Demo image Demo image Demo image Demo image Demo image Demo image Demo image Demo image

ورق التوت 2

  • الجمعة، 24 سبتمبر، 2010
  • هبة سامى


  • السلام عليكم ورحمة الله وبركاته
    ازيكم؟؟؟


    فاكرين نوت ورق التوت؟؟؟
    شكلكم ناسينها عامه اهى
    http://www.facebook.com/note.php?note_id=390171341925


    النوت دى كانت للرومانسييين وما زالت يعنى:D


    فاكرين التتر؟؟
    وبحلم بايه أسألنى هقولك بحلم اقرب واحس بقربك تتكلم وتحكى واشكى لك وابكى اسمع لك بقلبى تسمعنى بقلبك تتدوب الحواجز تتهد السدود واقولك وتفهم حتى السكوت وادارى اشتياقى وحنينى اللى باقى بورقه توت تتدوب الحواجز تتهد السدود واقولك وتفهم حتى السكوت وادارى اشتياقى وحنينى اللى باقى بورقه توت



    انا كنت بتكلم عن ورق التوت وبقول ان دورها زى ما ابونا ادم وامنا حوا استخدموها عشان يداروا عوراتهم
    ان كلنا المفروض يستخدمها عشان يدارى اشتياقه وحنينه لمكمل روحه(زوجه فى الجنة) اللى اتكتب ليهم انهم يتقابلوا فى السما قبل ما يبقوا ارواح باجساد ع الارض
    طيب هم اتقابلوا فى السما فى اجمل مكان
    ونزلوا ع الارض وربنا جعلهم مخيريييين اه بس فيه قسمه ونصيب بتجمعهم ....بس من وجهة نظرى انهم اللى مخيريييين فيه الحياه اللى بيحلموا بيها او اللى عايزين يعيشوها او احساسهم ببعض اللى ساعات بيمحوه لمجرد انهم رموا ورقة التوت بدرى

    يعنى ممكن القسمه والنصيب تيجى ....بس بعد ما بيكون مافيش وجود لورق التوت فبيكون من خيالنا ان كل حد بنقابله وبيشدنا هو ده النص التانى
    واللى بيحصل ان فيه شىء مش بيكمل فبنعتقد انه بعد كده خلاص وان الروتين الدنيوى اى واحد او اى واحده ونعيش زى باقى الناس....يعنى مش شرط اكون بحب زوجى او زوجتى اى حد والسلام المهم انه ع الاقل مكتمل الموصفات....منتهى القسوووة ....وده نتاج طريقه تفكيرنا بيحصل نوع من انواع الظلم لنفسنا و للاخر........


    طيب دلوقتى مشينا صح ومعشناش زى بقيه الناس....لقينا نصنا اللى قابلناه واتخلقنا وياه فى السما....وربنا اكرمنا ووجدناه ع الارض....وعشنا الحب والرومانسيه فى الحلال....واسقطنا ورقة التوت اللى قعدنا ندارى فيها مشاعرنا وحنينا له لحد ما ربنا كتب واجتمعنا فى خير ربنا وحلاله .....وعيشنا بفطرة سليمه وحياه جميله وبسيطة كلها حب ونجاح وذريه صالحة ورساله عظيمه لوجه الله

    تفتكروا ان ورقة التوت لازم تبقى موجودة بعد الارتباط والجواز؟؟؟

    اه .....ايه ده ايه ده؟؟؟
    كمان بعد الجواز...امال عنعيش مشاعرنا ازاى؟؟؟


    لا لا افهمنى بس(:

    للاسف معظم الناس عندها مشاعر يعنى خطوبه ودباديب وكلام حلو وانتهى الحد بمجرد ما كتب الكتاب واتعلى الجواب
    طيب وبعدين؟؟؟

    تلاقى الست خارجة برة البيت شبه عروسه المولد
    وجوة البيت ولا حتى محصلة شكل سوكة اللى فيلم ابو على:D
    يا ساتر يارب

    برة البيت ذوق ولطف ........جوة البيت لسان طويل وصوت عالى

    طيب برضه مش فاهمين ورق التوت هنعمل بيها ؟؟؟
    سيدنا ادم ومنا حوا داروا بيها عوراتهم ..............وانا  قلت ان بنفس ورقة التوت ندارى فيها مشاعرنا الى ان ياون الاون والنصيب يجمع الاتنين بقوة الجذب الروحانيه اللى مدعمه من اصل ارتباطهم فى السما

    ورقة التوت بعد الجواز....هنعمل بيها حاجات كتير عشان الحياه تستمر
    طول عمرى بقول ان الانسان عليه مسئوليه تطوير نفسه وتهذيبها بالوازع الدينى والثقيف وجعل النفس فى حاله من السمو والرفعه ....وبرضه ده من اصل الايمان والاقتداء بالرسول والسير ع سنته ...بيخلينا شفافين طاهرين


    الفترة اللى فاتت لقيت كذا صديقه وزميله فى دراسه اتجوزوا وخلفوا كمان ربنا يسعدهم 19 سنة او ماشيين فى 20
    بس لو تأملت وقعدت تتكلم معاهم هتلاقى نضجهم العقلى على مسئوليه الزواج لسه بدررررررى جداا....وماشييين بايه بقى؟؟؟
    بكلام الوالدين عن اصل الزواج والارتباط؟؟
    وفجاءة بقى اسمه الراجل اللى فى البيت؟؟ هههههههه طيب

    يبقى مهم جدا الوعى بالمسئوليه يبقى لا نطالب بحق
    واحنا مش عارفين الواجبات اللى علينا......واصل الحياه الجديدة....وهى اصلا ليه لازم تبقى موجودة؟؟

    ورقه التوت فى البيت بقى ايه مهمتها
    دلوقتى ......الاهانه الزوجيه وعدم احترام الطرفين لبعض بقت حاجة صعبه
    اسمه كده بالمعنى العلمى طلاق عاطفى

    طلاق عاطفى يعنى ايه؟؟
    يعنى الاهانه شرخ فى العلاقه....بتعمل حاله من اغلاق القلب ....بتعمل حاله من الصمت الروحى .....
    اهانه اى شخص للاخر بتعمل حاجز....ولو التانى رد له الاهانه بتعمل حاجز تانى.....شوفوا بقى كام مرة فى حياتنا العادية بنشوف الخناقات وكمية الاهانات بالعنف والكلمات والنظرات كل يوم........كل يوم حاجز كل يوم القلب بيتقفل فبيحصل الطلاق العاطفى

    ورق التوت بقى ايه فايدتها
    ورق التوت دايما بتعمل حاله من النقاء والصفاء والتفاهم وكل شىء بيتحل بالبساطه ....بلغه الكلام
    يعنى ورق التوت بنشيل وراه كل الغضب والحزن وكل المشاعر السلبيه ...ونطلع مثلا سبب الخلاف فى كلمات تؤدى لحاله من التفاهم
    اصل بقول ايا كانت المشكله ايه هى

    ايه اللى هيحصل لو كل طرف قال انا متضايق من كذا ويحط جنبها كلمه احنا هنستمر مهما يحصل ....احنا اصلا عايشين مع بعض لله...الحاجات اللى بتحصل فى الدنيا دى اختبارات ......احنا بنتناقش فى اللى يوصل مركب حياتنا دايما لبر الامان والسعادة والحب

    مقابله الاساءة بالاساءة تجعل الحياه جحيما وتتحول الاسرة من وحدة استقرار الى وحدة تنافر ولا يظن احد الزوجين انه اذا ضغط او آذى الاخر انه يكون قد اخذ حقه او فرض سيادته وانما سيكون هو نفسه فى قمه الضيق......اما اذا كان الامر بالعكس بان يقابل الزوج الزوجة بالحلم او قابلت الزوجة اساءة زوجها بالحلم فان الانسان يظل سعيدا طوال الوقت ويجنى ثمرة الحلم والاستقرار فى بيته

    قال رسول الله صلى الله عليه وسلم اذا ااراد الله باهل بلد خيرا ادخل عليهم الرفق وقال ايضا خيركم خيركم لاهله وانا خيركم لاهلى والكلام للزوج والزوجة

    ورقة التوت .....زى ما بتبينى احلى حاجة عندك فى الخطوبه المفروض ان السعادة الاكبر فى الزواج بينى اجمل حاجة عندك ...هتلاقى كل عيوبك مش باينه اصلا لان ركزتى ع ايجابياتك ....من كثر ما بتبينى احلى حاجة عندك وده المفروض اكثر من الخطوبه بالعكس .....الخطوبه المفروض انها بدايه لسعادة لا نهايه لها.....تبقى صريحة وشفافه وهو كمان صريح وشفاف

    وورق التوت تدارى فيها الغضب واى حاجة مش هتخلى الطرف التانى بس اللى تعيس لمجرد انك حسيتى او حسيت انه ضايقك
    هتخليكى انت كمان
    مش هحمل المراه بس او الرجل بس
    ورق التوت مسئوليه كل حد فينا

    ورق التوت
    زى ما كانت بتدارى كل المشاعر الحلوة عشان نصك التانى لحد ما تلاقيه
    عشان تحس او تحسى السعادة بوجوده
    هتسخدمها هى نفسها فى انك توارى كل المشاعر السلبيه  اللى ممكن تتعبكم  غضب او زعل او اختلاف والافكار السلبيه عشان تعيش وتعيشى حياه اخرها جنة كلها تفاهم وصراحة ......الغضب والاهانه عمرها ما بتحل دايما بتعقد الدنيا وبتزودها ...ده انت لاقتها
    وانتى لاقتيه..........كل واحد فيكم يظهر احسن ما عنده للتانى بعد الجواز اكثر من قبله كمان
    وبورق التوت يدارى اى عيب ويطور من نفسه عشان الطرف التانى....لو كل طرف اهتم بده ....اعتقد هتبقى الحياة هتبق جنة
    وبرضه هقولك كلمه للبنت
    لو لاقتيه مستكبر انه يصالحك ويسامحك ...حطى ايدك فى ايده وقوليله مش هتنازل عن الجنة ومش هتنازل انك معايا فيها
    والكلمه الطيبة صدقة وسعادة ومشاعر جميله وساميه

    تفاهم
    صراحة
    سكن
    امان
    حنان
    حب
    احتواء
    زينة لمن امر له الزينه
    ورق توت بتكظم فيها كل غيظ عشان تحافظى وتحافظ على معنى المودة والرحمة والسكن والامان
    طريقك للسعادة والجنة
    وبرضه هنقتدى بخديجة والرسول عليه الصلاة والسلام وكل نساؤه اكمل نساء العالمين



    هى مش حياه والسلام
    هى حاجات كتييييييييييير...........ممكن تبقى سبب فى سعادة او سبب فى تعاسه
    عمق الحياه فى بساطتها وفى معانيها الجميلة


    



    لو علم الرجل حقيقة مشاعرة تجاة المرأة لما قال لها احبك بل سيقول احتاجك ....... ولو علمت المرأة حقيقة مشاعرها للرجل لما قالت احبك لكن ستقول اريد احتياجك لى

    دا انتي بيتي و مطرحي معرفش لو تعرفي اني انتي سكني الي بسكون لـية وبرتاح ده قلبي صحي بابه هو قلبك وعنيكي شبابيك بتخليني اشوف النور الي انا محتاج لية وانتي حياتي ودنيتي و ده املي و فرحتي وانتي ساندي وقويتي وده زادي في رحلتي..
    تعرفى تبقى كده؟؟
    (:

    ماتقولش انا قصير واوزعه

  • الخميس، 23 سبتمبر، 2010
  • هبة سامى
  • ما تقولش انا قصير واوزعه
    ومتقولش حاجة تانى:D

    فاكرين نوت المراية لما قلت لك شوف نفسك زى ما انت ودور ع نفسك جواك نفسك ومتقارنش نفسك بحد
    ومتقولش ان فيه حد احسن او فيه حد اسوء
    لان بكل بساطه اللى جواك هو جوا كل الناس بس فيه حاجة عندك واضحة وبارزة تشتغل عليها مش زى اللى عند غيرك
    انت مش حد
    والحد ده مش انت فيه اختلاف لازم يكون فيه اختلاف

    وطالما انت عايش وفيك نفس لازم تعرف انك ليك لزمة وانك اكيد بتختلف عن اى حد

    المهم المقالة دى بتقول شجع نفسك ومتقولش انا قصير واوزعه لانك تقدرررر

    ولما تحط حاجة قدامك عاوز تحققها لازم تشجع نفسك عن طريق
    1)حط الحاجة اللى انت عاوز تحققها قدام عينيك ...وتخيلها كل يوم وأعط لنفسك مساحة تفكر فيها ازاى تكون سعيد لو حصل اللى اللى انت بتحلم به ...واللى حوليك هيفرحوا بيك ازاى ؟؟...يعنى تخيل واستمتع بالنتيجة النهائيه التى ستسعى بكل الجهود للوصول اليها واشتغل ع السبب اللى يوصلك لهدفك


    2)لو بقى جت الظروف فى وشك عائق ..والطريق طويل والكلام اللى احنا عارفينه ده ....لازم تقول للافكار دى من غير مطرود من عقلك ..لانها تبرير للفشل لا قدر الله يعنى:D
    واذا فكرت فيها هتلاقيها بتنطبق ع الواقع...انت اللى بتشوفها وتصنعها ..متخليهاش تلعب براسك ارميها فى اقرب صندوق قمامه فى طريقك...يقول ديل كارنيجى انت ما تفكر فيه ويتسال ايمسون ما تفكر به؟؟فهو انت...



    3)اذا حسيت انك خرجت عن الخطة لا تياس اطمن...عد لطريقك وكمله ...متهدش اللى بنيته لاى سبب ....انت انسان فاغفر لنفسك متجلدهاش جلد النفس من اسوأ الحاجات اللى ممكن تتعرض لنفسك حاسبها بس اغفر لها وعلمها..وابدا اليوم اللى بعده
    يقول توماس اديسون :لن اقول انى فشلت 1000مرة بل ساقول انى اكتشفت 1000طريقه تؤدى للفشل...


    4)متتحرجش ..اطلب المساعده من الاخرين عشان تحقق هدفك ..هتكون احتمالت النجاح اكبر اذا شاركك صديق فى انه يعينك ع اى شىء ..طور علاقاتك واشتغل يلا

    5)كن مؤمن بذاتك ...ممكن تعمل اى شىء اذا سخرت عقلك وقلبك ووقتك ونفسك عشان تحقق هدف معين

    ثق فى الله وقدراتك ....وانطلق فى سماء احلامك وحققها
    ومتقولش انك قصير واوزعه..ماتشوفش نفسك صغيييير لانك مش كده
    ربنا قال انك تقدررر ع اى شىء بعونه وحده ..وبوجودك مع بقيه عباده اللى وجودك معاهم عشان تكملوا بعض


    جروب عاوز اتغير

    http://www.facebook.com/edittopic.php?uid=165776465991&action=8#/group.php?gid=165776465991

    تيجوا نقوم نفتح الشباك...وندخل نور الشروق!!!!!

  • الأربعاء، 15 سبتمبر، 2010
  • هبة سامى
  • عودتكم دايما انى بكتب عن كل مشكله ممكن تواجهنا وازاى نتخلص منها ....

    الحقيقه انهرضه موضوعى ....عننا احنا كشباب بيقول اننا فى بلد شهادتها مش معترف بها عالميا ...ولا فرص شغل كويسه ....ولا تعليم كويس ..وشافين الدنيا غامقه من اول سنة فى الجامعه وده بيخلى ناس كتير بترسم طريق فشلها بايدها....الحقيقه ان دايما فيه حاجة بتقع مننا وهى برضه ديننا اللى بعدنا عنه هو سبب فى كل كارثه بتواجهنا....نسينا ايه قال تعالى(إنا لا نضيع أجر من أحسن عملا)و (وقل اعملوا فسيرى الله عملكم ورسوله والمؤمنون)...............بنحاول دايما نعلق فشلنا ع اى شماعه البلد!!!..فرص العمل.....شايفين ان فيه بطاله....ما هو ده برضه بسببكم.........ايه بسببنا؟؟!!!!.....اه والله بسببكم.....عشان مفيش طموح...ولو فيه طموح..مفيش سعى......مينفعش اقعد اقول انا عاوز ابقى عاوز ابقى عاوزابقى.............وانا مبعملش حاجة اصلا غير انى بتكلم.......طيب ازاى؟؟.....هتقولى بصى بقى انتى شايفه اللى بيحصل فى الجامعه ده اصلا تعليم؟؟!!!.....هقولك انت فاهم الجامعه وتعليمها غلط ...هتقولى ازاى؟؟!!.....هقولك اشمعنى شايف نفسك كبرت فى حاجات وحاجات تانيه سايبها بمعنى مثلا انك حر نفسك وتتخانق مع اهلك وتقولهم انا كبرت خلاص اسهر اخرج اعمل اللى انا عاوزه....وده للاسف بيبقى فى الحاجات اللى ملهاش اى لزمة....انما شايف نفسك عيل بس ومحتاج رعايه فى التعليم وتحمل مسئوليه مستقبلك.....خد فى بالك اننا كتير ..وغير كده الطالب الجامعى المفروض يتعب ويقرا ويبحث وينمى نفسه...ويتعلم كذا حاجة ويشتغل ويخلق لنفسه علاقات كتير توصله لهدفه......نتعلم انت مثلا فى اى كليه فى اى قسم....هتقولى الدكاترة مش حلوين وشرحهم ردىء والكتب مش حلوة.....اولا انت المفروض كطالب جامعى تتعلم اللى بتاخده وتفكر فيه وتبحث عن شبيهه فى كتب كتير...وتقوم تناقش وتتعلم مهارة انك تتكلم وتعبر عن نفسك....هى دى حريه التعبير وتعرف هتحس بذاتك اللى بتحاول تحس بها بطريقه غلط .............






    اه ع فكرة انا لسه مشتغلتش عشان انا لسه طالبه زيكم بالظبط ده بالنسبه للى بيدرسوا ومش عجبهم الكلام.....انا فى سنة تانيه وعندى 18 سنة بس.......بس تعرفوا بجد عشان بدات حياتى الجامعيه بطريقه اعتقد انها صح....حطيت هدفى وسعيت للتميز وشوفت مهاراتى وقدراتى اللى متاكده انها كتيررر وان فيه لسه كمان لم يكتشف بعد....وابتديت فعلا اسعى نحو هدفى ....بكذا طريقه اولا انى اهتم بدراستى جداااا وع فكرة عندى دكاترة مش بيشرحوا بطريقه صحيحة...بس تعرفوا بحضر برضه...لان اللى قدامى ده دكتور يعنى مر بتجارب وخبرات انا لسه معدتش الواحد فى الميه منها ..فلو لم استفد منه ع المستوى التعليمى وده يستحيل لان كل دكتور عنده شىء...يبقى هستفيد منع ع المستوى الشخصى والاجتماعى....وببحث فى المراجع وبقرا كتب والحياه حلوة برضه بخرج وبفرح وكل شىء.....كمان انت مسئوليه تعليمك وتنميتك مسئوليتك انت مش مسئوليه حد تانى....احضر كورسات ودورات لتنميه ذاتك اقرا كتير ...والاهم انك تتمسك بدينك وتعرفه .......وتتعلم اى شىء يوصلك لهدفك ....وتكلم كل الناس عن هدفك....وتكلم ناس تساعدك بشكل غير مباشر .....وتعمل شىء بسيط تنجح فيه عشان يزود تفاؤلك وثقتك بنفسك


    انت مش صغير ومش قليل.....انت حاجة ...وربنا بيقول كده كمان....هقولكم ع حاجة نوهت بها قبل كده
    هو ربنا فرض الصلاه علينا كام صلاه فى البدايه؟؟؟......50 صلاه مش كده؟؟...اه ولا يكلف الل نفسا الا وسعها مش كده؟؟.....طبعا كده لان ده قول الله اللى خلقنا وعرفنا....واتخففت بقت كام...5.....يعنى 10% من قدرتك الحقييقيه.....عشان كده انا واثقه ان القدرات الكتير دى جوة كل واحدفيكم بلا استثناء....كل عالم وكل حد نجح هو مش احسن منك فى حاجة....غير انه دور ع نفسه وطورها وخرج اللى جواها وبقى حاجة....يلا قوم اتحرك واعمل حاجة بتعقل


    حضرت دورة تنميه مهارات واستفدت منها بشكل كبير جدااا فى ادارة الوقت وتنميه مهارة العمل السياسى والصحفى وكذا حاجة دى الجامعه هى اللى عملتها ع فكرة..وجابوا ناس ناجحة بجدددد ووصلت بجددد واتعلمت منهم كتير وعوزاكم تستفيدوا انتم كمان


    ازاى تكون خريج تنافسى؟؟؟....هتقولى تنافسى؟؟؟....هقولك اه المنافسه فى الخير حلوة ومثمرة وفى ذلك فليتنافس المتنافسون....من خلال سعيك للتميز وتحديد هدف وخطة وكذا حاجة هبقى اكلمكم عنهم ان شاء الله


    الخريج من الجامعه لازم يكون عنده
    1)تميز ايجابى
    2)فرص اوسع
    3)امان وظيفى......خليك انت صانع الاحداث مش هى اللى تصنعك
    4)التعلم المستمر
    5)مسار وظيفى اكثر واكثر ثراء
    6)تحقيق الطموح والثقه بالنفس
    7)المكانه العالميه
    8)التفوق الاجتماعى
    9)جودة حياه مرتفعه
    10)التغير الايجابى.....عاوزة ابقى حاجة بجد..افوق
    11)وضوح القيم وتوافقها مع الدين والوطن



    ابعاد تنافسيه الخريج
    ****************

    1)القدرة ع اداء اعمال معينه
    2)القدرة ع التعلم المستمر
    3)القدرة ع ممارسه الحياه...اتكلم واتعامل مع الاخرين..مهارات الاتصال



    معارف الخريج التنافسى
    ********************
    1)الكمبيوتر
    2) اللغات....الانجلش..مفتاح لثقافات كتير...هتحس بتطور فظيع
    3)الاساليب الكميه وتطبيقاتها الاداريه
    4)المعرفه الفنيه العالميه المتقدمه
    5)اوعى تكون بتاع تخصصك..تعدد العلوم والمعارف
    6)المعايير
    7)البييئه الاقتصاديه
    8)الثقافه العامه
    9)الاتجاهات العالميه فى شتى المجالات



    مهارات الخريج التنافسى
    ********************
    1)اداره الملعومات
    2)كتابه التقرير عن كل ندوة معرفه
    3)التفاوض...الاتفاق
    4)اعرف اتكلم
    5)اتخاذ القرار
    6)القيادة
    7)العمل مع فريق
    8)اعداد المقترحات
    9)التفكير الابداعى وتوليد الافكار
    10)التنفيذ والمتابعه
    11)الاتصال والتعامل
    12)الادارة والمشاركه
    13)القراءة السريعه
    14)التكيف المرن



    اتجاهات التنافسيه
    ***************
    1)الايمان بالله والوطن ةالعلم والانسانيه
    2)الحس الانتقادى وفضيله الشك
    3)قبول الاخر
    4)البعد العالمى
    5)الرغبه فى التعلم والاستكشاف
    6)التوجه بهدف
    7)التركيز ع الهدف
    8)الجديه
    9) المبادرة
    10) الحس التحليلي
    11) الحس الاستراتيجى وبعد النظر
    12)المثابرة والصبر
    13)الاحساس بالزمن
    14)الانتاج
    15)التواضع وعدم الافتتان بالانجازات
    16)الواقعيه والموضوعيه
    17)خفة الظل ولين التعامل
    18)النظرة متعدده الابعاد




    المصادر
    *******
    1)القراءة....2)الكتابه..كل يوم اكتب اللى يجى فى بالك......3)تسمع.....4)تعمل.....5)السفر......6)التدريب ع اى حاجة....7)دراسات عليا..مش شرط......8)الحوار والمشاركه...9)وسائل الاعلام........10)الانترنت.........119الندوات والمؤتمرات.....12)طرق الابواب...........13)المقارنه الواقعيه..........14)الاحتكاكات بالتنوع.....15)التامل





    كتبت لكم ده عشان نتطور كلنا مع بعض ....ونبدا نحس بذاتنا ...وبجد الحمد لله بطبق الكلام ده من قبل ما اسمعه وبجد نتائجه هايله جداااا.......ولما سمعته حفزنى فى اللى بعمله اكترررر


    بالنسبه للى خلصوا دراسه واشتغلوا بس حاسين بالروتين وعندهم طموح.....ممكن جد يستخدموا نفس الكلام....طول ما فيك نفس تقدر تحقق اى شىء بعون الله....بس انت انطلق وابحث عن نفسك....وان شاء هتبقى شىء عظيم وهتوصل..مهما كان سنك

    وانت يا اللى لسه بتبدا حياتك لسه قدامك وقت كبيررر استغله ....

    ربنا يوفقكم جميعاااا.....اى نقطة تحبوا اشرحها وايه علاقتها بالنجاح ..تحت امركم
    ان شاء الله نتطور وننجح سوا ...عشان اسلامنا ومجتمعنا محتاجنا جدااااا
    يلا نخلى نور الشروق يدخل جوة قلوبنا وعقولنا

    للناجحين واللى عاوزين وبس

  • هبة سامى
  • بقالى فتره كده خير اللهم اجعله خير ..بقابل نوعين من الناس ناس ثقتها فى نفسها صفر او تحت الصفر....ومتعرفش انه حرام او مكروه.....
    وناس تانيه واثقه فى نفسها لدرجة الغرور اللى ينقط:D
    الناس دى هقولها كام كلمه كده ان الغرور اول طريق الفشل وقريب جدا هنسمع عن نهاية سيادتكم يا فندم!
    لا تكن كقمة الجبل ..ترى الناس صغارا ويراها الناس صغيرة !
    للذكاء حدود لكن لا حدود للغباء !!!.لسبب ان معنى انك مغرور يبقى شايف لنفسك سقف لنجاحك وابداعك وانت اللهم لا حسد يعنى وصلت له....اسمح لى اقولك يا فاشل يا فاشل....لانك كده بالفعل:D

    مش هتكلم معاك اكتر..واظن انك مش محتاج اصلك بتقول انك مفيش ادك:D

    اجى بقى للناس اللى تحت الجليد ودرجة احساسها بطاقتها وقدرااتها تحت الصفر
    اطمن جبت لك الغلايه.......فتح عينيك بقى واجعلى اذناك صاغيه لى وقلبك مفتوح زى الشباك اللى هيدخلك هوا صافى وهتقفله عشان متاخدش برد ويبقى غرور:D





    الحقيقه:
    معرفش
    مقدرش
    منفعش
    مبفهمش
    هو انا اقدر؟؟؟
    هو انا اعرف؟؟؟
    هو انا اصلا انفع ابقى ناجح
    ده انا اصلا فاشل
    انا غبى
    ..................خد عندك بقى كل الكلام اللى شبه ده
    ورحم الله امرء عرف قدر نفسه...........ع فكرة ده مش حديث قدسى ولا حديث شريف..عشان بس نبطل فتوى
    امال ده كلام مين؟؟؟.....الله اعلم ....بحثت وعرفت انه ولا ائمه ولا تابعين ولا حد قاله(:

    بس ممكن نفسرها بمعنى حلو مش المعنى اللى بالى بالك اللى يخلى الواحد يقعد فى بيتهم وميعملش حاجة.....معناها اننا نعرف اننا ضعفاء امام ملوك الملوك ....اننا نطيعه ونسمع كلامه ..ده معناها اللى انت نفسك المفروض تشوفه......

    عامه جبت لكم سبع نصائح لتعزيز الثقه بالنفس من كتاب قوانين النجاح لبريان تراس:

    1)اكتشف نفسك:
    افتح عقلك للاشياء الجديدة،وحاول تجربه الهوايات التى لم تفكر فى ممارستها من قبل،فكلما ازدات معرفتك ونمت مداركك شعرت انك افضل مما كنت عليه من قبل.

    2)الفتكير الايجابى:
    العقل هو البوصلة الارشاديه لبناء الثقه بالنفس واتخاذ القرارت الصائبه فى الاستجابه للمواقف والتصرفات السليمة ازاء الذات والاخرين ،فقائمه الانجازات التى يتطلع المرء لتحقيقها سواء صغيرة او كبيرة يمكن ترجمتها الى الى افكار وصور،ومن ثم تحويلها الى مواقف، وبذلك يمكن تبديد كل المخاوف التى تراود المرء.

    3)التحدث بايجابية:
    الخلود الى الراحة والتفكير بهدوء يريح النفس ويتيح للعقل التفكير برؤية ازاء الكثير من القضايا الشائكة ووضع الحلول الايجابيه لها.

    4)التصرف بحكمه:انفتاح العقل على تقبل كل ما هو جديد من تجارب وهوايات من شأنه ان يرسخ الثقه بالنفس فى مواجهة اى مواقف طارئة.

    5)معالجة الامور الصعبة
    يجب العمل باستمرار ع تاكيد الذات وعدم الانتقاص من القدرات الذاتيه لتخطى العقبات وعدم الاستسلام لليأس.

    6)العيش بايجابية ومحاولة المرء ان يكون ايجابيا وفاعلا فى شتى مجالات العمل....بداية الطريق الى النجاح والابدااااااع

    7)الحزم فى اتخاذ القرارات:
    عبارة لا استطيع يجب شطبها او استبدال اخرى بها مثل ما الذى يمكن فعله وبذلك يتبدد الخوف والتردد وتتحدد الهداف لتخطى الاهداف المثبطه للعزم.

    الناجح شخص واثق فى قدراته(الناجح ده اى حد فيكم واثق فى ربه اولا وقدراته اللى ربنا اديهاله اللى لازم يفتش عنها) _وبيشتغل عليها وبيطلعها وبيبدع فيها.....يعنى الافكار هتجيب افكار اكتر واكتر تخلى الانسان انجح وانجح


    الايمان بالذات!!!
    .الإنسان العظيم هو الذي يقضي وقته في الحياة يعمل شيئاً ما ليبقي إلي ما بعد الحياة.

    إن شخصاً يتمتع بالايمان , له قوة تعادل تسعة وتسعون شخصاً لا يؤمنون.
    جون ستيوارت

    إذا كانت رغبتك صغيره ومحدودة فستكون كذلك , وإذا كان طموحك لا حدود له فستكون عظيماً.
    جيمس ألين


    عندما تطلب تحقيق ما هو مستحيل تحصل علي أفضل ما هو ممكن


    عوزاك تزن ع نفسك تزن ع قدراتك المكبوته انها تنطلق !!!!!
    قطرة المطر تحفر في الصخر ، ليس بالعنف و لكن بالتكرار


    الحياة مليئة بالحجارة فلا تتعثر بها بل إجمعها وابنِ بها سلما تصعد به نحو النجاح


    وفى النهايه احب اقولك قول انا عاوز اتغير واشتغل قبل ما العمر يعدى بيك!!


    الكثير من الناس يتلقون النصائح ولكن الحكماء فقط الذين يستفيدون منها . سايروس.....خد بالك بقى



    خلاص اقفل بقى الشباك:D







    جروب عاوز اتغير

    http://www.facebook.com/group.php?gid=165776465991


    ماتقولش مقدرش مقررش معرفش ....بطل بقى الكلام ده وبلاش وش......لما يجى الامل يخبط ع بابك..قوله اتفضل واحرمنا من غيابك.....النجاح مفتوح له جواك طريق.....والحمد لله انت ع البر مش غريق.....كلنا لطريق للجنة محتاجين....عمره ما هيجى للمتواكل والكسلانين......هيجى للى ماشى فى طريق ربه....وثقته فيه منورة دربه......

    اللى بيحب ربنا بيشوف كل شىء جميل(:


    هبة سامى

    الفرق بين الشخص اللى واثق من نفسه والمغرور..الشخص الى واثق فى نفسه يثق بقدراته ويثق بقدرات من حوله اما المغرور يثق بنفسه ويحتقر قدرات الاخرين



    حمبوز وحمبوزة:D

  • هبة سامى

  • من فترة جالى توبيك جميل اوى
    عن اختلاف معامله الراجل للست والعكس من الخطوبه للجواز
    وسبحان الله فى نفس التفرة كنت بفكر فى الحكايه دى.....وكأنى بجذب كل العلاقات الفاشله مرة واحده
    يعنى بسمع عن علاقات اجركم الله........الصراحة عقدتنى شويه........امممممم


    ندخل فى الموضوع


    طبعا كلنا عارفين ومش محتاجة اقولكم ع الاختلاف :
    خطيبها بيبقى روحى وبيبى وقلبى وعينى وفشتى :D
    فى الخطوبه....يجى بقى تحدث الطامه الكبرى ويتجوزوا:D
    يجى بقى لما يبقى جوزها بيبقى سبع مش عارف ايه....ابو العيال....وشعرها ع طول مضروب فى الخلاط وواقف
    ولبسها ريحته بصل والعيال.......
    وهو برضه .....هاهاهاها....كل يوم بوكيه ورد طالع كده بالعافيه عشان ايام من حياتى وكده كده هتروح لحالها بمجرد ما يجى المأذون):
    وبعد الجواز ولا حتى بوكيه جرجير ولا برسيم حتى:P
    ومكالمات وآهات....حاجة بجد تجيب شلل خماسى
    وقرفان من عيشته وعيشتها وكاره العيال ........كل يوم مشاكل .....وهم .......ولا فى حاجة سويه
    وع طول حمبوزوا لاوى بوزوه
    وهى بقى حمبوزة لاويه بوزها:D:D

    مش عارفه ايه اللى غاصبهم؟؟
    وهو اللى غلطان
    وهى اللى الهى يطسها قطر اعمى(دى جمله سمعتها من واحد بيحكى عن مراته فى المينى باص هو اللى صوته عالى(؛
    الصراحة المينى باص ده عزيز عليا بشكل
    بسمع فيه كل مشاكل الدنيا .......ببقى متنحة طول الطريق بحاول مركزش
    هم اللى قاصدين يعلوا صوتهم........مشاكل ماينفعش تطلع برة حيطان بيت
    فجاءة حسيت ان الناس كلها عريانه....
    الحيطان واقعه
    جواها واقع مر
    طبعا بسمع وبسكت وانا مالى ......بس فى نفس الوقت عماله اخد افكار مهببه
    عمرى ما سمعت عن واحد بيتكلم عن مراته كويس.......ولا هى؟؟؟؟
    دايما عايشين دور الاحزاب .....وطريقه كلام الست عن جوزها مع صحبتها بحس انه عدو واحد عايش وكل اللى بتعمله بتضحك عليه عشان المركب تمشى وكل حامل بين جوانحه كره وغيظ وبيبقوا ع تكة
    المفروض ان جوزها اقرب من اى حد ........مالقتش ده ع فكرة
    وهو كمان شغال يدعى عليها..........وشايف الجحيم هى.....

    بينى وبينكم كانت هتتبنى خريطه ذهنيه جوايا ان كل الناس كده
    بس انا طول عمرى عايشه ماليش دعوة بفكار الناس......لية دعوة بصوت عالى جوايا مدعم من سيرة رسولى



    كنت بسمع أغنيه حلوة اوى لوائل جسار
    كان بيتكلم عن السيده خديجة .......وعلى الحب والعلاقه الزوجيه الجميله اللى بينها وبين الرسول
    حسيت فيها معنى الحب والسكن والامان والاطمئنان والسر واقوى علاقه بين اتنين ....حسيت فيها معانى كتييييير متلخصة فى اغنيه من سطرين
    حسيت فيها معنى اتنين متزوجين وهم واحد.....مش كل واحد فى حزب
    لما يكون اللى جوة البيت امانى بفكر فيه بالطريقه دى؟؟......ازاى افكر فى اللى برة؟؟

    حبيت معنى الحب اللى فى الاغنيه....اللى فيهم اتنين فى روح واحده ...حتى هو كان بيحس بايه
    وعلى رساله ساميه وحب واحد لله
    ************************************

    الله
    لو ده الرابط بين اى اتنين
    الحب طاهر يا كريم...والرحمة منك يا رحيم
    بدموعه يدعى لها...فى الجنه بيتهم مقام عظيم
    تفتكروا هتكون العلاقه شكلها ازاى؟؟؟

    انا هقولكم
    قال النبي الله صمد .. وخديجه اول من سجد
    يرزقني ربي بحبها .. ومنها جاني الولد
    الله ربي العالمين .. هو السلام منه السلام
    اكمل نساء العالمين .. صليت ورآه خير الأنام

    ولما جاله الوحي قال .. الله ربي ذو الجلال
    بتدفي روحي بالحنان .. لما ترعشت من السؤال
    بتصدقه لو كدبوه .. وبترحمه لو عذبوه
    وبتواسيه بمالها الحلال .. وبتطعمه لو يحرموه

    الله شاهد على العقول .. منه الرضا ومنه القبول
    والسيده الطاهره البتول .. ربي علي في بيت الرسول
    الحب طاهر يا كريم .. والرحمه منك يا رحيم
    بدموعه يدعي لها النبي .. في الجنه بيته مقام عظيم


    الله شاهد على العقول...منه الرضا ومنه القبول
    الله مقلب القلوب
    ربنا يرزقكم بازواج وزوجات صالحين وصالحات تقر اعينكم بها

    وتكونوا عون لبعض على دخول الجنة......زى خديجة وسيدنا الرسول
    الله على الحب(:
    ده الحب الحقيقى بجد.......الرومانسى الواقعى
    اللى فى الخطوبه ده رومانسى خيالى اصطناعى (بس مش بعمم)


    شوفتوا خديجة كان ورا سيدنا الرسول فى صلاته وحياته بتدفع به للامام
    كانت سره وسكنه ودعمه وحبه وأمانه.......وهو كمان
    نفسى الواقع يتغير
    وتبقى كل زوجة قدوتها خديجة
    وكل زوج قدوته سيدنا الرسول
    ويبقى ده هدفهم من قبل الزواج.......يبقى فيه صررررررراحة
    شيلى ماسك باكينام...خليكى انتى
    وانت كمان

    الحب طاهر يا كريم والرحمة منك يا رحيم

    اسمعوها بقى
    http://www.youtube.com/watch?v=4ZrYDbBkH4I


    بس يا سيدى وهو ده اللى حصل:D:D

  • هبة سامى
  • السلام عليكم ورحمة الله وبركاته

    فاكرين نوت كنت كتبتها اسمها ع الرصيف؟؟؟!!!!
    كنت بقولكم انه الرصيف مليان رسائل من ربنا وحكيت لكم ع موقف كان رد فيه ع سؤال بيدور جوايا
    الرسائل دى معايا دايما بس بتظهر اوى وقت الشدة ليا


    من فترة معينه كده وانا فى حاله غريبة مريبة......افكار ع حاجات كتير كتير وطبعا ده مع مسئوليات وضغوط اللى عندنا كلنا ...عادى جدا
    والاكيد انها مش مأثرة ع اى نشاط بعمله بالعكس بتخلينى انجز اكتر ......اصلى للاسف عنيده وبتحدى نفسى كتييير(:
    بس لما بتضغط اوى اوى ومش بحسس نفسى بده بيجى وقت لا تقلب معايا كوميدى
    او تراجيدى مأساوى

    المهم انها بقالها كام يوم من ده ع ده.........هههههههههه
    بس جت تكه وقلت لأ ستوب لحد هنا........ وخلتنى اقول انى هقفل الفيس فترة وهوقف كام حاجة كده .......مهما طالت المدة
    لازم اجاوب ع كل الاسئله اللى بتدور جوايا .....
    مكنتش ناويه ارجع دلوقتى خالص
    بس اللى حصل........لانى دايما مستعينه بالله وعارفه انى فى معيته
    وانه بينور لى بصيرتى

    امبارح كنت فى مشوار مع واحده صحبتى فى الازهر ((الحسين يعنى))
    كنا بندور ع حاجة معينه..........المهم اننا الحمد لله الحمد لله ملقنهاش........ههههههههههههه........لاننا كنا بندرو فى المكان الغلط(((خدوا بالكم بقى من اول جزئيه ده))).........فى المكان الغلط

    وخلصنا وكل واحد فينا طريقه غير التانى.......المهم انى ساكنه فى مكان قلت اركب لنص الطريق اللى هو الاسعاف
    لقيت مينى باص مكتوب عليه اسعاف بساتين.....قلت الله هركب ده وكده يبقى ساعه الا ربع وهبقى فى البيت
    ركبت عدت ساعه الا ربع بحالها وانا شايفه اماكن عجيبه جدا ظلمه ع ان كل ده ومابنش طريق للاسعاف كنت حسة انى ببعد مش بقرب
    المهم ان لقيت المينى باص بيقف فى موقف والناس كلها بتنزل ببص حوليا انا مش لاقيه الاسعاف راحت فين؟؟ هاهاها.....روحت للسواق قلت له هو احنا فين؟؟؟
    الراجل بص لى اوى ........حسيت كان عاوز يقول ايه
    بس قالى احنا فى البساتين يا انسة.........قلت له نعم!!!......قلت له والاسعاف؟؟؟.....قالى دى انا لسه هروحها
    ههههههههههههههه........طبعا حاجة مش لطيفه خالص وشكلى كان وحيييش واكتشفت انى كنت واقفه فى عكس الاتجاه
    قلت خيييييييير.........نزلت قلت اركب للجيزة......وبعدين اتصرف اللى حصل حصل بقى
    نص ساعه والسواق مش باين.....

