احساس بنوته عايشه حدوته

السلام عليكم ورحمة الله وبركاته

بما انى بكرة عندى امتحان(((ادعوا لى يعنى)))........والله مش عارفه ايه اللى بيحصل ساعه الامتحان
الالهام بينزل اكتر من اى وقت تانى:D....
بس برضه الكلام اللى فى النوت دى قديم اوى وعمر ماحد شافه منكم وولا تخيل اللى انا اللى كتباه
هو نزل على الفيس بس واحده صحبتى هى اللى نزلته ع صفحتها لانها كانت قصتها
باسم مستعار لية تمضى بيه عشان تقول ان ده مش كلامها هى
وكمان عشان مش بحب انزل توبيكات فيها تعبير عن مشاعر ،،،عشان هى خواطر فى كشكولى
فى يوم نزلت الساقيه قابلت بنوته اتعرفت عليها هنا ع الفيس
فجاءة حكيت لى حكايه سمعتها ديشليون مرة وهى حكايه بنات كتير
حستها جدا وهى قعده معايا.............طلعت كشكولى وعبرت عنها وقعدت اكتب وبعدين وريتها الكلام ........عجبها جداو.قالت لى ممكن يبقى معايا اقراه وانتى لما تروحى نزليه ع الفيس...........طبعا قلت لها فيس مين ووش مين بس
ممكن تنزليه ع صفحتك باسم مستعار براحتك


بس انا قلت مادام كتبته يعنى اخفيه ليه؟؟؟

طقت فى دماغى وانا بذاكر فصل شيشرون فى كتاب الادب اللاتينى انى انزلها...ارحمنى يارب واخلصه ع خير:D

وهذه كانت الكلمات
بعيد عن طبيعتى فى كتابه النوتات(؛

****************


احساسى بالجرح مش قادرة اخفيه
والله ما انا عارفه كل ده ليه
بحب ولا يادوب عشقت نظرة عينيه
ولا الدنيا جارحانى وانا من همى جبتها فيه
حسة انى ماشيه ومش راسيه ع بر
غرقت فى همومى ودموعى بحر
مستخبية جوة عيونى ومفيش مفر
طول عمرى خايفه من احساس يدوبنى
وافتح له بابى ولا فى مرة يهادونى
يعذب ويدبح فيا احساسى
ولا هعرف اقول يا هو أو يا ناسى
هيقولوا انتى اللى اخترتى تعيشى المآسى
طول عمرى وحدى برغم وجودى بين الوف
فاكرنى صلبة ولا هاممنى احساس أو حتى خوف
تدى الحنان تدى الامان تتطبطب تداوى
قلبها مقفول وملهاش هى فى كلام الاغانى
اه لو يعرفوا انها بتدفع ثمن السكوت
حسة اخرة مشاعرها موت
خايفه مستنيه احساس بالامان
طول عمرها مابتثقش فى نظرة حنان
الدنيا علمتها ان الغدر لونها
والصوت ده صوتها
ده صوت الانين
طول الوقت حسة بحنين
لاحساس برىءء فى قلبها الدفين
أأأأأه يا حبيبى قولى بس انت فين؟
هو انت اصلا ولا حد لسه فى مكانه هناك
انده لو انت وحياتك انا بروحى سمعاك
ربنا خلقنا نصين فى جنة
وفرقنا دنيا وحدد لينا ميعاد
اقابل كتير واحس وهلة
اكيد فى يوم هنتقابل عند رب العباد
الحب حقيقة خلقها جوانا
بستغرب الناس اللى قلوبها جماد


شكرا لكى ايتها الملهمه
هى عارفه نفسها بقى:D

أحم أحم

:Dايوة انا اللى كتباها

هبة سامى

نسيت اقولكم حاجه مهمه اوى
ان البنت اللى حكت لى قصتها اتخطبت وهتتجوز قريب
قولوا لها مبرووووووووووك
وعقبالكم