Demo image Demo image Demo image Demo image Demo image Demo image Demo image Demo image

ورق التوت

  • الجمعة، 20 أغسطس 2010
  • هبة سامى

  • وبحلم بايه أسألنى هقولك بحلم اقرب واحس بقربك تتكلم وتحكى واشكى لك وابكى اسمع لك بقلبى تسمعنى بقلبك تتدوب الحواجز تتهد السدود واقولك وتفهم حتى السكوت وادارى اشتياقى وحنينى اللى باقى بورقه توت تتدوب الحواجز تتهد السدود واقولك وتفهم حتى السكوت وادارى اشتياقى وحنينى اللى باقى بورقه توت
    (لكل نص بيدور ع نصه او لسه ماقبلهوش)
    تتر

    ده الطبيعى جدا بنحس به جوانا .....كل واحد فينا بيشتاق انه يعيش المعنى ده او عايشه

    مش كده؟
    بس حلال........وصح
    وايه حكاية ورقه التوت


    لأ بقى دى فى النوت(:
    هى واننا مش هنعرف نعمر الارض صح غير لما نفهم حكايه ورقه التوت




    السلام عليكم ورحمة الله وبركاته

    يا رومانسيين ازيكم؟.....كلكم بلا استثناء .....أصل دى فطرة اتخقلنا عليها
    فيه منا محفورة جواه
    ومنا بيستخدمها غلط
    ومنا بينكرها
    ومنا عايشها صح
    ومنا ومنا ومنا..........اصل احنا كتير اوى ومختلفين برضه اوى......

    مبدائيا كده .....انا الحمد لله ربنا أكرمنى مش بسمع اغانى بقالى مده كبيرة اوى بعد ما كنت مش ببطل اسمع اغانى وخاصه اغانى الكآبه العجيبة دى واغانى والله لوريك وجرح تالت وخمسين وعذاب ومنك لله واكرهنى وانا خنتك من يومين:D وحاجة تقرف يعنى وتركيبات فى منتهى الغرابه....ولما بطلت ابتديت احس بالواقع اوى لان الرومانسيه مش خيال ....لانى عينيه مفتوحة وقلبى وعقلى على كل حاجة حلوة ربنا خلقها وعرفت معنى ان الدين حرية وانه مش مفصول عن حاجات جميله....حرية شديدة بس مسئوله كلها احاسيس حلوة اوى....انا مش هتكلم اوى عن دينى اللى بعتز به (الاسلام).....هتكلم عن بشر حوا وادم .....وهعبر عنهم بما ان فيه اناشيد دينيه بتتكلم عن الزوجة والزوج والحب اللى فى الطريق الصح....
    بالصدفة يعنى فى الميكروباص فى اى مكان بسمع اغانى منها منتجها بعض دعاة الاسلام
    والتانيه لمطربين .....بستغربها انها مكتوبه متجرده من الحقائق فى عقول الناس الناس بقت بتحب اغانى الاهات....وبقينا بنعشق اللى مش عادى
    الجرح والالم والعذاب .......والكلام اللى مش عادى.....من ناس مش مع الرومانسيه والفطرة.....الحب مش شهوة ....الحب فطره جوة قلبك ....سر وجودك وكيانك ....كمل النوت لاخرها

    هسأل سؤال
    هو احنا ليه اصلا مخلوقين اتنين جنسين مختلفين ادم وحوا.؟؟!!
    واحنا مخلوقين عشان ايه؟؟...........تعمير الارض.....مش كده؟؟؟

    طيب هو ازاى؟؟....ان الانسان يعرف دوره ويمشى صح بمنهج الانسان مش هيرتاح الا لما يبقى عليه.....يعرف هدفه ولزمته فى الدنيا دى .....لانك مادام موجود اكيد ليك لزمة .....طيب لوحدك؟؟؟.......مش هتقدر....الكلام ليك وليها......وانت طول الوقت مشتاق لمؤنسك ونصك اللى دايما بتدور عليه مهما كنت بقى انت مين او بتعمل ايه؟؟....بمواصفات مختلفه باحاسيس مختلفه......الدنيا كلها عشانكم انتم الاتنين تعمروها سوا....المشكله ان المسئله عندنا بقت جهجاهون خالص.....ايوة انا هتعلم اى تعليم وادور ع اى شغلانه واشوف اى بنت من توبى واجيب عيال يعملوا نفس الحكايه وخلاص بقى نموت بدون هدف كده ولا احساس باعظم نعمه وهى الحب حب الله وحب الدنيا كلهااااااااااااااااا وحب نصك اللى هيساعدك تعمرها وانت متميز وحاسس بقيمتك حاسس بالجمال .....تفتكروا هى دى الدنيا؟؟؟.....لأأ طبعا ايه الملل ده ؟؟......وكانها ساقيه كله بيدرو فيها مغمى عنيه مش عاوزة اقول انعام!!!.....والمشكله ان فيه فرق بينا كبشر وبين الانعام وهى العقل اللى بنميز به اختيارتنا وحياتنا .......يااااااااااا.....ناس كتير اوى عاشت بالمبادىء دى او اقصد الروتين الخنيق ده!!!

    وعشان فاهمين الحب والرومانسيه غلط
    ظهر مسميات بتخلينا نبقى ضد فطرة الحب البرىء الجميل ....روحين مربوطين فوق قبل ما يبقوا ع الارض بنشوههم لما بينزلوا
    :
    اصحاب،وكل شويه ان ريلشن شيب وبعدها بيومين ع طول سنجل وكلام بحس بالقرف لما بسمع عنه وبيضحك عليها وبتضحك عليه وهبل ازلى وحاجة مش مخلوقين بيها.....بقينا حقل تجارب سورى خايبه وبتموت المعانى الحلوة ونروح للى مش عادى الجرح الالم كلهم زى بعض وربنا يخدهوووووووووووووووووووووم:D
    ويجى بقى قليل الحيله يروح يخطب ويتجوز هيعمل زى كل الناس يعنى.....شويه دباديب واول يوم جواز ويبدأ الروتين وطلاق وكره وزواج ايه بلا قرف وسجن الزوجية والعيال وامهم والمرتب والتعليم والقوت .....هو ده العادى؟!...دنيا
    وهو يتقل عليها وهى بتشد فى شعرها واهىء اهىء.........فيه قسمه ونصيب اللى شايف قسمته ونصيبه قدامه وهو مستعد انه يشركها معه بدرى ويبدأ تعمير الارض ورسالته فى الدنيا بمنتهى البساطه ....الدينا بسيطه اوى.....ده الصحيح.....مش العب شويه كده وحتى مايحسش معنى نصه اللى قابله بيبقى بيدور ع بنت الحلال ....اللى قعده فى بيتهم مستنياه ....
    بعد ما قضى الرومانسيه مع واحده وسابوا بعض خلاص انا مش هحب بعدهاااااااا.......وبيتزوج عشان يعمل اللى المفروض وخلاص.....حبيبته ماتت ...ومراته دى حد عادى ....اى واحده كده؟؟......ده الطبيعى؟...طيب واللى اتخلقوا فى الجنة الاول ونزلوا ع الارض مكتوب امتى هيقابلوا بعض ....ليه كتيييييير منهم بيضيعوا المعنى الفطرى للحب بتاعهم وبيخلوه مجرد روتين....والحب مش ليهم للى بيقابلوهم قبل الزواج!!!!

    كل واحده فيكم حوا ليها ادم.........وكل ادم ليه حوا ....داروا سوءاتهما بورقه توت لما هبطوا على الارض!!!
    لازم برضه يحافظوا على مشاعرهم ويغطوها بورقه توت لحد ما يقابلوا بعض بنفس ورقة التوت (هيجمعهم احلى واجمل قدر) وويعبروا عنها صح بوضوح ببراءة بنضج باحساس عالى ....الحب مش حراااااااااااااااام بس يكون ادم من غير علاقات وتجارب فاشله ادم بس اللى يستحق الحب وحوا بس.... ....اقعدى اكتبى لادم فى ورق ليكى وانت كمان.....ارواحكم فوق فى السما قبل ما تنزل ع الارض قبل ما تتولدوا ....عشان كده دايما بتحسى بحنين ليه وانت كمان وبتتخيل ان اى حد او واحده هو ده وعشان بنعيش الرومانسيه اللى مش حقنا بنحرم نفسنا اننا نعيش زى حوا وادم بتحرم نفسك تعيش مع مكمل روحك فى السما ....وبتشوهوا كل معانى الحب الجميلة....مش حرام انك تحس او تحسى.....الحرام انك تحاول تعيش مع حد روحه مكتوبه لروح تانيه فى السما....تقبل تخون مكمل روحك؟؟...تقبلى؟؟؟....واللى سبتيه زمان ليه مكمل بس مطلعتش انتى.....وانت كمان....ذنبه ايه مكلمك؟؟
    ده معاكى دنيا وأخرة.........ربنا حط لكم مكانه عند بعض.....بتستهتروا بيها وبتضيعوها وبتقولوا هو احنا ليه مش سعداء!!



    الرومانسيه والحب حلال وفطرة جوة كل حد فيكم بس فيه اللى بيطبقها غلط وحوا وادم من اول الخلق ايديهم فى ايد بعض
    ليهم رساله وحوا ورا ادم حتى فى الصلاة الصله بالله هى وراه بتدفعه لقدام حتى لو هى ناجحه ناجحه هو قبلها عندها
    دنيا جميله كلها خير وحب وتسامح .....باتنين من اول الخلق....مالهومش دعوة بعمر وسلمى ولا توتو وسمير اللى ع ناصيه الشارع:D
    ليهم علاقه باتنين بيحبوا ربنا وعارفين ان الدنيا ليهم يزينوها سواااااااا......بطاعه الله ونشر دينه بتوحيده ....الرسول عليه الصلاة والسلام قدوتنا فى ده برضه..........بعيدا عن معنى الصوفيه اللى ناس كتير بتدفن معنى الاسلام اللى بيسعد الناس فيها !!!
    استعدى ليه ولا ولادك .........بعلمك واخلاقك واحترامك واحساسك ومشاعرك عشان تكملى معه طريق
    وانت كمان استعد ليها.ولاولادك عشان تثبت دورك فى دنيتك ...مش بالكلام اللى محفوظ ولا بالشكليات اياها

    محدش فينا بيكره الرومانسيه والحياه السعيده
    الافلام خربت عقولنا ....وبقى مجتمعنا لأما بفكر غربى خالص كله شهوة......لأما اقفل على قلبك وعيش ميت
    حب ....الحب هو سر وجودك بالحياه......عوزاكم تتخيلوا كلامى ده كل واحد له اللى مكتوب له فى السما قبل ماينزلوا وكل واحد يستعد ويعبر عن مشاعرة فى نوته كل يوم ويتخيل حياته اللى بيحلم بيها تعمير الارض مع سكن كل واحد فيكم وامانه حوا بتاعتك وادم بتاعك....وتعدوا نفسكم باجمل مشاعر وبالعلم وبالحب تخيلوا نفسكم بدائيين والدنيا الجميله وأمر بنا ليكم بتعمير الارض وسجود الملائكه ليكم والشيطان اللى بينغص حياتكم بافكاركم ...بس اللى بيحب ربنا هيشوف الدنيا حلوة بمشاعر حوا وادم بس الفرق انه هو كان اول الخلق وماتعلمش من حد قبله ربنا علمه الاسماء كلها.....احنا بقى هنتعلم منه.....ومن النبى عليه الصلاة والسلام


    اسمعوا دى كعينه من الاغانى اللى بستغرب ان الحب مش هدفها بوضوح....مش لسه هنتعرف ويعدين هخونك وبعدها بشهر هصالحك وبعد كده افكر؟؟!!!!!!!!!!
    هيندم اللى مش هيشوف الكليييييب
    http://www.youtube.com/watch?v=dSxekxz8MPw

    ودى للبنات بشكرك لانك حبيبى اسمها كده لزوجها
    http://www.youtube.com/watch?v=0pCcI_xx3MY&feature=related


    لو فهمنا حكايه ورقه التوت اللى بندارى فيها مشاعرنا
    للروح اللى مكتوبه لنا فى السما قبل ما تنزل ع الارض وتختبر
    هنعرف ان ربنا خلقنا فعلا عشان يسعدنا وادانا الطريق....بس من غباءنا بنحيد عنه
    مش عارفه ليه بنعقد كل حاجة
    الدين وبقينا محرفين له فى تطبيقه مش فى اصوله
    فى الحب الحقيقى
    فى حياتنا كلها
    الحب سر وجودك بالحياه......الله محبة
    والرومانسيه حلال
    كل واحد بيحس بحنين لروح قابلها فوق فى السما قبل ما ينزل ع الارض

    يا بنت الايه يا لذينا:D

  • السبت، 7 أغسطس 2010
  • هبة سامى

  • قبل كده عملت حوار مع حد ظريف ودمه خفيف بس مع حد دمه تقيل ويلطش بس دخلته الانعاش فى الاخر
    نياهاها.......كان مع الاحباط


    حوارى انهاردة مع حد اخيرا انتصرت عليه امبارح بس

    انا:يسعدنى جدا ان يكون حوارى مع الاستاذ حزن لانه حد فظيع مريع ولازم نتعرف عليه عن قرب

    هو:هههههههههه بيسعدك ؟؟انتى تانى؟؟؟

    انا:شوفت الدنيا هو انت اللى راضى تعتقنى ....فضلت تزن ورايا واعاندك واخنقك
    لحد ما افتكرت انك قدرت عليا .........هع كان غيرك اشطر:D


    هو:عارفه يا بت يا انتى اكتر حاجة بتضحكنى عليكى انك شايفه نفسك سبع الليل
    وانتى قطة يا قطة

    أنا:اولا تحترم نفسك فى الكلام .......وانت اللى فاكر نفسك جناب البيه الكوماندا المهم:D
    أعقل كده ونحكم الناس بينا وكمان عشان هم عاوزين يتعرفوا على عبده القوى اللى قارفهم؟؟؟


    هو:قارفهم؟؟؟........هم اللى بيضحكونى طول الليل والنهار
    كل اللى بعمله انى بشيل كل الالوان من قدامهم واحط لون واحد وحاجة واحده بس هى كل حاجة مقفوله
    بقدر اغمى عنيهم وهم مفتحين
    واخليهم يركزوا ع حاجة واحده بس تعباهم


    انا:لئيم وخبيث .......

    هو:(ضحكة شريرة)....شوفتينى من كام يوم لما كنت هكسرك؟؟

    انا:شوفتنى انا بقى لما قعدت معاك قعده وبهدلتك؟؟شوفتنى لما قلت لك انى بستغلك فى انى اكون فى حاله من الهدوء واشرد بعيد فى كل حاجة كانت بتخلينى فى وقتها هروبا منها اضحك بالعكس كنت كل لما اعاندك اقوى اكتررررررر واتحداك واتحدى اى ضغط
    هو ليه انا عاوزة استر عليك وانت عاوز تتفضح؟؟


    هو:هههههههههههههههههههه يا بنتى ده انا بقالى فترة بحاول ادخلك اى وقت لازم اكون موجود
    كنتى بتغيظينى قوى لما بلاقيكى بتضحكى وبتهرجى وبتعملى كل حاجة
    بس كنت بقول دى هتيجى فترة واستلمها استلامة فلالى......كل حاجة من ورا قلبها:P


    انا:مشكلتك انك مغرووووور زيك زى اى حاجة وحشة فى الدنيا
    بيحاول الشيطان يزرعها فى نفوسنا ساعات لما بنغلط او بنبعد شويه عن اللى خالقنا او بتكون مجرد اختبار ما هى دى الحياه اختبارات
    ما هو انت شعاع من اشعه شر الشيطان ضعيفه قوى مع قوة الايمان نوره بيحرقك وبيخليك فى حالتك دى


    هو))عينه حمرا وشعره وقف وبقى حالته حال)):اسكتى انا اصلا عمرى ما هسيبك هفضل وراكى وهاسر كل احوالك بيا
    وهخليكى عايشه من كتر وجودى عندك مش قادرة حتى تعيطى وتعبرى عن اللى جواكى

    انا:قولى سبب واحد بس يخليك موجود فى حياتى؟؟؟


    هو:نياهاهاها ((ضحكه كبرياء)).......الحياه خسارة ومكسب وقت الخسارة هخليك ماتشوفيش غيرى لونى المفضل الاسود
    هبعت لك كل اصدقائى الاحباط والضعف والياس وكل حاجة وهبقى انا حالك الاخير


    انا:طيب .......هو انا مش كده كده هموت؟؟؟
    مش بعمل كل حاجة عشان ربنا؟؟
    مش اللى بياخد وبيدى ربنا؟؟؟
    مش اللى بيكرم وبيرحم ربنا؟؟
    مش اللى بيعذب ربنا؟؟؟
    مش كده كده الدنيا فانيه؟؟
    مش انا عارفه ان ربنا خلقنى عشان يسعدنى بدينه بس شرط اكون قويه الايمان؟؟
    حتى لو حاجة ضاعت منى ربنا هيعوضنى عنها لو ماكنش فى الدنيا يبقى فى الاخرة
    وانا اقدر اخلق لنفسى سبب السعادة
    اقدر انجح ....اقدر ادى .....اقدر اعمل كل حاجة مهما ضاع هحقق ....مهما كان سبب وجودك اقدر انهيك ...وجودك بمزاجى وابقى عبيطة لو سابتك تتحكم فيا
    اكيد فيه نور جديد جاى من بعيد شايفنى وشايفاه
    اكيد فيه حاجة حلوة جايه.......احسن يوم فى حياتى لسه هايجى ان شاء الله
    يا فاااااااااااااااااااااااااااااااشل


    هو:اسكتى اسكتى
    وانتى متفائله بمبالغه هتوديكى فى داهيه هتفوقى ع صدمه هع هع هع


    انا:بتضايق يا فاشل
    طيب يا فاشل يا فاشل
    يااااااااااااا فااااااااااااااااااااااااشل

    وبعدين مين قالك انى متفائله؟؟؟
    انا مؤمنه
    مؤمنه ان فيه رب يقدر ع كل شىء
    وده اقوى من التفائل .......لان ممكن يحصل حاجة وحشة واشوفها وحشة من وجهة نظرك
    وهى وراها الخيييييييييييير كله..........ده ايمان اقوى من اى تفائل



    هو:يا بنت الايه يا لذينا
    :D عرفتى السررررررررررر
    وهو بيتحرق اصله شعاع ضعيف من كيد الشيطان عاوز يخلينى بكل اشاعته من احباط وحزن وهم فى حياتى



    حاولت امحيه من حياتى زى ما محيت الاحباط
    ومحيته ............همحى كل شعاع من اشعه الشيطان فى حياتى
    دخل معايا فى مباراة كان مغرور فيها.............وهو عارف انى استسلامى ليه
    مكنش حاجة غير انى كنت بعيد حسابات معينه ....بس انا اللى كنت مسيطرة مش هوزى ما كان متخيل
    اى حاجة مخلياك حاسس بضعف
    واجهها بشجاعه ولازم تعرف انك المتحكم فى كل حاجة


    تعبير للخروج من حالة او المحاوله للخروج من حاله معينه كان فيها شعاع.لئيم كان هيدمرنى..لو كنت خليته يصدق نفسه

    ياريت كل حد بيكلمنى على التليفون ومش بقدر ارد يسامحنى
    وكل الناس اللى بتسال بجد بشكركم .......انا حتى مش قادرة اتابع المسجات او ادخل الوول اتابع
    انا تعبانه شويه ......بس الحمد لله دلوقتى احسن
    سامحوووووووووووونى............وشكرا جزيلا لمشاعركم الطيبة فى السؤال عليا
    بحبكم فى الله

    نزلت التوبيك عشان1)اى حد بيجى فى حياته الاشعه دى ....التنوبيك رساله انه يقدر يمحى اى حاجة وحشة من حياته بمشيئه الله
    2)اعتذر واشكر كل الناس (:
    أدعوا لى ارجع بسرعه


    رسالتى وصلت؟؟؟