    وفجاءة لقيت راجل طالع بسمك بورى مشوى وبيبسى وشاى وقعد مكان السواق::DD:D
    اكتشفت انه هو ......وبعدين لقيته شغل ام كلثوم وقال هنطلع خلاص
    وطول الطريق شغال غنى واكل هو والكمسرى ......انا بقيت مش قادرة اعمل حاجة غير انى اضحك
    وقلت الله.........وانا مضايقه نفسى ليه بقى؟؟؟.....ما الدنيا جميله اهى ....
    بدأنا نعدى ع قبور باشكال مختلفه وجوامع رائعه وناس غريبة
    تناقضات بشكل غرييييييييييييييييييييييب


    ناس رايقه وناس زعلانه ناس حزينه وناس فرحانه.
    ناس ميته وناس صحيه
    بيوت فيها حياه وبيوت جنبها فيها موت ومصير
    وناس عايشه فوق ناس ميته
    والميتين مزعوجين من البشر الغفلانين
    المقابر شكلها روعه
    والقلعه فوتنا عليها فى سكيتنا والخليفه
    والقهاوى والمحلات وطريقه تعامل الناس هناك......بن البيهابو مرسيدس....والصنايعى الجدع المفتح
    غير الارشادات والكلام اللى بيقى مكتوب اللى حسيته موجه لى

    المقابر بالذات عملت لى حاله من التفكير وخلتنى افكر طول الطريق واتأمل
    الناس اللى شايفين الموت ساكنى المقابر عادى........الموت شىء عادى بالنسبه لهم
    اطفالهم قلبهم حجر .......شايفين نهايه قدامهم .....مش حسين معناها ولا قيمتها
    واطفال فى نفس سنهم ....يعيطوا لو شافوا حمامه يتدبح زيي كده فى فيلم شىء من الخوف:D:D



    اللى تحت التراب اللى كان فى الدنيا حفيد صلطح باشا
    ومعه شهادة من جامعه المتلمعين المتحده
    زيه زى اى حد....الناس بتدعى له بنفس الدعاء وصلت عليه نفس الصلاة
    والتراب واحد بيلمهم فرشهم
    ولا جاه ولا حاجة نفعاه ..............كل اللى هيحدد مصيره
    ((((((((((((((عمله)))))))))))))
    فكرة العمل...........................عملك فى دنيتك
    انت عايش ليه؟؟؟؟؟؟
    مخلوق ليه؟؟؟؟...........عملت ايه؟؟؟......لما هتموت ايه اللى عملته ينفعك؟؟؟..كان همك شهرة وناس وفلوس وحقد وغل وامراض نفس ولا كان همك دينك دنيتك اللى قالك تعمرها بمنهج تعيش بيه ناجح؟؟؟..ربنا بيذكرنى بحاجة انا حساها طول الوقت
    بيذكرنى انى مهما كنت زعلانه او شايله هم او اى حاجة..........ولا حاجة فى الدنيا
    عملى أكبر..........والله أكبر من اى هم ومن اى حاجة ممكن تتضايق او تحير.......غير كده انه قريب مجيب سميع الدعاء
    ساعات بنتوه لما بنتصدم بواقع
    بس المهم اننا نرجع.........ونمسك فى احلامنا بايدينا اكتر من الاول
    ونخليها ع الله ..........نتوكل عليه حق التوكل
    وهو حسبك....هينور لك طريقك.........مش هيخليك زعلان..ولا حيران كتير

    الرسائل اللى نورت فى عقلى
    1)كنت انا وصحبتى بندور فى المكان الغلط.....ورجعنا من غير ما نجيب حاجة
    فكروا فيهااااااااااااا........ممكن تكون بتدور ع حلمك وع نفسك فى المكان الغلط وممكن تعيش فيه طول عمرك
    وانت مش عارف .........وهترجع لربك من غير ما تكون عملت حاجة!!!

    2)المقابر والحياه اللى فوقيها واللى تحتيها اللى مهما اوصف لكم اللى انا شوفته وحسيته مش هقدر اوصف

    3)ركبت غلط فى مخيلتى.......بس انا كنت ماشيه صح عشان اشوف نور الله واحس بالاحساس اللى حسيته
    وانى ماشلتش هم انه ده حصل........ورجعت فتحت الفيس:D
    اوعى حد يقول للاسف.........وخصوصا انت
    ايوة انت يا اللى بتقول كل دى مقاله يا هبة:D

    4)السواق والكمسرى ....اكيد همهم كبير بس مختلف بالنسبه لوعيهم
    ومسلطن نفسه سمك وام كلثوم.......بالنسبه لوعيد هى دى انه يبقى عايش حياته ومروشن:D

    5)رسالتك

    6)انى بجد انبسطت جداااااااا وعملت ريفرش برغم ان كنت لوحدى........لأ مش لوحدى ربنا معايا(:
    **********************************
    حاولت ماطولش اوى:D
    بس يارب تكون رسالتى وصلت
    ويارب برضه انتم كمان تشوفوا رسائل ربنا وقت ضيقتكم ووقت فرحم كمان هتلاقوا مليون رساله


    بجد مافيش حاجة تستاهل
    انك تقهر قلبك اوى
    ولا انك تكره حد
    ولا تأذى حد
    ولا تتبع عورات حد
    ولا انك تكون شايف نفسك ربنا وانت الل تحكم مين وحش ومين حلو؟؟؟
    انت نفسك بتعصى وبتغلط.....عشان انت انسان وهو كمان انسان
    مافيش حاجة اسمها انا متدين وربنا بيحبنى وبيكره التانى ده اللى مش بيصلى.......انت ايش عرفك؟؟
    ربنا قدر لك انك تعرفه.........ساعده هو كمان عشان يعرفه


    اكيد حصلت معاك كتييييييييييييير..........مش ممكن تبقى زعلان
    وتلاقى ايد حنينه تطبطب عليك رغم انها ماتعرفش حاجة عنك....بس ربنا معاك هيبعت لك رسائل
    بس انت افهمها
    كانت رساله من على الرصيف قبل كده
    دى رساله من مواقف كتيييييير
    وبس يا سيدى هو ده اللى حصل:D
    الحمد لله ومش قامت معيطة


    نأسف للاطاله
    هضحك عليكم يعنى
    :D
    ويارب تكون رسائلى وصلت(:


    هبة سامى


    البنت دى شكلها بيضحكنى اوى برغم انها بتعيط
    قليله الحيله...بتعيط ع طول
    شكلها مش بتركب اتوبيس:D


    حقا
    الله أكبررررررررررررررررررررررر
    من اى شىء
    الله أكبر
    قلها من قلبك
    الله اسكت دقيقه أكبر
    أكبر من اى هم واى حزن واى مشكله واى حد


    يقول الشعراوي: لا يخاف من كان له أب, فكيف يخاف من له رب
    يارب(:.

    قالوا عن البتنجان:D

  • هبة سامى
  • قالوا عن البتنجان:D:D



    اقرى النوت للاخر لها مغزى بتنجانى مريع


    البتنجان ........ده حكايته حكايه.....ماتخيلش الحياه بدونه
    اسود كده
    وفيه منه ابيض وساعات بيبقى بنفسجى
    وشكله راااااااااائع:D
    ودمه خفيف على الطبليه المصريه او الترابيزة

    ينفع مسقعه واو باللحمه المفرومه
    او مقلى
    او مخلل
    او محشى رز
    ينفع حاجات كتيييييييير قوى ولذيذه::D:D
    للفقراء والاغنيه

    غير بقى انه فيه حديد ومغذى ومهم قوى للجسم
    وليه فوائد كتير طبية

    لا داعى لذكرها احسن البتنجان ياخد فى نفسه قلم:D


    بس تفتكروا ان البتنجان محتاج ان اقول عنه كل ده؟؟:P
    يعنى حد محتاج اصلا يتكلم عن قيمته المريعه؟؟

    هو مفيد ومهم لان ربنا خلقه عشان ده دوره ..........يعنى البتنجان مش بيمن علينا بافادته دى نعمه الله اللى ليها دور واهميه كباقى المخلوقات
    يعنى مش مستنى نقول عنه حاجة
    ولا اعمل عنه تقارير وامشى فى السوق واقول ايه رايك فى البتنجان؟؟؟
    طعمه حلو مش كده::D:D
    ايه السذاجة دى

    احم احم:D
    طيب يعنى انتى عاوز ايه؟؟؟

    كل انسان فينا له دور واهميه اتخلق عشانها .......يعنى لما بينجح معملش جديد
    ده لو ناجح اصلا يعنى فيه ناس مستنيه مدح وهم ولا حاجة اصلا

    ليه بقى بقول لما بينجح معملش جديد؟؟؟
    ربنا اداله نعم كتيييييييييييييرة وعندنا كلنا منا بيشوفها ومنا بيضيق افقه وايمانه بيقل فمش بيشوفها
    كل المخلوقات والنعم بتقولك من فضلك انجح

    هو حضرتك مش عندك عقل؟؟
    تصدق انا عندى
    هو حضرتك مش عندك لسان؟؟
    تصدق برضه يا محاسن الصدف عندى واحد منه
    هو حضرتك مش عندك نعم؟؟
    مش عندك صحة؟؟؟
    مش عندك اللى عندك وعندى وعند العالمين.........عندك رب اسمه الكريم؟؟
    قال ادعونى استجب لكم
    قالك آمن بيا...........وآمن بانك مخلوق عشان تعمرها وتشغل عقلك بالنعم بالظروف بكل حاجة انت بس ثق فيا وثق فى كرمى وعدلى وحنيتى!!!!!!!!!

    قالك انا معاك انت الجأ لى
    قالك انا معاك اسعى واشكر وحس بالسعادة لما تحس بوجودى
    ولما ابقى انا معاك؟؟...........هتحتاج ايه تانى؟؟
    هتلاقى خيرى مغرقك؟؟؟؟؟؟


    كلنا عندنا رب عاطى وهاب.......بيكرم وبيعطى كل الناس.......
    كل المجتهدين سواء اللى بيؤمن به او بيكفر
    يعنى الغرب ناجحين ليه؟؟؟............عشان بيشتغلوا صحيح ناقصهم سر السعادة
    بس ناجحين ربنا بيعطيهم
    لان ده دورهم تعمييييييييير الارض والنجاح

    كل حاجة بتطلب منك تنجح.......بس لما تسعى وتشغل عقلك وتكون متفائل لان اللى خلقك حنيته عليك مش ممكن تتخيلها؟؟

    عشان كده بقول قيمتك مش ان الناس تقول عنك
    تذكرك بالخير والسماء تبكى والارض تبكى يوم ما تفارق الارض........وانت عملت حاجة
    وانت عايش هتحس بحبهم وهتحس قيمتك فانك تكون بتقدم حاجة
    ومهما قدمت عمرك ما هتحس انك قدمت...............ده لو انت عاوز تنجح بجد
    عمرك ما هتشوف نفسك جبت اخر.........او هتحط لنفسك سقف
    وانت يادوب كل اللى عملته قلت بسم الله الرحمن الرحيم انا هبدأ اعمر الارض
    يعنى ماعملتش حاجة

    وكلنا نفوسنا ضعيفه........عشان كده بقول اعمل الحاجة ولا تنتظر مدح من حد
    حتى لا تفتن وتحط لنفسك سقف لنجاحك او تعميرك

    انت بتسير فى الارض لله مش للناس
    انت بتعبد وتعمر عشان ده أمر ربنا مش الناس

    ربنا هيكرمك مع عباده وييسر لك طريقك
    مش هتشوف ده فى مدحهم
    عادى جدا ممكن يكون نفاق

    هتشوف ده فى دعوتهم ليك بظهر الغيب.........اللى هتثقل ميزان حسناتك
    قال العلماء : وطريق الجمع بين الأحاديث أن يُقال : إن كان الممدوحُ عنده كمالُ إيمان وحسنُ يقين ورياضةُ نفس ومعرفةٌ تامة بحيث لا يفتتن ولا يغترّ بذلك ولا تلعبُ به نفسُه فليس بحرام ولا مكروه، وإن خيف عليه شيءٌ من هذه الأمور كُرِهَ مدحُه كراهةً شديدة .

