من الادب للتنميه يا قلبى اضحك....وخد بالك من دماغك:D

من الادب للتنميه يا قلبى اضحك:D

ايه ده ايه ده؟
اوعى تكونى جايه تتريقى على التنميه الفيس كله هيزعل منك:D
ولا برضه الادب
انتى عارفه مافيش اكثر من المدربين ولا الكتاب والادباء:D
الشعب كله بقى مدرب وكله بقى كاتب ......يعنى ممكن متلاقيش قراء ولا حد تقوليله اصنع ذاتك والكلام الكبير ده((:

هو انا قلت كده؟؟
انا اقدر اساسا...........وبعدين ماليش دعوة اللى عاوز يعمل حاجة بيعملها
التميز والاتقان وحاجات كتير كده .....بتثبت نفسها
يعنى مش انا اللى هحكم............بقاء الشىء هو اللى هيحكم وهيثبت النجاح

ماتبقاش عامل زى اخونا اياهم يسيبوا السمكة كلها وماسكين فى الديل
العيوب وبس!

بطل صداع بقى....انا بتكلم فى الايجابى ومش جايه اتريق
كل واحد حر مالم يضر !
علينا النصيحة ........وعليهم هم بقى الاختيار
اتفقنا قبل كده ان محدش فينا يحط نفسه مكان ربنا

امال ايه يا ستى حكايه يا قلبى اضحك دى؟
دى مش تريقة بذمتك؟

ههههههههههه امال ليه عامل فيها مخضرم من بدرى وشغال لماضة معايا؟
اسمعنى بقى ومسمعش صوتك لاخر النوت
أنت عامل زى حزب المعارضه منتظرة كلمه عشان تقول فيتووو
محدش طلب رأيك اساسا:P

انا جايه اشجب واكتب عن علاقه التنميه بالادب
وخاصه الادب الرومانى(الساتورى الساخر) والتنميه


آآه بقى اخدت كلمتين من دكتور وجايه تعيش علينا

يو.....انت تانى؟
هو انت مبتزهقش؟؟

ههههههههههههه لا مش كده خالص ع فكرة
اسمعنى واسكت ساكت:D


عجبنى قوى وانا فى محاضرة من محاضرات القسم العجيب بتاعى ده
الدكتور كانت بتشرح الادب الرومانى
وانا عشان بحب كل العلوم اللى تصلح المجتمع....عقلى بيجذبهم ..وبحب استشف من العلم علم للتنميه
ولقيت ان الادب الساخر والتنميه البشريه بمدربينها وتدريبها وجهان لعمله واحدة
وهى لاصلاح النفس ومن ثم اصلاح المجتمع

وكل واحد فينا عنده رساله ايحابيه لاهل الارض
بيبقى حلمه الناس كلها تتكلم بصوته
وتفكمر بعقله
وتشوف الدنيا بعينيه

بس مش كلنا بنقدر نعمل كده قلة منا بس الاذكياء!
والذكى اللى بيعرف المفاتيح بتاعت اغلب الابواب
عشان كده التاريخ مش بيذكر كل اهل الفترة اللى بتكلم عنها .......دايما بيتكلم عن الاذكياء بس

عن اللى قدر يخلى الناس كلها تبقى هو
او كل الناس تقول آمين على كلامه وتبقى عاوزه تبقى زيه


لو ذكى هيعرف كل المفاتيح اللى يقدر يخلى الناس كده(:
ذكى يعنى ايه؟؟؟
يعنى بيحب المعرفه وبيقرا وبيعرف عن اى حاجة تساعده

ايه هو بقى الاول الادب الساتورى(الساخر الكوميدى وليس الهزلى) ده؟؟
ده ابداع رومانى فى الادب مش هشرح فيه كتير

هدفه:اصلاح المجتمع وتنمية الافراد اخلاقيا وابداعيا ونفسيا
(التنميه البشرية للمجتمع)

ايه ده بجد؟؟؟
وكان عندهم اساليب وعلوم التنميه اللى احنا نعرفها دلوقتى وكان عندهم مدربين ومركز كندى وبورد امريكى والكلام ده؟؟؟
ومدربين بيقطعوا فى بعض والحوارات دى
ههههههههههههه لا لا كانت الحكايه اعمق وفى نفس الوقت نفس العلوم بتاعت دلوقتى
كانت عندهم بس بدون اطلاق نفس المسميات

الاديب الساخر........مصلح ومدرب تنميه ((لو كان محترف))
المدرب ((اديب ساخر وممثل ومصلح وعليه ان يستخدم نفس الادوات اثناء اتدريب))
ده اللى اكتسفته لما بحثت شويه فى الادب الساتورى
لفتهم مدربين تنميه بيمثلوا حياة انسان
1)بالوصف او التمثيل
2)بيبثوا رسائل بالسخريه والضحك وليس الهزل((المدربين مش المفروض يبقوا اراجوزات ولا كتاب الادب الساخر لازم يبقوا بهلونات))
3)وكمان رسائل جادة فى وقت معين اثناء الكتابه او التمثيل او التدريب

مش ده اللى بيعملوه معانا لما بنحضر كورس؟؟؟
او لما بنحاضر يعنى:D

عاوز يوصلها للناس او شعاره التغيير زى حالتى كده((:
وهتلاقونى بتكلم كمان عن العلوم وهعمل اشارة ليها
بشوف دايما ان الاديب او الكاتب ....مدرب ومعلم
والعكس صحيح.....عندهم نفس الخبرة ونفس الادوات
بس المدرب ممثل
والكاتب كاتب وممثل
كلامى طبعا عن المتميزين((:
الادب والتنميه كعلم................الاتنين لاصلاح المجتمع باصلاح كل ذات
بس اللى بستغرب له قد ايه النظرة العميقه فى ادب قبل الميلاد

أدوات الكاتب الساخر الساتورى او المدرب القديم مع التنميه البشريه بنظرة حديثه
***************************************************************************
النقد القاسى والتهكم والمحاكاه
أما ب أ)وصف موقف مؤثر بحيوية بالغه عشان يوضح السخف او الشر..او العكس الجمال والخير
ويخلى المتلقى اى كان مستمع او قارىء اللى بالنسبه له اعمى البصيرة او جاهل يرى الحقيقة ويعتقد ان هو اللى شافها بنفسه

ب)او يخليهم هم بنفسهم يعترضوا على الشر ويايدوا الخير ((ممثل المسرح)) طبعا مسرحيات محمد صبحى
او يحبوا الخير او المثل الجيد اللى بيتكلم عنه المدرب ويسعوا يبقوا ازاى؟؟
نقل الخبرات

طيب ازاى؟؟؟؟

1)الاختيار الدقيق للغه: صور محفزة..استخدام الكلمات فى الجمل بشكل معين
وده فى العلم الحديث
فى البرمجة اللغويه العصبية اسمه ميتا مودل
او فى التنويم الضمنى بيعمل حاله ارباك للواعى فبيخليه يستقبل اى شىء (:
2)هجوم
.تسليه
.وعظ
يعنى يخليك تضحك!
يقولك دايما ذهن المستقبل بيستقبل اسرع طول ما هو بييضحك لانه مشاعره بتبقى معاك
****************
ويخليك تكره انا السلبى او الشرير او اللى عاوزك ترفضه وتبقى احسن
*******************
وعظ: يلمس لك على الخير اللى جواك ويصحيه ويخرجه منك ...ويخليك انت اللى تحس انه خرج منك غصب عنك وظهر
لان كل واحد فى الدنيا بيبحب يبقى احسن ويطور من نفسه
**************************


3)وظيفه الفن ده التشخيص للعلاج للمساعده فى العلاج
مش عشان يخلق مجتمع مثالى زى الادب اللى دايما بيبقى فيه لمحة من الخيال
لا بالعكس هو علاجى.......تطويرى........تحفيزى

المزاح والنقد


4)فى عز الانتشاء يكون الذهن مستقبل جيد للاقتراحات لذا كانوا يستخدمون هذا الفن فى بث الرسائل والقيم اثناء التمثيل الكوميدى  بالتوقف اوارسال رساله مضحكة


الادب الساخر.....يسخر
يوصل رساله فى وسط ابتسامة

5)التهكم والنقد بطريقه جادة دائما تخلق الاعداء لان مافيش حد بيحب يحس انه وحش
فكان الاطار كوميدى عشان يبنى مع المستقبل الالفة((تنويم ضمنى))
عشان يخلي الواعى عنده هو اللى بيقول لا لا ده شر او ده خير
ويوافق ع الخير ويكون اول مطبق له
شرط ان الواعى يسلم للرساله الايجابيه التى ترسل له


وده بيحصل معانا فى الرسائل السلبيه برامج التوك شو
ده هزل بيوصل رسائل سلبية
عشان فعلا بيعملنى ارباك للواعى......ويخليك متنح
مش بتبقى بتضحك وانت بتتفرج على الناس العجيبة بتوع ستاند اب كوميدى السذج دول:D





المدرب.........من الممكن ان يكون كاتب ساخر
والكاتب الساخر...........مصلح ومدرب تنميه ذاتيه
شرط التميز........وان يكون العمل لله..........وان يكون هدفه فعلا مساعدة الناس واصلاح حال المجتمع


خد بالك من دماغك
وانت حافظ على دماغ اللى قدامك لو عندك الحجج او الوسائل او العلم اللى تقدر من خلاله تغرز فيهم قيم
أمانه فى ايديك انت اللى حملتها(:

خلى رسالتك فيها كل جوانب الخير والحياة السعيدة(:

رسالتى التغيير

الفترة اللى جاية ان شاء الله
هستمر فى الكتابة بطريقه ساخرة بغرض التنميه كالعادة
وفيه افكار جديدة بدات فى تنفيذها هتكون حاجة حية هتفيدكم بأذن الله باى علم بكل شكل وباى وسيلة
بالتوفيق لى ولكم
تابعوا الجديد من البلوج او من الجروب وقريبا ب(.........)
خليها مفاجأة:D

مدينة التغيير
(:
http://hebasamy.blogspot.com/



الادب الساتورى الساخر لايجاد الحلول وتطوير المجتمع واصلاحه
بعد النقد والسخرية للواقع المؤلم
وليس الضحك من مر الواقع فقط.........وهذا ما اعجبنى فى الساتورية
وهذا غرض من اغراض النوت ايضا(: