فى حضن القمر ~ :)

الخميس، 7 يونيو 2012

هبة سامى

أحيانا

بتضيق علينا الدنيا
ولما نرضا بنرتاح ؟!

ساعات بيكون الرضا ده مش عن ظلم
بيكون رضا عن وجود

وجود قوة أكبر من حزن وضيق وشرود وتوهان
القوة دى لما تحسها

كله بيرجع يقف مكانه جواك
بس بتحس ســــــــكون

ساعات بيكون صوت سكون له رنة أنين وأنت مبتسم وبتقول إنك مرتاح ومش حزين

وتمشى تحس ان كل الناس بتحضنك
وانك حاضن كل الناس

ولما تحس ان فيه حد عاوز يقويك تتجرح و تقوى اوى وتقول انا بخير وتمام

شـــوف صورتك جواك زى ما انت عاوز تشوفها
مش زى ما هى موجودة .... وقت لما تتعب ووتتوه هترجع لك وهتصالحك وهتساعدك تبدأ من جديد

أرضـــــــــى بقدر :)
وقول انك ناسي حتى لو مش الواقع قول كده !
ويا بختك لو انت نمت مظلوم ومجروح وراضى

لو تعبت فى شغلك و شايف انك ماخدتش حقك
استنى بكرة هتلاقى حقك جالك بالضعف

لو حد تعبك قريب صديق ماتفكرش كتير
ولا تقول خسرت ايه .. فكر انك كسبــــت نفسك لو سلمتها لله ورضـــيت وابتسمت ومشيت

وقمه الحزن هو اللى تستكبر انك تبينه*

قمه الحزن فى راحة القلب
لما يسامح ~ مش انه اتحمل ظلم كسره ورضى به .. لا ~ هو راضي أكتر بوجود ربه
وبداياته الجديدة

النوت دى لكل حد متضايق .. تعبان .. قوووووووم غير ده ... اعمل اى حاجة إيجابيه وخير
طبطب ع حد ... نظم شغلك ... بيتك .. قوم ابتسم فى وش حزين .. اتصل بقرايبك اسال عليهم بطاقه حلوة

مالهومش ذنب يحسوك تعبان

بس قبلها واللى هيديك قوة هيشوفها الناس فيك :أرمـى نفسك فى حضن سجدة **
عيط
وقول (يـــــــــــــــارب ) ماتقولش غيرها

هترتاح والسما هتدمع عليك
زى ما حصلت مع بنت كانت يوم ماشية بتغسل همومها بدموعها
قالت يارب
رمى فى قلبها راحة وشافت بشرى فى نقطتين مطر نزلوا ع خدها
زى دموعها
وبعت لها ايد تمسح دمعها ايد ماتعرفهاشهى دى الرحمة اللى هتطول قلبك وتستقر فى حضنه
المهــــــــــــــــــم أياً كان حالك

مبسوط
متضايق
تايه
محتاج

بدعوكم لركعتين

قلت هصلى وافضفض له فى ركعتين ....عشرين
لحد ما ابكى واوصف له اللى بيا ....هدعيه واشكره وافتكر كل نعمه عليـــــــا
اللى دايما بتخلينى عاوزة احضن الارض اللى بسجد عليها وبحس فى عينى دمعه كبريائى مداريها

هفضفض له

بس اللى حسته ليا....حسيته ليكم وحبيته ليكم

وأحلف لكم على أكبـــر كرم هتشوفه منه :)
ممكن تبقى راحة او رزق او ايا كان اللى انت محتاجه

وقبل ما اختم النوت
اقول لكل أصحابى واللى يعرفونى واللى مايعرفونيش حتى لو مافيش بينا معرفة شخصية
شكــــــــــــــــــــــــراً

ويارب يحقق لكم أمالكم
بحبكم أوى فى الله

وفيه تجمع كبـــير هيتم بعد أمتحاناتى عشان فيه فكـــرة كبيرة
اظن انكم هتحبو تشاركونى فيها اصدقائى
المدربين والمدربات والمؤثرين والمؤثرات :D

أشوفكم ع خير لانكم كمان وحشنى جداً
ووحشنى كلامنا مع بعض

وللجميع أنتظروا قدوم صالون عاوز اتغير
جوة الجامعه وبراها والتجهيزات بدأت

دعواتكم :)

بعد ما تقولى رأيك
طبعا يهمنى جداً
انك تقولى انك هتشاركنى النهاردة ولو بركعتين
تحمد فيهم ربنا وتطلب منه العون والفرج وكل اللى نفسك فيه

بطلبه منك ~ عشان عارفه ان ربنا كـــريم
وهيكرم وهيغير حالك

هبة سامى

كانت ماشيه بتدمع فى الشارع غصب عنها ومكنش هاممها قامت واحدة قالت لها لحظة ! وطلعت منديل من شنطة ايديها تمسح دمعتها وقالت لها دموعك اللولى دى محدش ابدا يستاهلها ♥ ~ وفضلت البنت حسة أكترررر بحب اللى خالقـــــها وحنيته عليها وحست اكتر براحة فى ايديها من ناس كتير مسكت ايديها وقالت لها بنحبك وعاوزينك بخير :) وهتبقى :) مافيش حاجة بتروح عند ربنا مشوار وكلنا هنكمله وهنقابله هنشوف الجزاء فى طريقنا ولما نقابله ^^

فى حضن القمر رحمة ربنا ،، الليل كله فى حضن القمر :$ سحر يخفف قلوب وجمال لقلوب نقية عايشة بتحب
وبتحس روح الحياة بصدق وبتحقق احلامها بعون ربنا وصدقها وتسليمها كل امورها لله وعايشه كده ♥ شقية وحلوةفى حضن القمر ليل قالوا عنه حزينلكنه ساكن مطمئن راضى بتشوف فيه وشوش المحتارينوبتتعلم منه إنك تكون فى حضنه ~ حضن القمر

إن شاء الله ~ حرف من رسالة !

-

في يوم ما ، سأُحدث أثراً يهز كيان العالم في أساليب الفكر - التغيير والحياة عموماً و سأنتقل به من دولة لدولة بعلوم وعوالم أتعلمها وأعلم عنها و حرف لا يصدأ يسمع عنه ومنه كل من له علاقة بكلمة " إنسان " وسيحدث أثر بكل الكائنات الأخرى ، سأصبح يوماً ما أريد ، فقط أقولها وجُهدي مع الأيام بين يدي الرحمن وأدعوه وأظل أدعوه

" أن يجعلني قدوة ، ولا يجعلني عبره .. فكُلاً بفضله وستره وأنعمه " أنا فقط أحاول أن اكون شاكرة عندما أقول سأصبح يوماً ما أريد .. خلقني لذلك .. وخُلقت لذلك .

-