    فمن أحاديث المنع :
    * ما رويناه في صحيح مسلم عن المقداد رضي اللّه عنه؛ أن رجلاً جعلَ يمدحُ عثمانَ رضي اللّه عنه، فعمدَ المقدادُ فجثا على ركبتيه، فجعلَ يحثو في وجهه الحصباءَ، فقال له عثمانُ : ما شأنُك ؟ فقال : إنَّ رسول اللّه صلى اللّه عليه وسلم قال : " إِذَا رأيْتُم المَدَّاحِينَ فاحْثُوا في وُجُوهِهِمْ التُّرابَ


    مش محتاج حد يمدحك لان نجاحك شىء عادى جدا
    لان كل شىء بيطلب منك انك تنجح..............كل حاجة بتقولك من فضلك انجح
    بس انت لو حسيت فعلا بربنا وبدينه صح هتشوف كل الدنيا مسخرة ليك

    مش عاوزة اقولك زيك زى البتنجان طبعا
    لان البتنجان ربنا سخره ليك ........يعنى انت ارقى
    بس هو مفيد مخلوق من مخلوقاته فيه سبب من وجوده زيك بالظبط
    بس الفرق ان كل شىء مسخر ليك انت

    بالتوفيق
    يارب تكون رسالتى وصلت لكل حد شايف طريق نجاحه قدامه
    او شايف ان بيكبر او بيعلى........لا تفتن
    ولا يغرك مدح احد........احيانا يكونوا سبب فى تعجيزك عن الوصول لاعلى مما تتخيل
    انت لسه ماعملتش حاجة


    وعذرا للبتنجان:D


    اللهم استخدمنا ولا تستبدلنا
    واعطنا ولا تحرمنا
    (:
    يارب
    احمل حاجة انك تكون شخص بسيط تاخد الدنيا ببساطه
    براءة،عفويه،حب
    الله أكبر

    اللهم اجعلنى ممن تحبهم وتذكرهم فى الملأ الاعلى

    عاوزها حمارة:D

  • الأحد، 12 سبتمبر، 2010
  • هبة سامى


  • عاوزها حمارة
    ههههههههههههههههه
    طبعا ربنا يعزكم..........بس انا ماليش دعوة هذا بناء على طلب كثير من الرجال:D
    والكلمة دى سمعتها من واحد بيقول لصاحبه انا عاوزها حمارة يعنى يا دوب بتجيب مقبول بالعافيه وتخلص وتقعد
    او دبلون:P.........دبلوم يعنى
    دعيت له فى سرى قلت له ربنا يبعت لك حماره بنت حلال .....لانى عرفت كمان انه من نفس الفصيله.....هاهاها...والله ناس عجيبة
    لما بسمع الكلام ده بستغرب اوى .......صحيح حقوق المرأة أكلت لها دماغها وكرهتنى وكرهت الرجال فى عيشتهم
    بس برضه انا بحس الراجل اللى بيقول عاوزها حمارة ما هو الا...............عفوا ما هو الحماره مش هتتجوز غير من نفس نوعها:D
    بقول ممكن لانه فاشل،،،مش فاشل بس فى الدراسه لان الدراسه مش كل حاجة ،،،،لان فيه فرق بين الدارسه والعلم والثقافه والانجاز فى الحياة اقلهم الدراسه اللى هى بتاعت الجامعه والمدرسه والحوارات دى واعلاهم الانجاز فى الحياه لانه بيضم الثقافة والعلم بشىء ما
    لانه دايما بيحبها اقل منه..............مع ان الفكرة مش فى ده..........ما هى ممكن تبقى حماره ع قد تعبيرهم بس عايشه دور المرأه الحديديه........
    الفكرة فى فكرة احساس الرجل بذاته....لان مش كل امراه برضه متعلمه ذكيه ومش كل امراه مش متعلمه غبية .....الذكاء فين بقى؟؟
    طبعا فى تعاليم الدين اللى هى منهج لحياتنا وافضل منهج........احساس الراجل بذاته واحساس المرأة بذاتها لان طبيعتهم كده
    ده بيحس فى ذاته لما هو اللى يبقى القائد واللى بيصرف واللى بيعرف اكتر واللى بيتحكم اكتر واللى حاسس بقيمته واهميته كل ده من حقه طبعا بس واجبه انه يبقى بيحترم انها مخلوق ربنا خلقه تعينه وتساعده والعكس هو يعينها ويساعدها ......وهى بتحس بذاتها فى تحقيق ذاته لما بتحس انها مسئوله منه بكل ما تحمله الكلمه من معانى
    بس برضه كلمه الاخ بتاع الحمير ده.......خلتنى افكر فى كام حد اعرفهم وحضرت ليهم سنهم كبر شويه وهم ناجحين جدا بس لسه مش متجوزين......طبعا بمزاجهم لانى عارفه ان اللى متقدم اقل منهم او ممكن يقابلوا الناجح بس مفيش كيميا....
    كنت حضرت فى الساقيه فى الصيف اللى فات كانت ندوة الاداره بالعاطفة وكانوا جايبين ناس متميزة جدا وبينهم كانت مهندسه عاوزة اقولكم زى القمررر ماشاء الله محتشمه مؤدبه ودين واخلاق وعلم وعندها يجى 36 سنة هى قالت كده لما حد قالها طيب والجواز؟؟
    قالت له مش عاوزة انا مرتاحة كده بهزار وضحك ........من ورا قلبها طبعا....وانا عارفه اكيد اللى بتعانى منه انها مش لاقيه حد يرضى بفتاه مش حمارة

    الستات بتنجح ومش كلهم عندهم عقده سى السيد وبتبحث عن الحربه وحقوق المراه البتنجانيه دى
    والشباب بقى.........والله انا محايده جدا
    اسال بقى اى شاب منهم طب انت ليه عاوزها حمارة؟؟.........
    فيه منهم هيقول هو انا اصلا عارف اتجوز الحماره لما هفكر اتجوز اللى مش حمارة
    مافيش وظائف
    مافيش فرص عمل
    التعليم فى مصر يقرف((((دى انا معاك فيها)))).......بس لازم تخلص واكيد هتكون استفدت حاجة ع الاقل بتعرف تكتب اسمك:D
    مافيش فلوس
    مافيش..............مافيش.............مافيش
    لحد الصبح.............بس كلهم كده بينحصروا فى فكرة الفلوس
    او هيقولك انا اخد واحده بنظارت طول ما احنا قاعدين تقعد تقول حيثما وحيث ان::D:D
    الحمارة كويسه وبتعمر............ههههههههههههه.........بحب التعميم انا بيحسسنى دايما بالتخلف
    هيقولك.......انا ليه اخد واحده ناجحه وانا يا دوب بجيب قوت يومنا بالعافيه؟؟؟
    يعنى الفكرة بتنحصر ان المراه حاسه بنفسها زيادة شويتين
    وان الرجل خايف يحس انه اقل عشان كده عاوزها حمارة......يعنى ولا عارف يحقق حلم ليه او طموح ده طبعا فى حاله اذا كان عنده الكلام ده
    ولازم تعرف ان الحمارة اللى انت عاوزها هتخرب بيتك اقصد الاسطبل :D


    بس انا واثقة ان الراجل اللى بيحقق احلامه وبينجح......هيعوزها حد عارفه يعنى ايه زواج ولو ليها احلام وشغل وحوارات من دى
    هيختارها عارفه اولوياتها......اللى طبعا بالنسبه له وده الطبيعى البيت........
    مش هيفكر فى فكرة حمارة دى ابدا
    بس بينى وبينكم منكرش ان فيه ستات مش من نوع الحمارة بس الحمارة بتبقى افضل منهم بكتييييييييييير
    ع طول صحيح مصدرة النظارة.........وبتقوله بص فى كتاب كذا نظريه كذا بتقول ...وانت اسكت .....هو انت بتفهم؟؟
    الفكرة
    فى الاحتراااااااااااااااااااااااااااااااااااااااااااااااااااااااااااااااااااااااااام
    أحترام المرأة للرجل والعكس..........الاحترام المتبادل
    وممكن نزود انه من حقه يحس انه حقق حلمه فى حياته وهى ساعدته مش العكس........معاكم انه احساس صعب
    ازاى انا اساعدها تنجح ودى وظيفتى انى انجح؟؟.........وانا مش بعمل حاجة
    انما واثقه لو هو ناجح.....هيساعدها على النجاح بس هيفضل جرس دايما بيرن وهو برضه(((الاحترام ومعرفه سبب وجود كل من الجنسين ع وجه الارض)))).........العلم مش المقياس بالعكس هو ضرورة
    بس العلم مع مرأة ذكيه،،مش مع الاستاذ نرجس


    ع فكرة والله مش برمى ودانى مع الناس
    صوتهم عالى.......وانا بخرج كتييير وكل حواسى بتبقى شغاله للاسف وبلقط كل حاجة بسرعه
    بس اعز مكانين بسمع فيهم حواديت كوميديه ماساويه طابور العيش،،والمينى باص هههههههههه

    كل اللى عوزها حماره .......يبعت لى عشان ابعت له الشبكه
    لانها معروفه :D
    بس عشان انا واثقه
    ان كل حد ناجح وبيحقق احلامه وبيحس بذاته .......بيفكر بشكل مختلف......بس هى الظروف اللى مش مؤمنه بيها

    بنصح كل شاب عنده حلم ،هدف ، طموح،شايف نفسه ان فيه حاجات محتاجها هتساعده بس مش متوفر معه اموال يجيبها.........أحساس الانسان بقيمته لما بيحقق هدف اتوجد عشانه هتخليه يفكر فى الحياه بشكل صح
    انت أرقى من الحمار أكيد
    وهى مش حمارة عشان مش ميولها العلم
    انت انسان وهى انسانة..........من حقكم تحققوا حلمكم.....بس لازم تسعى
    **************************************************
    النصيحة بقى لكل حد بيسعى
    يشترك فى حمله الورشه مع المدرب المتميز/محمد زكريا
    شارك معانا فى أكبر حمله لعام 2010
    حمله الورشه
    تنقسم الحمله الى ثلاث أجزاء
    1 - مشروعات صغيره للشباب
    2 - أغانى تحفيزه للنجاح وتحقيق الاحلام
    3 - أفلام تسجيليه عن الناجحين
    كذالك لقاءات مع المشاهير والنجوم لدعم الشباب

    التفاصيل الاكثر على جروب الحمله وفى الديسكشن بورد هتلاقوا توبيك فيه تفاصيل اكتر عن اللى هتقدمه الحمله ان شاء الله

    لينك الجروب

    http://www.facebook.com/group.php?gid=127560237261648&v=photos&ref=search#!/group.php?gid=127560237261648&ref=search

    بالتوفيق والسداد


    هبة سامى



    مديلى ايدك سلم عرفنى بنفسك بقى واتكلم


    سيب فى الدنيا علامة تعلم افتكرك بيها


    فى ناس نقابلها تعدى وفى ناس بتطول السما وتعدى


    وتلاقى اللى واخدها تحدى ده الاول فيها


    عايزة الدنيا اللى يضحكلها والله ماتيجى غير بكده شكلها


    افتح لها قلبك حبها وانت اللى هتفرح بيها


    افتح قلبك افرح افتح قلبك افرح


    اوعى تعيشها مقصر ولا تزعل ثانية وتتاثر


    متخدهاش على قلبك قصر يابنى وقوم بينا


    اصحى وشغل عقلك لا تيأس ايه ده بيتهيالك


    لو محتاجلى فى حاجة انا جمبك ده احنا لبعضينا


    عايزة الدنيا اللى يضحك لها والله ماتيجى غير بكده شكلها



    بس يا سيدى وطول الوقت عمال يشتكى:D

  • الثلاثاء، 7 سبتمبر، 2010
  • هبة سامى
  • السلام عليكم ورحمة الله وبركاته

    ازيكم يا كلكم؟؟

    موضوعى انهاردة كلنا بنحس بيه .......كلنا بلا استثناء....بس ع نهايه التوبيك هتعرف ان مافيش حاجة اسمها كده وان دى مجرد حاله عشان نبرر واقعنا
    المهم المهم :D

    ايه هو بقى؟؟

    هسألك سؤال :انت حاسس بالقهر؟؟؟

    هتبلم؟؟.........منكم هيرد ويقول اه بدون تفكير لان ده محور تفكيره طول حياته
    ومنكم اللى هيسكت شويه ويقولى برضه اه.....او هيقولى لا ولو سالته شويه عن تفاصيل حياته ..هيقولى معنى القهر فى حياته بشكل اخر

    يعنى لو سألت اى حد فيكم........محدش هيقولى اه الحمد لله انا تمام وانا محرك حياتى الا قله قليله ودى حقيقة

    ليه بقى بقول كلنا حاسين بالقهر؟؟
    يعنى الغنى المتعلم هيحس بالقهر؟؟
    اه هيحس به .........بس فى مناطق تانيه لان اللى بيشغل عقله قضايا اكبر
    يعنى مثلا الفقير حاسس بالقهر فى انه مش لاقى اكل نظيف او مكان يأويه نظيف او انه مش عارف يحلم ولا يشتغل ولا يعيش اصلا
    ده حاسس بالقهر
    طيب والغنى طبعا لان درجة وعيه مختلفة.......هيفكر بقى فى السياسه وقضايا اكبر واكبر وبرضه حاسس بالقهر


    شكوى شكوى من كل حاجة....وكل انسان بيشكى بس زى ما اتفقنا ع حسب وعيه
    قهر قهر قهر
    الصراحة بتخنق من الكلمه دى........ومش بحب احس بيها ابدااا
    بس انا عرفت ان مالهاش وجود الا فى افكارنا وافكارنا وبس!!!!!!!!!!!

    انا حياتى القرءان الكريم....بحبه قوووى
    بحس انه فيه سر نجاحى وسر احلامى..........وسر جنتى وسر كل حاجة حلوة
    لما ربنا امرنا بيه وبتدبره ........عشان ده منهج .....مش هتستقيم الحياه الا به

    فيه سورة كل لما اسمعها واقراها اتعلم معنى جديد ينور فى عقلى وقلبى من جوة
    سورة يوسف

    لو قعدت افسر فى السورة دى باحساسى بيها مش هيكفى 100 نوت

    اللى هتكلم عنه معنى ......كل لما اسمعها او اقراها بحسه
    هقولكم عليه فى الاخر

    سيدنا يوسف.......من وهو صغير اخواته ..مش الناس
    اخواته بيكيدوا له كيدا

    1)اول حاجة....اخواته قرروا انهم يقتلوه

    إِذْ قَالُواْ لَيُوسُفُ وَأَخُوهُ أَحَبُّ إِلَى أَبِينَا مِنَّا وَنَحْنُ عُصْبَةٌ إِنَّ أَبَانَا لَفِي ضَلالٍ مُّبِينٍ

    اقْتُلُواْ يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُواْ مِن بَعْدِهِ قَوْمًا صَالِحِينَ

    فرج ربنا ع لسان احد اخوته::::::::قَالَ قَائِلٌ مِّنْهُمْ لاَ تَقْتُلُواْ يُوسُفَ وَأَلْقُوهُ فِي غَيَابَةِ الْجُبِّ يَلْتَقِطْهُ بَعْضُ السَّيَّارَةِ إِن كُنتُمْ فَاعِلِينَ
    وده اللى حصل

    وفرج ربنا فى انه يبقى عند عزيز مصر:::وَقَالَ الَّذِي اشْتَرَاهُ مِن مِّصْرَ لاِمْرَأَتِهِ أَكْرِمِي مَثْوَاهُ عَسَى أَن يَنفَعَنَا أَوْ نَتَّخِذَهُ وَلَدًا وَكَذَلِكَ مَكَّنَّا لِيُوسُفَ فِي الأَرْضِ وَلِنُعَلِّمَهُ مِن تَأْوِيلِ الأَحَادِيثِ وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لاَ يَعْلَمُونَ

    وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا وَكَذَلِكَ نَجْزِي الْمُحْسِنِينَ


    وكذلك مكنا ليوسف فى الارض::رغما عن اخوته اللى كان فى قلهم غيرة منه وصلتهم انهم يقتلوه
    كلمه مكنا دى.........قدرة الله فوق كل قدرة
    محدش يقدر يقهرك........لو انت مؤمن من جواك بالله بجد وبنفسك يستحييييييييل تحس بالقهر
    ربنا هيمكنك فى الارض وكذلك يجزى المحسنين....التقوى والايمان والعمل الكثيييييير


    2)محنة:::وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الأَبْوَابَ وَقَالَتْ هَيْتَ لَكَ قَالَ مَعَاذَ اللَّهِ إِنَّهُ رَبِّي أَحْسَنَ مَثْوَايَ إِنَّهُ لاَ يُفْلِحُ الظَّالِمُونَ
    ******************************************
    وَقَالَ نِسْوَةٌ فِي الْمَدِينَةِ امْرَأَةُ الْعَزِيزِ تُرَاوِدُ فَتَاهَا عَن نَّفْسِهِ قَدْ شَغَفَهَا حُبًّا إِنَّا لَنَرَاهَا فِي ضَلالٍ مُّبِينٍ

    فَلَمَّا سَمِعَتْ بِمَكْرِهِنَّ أَرْسَلَتْ إِلَيْهِنَّ وَأَعْتَدَتْ لَهُنَّ مُتَّكَأً وَآتَتْ كُلَّ وَاحِدَةٍ مِّنْهُنَّ سِكِّينًا وَقَالَتِ اخْرُجْ عَلَيْهِنَّ فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلَّهِ مَا هَذَا بَشَرًا إِنْ هَذَا إِلاَّ مَلَكٌ كَرِيمٌ

    قَالَتْ فَذَلِكُنَّ الَّذِي لُمْتُنَّنِي فِيهِ وَلَقَدْ رَاوَدتُّهُ عَن نَّفْسِهِ فَاسْتَعْصَمَ وَلَئِن لَّمْ يَفْعَلْ مَا آمُرُهُ لَيُسْجَنَنَّ وَلَيَكُونًا مِّنَ الصَّاغِرِينَ
    *********************************************************

    شوفوا بقى سيدنا يوسف قال ايه وعمل ايه؟؟؟؟
    يعنى شهوة قدامه وتهديد وكل حاجة وهو اختار ايه عشان مين؟؟؟؟

    قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ

    فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ

    واللى اختار السجن عشانه يرضيه......عمل ايه؟؟
    صرف عنه كيدهن.......صرف عنه ضعفه امام شهوته

    وحاجات كتييييييييييييييييييير حصلت فى حياته
    بس انا فيه ايات قلبى بيقف عندها

    قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لاَ تَعْلَمُونَ

    يَا بَنِيَّ اذْهَبُواْ فَتَحَسَّسُواْ مِن يُوسُفَ وَأَخِيهِ وَلاَ تَيْأَسُواْ مِن رَّوْحِ اللَّهِ إِنَّهُ لاَ يَيْأَسُ مِن رَّوْحِ اللَّهِ إِلاَّ الْقَوْمُ الْكَافِرُونَ


    لا تيأسوا من روح الله انه لا ييأس من روح الله الا القوم الكافرون




    رغم كل اللى حصل لسيدنا يوسف
    ربنا كان معه...........هو كان بيتقيه وبيستعصم وبيستغفر
    التقوى...عيييش بضمير سليم وقلب نظيف.........عمرك ما هتحس بالقهر

    شوف سيدنا يوسف بعد ما ربنا جمع شمله باخوته اللى كادوا ليه بعد ما بقى عزيز مصر

    رَبِّ قَدْ آتَيْتَنِي مِنَ الْمُلْكِ وَعَلَّمْتَنِي مِن تَأْوِيلِ الأَحَادِيثِ فَاطِرَ السَّمَاوَاتِ وَالأَرْضِ أَنتَ وَلِيِّي فِي الدُّنْيَا وَالآخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ

    انت وليي فى الدنيا والاخرة توفنى مسلما والحقنى بالصالحين

    ايه بقى القهر اللى انت حاسس بيه؟؟؟
    هل انت مؤمن بالله بجد؟؟
    بتتقيه؟؟
    بتشتغل؟؟؟
    بتعمر ارضه ولا بتخربها؟؟؟
    بتعمل خير ولا ايه هى حياتك؟؟؟
    ظروف ايه دى ولا ناس مين ولا قهر ايه؟؟؟
    لو انت بتتقى ملك الملوك...............ماشى فى حياتك بعباداتك......وشغلك وسعيك وحبك....وشغلت عقلك صح
    ربنا هيكون وليك فى الدنيا والاخرة
    هيكون وليك...........وعمرك ما هتحس انك ضعيف قدام اى حاجة...انت قوى بالله

    سيدنا يوسف صبى صغير ضعيف.......ربنا كان معه
    كبر ربنا اختبره ....استعصم وفضل السجن ع انه يعصيه .....يعنى مش المعصيه هى اللى هستهل امر؟؟!!!
    ربنا سهله امره
    كلمه مكنا ليوسف فى الارض
    بنشوفها لاخر السورة
    وبتضح لما بيقول لربه وبيعترف بالتميكن رغم كل حاجة عارف انه ربه هو وليه
    قال
    رَبِّ قَدْ آتَيْتَنِي مِنَ الْمُلْكِ وَعَلَّمْتَنِي مِن تَأْوِيلِ الأَحَادِيثِ فَاطِرَ السَّمَاوَاتِ وَالأَرْضِ أَنتَ وَلِيِّي فِي الدُّنْيَا وَالآخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ


    اعرف انت مخلوق ليه؟؟
    لان كل واحد مخلوق عشان ليه لزمة ودور فى تعمير الارض........
    حدد اهدافك....وخطط....واسعى كتييييييييييييير........استغل الفرص........شغل عقلك ............افتح قلبك وعينيك على الدنيا كلها
    الاسلام بيخلى المرء قوى قدام كل حاجة..........آمن بالله بجد........انجح......كل نعمه حوليك بتقولك من فضلك انجح
    وعمرك ما هتشوف النعمه الا لو كنت حاسس بوجود اللى خالقها!!!(:

    حب ربنا ..حس بيه.......اطلب منه........اسعى وانت عارف انه وليييك فى الدنيا والاخرة
    وكيف يحزن من كان الله وليه؟؟؟
    فيه حاجة بقى اسمها قهر؟؟
    هو احنا بنشتكى من ايه؟؟...........لو بنشتكى فاحنا بنشتكى من ضعف ايماننا



    عندى امنيه من الله........ان شاء الله هيحققها ليه
    نفسى يكون عندى ولد
    بجمال سيدنا يوسف وعفته وصبره وءامانته وايمانه وحبه لله.......واخلاق سيدنا محمد والسير على سنته
    هربيه على انه يكون نور على الارض على القوة......القوة بالله
    لان للاسف كتير من الاباء والامهات....بيربوا اولادهم ع الدين...بس مفهمينهوم انه ضعف وذل وانه غير مقبول المتدين او انه المفروض يكون فى حاله
    انما ان شاء الله اولادى هيصلحوا الامه والمجتمع بايمانهم وعقلهم ....مش بالمظاهر الكذابه

    ان شاء الله هيكون التغيير اللى عاوزة اشوفه فى العالم كله(:


    اوعى تسجن نفسك وحلمك جواك
    جوة معانى اليأس.....هتيأس من ايه؟؟
    الدنيا جميله وبسيطة قوى...........لو انت شوفتها كده
    وقلت انت وليي يااااااااااااااااااااااااارب

    وَلاَ تَيْأَسُواْ مِن رَّوْحِ اللَّهِ إِنَّهُ لاَ يَيْأَسُ مِن رَّوْحِ اللَّهِ إِلاَّ الْقَوْمُ الْكَافِرُونَ

    عيييييييييييش.........وانت واثق فى الله
    وحب الناس وفتح قلبك وعينيك...عيش ببساطه ببراءة بحب
    اعمل كل حاجة صح.........وانت مسلم ومؤمن صح
    الاسلام اكبر بكتير من المظاهرررررررررر

    اصله الحب........حب الله
    واللى بيحب ربنا ....هيهديه

    عقيدتك ليست تعنينى

  • هبة سامى
  • حدثنى بالهاتف صوت ،لم اسمع فى عذوبته .صوت د.عبله الكحلاوى ،وبعد حوار طويل حول ما يجرى فى بلادنا الآن من مشاحنات طائفيه مخزية،أنهت العلامه الجميلة المكالمه بعبارة من أبلغ ما يكون:((يا أبنتى نحن البشر جميعنا مسلمين ونصارى ويهودا سوف ندخل الجنة باعمالنا.فقط باعمالنا)).وذكرنى هذا بحوار دار بين عالم لاهوت مسيحى برازيلى ((ليوناردو بوف))وبين((دلاى لاما))الحالى،رقم 14 تنزين جياتسو القائد الدينى الاعلى لبوذية التبت،ورأس حكومة المنفى بالهند منذ احتلال الصين للتبت عام 1959 ،وبالاساس كان أحد رهبان جماعة القبعات الصفر من مواليد 1935 ،وتم تنصيبه عام 1950 وهنا لن افعل اكثر من ذها لترجمه الحوار عن الانجليزيه ،فقط ذلك لأن فى قراءته وحسب تأمل دلالته ،تكمن عبارة الكحلاوى الرفيعه ويكمن كذلك الدرس الذى نحتاجه جميعا العقيدة شأن خاص بين الانسان وربه ،اما الشأن العام فهو التعامل الطيب بين الناس.

    يقول بوف فى نقاش مائدة مستديرة جمعت بينى وبين دلاى لاما حول العقيدة والحرية سألت لاما فى شىء من المكر وكذلك فى اهتمام حقيقى:
    ياقداستك اى العقائد تفضل؟؟
    وظننت انه سيقةل:بوذية التبت أو الديانات الشرقيه التى هى اقدم كثيرا من المسيحية ،على ان الدلاى لاما صمت قليلا ثم ابتسم ونظر الي فى عيني مباشرة وهو ما أدهشنى لأننى كنت أعلم ان المكر مخبأ فى سؤالى ثم قال:
    العقيدة الافضل هى التى تجعلك أقرب الى الله ،هى تلك التى تجعلك شخصا افضل

    وما هى العقيدة التى تجعلك افضل؟؟ فأجاب
    تلك التى تجعلك أكثر رحمة اكثر حساسية أكثر محبة أكثر انسانية أكثر مسئولية اكثر جمالا .العقيدة التى تفعل معك كل هذا هى الافضل

    كنت صامتا مأخوذا بأعجوبه تلك الاجابة وحكمتها التى لا تدحض وأكمل لاما:
    لست مهتما يا صديقى بعقيدتك أو اذا ما كنت متدينا ام لا ،الذى يعنينى حقا هو سلوكك امام نفسك،اما نظرائك،امام اسرتك ،امام مجتمعك،امام العالم،وتذكر ان الكون هو صدى افعالنا وصدى افكارنا .وان قانون الفعل ورد الفعل ليس يخص فقط عالم الفيزياء .بل هو ايضا قانون يحكم علاقتنا الانسانية...

    اذا ما امتثلت للخير سأحصد الخير ،واذا ما ماتثلت للشر فلا احصد الا شرا ..ما علمنا ايه اجدادنا هو الحقيقه الصافيه /سوف تجنى دائما ما تتمناه للاخرين ...فالسعادة ليست شىء يخص القدر والقسمه والنصيب بل هى اختيار وقرار ..وفى الاخير قال دلاى لاما:

    ((انتبه جيدا لافكارك،لانها سوف تتحول الى كلمات وانتبه الى كلماتك ،لانها سوف تتحول الى افعال وانتبه الى أفعالك لانها سوف تتحول الى عادات وانتبه الى عاداتك لانها سوف تكون شخصيتك وانتبه جيدا الى شخصيتك لانها سوف تصنع قدرك وقدرك سوف سصنع حياتك كلها وفى الاخبر ليست من عقيدة ارقى واعلى من الحقيقه.

    قد انتهت المقاله للكاتبه/
    فاطمه ناعوت
    المصرى اليوم.........الجريدة التى احترمها واحترم كتابها رغم اختلاف افكارى مع البعض

    تعليقى على المقاله
    *******************
    اعجبتنى هذه المقاله ورايت فيها معنى السلام النفسى الاجتماعى الانسانى
    عقيدتك ليست تعنينى لانك بشر من حقك ان أحترمك مادام لم تؤذينى
    من حقك أن اقدر افكارك وحريتك الشخصيه فى اختيار اتجاهاتك وافكارك وطريقه حياتك لانها ملكك
    كيف وان الله جعلك مخيرا؟؟؟
    كيف لى ان اتجرأ واقول من يستحق ومن لا ومن وكيف منى ان أجبرك على اعتناق عقيدتى التى احبها واقدسها؟؟

    قد خلقت مخيرا.......وقد خلقت حرا
    لا يجب ان احاسبك
    لان يوما سنعرض جميعا على ملك الملوك هو فقط من يحاسبنا لانه الهنا الواحد الاحد الوتر الصمد
    بيده ملكوت كل شىء
    امرنى ان انتمى الى دينى وان أكون معبرا عنه بصدق تجاهه بينى وبينه......ثم بينى وبين عباده والناس أجمعين
    اعمالهم بود ولطف ورحمه واحترام وتقدير......وأكون مثلا جيدا
    أنصح وأكون سبب فى هدى ........ولكن بالحكمه والموعظة الحسنه
    وان لم يحدث فجميعنا بشر .......لا احد من حقه ان يحجر ع احد او يحكم عليه
    فلكم دينكم ولى دينى
    وهذا ما عاشت به الدوله الاسلاميه قديما........عم السلام الاجتماعى والحب لان البشر تنزهوا ان يتدخلوا فى شئون الخالق ويعاملوه بالند الذى هو سببا فى حالنا الآن من تعصب دينى وعرقى واصبحنا نرى كل شىء بظاهره وسطحيته وتركنا جوهر الشىء.........العقيدة والاديان نزلت كى ننظم علاقتنا بالله وكى نحيا حياة مكرمين بها ...أسقط عن كاهلنا نير الخرافات.....كيف نضعها نحن بأيدينا ؟؟!!

    لكم دينكم ولى دينى.....وعقيدتك ليست تعنينى

    هبة سامى