بحبك ...مش قصدى بحبك يعنى.....نعم؟؟:D:D!!!

من فترة كده كنت بتكلم مع حد بعتبره اخ اكبر وكان دايما بحس باحترامه لعقلى من خلال مناقاشاته ليا فى مواضيع مختلفة....وهو حد طيب، وتلقائى للغايه ،ويعشق مساعده الاخرين جداا والتفاعل معاهم وده غير انه شخص متزوج ومعه اطفال....فكنت الاحظ دائما منه هذه التلقائيه والعفويه من الكلام ودائما اراقب نظرات خوفه من فهم الناس ليه غلط.........واكيد تعرض لده كثير اووى بدليل انه قالى انا هناقشك بموضوع وسمح لى انى مثلا افتح حلقة مناقشه هنا كده ع الفيس فى الموضوع ده اللى ليا فيه رائى شخصى جدا ....بس انا انشغلت فى كذا حاجة تانى ...بس الحقيقه بقى موضوعه ده بجد بجد بيحصل مع ناس كتير جدا وبقت مشكله وعقده البنات دلوقتى كده والاولاد لهم اراء ووجهات نظر مختلفة وبرضه البنات..وعاماله اتسأل كام سؤال لاحظت تفشى الموضوع ده يا عينى:D

مثلا هو ليه لو حد ولد يعنى قال لبنت بحبك بس مش هو قصده بحبك اللى بالى بالكم دى
ده هو قصده بحبك عادى يعنى (خدوا بالكم بس من كلمه عادى دى اللى هيعرفنى هيلاقى الكلمه دى بتغظنى بس مش اوى يعنى ع حسب:D)
يعنى شخص بيحب اى انسان بس يقول بحبك ويحسس اللى قدامه باهتمام معين وكلمات بطريقه معينه فممكن لو حد حازم شويه هيقلق ويخاف من الشخصيه دى ويبعد .......ولو حد عادى ))) يعنى هو كمان بيقول كده هو يقصد بيها معنى معين بيبقى عادى
فالموضوع ده مثلا كان مسبب اكيد للشخص ده ألم وجرح كبير اوى .....ليه بقى؟؟
الناس بتفهم غلط............ليها ردود افعال مختلفة.......


من زاويه تانيه مثلا
واحده صحبتى جايه تقولى هو كده يبقى عاوز ايه؟؟؟
اقول مين ده؟؟
تقولى هو.....شوفتى بيعاملنى ازاى؟؟؟
اسكت.......ده غير انى مش بحب احكم اوى فى الحاجات دى.....لان الناس بقت عادى عادى يعنى:D
والله انا نفسى ببقى عاوزة اعرف هو عاوز ايه بالظبط منها يعنى:D
والبنت محترمه...نفهم صح.....وننقى النيه كده(:
وببقى فعلا مش عارفه احدد............لان المشكله ان نظرات معينه كلمات معينه اهتمام معين..يحسس بنت معينه ان فيه حاجة
فبيبقى فيه احتمالين
1)فعلا فيه حاجة وبيجس نبضها....ايه ده؟؟؟
2)عادى ....انا مقصدتش هى مجرد اخت عزيزة بحترمها.....يا سلام؟؟؟!!!!!!!....اتقى الله
زى ما يكون يعنى مش فاهم ان فيه حاجات ربنا خلقها فى الاتنين طبيعيه جدا ...طبيعه نوع....عشان كده ربنا حد حدود التعامل بين الاتنين عشان متحصلش المهزلة اللى بتحصل دى!!!!........بس بما ان البنات فى الجامعه والشغل واحتكاك غير مقصود ....فالناس مش واضحة وصريحة...وتبدأ اللعبه وندخل فى روايه حيرة بلا نهايةةةةةة

وهى تقولى طيب انا أعمل ايه يعنى؟؟؟
لا الشباب لو كان بقى الاحتمال الاول
فيه فئه هتقول
لو استجابت معايا وحسستنى ان فيه حاجة........استحاله افكر ادخل البيت من الباب هو الاخر كده الشباك ولو دخلته اصلا!!!
وفئه تانيه تقولك
البنت بطبيعتها مشاعرها وعواطفها كثيييرة اوى فلازم اول لما تحس بحاجة تفضل تدى فى مشاعرها لحد ما يقول عليها رزله هو بيبقى حاسس الحاجة بس محتاج البنت تتطمنه لان الولد بطبيعته بيخاف من المسئوليه
فبيبقى بيقرب ويبعد يبعد ويقرب صبح ليل ليل وصبح ......وهى زى ما هى
اول بقى ما يحس انه لأأ بقى لازم ياخد خطوة ايجابية.....يروح يقولها بعد ما تطلع روحها !!!!


