بس يا سيدى وشكلها كده جابت اخرها:D

الثلاثاء، 15 فبراير 2011

هبة سامى

صباح ومساء الخير
ازيكم؟؟؟
كويسين ومش كويسين؟؟؟
طب الحمد لله

تعرفوا انا فرحانه وزعلانه حالا دلوقتى........بحبكم وبكرهكم برضه فى نفس ذات الوقت::P:P

الاتنين مع بعض:D
اتجننت ؟؟؟
يمكن

هتجنن؟؟
احتمال كبير

طب من ايه؟؟؟
اول حاجة حاجتين عكس بعض ماينفعوش يجتمعوا مع بعض
من الازدواجيات............خد عندك بقى

حرام تلبسى ضيق((وعنيا حمرا وشعرى واقف وانا بكلمك)).......بس انا ممكن البس من غير هدوم ومش من حقك تفتح بقك:D

انت اسكت حرام ماتتكلمش ع حد.........بس انا هقولك قصه حياه فلان ده شخص يا ساترررررررررر

يوووووووووووو انا بحب فلان........بس عاوز اسوء سمعته احتمال يتعظ ويعمل الصح لولا انى بحبه مكنتش عملت كده....غرام وانتقام:D:D

قال الله ورسوله واياك ان تفعل كذا وكذا..........ومالكش دعوة انا بعمل ايه؟؟.......يا نهار الوان

بحب الناس ومش مهم انا اولع انا........بس فى نفس ذات الوقت ممكن أذيهم عشان خايف خايف عليهم
وصدقنى يا عزيزى..........هاهاها بصوت حسين صدقى:D

انا ماتجوزش واحده ماشى معاها.........وماشى مع نص بنات البلد والبلاد المجاورة ..ما اصلها هى اللى سمحت لى....ماشى ياعم موافقين ربنا يهنيك:D
بس هايجى منين الهنا .................

بكره النفاق...........بس ساعات ببقى مثبت كالجل..........يا عم مشى حالك.........الله عليك

بكره الكذب..........بس ساعات بيبقى ابيض والكذب الابيض ينفع فى اليوم الاسود:D

بحبك وبكرهك.......مخلص وخائن.....كذاب وصادق
متدين وفاسق.........بحب ربنا بس بعصيه...........حرام انى اكلم بنت بروحى وحبى وقلبى وعينى وفشتى وكليتى والميل مافيهوش الا محمد ومحمود والباقى سوسو وتوتو وسميرة وكلهم حبايب قلب تامر وبيراهيم............

ازدواجيات.........ازدواجيات........بتقوله بحبك زى اخويا وليل ونهار ع التليفون
وهو نفس الحوار ليل ونهار وصبح وليل وليل وصبح وحبيبتى وروحى..........وفى الاخر تطلع اخته الصغيرة..........ههههههههههههههههههه
يا عينى على الناس والله

باين للناس ملاك بجناحات وهو شيطان والشيطان برىء منه
ازوداجيااااااااااااااااااااااااااااااااااااااااااااااااااااااات للصبح
مش قادرة اكتب عنها

اكتر وقت شايفاها فيه دلوقتى..............وبعانى منها بجد...............لان انا شايفه وجوه كل الناس الحقيقيه وعارفه ان اللى باين ماسك
ايه بقى؟؟؟

سؤال واحد بقى
ليه انت يا ابو وشين .....بوشين؟؟؟؟؟

حسة ان فؤاد المهندس رمى فى الفيلم بتاعه.....حبوب الازدواجيه والنفاق
ونسى والفيلم خلص........واحنا لسه عايشين فيه؟؟

وفعلا كده جابت اخرها:D
فى الاحتمال بس مش فى المقاومه

إن شاء الله ~ حرف من رسالة !

-

في يوم ما ، سأُحدث أثراً يهز كيان العالم في أساليب الفكر - التغيير والحياة عموماً و سأنتقل به من دولة لدولة بعلوم وعوالم أتعلمها وأعلم عنها و حرف لا يصدأ يسمع عنه ومنه كل من له علاقة بكلمة " إنسان " وسيحدث أثر بكل الكائنات الأخرى ، سأصبح يوماً ما أريد ، فقط أقولها وجُهدي مع الأيام بين يدي الرحمن وأدعوه وأظل أدعوه

" أن يجعلني قدوة ، ولا يجعلني عبره .. فكُلاً بفضله وستره وأنعمه " أنا فقط أحاول أن اكون شاكرة عندما أقول سأصبح يوماً ما أريد .. خلقني لذلك .. وخُلقت لذلك .

-