Demo image Demo image Demo image Demo image Demo image Demo image Demo image Demo image

الاسانسير لازم يعطل...ونطلع على السلم!!!

  • الخميس، 30 ديسمبر، 2010
  • هبة سامى
  • للى عاوز يطلع ع السلم الكلام ده لازم هيفرق معاه.......اما بتاع الاسانسير لازم يعطله ويطلع ع السلم ويخلى الكلام ده يفرق معاه

    نعرف الفرق..وبعدين ندخل فى الموضوع((:


    اقول ولا ماقولش اقول ولا ما قولش
    اروح ولا ماروحش اشتغل ولا ماشتغلش.............اعمل اى شىء ولا معملش

    يووووووو........مشكله بجد الموضوع ده:D

    موضوع التردد اقصد........ع فكرة بيختلف عن التفكير وفيه فرق شاسع كمان

    فيه ناس كتير تيجى تسالها عن اللى عاوزة تعمله........تقعد تقولك مش عارف كتييير وتحس انك حتى مش عارف تقدم لها المساعده اللى نفسك تعملهالها عشان بس فكرة التردد دى ....بتضيع منها كتير بجد

    التردد ده زيه زى كده الاحباط واليأس واى مرض من الامراض اللى اعوذ بالله بتسبب الفشل وبتضيع العمر ع فكرة ثابته محصلش فيها جديد....

    خلينا احلل العدو بتاعى كويس اوى
    دايما بقول اطلع ع سلم النجاح ومتطلعش بالاسانسير

    ليه بقى؟؟؟

    لسبب بسيط اللى بيجى بسرعه بيروح بسرعه .....ممكن تطلع السلم فى 5 دقائق او اكثر كمان لو الدور اللى عاوز توصله بعيد شويه......وساعه لما بتوصل بتبقى حاسس بتعب وبجهد مبذول ولو دفعولك كام هيصعب عليك النزول ع طول واكيد طلعت عشان انت اللى عاوز تطلع......ولو هتنزل هتنزل واحده واحده

    طيب والاسانسير ....هوب لاقيت نفسك فى اعلى دور
    وهتنزل هوب لاسفل دور لا قدر الله يعنى.....مش هتحس ولا بالطلوع ولا شىء ولاهتبقى زعلان اوى انك نزلت انت فى الحالتين متعبتش ....
    السلم ..هو طريق الناجحين بجد


    عشان كده وانت طالع سلم النجاح اطلع وانت بتبص ع السلمه اللى هتطلعها !!!
    شوفها متينه ...هتكون فعلا سبب فى انك تطلع السلمه اللى بعدها ولا اول لما تحط رجلك عليها هتطلع مكسورة وتقع تتقطم رقبتك


    ده اسمه تخطيط وانى بدير كل شىء ومش بعمل حساب اى غلط ...عشان ابقى فى كل سلمه واقف صالب طولى وحاسس بنفسى ع السلمة دى..ركززز

    ده التفكيرر

    اما بقى التردد اللى بستغربه فى الناس وعمره ما بيهيأأأ اى حد للنجاح....تللقى الخطوة اللى هيطلعها هتعليه وهتحفزه وهيكون احسن ومتردد.....طيب ده بقى نقوله ايه؟؟؟

    بستغرب اوى ناس كتير فعلا تقدر توصل
    وتضيع عمرها ..عمرها ده حتى لو سنة طيب ليه؟؟؟
    ايه المبرر؟؟؟

    تقولك اصلى مش عارفه..مترددة...خايفه
    طيب من ايه؟؟
    الخطوة مش هتنقصك شىء بالعكس...دى ممكن تزودك وحتى لو ملاقتش نفسك هتكسب خبرة هتأهلك لشىء بعده اكبر واكبررر
    بس المهم انى محطش ايدى ع خدى واستنى الفرج ..مش هيجى ولو قعدت مية سنة طول انت مابتشتغلش مش هيجى لك شىء

    المهم تحط شىء مناسب ليك(هدف يعنى)
    وتشجع نفسك ..وتبدأ فى شىء يحفزك ..عشان تروح للخطوة اللى بعدها وانت حاسس بطعم النجاح من اول حياتك
    التردد ده خرجوا من حياتك خالص وكل معنى سلبى شيله..قوله من غير مطرود
    لما تتكلم عن هدفك قول انا عاوز كذا ..وعاوز اعمل كذا ..وابدأ فى خطوات ع طول متضيعش وقت وطول ما انت فى طريقك اتكلم عن هدفك......فيه حاجة فى قانون الجذب بتقول الجذب بيبقى ب
    1)الظن
    2)الكلمات
    3)الافعال

    الظن :انا عند ظن عبدى بى(قول الله)....تشتغل وتبقى واثق انك هتنجح
    الكلمات:اتكلم عن هدفك كتييييير مع ناس كتييير..هيطلع لك حد يساعدك..ناس كتير كمان وهيوفر لك وقت فظيع
    الافعال:الشغل بتاعك بقى ..وهو طبعا المهم

    وانتى بتشتغل لازم تجذب النجاح ليك باللى قولنا عليه فوق الظن والافعال والكلمات
    وكمان الافكارررررررر........افكارك لازم تبقى ايجابيه جدا...شيل اى سلبيه فى حياتك(انت ما تفكر فيه)ديل كارنيجى
    يعنى اللى بتفكر فيه هو الوضع اللى هتكون عليه نتاج افكارك


    لما تقرر شىء ابدأ فى خطواته .....ابعد التردد عن تفكيرك
    عامه انا جبت لكم علاج التردد ده

    دكتورة ايه ماهر استاذ الموارد البشريه بالجامعه الامريكيه بتقول ازاى تعالج التردد ده
    1)تحديد دقيق للمشكله التى يتخذ القرار من اجلها
    2)تحديد للمعايير الى ستسخدمها لتقرر ان كان هذا القرار جيدا اما لا وووضع وزن لها ودرجات،تحديد للبدائل المتاحة وجمع المعلومات عنها جيدا لوضع الاوزان الخاصه بكل بديل .
    3)اختيار القرار الامثل ذات الدرجات الاعلى فى المعايير
    4)تنفيذ القرار وقياس الى اى مدى عالج القرار المشله الاساسيه

    و6 خطوات حتى لايعود التردد
    1)لا تعلق عمليه اتخاذ القرار وتذكر ان عمليه اتخاذ القرار تكسب جرأه وتعطيك شجاعه فان اخطأت فان الخطأتجربه جديدة تفيدك فى عمليه اتخاذ القرار مستقبلا
    2)ابتعد عن الجمود وعدم الايجابيه فى طريقه التفكير واستشر اهل الخبرة
    3)حدد الهدف من القرار وهل هذا الهدف مجز او يستحق الخوض فى عمليه اتخاذ القرار ام لا
    4)عدم الاندفاع فى الحكم ع الامور قبل معرفه المعلومات الضروريه لمقارنه البدائل المتاحة او التمسك بفكرة سابقه نجحت فى وقت ما
    5)عدم تجاهل العقبات والمشكلات الحنمله ويمكن تفادى هذا الجزئيه بالاستفاده من اخطائك السابقه او الاستعانه بذوى الخبرة
    6)علاج مشكله الترردد تحتاج للمارسه والتجربه اكثر،فهو علم اساسى من علوم الادارة والحياه عامة


    عندى تعليق بسيط بالنسبه لاهل الخبرة......مش شرط حد تستشيره وهو معاك....لا استفيد من كل عالم او اديب او اى حد ناجح مشهور...اتعلم من اقواله وتجارب حياته شرط ان تفلتر الخبرات..اى لازم تكون متفقه مع دينك وقيمك .....واشتغل ع نفسك اوى وحقق نجاح تتميز فيه وحس بذاتك..
    خد القرار واشتغل ع طوووووووووول.........مش لازم نندم ع اى وقت فى حياتنا لازم يبقى مليان نجاح ويأهلنا لخطوة احسن واحسن الى ان نصل لجنة الرحمن فى الاخرة ان شاء الله


    هبة سامى



    سأل نابليون
    كيف استطعت ان تولد الثقه فى نفس جنودك؟؟
    فاجاب كنت ارد على ثلاث بثلاث
    من قال لا اقدر قلت له حاول
    ومن قال لااعرف....قلت له تعلم
    ومن قال مستحيل قلت له جرب
    فلما لا نحاول ونعلم ونجرب

    وسقراط قال الشىء الوحيد اللى اعرفه انى معرفش شىء.......ده عشان يتعلم ..اوعى تخلى لنجاحك سقف..او احلامك
    يلا انطلق


    تحية لمحمد زكريا(:


    جروب عاوز اتغير
    http://www.facebook.com/note.php?created&&suggest&note_id=241035746925#/group.php?gid=165776465991&ref=mf

    ماتقولش انا قصير واوزعة

  • هبة سامى
  • ما تقولش انا قصير واوزعه
    ومتقولش حاجة تانى:D

    فاكرين نوت المراية لما قلت لك شوف نفسك زى ما انت ودور ع نفسك جواك نفسك ومتقارنش نفسك بحد
    ومتقولش ان فيه حد احسن او فيه حد اسوء
    لان بكل بساطه اللى جواك هو جوا كل الناس بس فيه حاجة عندك واضحة وبارزة تشتغل عليها مش زى اللى عند غيرك
    انت مش حد
    والحد ده مش انت فيه اختلاف لازم يكون فيه اختلاف

    وطالما انت عايش وفيك نفس لازم تعرف انك ليك لزمة وانك اكيد بتختلف عن اى حد

    المهم المقالة دى بتقول شجع نفسك ومتقولش انا قصير واوزعه لانك تقدرررر

    ولما تحط حاجة قدامك عاوز تحققها لازم تشجع نفسك عن طريق
    1)حط الحاجة اللى انت عاوز تحققها قدام عينيك ...وتخيلها كل يوم وأعط لنفسك مساحة تفكر فيها ازاى تكون سعيد لو حصل اللى اللى انت بتحلم به ...واللى حوليك هيفرحوا بيك ازاى ؟؟...يعنى تخيل واستمتع بالنتيجة النهائيه التى ستسعى بكل الجهود للوصول اليها واشتغل ع السبب اللى يوصلك لهدفك


    2)لو بقى جت الظروف فى وشك عائق ..والطريق طويل والكلام اللى احنا عارفينه ده ....لازم تقول للافكار دى من غير مطرود من عقلك ..لانها تبرير للفشل لا قدر الله يعنى:D
    واذا فكرت فيها هتلاقيها بتنطبق ع الواقع...انت اللى بتشوفها وتصنعها ..متخليهاش تلعب براسك ارميها فى اقرب صندوق قمامه فى طريقك...يقول ديل كارنيجى انت ما تفكر فيه ويتسال ايمسون ما تفكر به؟؟فهو انت...



    3)اذا حسيت انك خرجت عن الخطة لا تياس اطمن...عد لطريقك وكمله ...متهدش اللى بنيته لاى سبب ....انت انسان فاغفر لنفسك متجلدهاش جلد النفس من اسوأ الحاجات اللى ممكن تتعرض لنفسك حاسبها بس اغفر لها وعلمها..وابدا اليوم اللى بعده
    يقول توماس اديسون :لن اقول انى فشلت 1000مرة بل ساقول انى اكتشفت 1000طريقه تؤدى للفشل...


    4)متتحرجش ..اطلب المساعده من الاخرين عشان تحقق هدفك ..هتكون احتمالت النجاح اكبر اذا شاركك صديق فى انه يعينك ع اى شىء ..طور علاقاتك واشتغل يلا

    5)كن مؤمن بذاتك ...ممكن تعمل اى شىء اذا سخرت عقلك وقلبك ووقتك ونفسك عشان تحقق هدف معين

    ثق فى الله وقدراتك ....وانطلق فى سماء احلامك وحققها
    ومتقولش انك قصير واوزعه..ماتشوفش نفسك صغيييير لانك مش كده
    ربنا قال انك تقدررر ع اى شىء بعونه وحده ..وبوجودك مع بقيه عباده اللى وجودك معاهم عشان تكملوا بعض


    جروب عاوز اتغير

    http://www.facebook.com/edittopic.php?uid=165776465991&action=8#/group.php?gid=165776465991

    حوار لذيذ بين 2009 و2010!!!

  • هبة سامى
  • 2010:
    انا جيت نورت الدنيا كلها
    وانتى خلاص ماضى وراح انا الجديد والمستقبل والحاضر ومعنى التفاؤل للناس انما انتى
    ههههههههههههههه...........الناس مصدقت خلصوا منك ومن كآبتك ..طلع فيكى عجايب ايه انفلونزا الخنازير دى؟؟!!
    وايه المشكله بتاعت الجزائر و..و...و.....انفلونزا المعيززز...هههههههههه اما انتى عجيبة
    يا ساتر غمة وانزاحت:D

    2009:(:
    انتى مالك فرحانه كده بنفسك ؟؟؟
    صحيح انا ماضى بس اترسم بايديهم انا مجرد وقت عاشوه واتحسب فى عمرهم
    انا الخبرة
    انا التاريخ
    انا معنى بس ياريت يفهموه ويستغلوه و...........(مقاطعه)..2010 جايه وشدة حيلها ع الاخر علينا:D


    2010:نياهاهاهاهاهاهاها.انتى بتصلحى موقفك ولا ايه يا بنتى ؟؟
    خلاص خلاص مهما تعملى ....انا الحياه الجديدة


    2009:(:
    برضه ؟؟؟
    اسمعى بس
    انت كمان مجرد وقت فى حياتهم ....مسيره هيخلص وحالك هيبقى حالى..خليكى ذكية تعالى نفهمهم حقيقتنا من غير خناق ..ويكرهونى ليه؟؟
    ويحبوكى ليه؟؟
    هما اللى يقدروا يخلونا سنة اتحسبت لهم مهما يحصل من ظروف زى ما يقدروا يحملونا مشاكلهم زى الشماعة واحنا ملناش ذنب!!!!


    2010:احم احم:D
    انتى اكبر منى واكيد تعرفى عنى كتيييير شوفتى مشاكلهم وتعرفيهم اكتر منى
    عندك حق
    ايه رأيك انتى تعليمهم وانا اكون مظهر التغييييير بالنسبه لهم ....ونتيجة الخبرة بتاعتك....وع رأيك هيجى وقت هبقى برضه بالنسبه لهم تاريخ وخبرة ..اعقل كده وابقى بنت حلال((((:


    2009: ايوة كده يا مستقبل يا مزدهر ان شاء الله ..نوريهم بيا لولايا مكنتيش انتى هتبقى موجودة
    ومكنتش اتمنى يحصل فيا حاجة احسن من كده....كل اللى حصل من افعالهم هما ومن افعال غيرهم .وغير قضاء الله وقدره اللى هما نسبه كبيرة فيه(:
    بصى بقى انا هسيب لهم رسالة وانتى بعديا:
    ازيكم يا ناس يا بشر يا عااااالم؟
    ممكن تبقوا شايفنى وحشة وكئيبه بس متنكروش ان منكم قدر يحقق حاجات ينفع بيها نفسه وغيره ...يبقى العيب فى مين؟؟؟
    اتعلموا منى انا وقت واتحسب من عمركم وكنت عارفه انى كده كده ماشيه ....منكم اللى استغلنى وحقق انجازات..ومنكم اللى نام وصحى ع اخر شهر فيا وحس انى كارثه فى حياته..انا معملتش حاجة كله منكم ومن افعالكم !!!!
    عشان كده..انا ماضى وخبرة فى عمركم ..منكم اللى هيكمل انجازاته
    ومنكم اللى هيتعلم من تجربته معايا وهيتعلم منى عشان يبنى حياه جديده فى سنة 2010 رفيقتى
    فكروا فى اللى هتعملوه واتعلموا منى وخلونى سبب كويس فى 2010 لنتائج حياه مليانه انجازات(((:
    اتمنى لكم التوفيق فى 2010
    بحبكم برغم انكم عملتونى شماعه..اتمنى ان 2010 حالها يختلف عنى.



    2010:ازيكم يا جماعة؟؟
    انا جديد فى جديد لسه مخطتوش فيا خدش
    عوزاكم تملونى نجاح وسعاده وفرح وتمحوا كل سلبيه من حياتكم وتتغيروا بناء ع اللى اتعلمتوه من 2009
    وانتم تقدروا انا لسه مستقبل ممكن تغيروه ..اتعلموا من اللى قبلى وخلونى مع 2011 ماضى زود من رصيدكم وحياتكم
    بحبكم واتمنى ابقى وشى حلو عليكم يا بشرررر:D




    ياريت بقى رسالتى توصل من خلال المحادثة دى ....اتغيروووووا وارسموا مستقبلكم وحددوا ملامحه ..انتم تقدروا
    العيب مش فى الزمن العيب فينا احناااااااا لو علقنا عدم نجاحنا عليه يلا شيلوا كل السلبيات
    وانا معاكم

    جروب عاوز اتغير
    http://www.facebook.com/#/group.php?gid=165776465991&ref=mf


    فيديو هديه ليكم من 2009(((:..
    http://www.youtube.com/watch?v=OfSyMflfdyE


    انا واحده من الناس متمناش عمرى يرجع لان الخبرة والوقت هما اللى بيعلموا ..لو كنت رجعت كنت هقع فى نفس المشاكل اللى قابلتنى..دى سنة الحياه
    خبرة تصنع مستقبل...لكن المهم انك تستفيد من خبرات الاكبر منك عشان مضيعش وقت


    هبة سامى

    التغيير..هو روح الحياة!!!

  • هبة سامى
  • لتغيير...هو روح الحياة


    http://hebasamy.blogspot.com/

    تفتكروا انا ليه عملت المدونة وفكرة جروبى ع الفيس بوك برضه للتغير؟؟؟

    ليه يعنى التغير؟؟

    لسبب بسيط انى مش بحب السلبية ....مش بحب اشوف اى شىء ممكن نصلحه واحنا كل اللى بنعمله اننا بنقد مع اننا ممكن نشتغل على نفسنا وع اللى حولينا ونبقى احسن

    كلنا عندنا عقل مش كده؟؟
    ولا انت معندكش:D
    ده حتى سبحان الله ده الشىء الوحيد اللى ربنا ميزنا به عن الحيوانات والجمادات

    وكلنا برضه عندنا قدرات جوانا.......بلا استثناء وزى بعض...بس فيه حد بتظهر عنده وفى حد لأ
    يبقى العيب فى مين؟؟
    اكيد مش فى القدرات ولا خلقه ربنا
    العيب فيكككك

    ربنا اول لما أمرنا بالصلاة كانت كام؟؟
    50 مش كده؟؟
    واتخففت بقت كام ؟؟
    5 برضه مش كده؟؟
    ولا يكلف الله نفسا الا وسعها مش كده؟؟
    طبعا كده لان ده قول الله الذى لايقبل الجدال
    اذن انت كان فى استطاعتك انك تصلى 50....واتخففت بقت5
    يعنى انت بتستغل 10% بس من قدارتك.....السؤال بقى
    احم احم:D

    بتستغلهم؟؟
    ايه السؤال المحرج ده بقى؟؟:D

    يعنى انت تقدر ...كلكم تقدروا

    وبعدين بالنسبه لحال البلد والناس التانيه وكده؟
    اولا ابدأ بنفسك
    وكل واحد لما يبدأ فينا بنفسه ويشتغل ع قدراته ويظهرها بلدنا دى هتبقى اعظم دوله واحنا كل واحد هيحس بقيمته فينا ويعمر الكون ويحدد رسالته فى الحياة ويبدأ فيها...هتحسوا احساس جميل اوى..لان ربنا خلقنا كده بنحب نحس بقيمتنا لما نقرب منه وندور ع ذاتنا


    الشيخ عبد العزيز بن بازس: ما تفسيـر قـول الحق- تبارك وتعالى -في سـورة الرعـد: (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)؟ ج: الآية الكريمة آية عظيمة تدل على أن الله- تبارك وتعالى -بكمال عدله وكمال حكمته لا يُغير ما بقوم من خير إلى شر، ومن شر إلى خير ومن رخاء إلى شدة، ومن شدة إلى رخاء حتى يغيروا ما بأنفسهم، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط، والتفرق وغير هذا من أنواع العقوبات جزاء وفاقا قال - سبحانه -: (وَمَا رَبُّكَ بِظَلامٍ لِلْعَبِيدِ)
    يبقى لازم نتغير....وكل شىء من جوة نفسك...كل وظيفتى انى هلمس كل شىء جواك بيوجعك وتعبك وهساعدك تشتغل ع نفسك من خلال مواضيع وسلسلات لتجديد وتطوير الذات
    انت ممكن تبقى كويس جدا ..بس كل واحد محتاج كل يوم يتغير للاحسن فى ظل حياتنا وكمان عشان تتقدم
    معتقدتش ان فيهحد فيكم مبيحبش يكون انجح؟؟


    قال تعالى:

    سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ (53) فُصلت
    تامل نفسك وتفكر فيه كمان تتفكر فى كل هتلاقى حاجة جواك مش عند غيرك متميز فيها وبتعرف تعملها كويس اوى...ربنا خلقنا مختلفين فى اللى نقدر نعمله عشان نكمل بعض ونعيش ونعمر الدنيا


    يلا دور ع نفسك جوا نفسك
    وانا معاك هساعدك بكل شىء كورسات وندوات وكل شىء يساعدك تخرج من اعماقك
    هيراكليتوس قال...ده فيلسوف التغير ان الانسان لا ينزل النهر مرتين
    يعنى المكان اللى هتزل فيه بمجرد ما تطلع منه المياه هتجرى ولو نزلت تانى انت نزلت فى مياه تانيه خالص
    التغير هو روح الحياة
    يلا نبدأ

    هبة سامى



    http://www.facebook.com/#/group.php?gid=165776465991&ref=mf

    المراية

  • الخميس، 9 ديسمبر، 2010
  • هبة سامى
  • عمرك فكرت تقف تبص فى المراية

    لا لا مش قصدى الوقفه اياها العاديه دى
    :D
    انا اقصد تبص وتشوف نفسك من جوة وانت قدام المرايا .....شكلك جزء من نفسك ولكن مش كلها ..عشان كده وانت بتشوف نفسك بجد لازم تقف قدام المرايا


    مرايتى يا مرايتى مين احلى واحد فى الدنيا؟


    المراية:انت طبعا يا حبيبى<<<<<<<<<<<<يا كدابه:D انا بقولها كده


    اه ما انا عارف ها ها ها ها ها





    المراية:لا لا انت وحش يا فاشل بص سمعه صحبك عامل ازاى اتجوز تفيده وبقى حاجة اد الدنيا وانت فاشل خليك فاشل
    او فتكات صحبتك اتجوزت عتريس ولابسه دهب وانتى خليكى كده عمرك ما هتتجوزى اخرك اسطى عطوة السباك


    اسكتى بقى


    المراية:بتضايقك يا فاشل طيب يا فاشل يا فاشل
    بيضايقك عطوة طيب سيماعيل البوسطجى:D




    وانت واقف قدامها متسالش السؤال ده...عشان ده مش سؤال
    انت كده بتطلب منها انها تضحك عليك وتقولك انت احلى واحد او اوحش واحد الاتنين غلط

    انت مش احسن واحد ولا اوحش واحد انت نفسك

    نعم!!!!..انا نفسى ازاى يعنى؟؟

    نفسك يعنى نفسك انت لازم تكون زى ما انت عاوز مش مهم تكون احسن واحد المهم تتميز عن الباقى وتدور ع نفسك جوا نفسك
    موجود يعنى ليك لزمة
    لازم تبقى مختلف ولما تيجى تتعلم من حد او تقابل حد ناجح اوعى تقول مين احلى انا ولا هو او احسن انا ولا هو
    انت مش هو:D
    وهو مش انت
    انت ليك لزمة وهو ليه لزمة تانيه خالص
    انتم الاتنين ليكم لزمة فى الدنيا وانت انجح فى مكانك ودور ع اللى ضايع منك جواك

    حتى لو فى نفس مجالك فكر كده فى حاجة تخليك متميز ليك ولناسك مش عشان تبقى احسن واحد لو فكرت كده عمرك ما هتبقى احسن واحد لان نفسك فى الحاله دى تبقى محتاجة علاج وهو فن الرضا والاقتناع والايمان بالذات وحبها باعتدال

    فى الحاله التانيه هتلاقيك بتقلد الناجحين وهتفقد نفسك وهتبقى اى حد تانى غير نفسك وتقول الوقت هتحس ان فيه شىء ناقص

    اتعلم فن النجاح من خلال نفسك من جواك يعنى...فيه جوا كده مواهب ع شويه قدرات هيعملولك وصفه هايله للنجاح(:


    اقف فى مرة البس اللبس اللى انت شايفه مناسب ليك فى الوقت ده من حياتك
    واقعد اسالها وهى هترد عليك اسال اى سؤال غير السؤال اللى فوق


    لان نفسك هترد ع اللى هى شيفاه اللى لازم يكون صادق
    انا مين؟

    عملت ايه؟

    كيف اكون انا؟


    ايه اللى جوايا؟

    ايه طموحاتى؟

    انا راضى عنى؟

    راضى عن ربى؟

    عملت اللى عليا فى الدنيا؟

    لو مت دلوقتى هكون مستعد ..شايف نفسى اديت رسالتى؟؟




    المراية هتوريك انت اللى عشان تعرف تقف قدامها لازم تكون بتحبها باعتدال، مؤمن بها ، واثق من نفسك وقدراتك حتى لو محققتش حاجة لازم تكون واثق انك هتحقق....وقلها انا مؤمن بذاتى زى ما انا بس هطورها عشان تبقى احسن
    هيفررق معاك


    هبة سامى


    بحبك.....وانا كمان!!!

  • هبة سامى
  • هى: هاى
    هو: هاى
    هى مين ومن فين؟
    هو:احمد من مصر..وانتى؟
    هى:اولفينى من اسرائيل
    هو:اهلا بيكى
    هى:بتشغل؟
    هو :لا عاطل ..وده حال كل الشباب ..مفيش شغل
    هى:اه ده حال كل المصريين.....
    هو:بتشتغلى
    هى : طبعا
    .............مرت فترة واتكلموا فى كل حاجة حال بلادهم وحال بعض ..كل حاجة!!!!!
    هو: بحبك
    هى : وانا كمان
    هو :تتجوزينى؟
    هى: وتوراتى وقراءنك؟
    هو:ولا يهمك..نكتب كتابنا بايدينا ونحقق كل احلامنا
    هى :نسافر؟
    هو: طبعا.........اممممممم((((تخيلوا اى سبب او اى حوار تانى او اى طريقه سواء محاوله منه او منها سواء هو رفض فى الاول الكلام معها سواء كان الغرض تجنيده سواء كان عادى ومجرد فكره منه ان احنا زمان من ضمن الاتفاقية التطبيع وزيها زى اى بنت اجنبيه وبلدها زى اى بلد واروح اشوف اكل عيشى هناك...اى فكرة))))



    انتشروا مش كده؟؟...اولفينى واحمد بقوا كتير اوى.....والله انا مش عارفه هيكتبوا كتابهم فين بالظبط ع حائط الاقصى اللى بيقع ولا بدم ضحايا العرب كلهم: فلسطين واحنا زمان الشهداء اللى الرمل بيصرخ من دمهم اللى بيسرى عليه كل ثانيه وبيقول اه ....ولا بايه بالظبط ؟؟.....واحمد ضاقت به الدنيا ملقاش الا اولفينى وبلدها اللى منعت كلمة الله اكبر تتسمع من المسجد الاقصى هيعرف يصلى هناك؟؟ ولا نسيت ده قالها هنكتب كتاب بايدينا !!!!.......الكتاب ده فيه اننا كلنا اخوات بس فيه اخوات بيقتلوا فى بعض وده عادى !!!....ان مصرى ولا عربى يوم ما يسافر يطبع ويتجوز وينجب والحكومة الصهيونيه تاكله وتبقى خيرها عليه كان مسافر مش لاقى يجيب قوته وهى كتر خيرها وفرت له كل حاجة ويوم الحرب كل واحد منهم هيتحرم من شرف النصر الطبيعى اللى هو للعرب وان يمسك سلاح ويحارب او انه يبقى مستنى يسمع الله اكبر من المسجد الاقصى وكل المسلمين بيصلوا فيه .....

    ايه؟؟

    تخيلوا معايا كده ....شكل التطبيع ده ؟
    هينفع؟
    واحمد ده مسلم بجد ويعرف دينه؟او وطنى بجد وبيحب وطنه؟
    نفسى اقول ممكن بس ابقى اكبر كدابه فى الدنيا

    العمليه بايظه بايظة اللى هيسافر ويعيش كانه واحد منهم هو فعلا بقى منهم
    محدش يقول زيهم زى اى بلد تانية مينننفعش .....مفيش احساس ؟؟..مفيش قلب بيتوجع كل لما تفتح ع نشرة االاخبار؟؟


    حاولت ابرر وافكر فى سبب مقنع
    قلت ظروف الحياه: لقيت اللى بيعوز يعمل حاجة بيعملها واللى بيعوز ينجح بينجح ......هقول ازاى فى نهايه المقال
    قلت كم من الجرائم ترتكب باسم الحب اللى دنسوا معناه الحقيقى اللى هو من حب الله....مفيش حاجة اسمها حب مفيهوش عقل وهدف جزء كبير منه دينى عشان تكون فيه ذريه صالحة تكمل المسيرة اللى سنها الله فى ارضه!!....اولفينى واحمد هيجيبوا ايه؟؟

    اللى بيطبع بفكره ده وبيتجوز بيبقى هدفه ايه الا دنيا غرورة ونهايتها سودة



    الحل؟؟....الدددددددين....ربنا و انتماءنا لديننا وبلدنا وعروبتنا وكل شىء داخل الدين........عايشين عشان نعبد وعبادتنا فى ناجحنا وشغلنا وهدفنا وكل شىء يخلينا نحس بادميتنا لما نخاف ع بعض ونتقى ربنا ..لازم ننشر ثقافه الانتماء لكل الناس اللى بنعرفها واولادنا بجد نعلمهم يعملوا صله روحيه بكل شىء وويحسوا بحبهم لربهم ودينهم ووطنهم وكل شىء خلقه ربنا وامرنا ااننا نستغله صح .....صدقونى لما يكبروا محدش فيهم هيدى دهره لبلده ودينه ويسافر يحط ايده فى ايد اعداء الله والعروبه والدم اللى بيتسفك كل ثانيه وانت قاعد دلوقتى بتقرا كلامى ....لو حاسيين اننا مش بنعمل حاجة احنا هنعمل اكبر حاجة لما نربى جيل وننشر ثقافه الانتماء ويبقى عندنا الجيل الصالح اللى يصلح الامه بحالها اللى انا وانت جزء منه ومسئولين مسئوليه كبيرة جدا عنه...من وظيفتك وانت بتتقى ربنا وعايش لهدف سامى وانت طالب وبتحط اهداف عشان تعيش وتعمر وتكون خليفه الله بجد وتنصره وتنصر دينه ....الدين فيه كل حاجة تخليك تعيش احلى حياه وتحس بقيمتك.......

    زعلانين اوى من اللى بيحصل هنا؟؟.........هم يعملوا ايه؟؟
    بتقول والله ما هحط ايدى فى ايد جزائرى؟؟.....طيب احلف انك ما تحط ايدك فى ايد اسرائيلى!!!
    حب ربنا وحب الدين مش كلام وبرضه مش فعل طائش ..حب ربنا احساس بيخليك عاوز تخلى كل مسلم عايش مطمئن مدفى فى حضن عائلته ......حب ربنا عاوز تعمل اى شىء عشان ترضيه ....حب ربنا يعنى عين وقلب وعقل مفتوح يعنى عبد ناجح وعارف اللى بيحصل حوليه وماشى فى كنف ربنا وقلبه بيغلى من كل صهيونى وكل عدو لله اللى هو كل عدو لعباده وعاوز يدنس دين ربنا ويبعدنا عنه....
    ترضى؟؟.....معتقدتش
    قرءانى هو قرءانى.........ودينى هو دينى....ووطنى هو وطنى....وعروبتى هى عروبتى
    بجد حسبى الله ونعم الوكيل



    من فترة كده واحد كان عامل حاجة شبه الحوار اللى فوق .....مش عارفه ايه ملته الحقيقه....وفى الاخر ختمها بمعنى ان الخلق هيرجع زى البدايه .....بجد مش فاهمه ليه كل حاجة بتبقى ع طبق من ذهب متقدم لنا وبتحترمنا و فى الاخر نبعد عنها وبنقعد نخررررف ونعوز نمشى الكون ع مزاجنا بمنتهى الجهل!!!!!
    ربنا يهدينا
    مجرد احساس بالنفور عبرت عنه باقل من احساسه((:
    هبة الله سامى





    على الرصيف!!!

  • هبة سامى
  • على الرصيف
    ايه ده اشمعنى الرصيف؟؟؟
    لان بكل بساطة الرصيف ده بيآسى اوى مننا بيشهد عادتنا وتقاليدنا وسلوكيتنا وطبقاتنا واحتياجتنا وتجمعتنا وكل شىء......ممكن يكون بيمشى عليه الحرامى والامين والعالم والجاهل والمحترم والللى مش محترم و الناس.....تلاقى عليه الى واخده ماوى واللى ماشى عشان يعدى السكه التانيه واللى واقفين كلهم ع نفس الخطوة عشان المواصلات واللى ماشى مع مراته او خطيبته او سورى الهبله اللى بتكلمه من غير اى ارتباط وتلاقى برضه عليه اللى فرحان واللى زعلان واللى مجروح واللى بيفكر فى حاله واللى بيفكر فى حلمه وكل الناس باختلاف حياتهم ومشاكلهم وكل حاجة بتفاصيلها الممله جدا وكلهم ماشيين ع نفس الرصيف او بيتقابلوا عليه......ساعات لما بقعد افكر بقول هو انا ليه وانا ماشيه عنيا وقعت ع الشخصيه دى او اصلا هو احنا ليه ماشيين فى نفس اللحظة ع نفس الخطوة .....بقول اكيد فيه سبب...واشمعنى شخصيات بتعلق معايا او حد يبصى لك ويبتسم ويجى ممكن وانت مضايق يقولك معلش او حد يبص لك بقرف لو انت غلطان.........بتحصل معاك انا عارفه ..........مش ساعات كده بتقابل حد عمرك ما اتكلمت معه يقولك انا حاسس ان شوفتك قبل كده وممكن تقوله مفتكرش .....مع ان فعلا ممكن تكون لمحته ع الرصيف او فى اى حتة شبه الرصيف الكل بيعدى عشان يتقابل او يفارق.....وعقلك الباطن بيطبع صورته جواك ولما تشوفه تانى وتتكلم معه تقول استحاله وشك ده انا شوفته وتبقى مستغرب او هو يبقى مصمم انه شافك ....لما فكرت فى ان اللقاء والفراق نصيب او انى بشوف حد معين فى لحظة معينه فى مكان معين يبقى اكيد فيه حكمه وفيه سبب.......تعرف انك لو قابلت حد وقت ضيق وابتسم فى وشك وانت برضه مكشر انه هيسيب جواك اثر هياثر فيك حتى لو ابتسمت له من ورا قلبك بس خليت عضلات وشك تفك دى لوحدها بتسيب مثير بالسعاده اللحظيه .......كل شىء وراه حكمة وسبب لو فكرت فيهم ممكن تتجنن فى لحظتها ومتعرفش حاجة برضه غير انك مضايق او انك مستغرب انه حصل كده بس بتعرفها بعدين ممكن يعدى سنين او شهور او ايام او ساعات....حاجات كتير حصلت فى حياتى كده واتعلمت معنى لعله خير ان كل شىء فعلا جميل وحلو ونتائجه بعدين حلوة بس لما بسلم لقضاء الله فعلا عن يقين.......وساعات بتحصل معاكم وتكتشفوا بعدين انه فعلا اللى حصل كان مصلحة او متعرفوش وتحسوا بالظلمه وتحس انك مش عارف!!!.......واصعب احساس :احساس مش عارف ده بتبقى هتموت وتعرف ليه والاكثر بيقول ليه فى الوحش محدش بيفكر فى الحلو ويخليه سبب لنتائج كتير حلوةةةة.........


    ايه ده ايه ده؟؟........استنى استنى وده ايه علاقته يعنى بالرصيف اللى اقحمتيه علينا فى مقالتك هو ناقص ده فيه اللى مكفيه!!!


    الرصيف له علاقه بحاجات كتير ملهاش علاقه ببعض وليها علاقه ببعض فى نفس الوقت .......والرصيف بيشوف كل ده ويا عينى ساكت مش عارف ينطق........واللى بيحصل للرصيف من ضيق من اللى بيشوفه هو بالظبط اللى بيحصلى لما بحط نفسى مكانه او بعيش اللى بيعيشه بس انا بقى عندى لسان وبتحرك وهتكلم بالنيابه عنه وهو سمح لى بده....كده مفيش اعتراض اوكى؟؟؟


    ماشى واحنا موافقين



    بس ع فكره هقول كلام كتير عن شويه حاجات لطيفه وظريفه وكتييييرة
    المهم
    هحكى لكم شويه من خلال يوم من ايامى اللى مليانه باحداث لا تعد ولا تحصى وايكد لاحظتوا ده لما كنت بكتب لكم عن حاجات كتير بشوفها وبحللها........

    ثالث ايام العيد اللى هو كان اول امبارح .........طبعا انا من عيد الاضحى اللى فات قررت انى مخرجش فى العيد لان الناس كان شكلها غريب وجاب لى ذهول ......مش مهم ليه؟؟
    المهم انا ليه كسرت القرار وخرجت يعنى اليوم ده؟؟؟..................فيه دعوة كانت عملاها الجميله رشا خليفه من الجروب بتاعها عشان الناس تتعرف ويحصل تبادل ثقافى وكلام وكده وكان ناس كتير بجد جميله حاضرة واعلنت عن حضورهم......المهم انى حسيت انه هيبقى يوم ظريف فقررت انى اروح انا وبنت عمى ناهد......
    المهم حصل ظروف واتاخرت شويه كتير عن الميعاد المتفق عليه.....ركبنا المينى باص وانا عارفه انه هيودينا للازهر بارك بس مكنتش اعرف همشى ازاى لما انزل او الباب مكانه فين بالظبط لان اخر مرة روحتها كان من سنين وكان مع بابا فى العربيه بتاعته فمكنتش مجربه المواصلات........

    المهم قلت للسواق لما نقرب قولى ......وبالفعل ده حصل واحنا نازلين نزلت معانا ست وزوجها بس لسه صغيرين وكده المهم قلت لها هو الباب فين؟؟......قالت لى احنا رايحين....كان زوجها قدامنا بكتير اوى من قبل ما اسالها فالمهم قلت لها اوكى وهى قالت لى هنمشى ازاى......المهم زوجها مد قدام وهى بقت مستغربه ......وبصت لنا وقالت لنا شوفتوا هو فين وانا فين؟؟!!!!..........المهم قعدت اهزر معاها ونتكلم وكده وعرفت اسماينا وعرفنا اسمها ولقيتها بتتكلم وبتقولى انتم لسه مش مرتبطين وكده وتعرفوا احلى وقت اللى انتم فيه.....وانا زيكم كنت فى نعمه وايام الخطوبه والكلام ده......وقلنا نيجى نعيده تانى!!!....الحقبفه طرق فى بالى سؤال طيب ازاى وهو كده ده حتى مبصش وراه وشافها فين الا بعد ايه ما هلصنا نص الطريق!!!!!......طبعا سكت انا مليش دعوة.....وقلت لها كل وقت وله جماله وده اللى كتبه ربنا.....المهم هى كانت لطيفه وظريفه جدا بتهزر ع حالهم ده وبتتكلم معانا....لما قربنا قلت لها روحى احسن ينسى ويدفع لنفسه ويدخل :D
    ضحكت وقالت لى هو ندل بس مش للدرجة دى:D
    طبعا انا اضايقت جدا من جوا ......المنظر معجبنيش والفتور العجيب ده وهما لسه عرسان جداد
    وافترقنا وروحت شوفت الجروب الجميل بتاع رشا وانا طبعا فى طريقى اليهم شوفت بقى سبب الفتور اللى حسيته من العروسه الصغيرة وزوجها العجيب ده

    شوفت طبعا اللى كل يوم ممكن اشوفه فى الشارع بس الحقيقه مش بيبقى بالكثافه دى والمنظر ده...........كل واحد فى ايده واحده وهزار بالايد وحياةةةةة وكأنهم متزوجين بالرغم من ان المتزوجين قرفانين حتى يمشوا جنب بعض):

    وكأنى فى امريكا او فى اى بلد اجنبى حتى المحجبه عادى ماسك ايديها وماشى وهى فرحانه والابتسامه من الودن دى للودن التانيه ......وعمال يتكلم ويقولها كلام الافلام اللى بيضحكوا به ع بعض ده.....وببقى نفسى اروح اقولها شكل حياتها بعض عشر سنين قدام
    يأما هتتزوج واحد تانى خالص وتبقى كارهة حياتها لاسباب كتير اولهم ان ربنا مش راضى
    يأما نفس الحد اللى خلاص خلصوا كل احساس حلو قبل الزواج واول اسبوعين بالظبط من الجواز ويحصل اللى حصل مع الشخصيتين اللى قابلتهم ع الباب وانا داخله.......الصمت الرهيب

    وهو هيبقى نفس الكلام
    يأما ربنا هيهديه وهيتزوج واحده محترمه ويبدا حياه صح
    يأما هيفضل فى الفيلم بتاعه ده وربنا مش هيبارك .....وحياته هتنتهى من قبل ما تبدأ اصلا
    عشان كده ممكن نشوف ولد بيضحك ع كل بنات الدنيا وشايف انه صح عشان البنات هى اللى بتسمح له وطالما هى حابه الفيلم بتاعى يبقى لازم ابدع فيه وابقى ع اكمل وجه!!!!!!!
    وهى شايفه انها مظلومة!!!!.............هما الاتنين شايفين انهم مظلومين وضحايا وان الطرف التانى السبب........مع انهم الاتنين غلطانين بس الاكثر او انى بشوف الجوهرة اللى بتكلم عليها الظاهرة العجيبة دى اللى ممكن تشوفها كل شهر مرة وهى البنت اللى لازم تحافظ ع نفسها اكتر ومتحطش نفسها من ضمن ابطال فيلم عم كازانوفا!!!!

    وانا خارجة بقى من الازهر بارك قابلت نفس الشخصيتين وروحنا فى نفس المينى باص وبرضه نظراتها ليا ونظراتى ليها هى هى وكلماتها المتكررة .....شوفتى بيعمل ايه؟؟؟؟.....هو ده اللى بيخدوه اللى بيتزوجوا!!!!!

    لو فكرتوا والحمد لله ان ربنا نور بصيرتى لها ودعمنى وبعت لى رساله وقالى خليكى ع قيمك ودينك اللى هيخليكى سعيده ومحترمه ووماشيه فى كنفى وطريقك وانتى بنوته شفافه زى ما انتى او فيما بعد حينما اريد ومتبقيش زى الاتنين اللى خليتك تشوفيهم مرتين عشان يوصلوا الرساله..........الحمد لله وبجد بحبك يارب وحبك حافظنى وحامينى ودايما بينور لى طريقى وبتخلينى اسمع الحق كمان ع لسان الضلال ودايما معايا


    حصلت مواقف اكترررر وجات لى رسائل اكتررررر......بس طولت عليكم وانا بحبكم بجد ومش عوزاكم تكونوا زهقتوا وانتم موصلكوش اللى عاوزة اوصله......ان مفيش شىء فى الدنيا عبث ولا هباء ولا احنا مخلوقين عشان كل واحد يعيش فى حاله ويعبد عبادة فاهمها غلط.....وكل واحد يغلط ويقول ربنا لو بيحبنى مكنش خلانى اغلط وكده هدخل النار يبقى انا عايش ليه ....مادام مكتوب لى الخطيئه...........الحقيقه عقلك ده ممكن يكون حجة لك او عليك وده اللى انت مميز به.....وكل يوم وكل لحظة فيه رساله عشان تعيش حياتك صح وتدخل جنته بس انت للاسف بتغمى عينك وتسد ودانك وبتقفل قلبك وتبعد بعيد.....ربنا بيحبك اوى بس انت افهمه وحس به وبحبه هتنجح وهتعيش احلى حياه..........

    دور كده هتلاقى رسائل كتير وانت مش واخد بالك منها......فكرر
    الرصيف ده مليان اكبر رسائل

    سلام بقى واسفه انى طولت

    هبة الله سامى(((((((:

    انفلونزا قلة الادب!!!

  • هبة سامى
  • كلنا هنموت من الرعب من انفلونزا الخنازير مش كده؟
    يقولك حط ماسك......واشرب سوائل.....ومتسلمش ع حد سلام مبالغ فيه......وروح للدكتور لما تحس بحاجة......ومتروحش اماكن فيها تجمعات......لحد ما نجيب لك المصل....من الاخر لها حل ان شاء الله لاما ربنا هيرحمك وهيبعدها عنك لاما هتموت وترتاح لا قدر الله يعنى....



    طيب وانفلونزا قلة الادب دى هنعمل فيها ايه؟؟؟....فيه ماسك؟؟....فيه مصل؟؟....طيب مش هعرف حد قليل الادب.......طيب والناس اللى مجبرة انى اعرفهم واتعامل معاهم اعمل ايه؟؟.......ممكن يكونوا من نفس الدم او العرق او الجنسيه او الدين او العروبه او حتى الانسانيه....وساعات بنبقى ماشيين ع نفس الخطوة بنتنفس من نفس الهواء بناكل من نفس الارض بنشرب من نفس النيل.......او كلنا لينا هم واحد.....ومشكله سياسيه عالميه .....بنعيش ع ارض الله خلقها واحددد.....لينا نفس الهدف...اعمل ايه معاهممم؟؟...مينفعش اسيبهم وادور وشى.....ربنا حتى خلقنا كلنا كده عشان نساعد بعض ونتعاون ع الحاجة الحلوةة......


    مش هكون قديمه ومتكررة وهركز ع مشكلتنا للاسف مع الجزائر....هتكلم ع انفلونزا قله الادب العالميه!!!....اللى مترتب لها ومتخطط لها واحنا ماشاء الله بنفذ تمام من غير اى تفكير او حتى لو فكرنا بيبقى تفكير هامشى من برةة.....ع فكرة انا مش لسه صحية من الغيبوبه انا عارفه انه من زمان لانى عايشه معاكم فى نفس العالم اللى بيتغير وبيتحول وبيحب ويكره ويتبنى ويرفض لانه عنده عقل وقلب وهو ده الانسان اللى المفروض يفهم ويعرف اللى يعملوا واللى ميعملوش..المفروض!!!....اللى هتكلم عنه الزيادة والظاهرة اللى لازم نحط لها حد لو سبناها اكتر من كده يبقى خلاص النهايه جت....



    نسمع ان البلد فيها بطاله نجرى بسرعه اول لما نتخرج نلحق مكاننا ع القهوة....مع ان فيه بس مفيش عقل او عقل مغيب او سعى........نسمع ان مفيش فرص عمل يبقى بالتاالى مش هيبقى فيه زواج نختصر الطريق ونبقى اصحاب ونخرج ونلف الدنيا سوا ونقضيها يعنى......نسمع ان التعليم فاشل نقول ما هى كده كده بايظه اخد السنة فى اتنين ولا خمسه وايه المشكله او ان شاء الله ما تعلمت حتى........ونقول كنتيجة للظروف لازم نخرج الكبت لاما نقعد ع النت نقل ادبنا..نشوف اللى لبسه نقاب او اسدال او حتى مينى جيب ونعاكسها ونضايقها ......تامر اتكلم ودادى رد عليه وقاله باكى معاك اهى ومتتاخروش فى الديسكو يا حبيبى.....وفتكات قاعده مستنيه عباس عشان يروحوا حديقه الاسماك ويمسك ايدها ويقولها زى ما مهند بيقول لنور ...مع العلم انها ترتدى الاسدال.......نلاقى واحد من الصفوة طالع يقولك انا بفهم وانا اقولك دين 2009 اللى المفروض يكون كذا..عادى كده من غير حياء.....وتلاقى واحد بيحى ناس ميتين ويقولهم قوموا قوموا انا هرجع لكم حقكم فى الحياه ده انتم مسلمين وليكم حق....الحق اللى يخلى المجتمع بهيمى......نسمع ان فيه نصيبه فى غزة نجرى بسرعة نعمل مظاهرة هنا فى مصر ونكسر الدنيا....وفى الاخر نسكت ..لان ده الطبيعى اللى قبلنا
    مضوا اتفاقية نخرس بها ومنتكلمش اصلا...او نتكلم ونسكت بمشاعر مهزومة......بس مصر برضه بتعمل اللى عليها وفقا للسياسة الى مضينا عليها من سنين...........اولاد مدمنين...وبنات افكارهم هتويدهم فى دهية ع اسا س انها شاكيرا .....اللى شايفه الصحوبيه عادى وبتفرط فى كرامتها....واللى واللى.....كلها قله ادب وتقليد اعمى....نسمع اى حاجة او اى ثقافه نجرى وراها زى القطيع ولا اى شىء ولا تفكير ولا حاجة او تفكير مغيب مدروس ومتخطط له .......انا مش شايفه الدنيا سودة زى ما انتم متخيلين بالعكس ان بجيب واقع فيه ناس كويسه وناس مش كويسه بتخرب اللى بتعمله الناس الكويسه وتشوه صورتهم.........



