حب عُمر ~ ولا عٍشرة سنين ♥!

 


النوت من ذاكرة 2012 على الفيس طريقة واسلوب واحساس وفكر  
 
سلام عليكم وحشتوني جداً بقالنا كتير ماتقبلناش هنا

أتكلمنا كتير فى كل حاجة فى الحياة وكل اللى بيحصل فيها وفى العلاقات العاطفية منها والغير عاطفية

والنهاردة مقالتى فى حتة كده .. فى النص !

ولما بدأت أقول قلت هى ورقة توت زى ما كانت الغطا ع الجسد لابونا آدم وامنا حوا قلت هى اللى بندارى فيها مشاعرنا واشتياقنا واحتياجنا لظهور الشخص المناسب واتكلمنا شوى وقلنا انه ساعات بيبقى عاوزها حمارة ههههههه وقلت لك متتصدمش أتكلمتا كتير حتى إزاى أنا وانت نبقى فى عش الحب وقلنا هنكمل .. وهنكمل :))


موضوعى النهاردة من وحي مشكلة جات لى  وبتسأل كتير عنها فى المشاكل العاطفية قصة حب استمرت سنين وانتهت .. يا ترى كانت حب ؟ والتعب بعدها عشان ده حب العمر ؟

العٍشرة أم الحب زمان كانت لما ماما حد يحصل بينه وبين حد نعرفه مشكله ويرجعوا اقولها ازاى يعنى بعد ما عملوا فى بعض كل ده وقطعوا بعض وكانوا هيجيبوا لبع البوليس تقولى .. عشرة يا بنتى !

 هو ليه اتنين مش بيحبوا بعض .. عايشين مع بعض وكمان مش قادرين يستغنوا قالولي برضه غير المسئوليه .. العشرة


كل ده مقبول واعتبر ماقولتش جديد الحنين .. اول قصة حب حقيقى بتمر علينا بعدها ساعات بنفتكر الدنيا مش هتقوم تاني ! .. مع ان والله القيامة لس مقمتش ولس فيه نفس وروح وقلب لس مدفنش وقالوا مات
فيه وهم كده ان الحب الحقيقى هو الحب الاول اللى فيه ناس مش بتقدر تحب بعضهمع انه فى الاغلب مش حب حقيقى مجرد مشاعر بٍكر 
يمكن بنتعب ونتوه ونحس حتى لو فكرنا نحب بعد كده اننا خاينين

الحالة دى الاول مكنتش ببقى قادرة افسرها بعد شوى من مباحثات وابحاث .. وتأملات

فى حاجت كتير فى دنيتنا مش بنصدقها .. او مش بنبقى عاوزين نصدقها مع ان لو فتحنا عينيا ع الاخر هنشوف حاجات يمكن ترجع لنا احلى ما فينا

أصل فيه ناس كده لما تخسرهم تكسب نفسك ! وهم بس بيبقوااللى خسروا

المهم تلاقي نفسك بتقول مقدرش اتحمل ع حبيب عمرى حاجة رغم اللى عملوا انا يستحيل احب بعده وهتمناله الخير :)

أتمني لو قادرتي فى الاول تسامحي وكده يبقى كتر خيرك

بس ايه حكايه مش هحب بعد كده ؟ ع فكرة انتى مش بتحبيه ولا انت بتحبها أصل قصة حب حقيقي وبتحوله لخدعه بنتهي ان طرف من الاتنين كان كداب

والطرف الكداب بيستنزف بكدبه وخيانته كل نقطة حب فى قلب الطرف التاني كله ده تلقائى .. لان اللى بيسقط من النظر .. بيسقط من عمق الروح

اللى تبقى بس منه سنين مرت فى حاله واحساس اتنقش بعمق العشرة حد فهمتى كل تفاصيله فهمتى اوله واخره ووقت غدره وخيانته مبقاش فيه منه اى خوف لانه انكشف

وكمان بعد

ساعات بنبقى عاوزين نرجع لروحنا الثقة اللى فقدناها ونقول نرجعه .. مع ان فى الاغلب اختيار فى منتهى الخطأ

والحب خلاص انتهى بس كله منها

العشرة :)

العشرة رباط اقوى ساعات من الحب بيكون فى عمق القلب احاسيس ومواقف مشتركة لما بيبعد عننا اللى عشرناه بتوجع

الحب الحقيقى بقى اللى بجد الللى بتفتكر فيه كل لحظة وتبتسم وتفرح وتوحشك يمكن يفرقكم قدر .. بس يستحيل يفرقكم جرح

فماتسغربيش وماتستغربش لما حد تحبه بجد ويعمل فيك فى ايام اللى مش بيتعمل فى سنين وتلاقي نفسك لو بعدت عنه .. ماتتعبش قد ما اللى جرحك تعبك :) تتمناه وتحس انه وحشك .. بس عشان برىء ربك بيهون ويعين وكمان بيعوض

لانه ذكرى حلوة .. صحيح بيوجع انها ماكملتش بس بيبقى كل واحد سايب عند التاني حاجة ماتتنسيش

بيخليك تكمل وانت بتأمل فى نصيب أحلى لك وله حتى لو مش مع بعض ويمكن تقدر تبعد

دى حالة طبيعيه .. ويمكن تلاقى نفسك عارف تعرف وترجع علاقة عادية بـ حب اتجرحت فيه ويمكن تقدر ترجع تساعد او تقف جنب اللى كسرك يوم .. رغم عشرتك بيه سنين

برضه كله منها .. العشرة مش الحب العشرة هتخليك تقف وقلبك مافيهوش مشاعر اللوع والشوق والحاجات الكتير اللى بيحسها قلب بيحب

زى بالظبط المطلقين ^^  مهما كانوا متفاهمين بيتوجعوا ومبتبقاش لحظة سهله ابدا عليهم .. رغم كل الجراح

عشان العشرة :) مع ان يمكن بعدها كل حد يقابل فعلا حب العمر اللى يكمل للأخر .. المشوار

الكلام اللى فوق ده كله بيلمس حتة فى العلاقة .. اتكلمنا فى تفسير جزء منها موهوم كل من يعتقد انه مش قادر ينسى حب .. وحب اتجرح فيه بكل معاني الكلمة

وموهوم كل من يعتقد ان مافيش حب ممكن يجى تانى بعده

وموهوم كل من يعتقد .. ان النهاية .. مافيش بعدها بداية احلى

كل الحكاية انه لو اول حب .. وخد سنين بيبقى خد اول كل حاجة :) فى الشعور واترمى فى حضن عشرة عشان كده ساب علامة .. علامة فى قلبك بتعلم

بس اللى بعده لو فكرت فى حكمة فى رحمة هتلاقيك انضج وبتحب بشكل اعمق وروحك مليانه دفا وحياة

مافيش حاجة اسمها .. ان فى حاجة نهايه الدنيا فيه حاجة اسمها من جمالها وعمقها وكل حاجة فيها .... كل الدنيا دى بس اللى تستاهل تتقدر

وكل الحكايه برضه أن من الأخـــــــــــــــر كده

حب العمر هو اللى بيكمل معاك مشوارك وانت هتساعد فى ولادته يوم ما تكون تستحق الحب يوم ما تختار وتقرر ان يكون لك شريك حياة .. بيكملك بيشاركك روحك ورسالتك

النهاية لازم احنا نحط نقطتها بنفسنا بقرارنا لأن فيه حاجات بتكون انتهت من الدنيا بس احنا اللي معيشنها مخنوقة جوانا معيشنها ع جهاز تنفس صناعي لو شلنا الجهاز هتموت وهترتاح وتريحنا :)

شيل الجهاز بإيديك وحط نقطة النهايه عشان تبدأ

تكتب أول سطر فى اجمل بدايـــــــــــة

وطبعاً تمسك تمسك بكل حاجة انت عاوزها وأصرخ بيها وسمع كل الدنيا عشان تعيــــــــــــش

أى حاجة مخنوقة لازم تموت :) ولو كان عصفور مسجون افتح له القفص عشان يطير

واللى يستاهل التقدير والحب قدره وحبه وعبر عن حبك له

وأعمل المستحيل عشان يبقى معاك للأبد

ومافيش حاجة عند ربك مستحيلة نية حلوة ووضوح وصراحة ومشاعر قوية مغلفها تفاهم

هيتبنى بيهم قصـــر من الدنيا للجنــــة

ربنا يوفقكم ويسعدكم كلكم

هنكمل حكاوى وفضفضة وتفسيرات لحاجات اول لما بنفهما بتبقى كده خلاص المشكله انتهت

فهمنا لنفسنا واللى بيحصلنا .. هو اللى بيخلينا نقدر نكمل افضل ماتقفش ودايماً

أسأل أهل الذكر ان كنت لا تعلم

هبــــــــــــــــة ســـــــــــــــــامي
 

فيه ناس لما تخسرهم .. تكسب نفسك

وتكسب كمان حاجة أحلى .. تعوضك وتعرفك ان احلى حاجة دايماً لس جاية

الأمــــــــان أحتياج .. وأول علامات الحب

الشخص المسئول يدري جيداً ان سعادته من سعادتك

ولا تتخلى عن شريك مسئول

هو فعلاً لازم هايكون Everything ^^

همسة *إذا اردت حب يستمر للأبد فكن صادق مع نفسك ومع من تحب .. ويشاركك الحياة بدون خجل من البداية :)ومن يستحق حبك .. هو من يجعلك حبيبه وشريك عمره أمام العالم حٌب العمرهو اللى لازم يبقى عشرة سنين .. ومافيش حب حقيقي طرف فيه بيموت مخنوق من كلمة ولا من شعور مش عارف يشرحه ولا احتياج شريكه مش فاهمه .. عشان كده نصيحتى ليكم الصراحة والوضوح فى كل حاجة والذكاء والصدق فى التعامل بتلقائي ةاللى يجبرك تتخلى عنهم ولا يبقى بيحبك ولا يبقى انت لازم تضيع وقتك فى وهم حب هالحب حالة .. مش هدف،، الحب حياة .. بتدى طعم للحياة أحلى ماتوقفش عمرك كله ع قصة حب .. هى حاجة بتكملك عشان تكمل معاك رسالتك فى دنيتك .♥