والبنات مش عارفه تتعامل ازاى؟؟؟
طبعا بالدين.....بس لو فيه شاب حالته كده......طبعا لو طنشت لو هو كويس وبيحمل وجهة نظر الفئة الثانيه كده خلاص ربنا يرجعه بالسلامة بقى مالهوش هو دعوة البنت دى ممكن تكون بتفكر ازاى؟؟!!!.....وخصوصا ان الشباب لا حول ولاقوة الا بالله...العصر دلوقتى مديهم كلمه عادى دى فى كل شىء ........بلاقيهم بدقن بيقولوا كده
مايقولش
1)طيب احسن تكون خايفه ع دينها او2)خايفه انها تكون فهمانى غلط لو كان عادى يعنى وزى اختى
ويعدين نلاقى بقى يشأل ويقول هى ليه البنات بتحب تحور؟؟
اوا انا مش عارف.............مش فاهم ..............مش قادر.............مش دلوقتى.............امممممممممممممممم

وبقى فيه حاجة بقى اكتر واكتر
دلوقتى ولد او راجل عاوز يتجوز بنت وقرر وحصل واتكلموا بحبك والحوارات دى ووحتشنيى والتفاصيل اياها....وبعد يومين لأأ...انا غلطان...اصل كل شىء بقى عادى ....وماتكبريش الموضوع
نفسى افهم هو امتى بيبقى صغير وامتى بقى بالظبط بيكبر؟؟؟؟:D

بصوا انا طول عمرى ليا وجهة نظر فى الموضوع ده
بس لما بقوله لاصحابى او لاى بنت بسمع منها اى موضوع
بحس انه مش ع ارض الواقع؟؟؟!!!!...........بسمع وبفهم وباخد الكلام ادخل الفتر
بلاقى قيم مختلفه مش شرط او انا مقصدتش انها وحشة لأأ مش شرط يعنى
انا اقصد البنات بقت بتشوف حاجات دلوقتى
والاولاد كمان.....وجهات نظرهم بتختلف............
هو خايف من المسئوليه.........وخايف احسن تكون رد فعلها رخم عشان هى مثلا مش ممكن توافق عليه
وهى خايفه احسن تعمل اى حاجة يفهمها غلط

الحمد لله الوضوح والمواجهة اختفت.....كأنهم بيلعبوا لعبه ريست او فى روايه حيرة بلا نهايه
وهى تعيط وتقول انا انجرحت
وهو يقول عادى يعنى..........وكل يوم يطبق المنهج الجديد
والعمر يجرى والوقت يطول

وبعدين نسأل هى ليه فيه عنوسه فى البلد؟؟؟
بعيدا يعنى عن الناس اللى مش لاقيه تجيب حتى بلاط
ونسأل هى ليه قله الادب زادت؟؟؟
ونسأل برضه هى ليه كلمه عادى انتشرت؟؟؟؟
وليه كله تايه ؟؟؟


1)اسال نفسك واسالى نفسك احنا عاوزين ايه بالظبط؟؟؟
2)الوضوح والمواجهة شغل الافلام ده ..........مات من زمان...الله يرحمه كان ممل وغلس
3)اعرف احدد دم علاقاتى....وافهم ده بوضوح للناس اللى قدامى
وابقى عارف ان كل ولد وكل بنت...ليهم طبيعه معينه ربنا خلقهم عليها ......مهما تمدنا وتحضرنا وبقينا زى ما نكون فى اوربا والدول المتقدمه :D...................اعرف افهم اللى قدامى كل شويه هو ايه بالنسبه ليا؟؟....بذوق وادب وتسمك بدين واحترام وكل المعانى الحلوة الواضحة
سيبك من قيس وليلى .....ولو ضحك اربع ضحكات ورا بعض افرحى يا بنت ده خلاص بكرة هيجى يقابل بابا:D
ايه الملل ده؟؟
عمر وسلمى وغيرهم.......فى الافلام بس
الافلام بس والله
خليكى وااااااضحة كلامى للبنات اللى بتحب برضه شعل لاافلام وتعلق بيها ناس(ده فى علاقاتك)يعنى تحطى حدود
وخليك واااااضح يعنى اللى يعوز حاجة مش بيقعد يشاور لها من بعيد عشان تجى له .....لازم يروح بنفسه ويجرب ياخدها (حلال طبعا) ويسأل هو سؤال واضح له اجابه واضحة!!!!!


عاوز اسمع رأيكم ............ع فكرة انا بجد عامله التوبيك ده عشان اسمع الشباب والبنات بيعانوا من الموضوع ده ولا لا؟؟....او بمعنى اصح شايفين ازاى؟؟؟..........وايه الصح من وجهة نظرك؟؟؟؟؟؟
انا ارائى ممكن جدا تكون مختلفة .........عاوزة اسمع وخصوصا انى لقيت الواقع من كتر اللى بسمعه بقى فيه شويه شوائب
ونأسف للازعاج


وربنا يطمن قلب كل حد فيكم
ويرزقكم زيجة صالحة وذرية صالحة (:

ابتسم وقولوا لى رأيكم(:
موضوع مريع مش كده:D
لكل حاجة اصل
مش عارفه ازاى بيختلط