عين العقل...منتهى الجنون....انت بالذات تخرس خالص:P

أسفة((:

احم احم
صباح الخير او مساء
الله اعلم انت هتقرا امتى؟:D

عين العقل...منتهى الجنون....انت بالذات تخرس خالص:P

ايون
ساعات ببقى عاوزة اقول لعقلى انت بالذات تخرس خالص ((:

ليه بقى؟
حضرته كان معيشنى فى وهم اسمه مثاليه مطلقة
ممكن اكون فوقت من عدم سواءه اللى كنت بعتقد انه سواء امبارح او اول امبارح((:

اشمعنى بقى؟
اسرار دولة عليا
((:

يعنى مش هينفع اقولك عليها

خلينا فى موضوعنا((:
ايه بقى حكايه المثاليه او ايه هو الوهم؟؟؟


الوهم هو انى مغلطش...مافكرش غلط
افكر فى الصح واديله مشاعر مثاليه قوووى....وابالغ فيها واشوفها بمنظورى او منظور الصح المطلق الى فى دماغى

اللى خلانى قافله على قلبى وعقلى بمليون صندوق ادخله اللى اعوزه واخرج اللى ماعزهوش
وماليش دعوة بايه اللى بيحصل....او ساعه التنازل عن فكرة ....بحس بتنازل قوى لانى بالغت قوى!

منكم هيقولى ؟

طيب وانتى متضايقه من ايه يعنى؟
طب ما هو كده صح


لا مش صح .....التحكم الزيادة عن الحد فى النفس
مش صح

يعنى دلوقتى المفروض اعيط لان المفروض
عقلى يقولى لاااااا وراح فين كبريائك؟؟؟

استنى ماتعيطيش ده انتى اللى صح؟؟؟
مافهمنيش ان قلبى له حق عليا وانه عادى يعنى ....يتغلط فيا..وعادى يعنى اعبر عن ده

الكبرياء ده شىء سخيف ضعيف مقتول مافيهوش روح


الكبرياء هى منطقة الامان اللى بتحامى فيها
زى الطفل اللى بيتحامى فى جلابية امه

من ضعفه مش من قوته!



كنت بتكلم فى الحكايه دى مع صديقة
هتحس نفسك فى كلامى ....يمكن نتخلص من عين العقل ....الجنان ده


هبة:اكتشفت انى بغلط كتير بسبب كبريائى

لينة:الحمد لله انك عرفتى،وطالما عرفتى يبقى مش هتكررى غلطك تانى ايا كان

هبة:صح
عارفه انا من كتر انى مش عايزة اغلط بغلط فعلا
: يعنى عدم غلطى
 غلط!

لينة:: انتى حساسة اووووى بس عشان كده بس انتى لو اتعاملتى
 ان ده
 انتى اللى تستحملى وتحسى ده قوووووووووووووى
 تسامحى كده قوووووى برضه

هبة:

: صح بس انا بخاف اتجرح وبخاف من كل حاجة بسميها غلط
 بخاف من البكا مع انه قوة
 انا مش طول الوقت بمتلكها
 بخاف اتعب
 بخاف اتالم بخاف افقد شىء عزيز
: عشان كده بسيب كل حاجة
: وعشان كده بقف بالمرصاد
: لاى غلط من حاجة بحبها قوووى او اى ظرف
: عشان ابرر لنفسى انها تنتهى بسرعه.....وميبقاش الغلط منى وابقى عملت اللى عليا
وده قمة الغلط والضعف....لازم اغيرها

لينة: بس الخوف الزايد بيقلب اى حاجة زيادة عن حدها بتتقلب لضدها عشان كده اتعلمى انك تتحكمى

هبة:هههههههههه المشكله انى بتحكم اوفر
عقد عقد يعنى :؛P

لينة:لا لو كنتى عقد ماكنتيش اعترفتى بده
فيه ناس مش بترضى تعترف بالغلط!



شكرا يا لينة هههههههههه بتسمع كتير من مواجهاتى لنفسى الغريبة العجيبة دى
رفيقه دربى وصديقتى ..بحبك قوى(:



*******

اكتشفت ان الحكمه هى انك تبقى ليك روح بتختار بتعبر عن نفسها
ماتخنقش نفسك بمفاهيم مجردة

خلى حياتك ونشاط وطاقتك ليها روح

بتحرك ديل فستان بنت رقيقه بخفة ودلع((:


مفاهيم مجردة بتديها مشاعر قوى فهتتصرف بمبالغه فهتخبط فى الحيط........هتلزق مش هتخبط بس!
هههههههههههههه
المبالغه فى عدم الغلط والنظرة من برج المثاليه ومش هغلط ......اشبه بمرض او فوبيا نفسية
مع انك بتكبر اكبر غلط لمجرد انك مش عايز تغلط لمجرد انك مش عايز تغلط مش لانك مؤمن بالصح والصح لازم يكون له روح تحبب اللى حوليك فيها!

الحكمه هى انك تعيش وروحك طايرة ....وهى صافيه
يعنى مش عشان هى مش بتغلط........ وبتسيب نفسها سيبان معقول...وتمسك لجامها فى الوقت المناسب
مش فى انك تأسرها وهى مليانه طاقة كبيرة قوى
ماتحبسهاش....اطلق صراحها


وانا من الان قلت لها ...انا اسفة(:
هسيبكى تتنفسى ويبقى لك روح.....تعبر بروح
وتتصرف بروح

وهى دى الحكمه (مبادىء لها روح)

ولما تفكر تتغير تتغير بروح

ساعات من كتر ما بنبقى مش عايزين نغلط عشان نفضل فى منطقة الامان.....بنبالغ فبنغلط:D
بافكار وتصرفات مبالغ فيها.....اوفر يعنى:P
لازم نسيب نفسنا لما نعشر به احيانا...لان مش كل صوت للعقل صح...ساعات بيبقى صوت للنفس وده منتهى ال(...........)
كل واحد يحط الى يحبه بقى^^


هبة سامى

أيوه بحس إن انا فرحان
لما بشوف الشمس بتطلع
لما فى عينى النجمة بتلمع
لما ألاقى الغايب يرجع .... ويدفى القلب البردان
أيوه بحس إن انا فرحان
لما بشوف أطفال تتشاقى
لما بشوف أحباب تتلاقى
لما الحب يفض خناقة .... ويطبطب على صدر أمان
أيوه بحس إن انا فرحان
لما أشوف البنت بتخجل
لما أشوف الواد يسترجل
لما يشوفها يكون متبرجل ... نفسه يبوح بالسر حنان
أيوه بحس إن انا فرحان
لما أعدى عجوز الشارع
لما أرجع حقى الضايع
لما أخطى أى موانع ... بينى وبين بكره الحيران
أيوه بحس إن انا فرحان
لما تبوسنى دعوة أمى
لما أبويا يمسح همى
لما اتبرع مرة بدمى ... ينقذ روح وحياة إنسان
أيوه بحس إن انا فرحان

لـــ الشاعر: إسلام حامد

إن قلب المرأة ♥
لايتغير مع الزمن ولايتحول مع الفصول :)
قلب المرأة ينااازع طويلاً / ولكنه لايموت..
قلب المرأة ♥يشابه البرية التي يتخذها الإنسان ساحة لحروبه ومذابحه..!!
فهو يقتلع أشجارها ويحرق أعشابها..
ويلطخ صخورها بالدماء..
ويغرس تربتها بالعظام والجماجم:( !
ولكنها تبقىىى هادئة ساكنة مطمئنة :)♥
ويظل فيها الربيع ربيعاً♥
والخريف خريفاً "
إلى نهاية ة ة الدهور !!

لـــ أدونيس

• هبة سامى