحوار دار بين عالم لاهوت مسيحى برازيلى ((ليوناردو بوف))وبين((دلاى لاما))الحالى،رقم 14 تنزين جياتسو القائد الدينى الاعلى لبوذية التبت،ورأس حكومة المنفى بالهند منذ احتلال الصين للتبت عام 1959 ،وبالاساس كان أحد رهبان جماعة القبعات الصفر من مواليد 1935 ،وتم تنصيبه عام 1950 وهنا لن افعل اكثر من ذها لترجمه الحوار عن الانجليزيه ،فقط ذلك لأن فى قراءته وحسب تأمل دلالته ،تكمن عبارة الكحلاوى الرفيعه ويكمن كذلك الدرس الذى نحتاجه جميعا العقيدة شأن خاص بين الانسان وربه ،اما الشأن العام فهو التعامل الطيب بين الناس.

يقول بوف فى نقاش مائدة مستديرة جمعت بينى وبين دلاى لاما حول العقيدة والحرية سألت لاما فى شىء من المكر وكذلك فى اهتمام حقيقى:
ياقداستك اى العقائد تفضل؟؟
وظننت انه سيقةل:بوذية التبت أو الديانات الشرقيه التى هى اقدم كثيرا من المسيحية ،على ان الدلاى لاما صمت قليلا ثم ابتسم ونظر الي فى عيني مباشرة وهو ما أدهشنى لأننى كنت أعلم ان المكر مخبأ فى سؤالى ثم قال:
العقيدة الافضل هى التى تجعلك أقرب الى الله ،هى تلك التى تجعلك شخصا افضل

وما هى العقيدة التى تجعلك افضل؟؟ فأجاب
تلك التى تجعلك أكثر رحمة اكثر حساسية أكثر محبة أكثر انسانية أكثر مسئولية اكثر جمالا .العقيدة التى تفعل معك كل هذا هى الافضل

كنت صامتا مأخوذا بأعجوبه تلك الاجابة وحكمتها التى لا تدحض وأكمل لاما:
لست مهتما يا صديقى بعقيدتك أو اذا ما كنت متدينا ام لا ،الذى يعنينى حقا هو سلوكك امام نفسك،اما نظرائك،امام اسرتك ،امام مجتمعك،امام العالم،وتذكر ان الكون هو صدى افعالنا وصدى افكارنا .وان قانون الفعل ورد الفعل ليس يخص فقط عالم الفيزياء .بل هو ايضا قانون يحكم علاقتنا الانسانية...

اذا ما امتثلت للخير سأحصد الخير ،واذا ما ماتثلت للشر فلا احصد الا شرا ..ما علمنا ايه اجدادنا هو الحقيقه الصافيه /سوف تجنى دائما ما تتمناه للاخرين ...فالسعادة ليست شىء يخص القدر والقسمه والنصيب بل هى اختيار وقرار ..وفى الاخير قال دلاى لاما:

((انتبه جيدا لافكارك،لانها سوف تتحول الى كلمات وانتبه الى كلماتك ،لانها سوف تتحول الى افعال وانتبه الى أفعالك لانها سوف تتحول الى عادات وانتبه الى عاداتك لانها سوف تكون شخصيتك وانتبه جيدا الى شخصيتك لانها سوف تصنع قدرك وقدرك سوف سصنع حياتك كلها وفى الاخبر ليست من عقيدة ارقى واعلى من الحقيقه.

قد انتهت المقاله للكاتبه/
فاطمه ناعوت
المصرى اليوم.........الجريدة التى احترمها واحترم كتابها رغم اختلاف افكارى مع البعض

تعليقى على المقاله
*******************
اعجبتنى هذه المقاله ورايت فيها معنى السلام النفسى الاجتماعى الانسانى
عقيدتك ليست تعنينى لانك بشر من حقك ان أحترمك مادام لم تؤذينى
من حقك أن اقدر افكارك وحريتك الشخصيه فى اختيار اتجاهاتك وافكارك وطريقه حياتك لانها ملكك
كيف وان الله جعلك مخيرا؟؟؟
كيف لى ان اتجرأ واقول من يستحق ومن لا ومن وكيف منى ان أجبرك على اعتناق عقيدتى التى احبها واقدسها؟؟

قد خلقت مخيرا.......وقد خلقت حرا
لا يجب ان احاسبك
لان يوما سنعرض جميعا على ملك الملوك هو فقط من يحاسبنا لانه الهنا الواحد الاحد الوتر الصمد
بيده ملكوت كل شىء
امرنى ان انتمى الى دينى وان أكون معبرا عنه بصدق تجاهه بينى وبينه......ثم بينى وبين عباده والناس أجمعين
اعمالهم بود ولطف ورحمه واحترام وتقدير......وأكون مثلا جيدا
أنصح وأكون سبب فى هدى ........ولكن بالحكمه والموعظة الحسنه
وان لم يحدث فجميعنا بشر .......لا احد من حقه ان يحجر ع احد او يحكم عليه
فلكم دينكم ولى دينى
وهذا ما عاشت به الدوله الاسلاميه قديما........عم السلام الاجتماعى والحب لان البشر تنزهوا ان يتدخلوا فى شئون الخالق ويعاملوه بالند الذى هو سببا فى حالنا الآن من تعصب دينى وعرقى واصبحنا نرى كل شىء بظاهره وسطحيته وتركنا جوهر الشىء.........العقيدة والاديان نزلت كى ننظم علاقتنا بالله وكى نحيا حياة مكرمين بها ...أسقط عن كاهلنا نير الخرافات.....كيف نضعها نحن بأيدينا ؟؟!!

لكم دينكم ولى دينى.....وعقيدتك ليست تعنينى

هبة سامى

انتبه جيدا لافكارك،لانها سوف تتحول الى كلمات وانتبه الى كلماتك ،لانها سوف تتحول الى افعال وانتبه الى أفعالك لانها سوف تتحول الى عادات وانتبه الى عاداتك لانها سوف تكون شخصيتك وانتبه جيدا الى شخصيتك لانها سوف تصنع قدرك وقدرك سوف تصنع حياتك كلها

اروع قصة حب فى العالم

اروع قصه حب فى العالم


شغل بالى الناس كلها بتدور ع الحب وبتحسه وبتعيشه وبتتمناه
بيتكلموا عن كل اتنين حبهم عاش وبقى ع لسانا قيس وليلى وروميو وجوليت وحسن ونعيمه وابراهيم ونفيسه والناس اللى دماغى وجعتنى من سذاجتهم دى:D

وصحيح ولا حد فيهم اتجوز التانى.........هههههههههههههههه
يعنى بعد وجع الدماغ ده فى االاخر ما تجوزوش
احسن برضه....كده كده مش هيلاقوا جديد هيكون الحب خلص لانه كان ساذج




قالوا ع المتدينين ناس كخ مش بتعرف تعيش الحياه ولا الحب
كام واحد عايش 10 قصص حب فى فترة قليله؟؟؟
كام واحد قعد يعيط شويه ويسمع جرح تانى وتانى يوم كانت واحده جديده مشرفه فى اللسته؟؟:D
ده الواقع

مالناش دعوة بالناس دى......انا دايما بحب اشوف وابحث عن الايجابين
اللى عاشوا حياتهم صح عشان اعيش زيهم
اللى عارفين يعنى ايه حب بجد

تلاقيهم فين ؟؟؟

قلت الرسول عليه افضل الصلاة والسلام والسيده خديجة
بجد عمرى ماشوفت كده؟؟!!
حب غريييييييييب مافيش منه كتير لانه مش تيك اواى زى كل حاجة دلوقتى........
مش ساذج....مش كلام.........مش بيبى واللى بشوفه ده
اروع قصه حب فى التاريخ
الحب اللى بجد .......اللى كله عطاء ووفاء وحنان وصدق ودافع للنجاح
اللى بيخلى الحياه ليها معنى لتعميييييير الارض
ربنا خلق الاتنين ميقدروش يستغنوا عن بعص
ليسيروا ويعمروا سوا



حسوا المعنى اللى فى الموقف والحوار ده بس؟؟؟

قصة الحب هذه هى أروع قصة حب فى التاريخ لا قيس ولا ليلى ولا روميو وجولييت
لأن هذه القصص لم تنتهى بالزواج ... والذى يعتبر إختبار حقيقى للحب
والحب الحقيقى هو الذى يستمر بعد الزواج حتى لو مات أحد الطرفين

فأعظم قصة حب هى حب سيدنا محمد -صلى الله عليه وسلم-للسيدة خديجة

حب عجيب حتى تموت السيدة خديجة

وبعد موتها بسنة تأتى إمرأة من الصحابة للنبى -صلى الله عليه وسلم-وتقول له : يارسول الله ألا تتزوج؟ لديك سبع عيال ودعوة هائلة تقوم بها ..فلابد من الزواج قضية محسومة لأى رجل
فيبكى النبى -صلى الله عليه وسلم-وقال: وهل بعد خديجة أحد

ولولا أمر الله لمحمد-صلى الله عليه وسلم-بالزيجات التى جاءت بعد ذلك لما تزوج أبدا

فسيدنا محمد لم يتزوج كرجل إلا خديجة وبعد ذلك كانت زيجات لمتطلبات رسالة النبى -صلى الله عليه وسلم- ولم ينس زوجته أبدا حتى بعدوفاتها بأربعة عشر عاما

يوم فتح مكة والناس ملتفون حول الرسول وقريش كلها تأتى إليه ليسامحها ويعفو عنها فإذا به يرى سيدة عجوز قادمة من بعيد ..فيترك الجميع ويقف معها يكلمها ثم يخلع عباءته ويضعها على الأرض ويجلس مع العجوز عليها

فالسيدة عائشة تسأل ..من هذه التى أعطاها النبى-صلى الله عليه وسلم-وقته وحديثه وإهتمامه كله ؟
فيقول :هذه صاحبة خديجة
فتسأل :وفيم كنتم تتحدثون يا رسول الله ؟
فقال :كنا نتحدث عن أيام خديجة
فغارت أمنا عائشة وقالت: أمازلت تذكر هذه العجوز وقد واراها التراب وأبدلك الله خير منها ؟
فقال النبى -صلى الله عليه وسلم-:والله ما أبدلنى من هى خير منها ...فقد واستنى حين طردنى الناس وصدقتنى حين كذبنى الناس
فشعرت السيدة عائشة أن النبى قد غضب فقالت له: إستغفر لى يا رسول الله
فقال : إستغفرى لخديجة حتى أستغفر لك

(رواه البخارى عن السيدة عائشة)

ماذا لوجعلنا بيوتنا هكذا..الزوج يقرأ مع زوجته القرآن ..وما أروع أن يشاركهما الأولاد القراءة
والزوجة التى توقظ زوجها لصلاة الفجر
أو يصلى الزوح وزوجته ركعتى قيام
او تكون الزوجة عون لزوجها فى حياته ونجاحه...........تكون معنى السكن والامان له
تكون مصدر النجاح....لان ده الواقع

كيف سيكون هذا البيت وجماله وحلاوته والحب فيه


عموما هذا الوفاء والحب ليس مستغرب من سيد البشرية

نبينا محمد صلى الله عليه وسلم.......

وليت بعض الأزواج يقتدون بهديه ولو بشيء بسيط

من رفقه وحبه واحترامه

ماعنديش اى تعليق
غير انى اقول فى قصه حب النبى للسيده خديجة
شوفت معنى السكن والامان التى تمثله السيده خديجة
هى حياته
هى اللى بتصدقه لو كذبوه
وبتدفى روحه بالحنان لما ترعش من السؤال
وبترحمه لو عذبوه
وبتواسيه بمالها الحلال
وبتطعمه لو يحرموه

كانت حياته (:
وهو بدموعه ويدعى لها حتى بعد ان ماتت
وبيوصل العلاقه الطيبة بكل احبائها


*****
بقول لكل بنت وسيده
كونى حياه زوجك
كونى سر نجاحه
بسببك ممكن يبقى انجح رجل واسعد رجل
وبسببك يكون اتعس واشقى رجل وعمرك ما هتحسى معه طعم الحب اللى بتحلمى به
كله فى ايدك انتى........اتعلمى من السيده خديجة
****
بقول لكل رجل
سيدنا محمد قدوة الرجل القوى الحنين الذكى الناجح صاحب الرسالة مؤدى الامانه

************
من التوبيك استعانه من بعض المواقع
والروابط
**********
وفى النهايه
بهدى لكم الاغنيه دى اتعلموا منها
http://www.youtube.com/watch?v=4ZrYDbBkH4I

الله شاهد على العقول منه السلام ومنه القبول
الحب طاهر يا كريم والرحمة منك يا رحيم
بدموعه يدعى لها النبى الجنة بيتهم مقام عظيم

اللهم صلى وسلم وبارك عليك يا حبيبى يا رسول الله
ما اجمل الحياه ع نهجك وطريقك والاقتداء بك
كل يوم اتعلم منك
مالقتش فى حياه حد توازن اد ما فى حياتك كل الكمال(:

كل معنى جميل هاتعيشه صح يوم ماتشوفه وتحس بيه صح
ماتخليش اللى حوليك يشوهوا لك فى معانى انت مش مجبر تعيش زيهم عشان هم عاشوها كده
(: