علمتنى الحياة!!!

كل يوم وكل ساعه وكل دقيقه وكل ثانيه بتمر ........ان مرت زى اللى قبلها بنحس انه حياتنا واقفة..... طول ما عمرنا عامل زى البحر بيتغيير ويتجدد ويقلب ويرجع تانى....ساعتها بس بنحس بوجودنا بنحس ان فيه شىء فى حياتنا له معنى وقيمه ....بعيدا طبعا عن الناس اللى بتحب حياتها تكون زى اى حد يعيش عادى ويموت عادى بس حياته غصب عنه لازم تتغير وهو برضه بيحب يكون عادى وواقف محلك سر.........وكل الوقت ما بيمر شويه بنتعلم حاجة وخصوصا اللى دايما بيراقب البحر ويشوفه عمل ايه فى حياته لفترة....اكيد بيعلمه حاجة ..........بحلق لى عينيك وهات لى ودانك:D



عشان الحياه علمتنى شويه حاجات.......وقالت اقول عليها للناس

1)لا اعترض ع الاقدار فرفضى ليها مش هيغير من الامر شيئا ...ولكن من الذكاء التعامل مع اقدارى بايجابية

2)مسمعش اى كلمة واخذها ع انها امر مسلم به فكل أمر يحتمل الصواب او الخطأ ...كل الامور نسبيه بتختلف من شخص لاخر ..عشان كده اتعلمت انى اتعمق فى كل شخصيه قبل ان اصدر احكاما ....ومن الحكمه انى اولا اتعمق فى ذاتى واكتشف عيوبها واصلحها قبل ان اتعمق فى الاخرين..........وانى استخدم عقلى دايمااااااااا لانى اكيد هختلف او هكتشف حاجات كتيييييييير اخر نقطة واهم نقطة ان الله هو الحق (هستخدم امر الله ليا بالفلسفة اى التأمل) واقيس اللى وصل عقلى له ع اوامر ربنا

3)ههههههههههههههه بضحك اوى لما بشوف حد زى ابو لمعه السكرة اللى كتبت لكم عنه قبل كده.......يعنى بكيظة هانم وعلى بيه مظهر.....الحياه بسيطة مهما كنت ناجحة .......لان بسأل نفسى هو ناجحة لمين وانا عايشة وسط مين؟؟؟.....يعنى مش بحب اعيش دور عبده المهم :D
اعيش كأنسان وسط ناس...........أعلمهم واحسسهم انى منهم لانى فعلا كده ......مش ذنبهم يعنى ان ربنا كرمنى شويه و بقيت بفهم فى حاجة ولا انا انتقلت لمركز كويس ولا اى حاجة فى الدنيا ...ربنا كرمنى عشانهم


4)لا اضع العلماء امامى انه ليس كمثلهم شيئا...........كل انسان يستيطع ان يكتشف ويبحث و...و....و.......ان كسر حاجز ان فيه شىء صعب موصلش ليه العلماء....طيب وانا مالى؟؟؟.........اجرب انا وخصوصا ان طالما عقلى فكر فيها يبقى اكيد لسؤالى جواب موجود ...ان محدش وصل قبلى دى مش مشكلة..........اجرب واكيد هوصل لو دورت صح وحسيت بنعمه ربى عليا اللى هى عقلى


5)برضه كوميديا فظيعه..............ههههههههههههههههههه..........الناس المبالغ فيها فى كلماتهم وتصرفاتهم ..........فاكرين نفسهم اللى بيعلموه محدش بيعمل زيه وانت ليك الشرف انك قاعد معاهم :D..........هههههههههههههههه..مع انك ممكن تكون بتعمل حاجات كتير اكتر من اللى بيعملوها...عارفين بعمل ايه؟؟؟؟
باخدهم ع اد عقلهم .......فى يوم هايجى ممكن يتغيروا يندموا مش عارفه بقى........بس المهم انهم حاسين بذاتهم وذاتهم ورمة لما بقى شكلها مقزز ....بعيد عنى .....


6)ان اصادق الاخرين لانسانيتهم مش عشان هم اى شىء غير عشان انهم ناس بحبهم ..........مش عشان شهرة ولا مصلحة معاهم ولا كلام الناس السطحية ده..........لان ربنا بيكرم كل واحد ع اد عمله هو مش عمل غيره.....ومفيش مانع من المساعده بس مش صداقة من اجل المصلحة اساسها الانسانية.........خدوا بالكم من النقطة دى كويس



7)انى ماندمش ابدا ع اى شىء فقدته...لانى طالما محصلتش عليه ماكنش مقدر لى من البدايه ....بتصالح مع نفسى وبقول اكيد كان شر ربنا بعدنى عنه وبمشى فى طريق تحقيق اهدافى


8)مؤخرا بقى:انى مضيعش فرصه ولا حلم ولا اتخلى عنهم مهما كانت الظروف ....بعض الاحلام والفرص مش بتقبل التأجيل


9)انى لا اترك الحزن ياخد من حياتى وقتا كبيرا اكثر من اللازم.....لان اللى هيحزنى يوم هيكون سببب فى سعادتى باقى حياتى....اقول الحمد لله يارب .....ما عند الله خيرا وابقى ..وهو بيعوض خير عن كل شىء(:


10)انى ماتسرعش فى اى كلمة واستخدم المنطق لان ممكن كلمه ماتخدش ثانيه....تجرح اللى قدامى وتكسر شىء جواه حتى لو بهزار .......دايما اخلى لسانى جميل بيرمى للناس حب وكلام فعلا فى مصلحتهم


11)ماتسرعش فى الحكم ع اى انسان ...اضع نفسى مكانه وافكر بطريقه تفكيره وظروفه...واشوف هعمل ايه؟؟؟


12)انى ماغضبش من اى نقد اسمعه فاغلب الناس يتهمون الاخرون بما فيهم ويعتقدون ان الجميع يفكرون بطريقه تفكيرهم......لا احتاج للدفاع عن نفسى....صمتى وهدوئى اكبر رد ع كلامهم

13)ان لكل فعل رد فعل..........هدى حب هاخد حب.........هدى كره هاخد كره............اتعلمت ان الحب لازم يكون قلب كل انسان مصدره .........


14)الكلمة الطيبة مع اى حد....وحسن استغلال براعة الفم فى نصح الاخرين بطريقه الساندوتش .....مدح حاجة سلبية مدح.......


15)الايجابية فى كل شىءءءءءءءءءءءءءءءءءءءءءءء


16)حلمى لازم يكون بصوت والوان يعنى بيزمر وينور ومش بيسكت:D


17) ان احترم ذكاء الاخرين.....حتى من لا يحترمون ذكائى.....وان اصمت كثيرا عن ما افهمه بلغه العيون وخاصه عيون القلب التى ترى ماالا يرى داخل نفس من امامى.....


18)الحياه علمتنى كتييييير اوى اوى اوى اوى اوى اوى...........مش عاوزة اطول عليكم ممكن ابقى اعمل توبيك تانى لعلمتنى الحياة.....بس مش الحياه هى اللى علمتنى:


ده ربى عز وجل ....لما عشت فى دنيا بسمع كلامه وبنفذ اوامره وامشى ع طريق رسوله.............دينى لحمى دمى.....اعيش به مهما كانوا اللى حوليا ....وفى نفس الوقت لا يعيق تعاملى مع الاخرين زى الرسول عليه الصلاة والسلام العالم كله بيحبه ..........وانت ماشى فى طريقك بتعمل ده.........هتبقى شفاف نقى ذكى ايجابى احساسك عالى بكل شىء عقلك نظيف بيشوف حاجات كتير وبيتسقبل.....بتخليك تتعلم اكثر من اللى بيحصل فى الحياة وتشوفه وتتعمق فيه وتتأمل فى كل حاجة...........صدقنى هتتعلم اسرع وهتنجح اسرع وهتعمل كل شىء وانت حاسس انك فيه فلتر لكل اللى حوليك لحد ما تتعلم تكون انت الفلتر لما تقتدى بالرسول وتبقى عارف انك نازل تعمرها....



19)فى النهاية لازم اقول(الحمد لله حمدا كثيرا طيبا مباركا فيه كمان ينبغى لجلال وجهك وعظيم سلطانك ع كل نعمك عليا يارب كلهاااااااااااا التى لا تحصى عددا).
بشكر كل حد ساعدنى وعاوزنى انجح......بشكر كل حد منفسن مش عاوزنى انجح وبيقول كلام فاكر انه يقدر يأثر عليا به(ربنا معايا).......بشكر كل الناس اللى حوليا ......كلهمممممممممممممممممممم.....الحمد لله


12)عاوزة اقول ان الحب
سر كل حاجة حلوة حب ربنا والناس وكل حاجة بيخليك تنجز وتنح فعلا وتشوف كل شىء زى ما هو ....زى ما ربنا خلقه جميييل
وهتعرف تتعامل مع الحاجات اللى بيغيب عنها معنى الجمال


شكرا(:

علمتنى برضه انى اكون:طيف رقيق لطيف يمر بحياه الاخرين ...تسيب اثر وتنشر معنى عايشه عشانه
او زوبعه تقلب حياته للأحسن........بس برضه ضيف خفيف(:
وابتسامتى وتفاؤلى مايفرقش وشى ابداااا
وان لا حول ولا قوة الا بالله

دى ورده لكل حد فيكم(: