فكرة جت لى وقالت لى لازم تبقى معايا

السلام عليكم ورحمة الله وبركاته
النوت المرة دى براءة والله من الهامات ايام الامتحان العجيبة دى :D
هى فكرة جت فى دماغى من فترة طويله بس اتبلورت فى دماغى خلاص وقررت انى هنفذها وانتم معايا طبعا ان شاء الله


عندى حلم ان يبقى عندى مدينه للتغيير مش اسمها كده..........لأ ده هدفها(:
مؤسسات متكامله هتعد فعلا ناس هنبدأ التغيير بيهم حتى يغير الله ما بنا وما بمجتماعتنا

ومن ضمن البرامج التعليميه اللى فيها وهى الاساس القرءان الكريم
مش القرءان اللى الناس بتتسابق فى قرايته ولا اللى بنقراه لمجرد القرايه او اى سبب بستغربه
او القرءان اللى الناس بتهجره...وماتعرفش تقرا منه فى صلاتها غير سورة الاخلاص والمعوذتين....طبعا كل سور القرءان عظيمه
بس الاخلاص والمعوذتين........لناس متعلمه ولغات وشهادات وحاجات وكمان بقى مش بيقروها صح؟؟؟!!!!!!!!
ومايعرفوش القرءان والعلوم الكثيرة اللى فيه؟؟؟!!!!

عمركم شوفته حد لسه جايب جهاز لا يفقه فيه شىء ومجربش يفتح الكتالوج بتاعه؟؟...
زمان كده كنت عملت نوت من تأملات دراستى العجيبة المريبه دى اداب يونانى ولاتينى
قلت لكم ع هوميروس اللى عامل الالياذة والاوديسيا واد ايه كان اليونانين بيقدسوا الكتاب ده كقصص ودستور لحياتهم
وبيرجعوا ليه فى كل كبيرة وصغيرة فى كل شئون حياتهممممممممممم
قعدت افكر..........يا نهار ابيض...هوميروس ده بشر........جمع كل اساطير البشر وكل حاجة خاصه بكل حاجة فى الالياذة والاوديسيا..........جمع خبرات....وقوبل بهذا التقديس والاحترام والسير ع منهجه
والقرءان اللى منزل من عند ملك الملوك........اللى اعلم بينا وبحالنا.........اللى فيه كل حاجة عشان حياتنا تبقى ناجحة ومستقيمه
واحنا مش حاسييييين بقيمه القرءان مش فى مكانة قراءه عند رب العالمين وبس..........لأ .....القرءان فيه كل علوم الدنيا
فيه مواد بحث لو بحثنا وراها فعلا هنبقى خير أمه ومش هنسمح لواحد يقول طالما احنا عندنا كل ده ماكتشفناش ليه؟؟؟
الغرب يكتشف ونقول هيييييييييييييه ده عندنا
آمنت بك ياربى...........................انا اخذت القرءان طريقى فى حياتى.......منهج بحثى فى الحياه....اخد الخيط من ءاياته وابحث وراه ويقولوا علماء الاسلام هم اللى اكتشفوا مش الغرب!!!.....بس برضه ده رحمه بيهم وبينا
وغير بقى القرءان وتاثيره سيكولوجيا وفسيولوجيا وكله...........بعباداته، بعلومه ،بقصصه.،باحكامه....فى حياتنا........كلام الله !!!.......
******************************************************
بعيدا عن الكلام اللى انا قلته ده كله
واللى لو اتكلمت عن القرءان فى كل جانب من جوانب حياتنا مش هيكفينى الف نوت ولا كتاب(:


خيركم من تعلم القرءان وعلمه
ان شاء الله اول لما اخلص امتحاناتى
قررت انى هيكون فيه لقاء اسبوعى...........
1)تحفيظ للقرءان بشكل سهل وبسيط بطريقه صحيحة باحكام التجويد(((دارسه ليها بفضل الله)))
بس هيكون ممارسه اكتر من شرح للاحكام وليكم عندى كتيب صغير لكل اللى هيحضر باحكام التجويد بشكل مبسط جدا
2)احاديث فى الفقه والسنة
3)هنتكلم عن العلوم الحديثه وهنستخرجها من القرءان والسنة والسيرة
ودى كانت فكرة جروب السيره البنويه والتنميه البشريه للمدرب/محمد زكريا
نعملها عملى(:
ومفاجأأأأأأأأأأأأأأأأأأأأأت كتير
هيكون لقاء النور فى حياتنا.............وكل اللى متأكده منه ان حياتنا هتتغير وهتختلف
لقاء العلم والمعرفة والثقافه بجد لاننا هنربط القرءان والسنة والسيرة بالعلوم
هيكون لقاء شيق وممتع وكمان...بيرضى ربنا
انا لحد دلوقتى
بفكر فى 1) هل اللقاء هيكون منفصل الشباب عن البنات...لكل واحد فيهم يوم
بنفس المنهج وهستعين بناس عارفه ان كتير هيحبوا يساعدونى فى العمل ده؟؟
2)اسم للقاء ده ........فكروا معايا اسميه ايه؟؟؟
مين هيبقى معايااااااااااااااااااااااااااااا؟؟؟؟؟؟


ملحوظة هامه
*****************
انا يا جماعه مش من مرتدى الاسدال ولا النقاب.......عشان بس الاسئله اللى بتبعت لى اللى مش بشوف لها لزمة
لان اكيد ده مش الشرط......انى اكون متدينه
لانى مش بشوف ان فيه حاجة اسمها متدين وفيه لأ......الدين هو منهج الحياه الاتنين مش هيصحوا الا ببعض
بشوف نفسى بنوته عاديه جدا مسلمه عاوزة تكون مميزة بدينها
....ملابسى بسيطة محتشمه......كتاب الله منهج حياتى زى ما أمر


احلامى كتير قوى وعشان ربنا عالم بصدق نيتى اتحقق كتير منها بشكل مصغر
بقول1)ممكن يكون عمرى قصير فربنا بيرضينى من رضاه عليه
2)او انه خبرة لاحلامى الكبيييييرة ومن كتر كبرها صغيرة عشان لما احققها يكون عندى الخبرة ودى برضه من كرم ربنا عليا



ها بقى
مين هيبقى معايا؟؟
فكروا فى اسم للقاء؟؟؟
وكمان مين هيساعدنى ؟؟؟
وتحبوا اللقاء يكون منفصل ولا ايه؟؟

هبة سامى

اسمعوا البنوته دى
http://www.youtube.com/watch?v=5iruw9hbM90&feature=related

تصميم أ/محمد عبد المقصود
ربنا يكرمك استاذى
دايما سباق بالخير