من غير أمارة

• 

  من غير أمارة خااالص ..
  و بدون عذر و سَنَد ..
  قررت اكون متفائل ..
  بالعِند ف النكد ..
  
  قررت إنى اغنِّــى ..
  لو كل الكون سكوت ..
  لو مِية سد ف طريقى ..
  قررت اعنِد و افوت ..
  قررت اعيش بـ كيفى ..
  و حلمى يبقى سيفى ..
  و اهزم دولة خريفى ..
  بـ ربيع فيا اتولد ..
  
  قررت يا بلدى اشوفك ..
  أغلى و أجمل بلاد ..
  و ف لوحتِك الحزينة ..
  ألــوِّن السواد ..
  قررت اكون مشاغب ..
  و اكون جدع و صاحب ..
  و امَّـا تهــل المصاعب ..
  ثابت زى الوتَــد ..
  
  لـ الشاعرة : دعاء عبد الوهاب