    تخيلوا معايا كده؟؟.....اللى بيحصل لنا من الجزائر ده مش تاثير الانفلونزا !!!!.......بنقطع فى اعلام بعض وبنولع فيها وبنسب بعض.....صحيح هما غلطوا فينا ووبيغلطوا الى الان.....دى صورة؟؟؟....اهو العرب اللى كل لما نجتمع فى اجتماع دول عربيه ولا ملعب ولا غيره بنبهدل بعض ايه مش محتاجين توصيه ......وطنط امريكا وعمو اسرائيل وباقى افراد الاسرة المالكه قاعدين هيموتوا من الضحك علينا ..مخططهم فى كل شىء ايه نفذناه تمام!!....هما حتى دلوقتى مش بيعملوا خطط كبيرة بالعكس خطط فى منتهى التفاهة واحنا بنكمل الباقى........احتلونا ..احتلوا عقولنا وسلوكياتنا وقلوبنا وبقينا بنقلدهم تقليد اعمى فى الحاجات الغلط وبيدنسوا ديينا وعاوزين يمحونا واحنا بنقول حاضرررر بالفعل كمان...........دلوقتى كلنا بنكتب للفيفا عشان يخرجوا هما وندخل احنا ...ااااااااااااااااااه..بجد ااااااااااه...ده الهدف؟؟..الكرة اللى بنشوطها برجلينا !!!......وهما ارتاحوا لما دخلوا؟؟.......هو صحيح امريكا دخلت العراق ازاى؟؟...او اسرائيل؟؟......فكروا شويه كده وفوقوا بقى ...عاوزين نبطل هتافات ....وصورتنا الوحشة دى كعرب او صورتهم هما.......تخيلوا برضه الاجيال اللى جية ...اازاى مصرى وجزائرى هيتعاملوا بعد كده ؟؟؟....هيبقى عداء؟؟!!!!!!....اكتر من اى عدو غربى.........سيبكم من الكرة ...فكروا فى العرب اللى ماتوا خلاص....وده مفتاح الغرب فى انه يمحينا كلنا عشان قلبنا مش ع قلب بعض.........بجد شعب متخلف ومغيب بثقافه محتله(الجزائر)............احنا مايتين يا سادة ويلعب باجسادنا كعرائش الماريونت....عقلنا متساق بذكاء وخبث ومكرررر....


    انفلونزا قله الادب ..علاجها نفسنا من جوة اللى لازم تتصلح ...دينيا ودنيويا
    كلنا لازم ناخد مصل دواء النفس وهو الرجوع الى الله صح.......وطبعا ده هيهئنا اننا نكون ناس ع حق عندها هدف ورساله....ونرفع من نفسنا ومن بلدنا والعرب والاسلام.......ومنخليهومش يتفرجوا ع الفيلم الاباحى بتاعنا اكتر من كده ويشمتوا فينا ويحطوا رجلهم فى اوطننا او يهينوا ديننا او انسنيتنا


    كل اللى مضايقنى بجد انهم ياريتهم عملوا فينا كارثه كبرى واضحة جليه...... استخفوا بعقولنا واشغلونا بالتفاهات كلها اللى عملناها قضيه حياتنا(الغرب)


    بالذمة مش انفلونزا قله الادب اخطر من الخنازير؟؟
    !!!



    هبة الله سامى

    مش غريب عننا!!!

  • هبة سامى
  • دائما كنت بتكلم عن مشكله ...عن حاجة محتاجنها فى حياتنا
    النوت المرة دى بعبر فيها عن احساس كلنا بنحسه.....وحاولت اعالجه بطريقه مختلفه فيها خيال ع......المهم ندخل فى الموضوع(:



    جلست كعادتى متأمله فى جنح الليل....ابحث عن فكرة تعبث داخلى ولكنها تراوغنى وتريد ان تشت منى،وعندها سمعت نباح الكلاب الضاله بالطريق...احدثت بداخلى هزة ..وكدت افقد فكرتى ..فرفعت راسى خوفا ان تضيع الى الابد ولن اجدها...نظرت اليها....انها موجودة كل ليلة متلألأة فى سماءها وتنظر الي نظرات مبهمة لا اكاد افهمها....ظللت افكر فى معنى نظراتها فى ايجاد فكرتى التى تعبث داخلى وتهز كيانى كله،وظللت ارسل اليها كيانات حسية لعلها تجيبنى....تردها الي بعبارات غاية فى الغموض وكأنها تريد ان تزيد من ضيقى وعنائى..كدت افقد الامل ......فجاءة:سمعتها تقول لى الى متى؟؟!!!!

    الى متى تظلى تهربي وتراوغيننا كل ليلة ؟؟!!!!...........تعمدنا نشعرك الليلة بما تشعرينا به كل ليلة وتتركيننا فى حيرة نسأل بها عن حالك!!......تنظرى الينا صامته وتبتعدى وتضعين غطاءك من شدة البرد الذى تشعرين به..لتشعرى بدفء جسدك تفتقدينه فى حسك!!




    هل عانيتى ما نعانيه نحن؟؟!!
    ايام مضت وكنا نفهمك...الآن اصبحتى بعيده عنا..حتى تهربى من فكرتك التى اخيرا شعرتى بضرورة مواجهتها!!!

    انا:كفى...لا اريد ان اسمعكم الآن...يكفى هذا الكلام


    هم:رايتى ماذا تفعلين...فجاءة نسيتى فكرتك التى تعبث داخلك وتريدى ان تذهبى فى غياهب الاوهام وحقل الالغام الذى تريدى ان تفجرى به كل حقيقه لا تريدى ان تعيشيها!!!

    كنا كل يوم تتركينا نجلس متأملينك وانتى مغمضة العينين ..لعلنا نرسل لك فى احلامك ما تريدى ان تهربى منه...ولكنك باحلامك ...ارادتك تواجهنا وتسلب منا احلامنا نحن فى ان نراكى تلفظين انفاسا بها مانريده من سعادة لكى......


    انا:كفى حديث
    مالى اراكما تتحدثون عنى وكانى معدومة الاحساس؟؟!!!
    اسمحوا لى ان اواجهكم بما أكنه .....انى لا اريد الضعف فى شىء خيالى ويمكن بعده ان افقد براءة مشاعرى وأضعه فى غياهب الاوهام حقا.....كما ادعيتى انتى ايتها النجمة البعيده التى كنت اشعر بقربك منى دائما...وانا اسعى وراء شيئا حقيقيا ...وفسرتى انتى وهم...انتم يا من كنت اتصوركم اقرب مخلوقاته منى...يا من كنت اتصوركم انكم من تدعمونى من اجل البقاء نقية ....ترتدى ثوب السعى الى الكمال فى كل افعالها ...الان تريدوا ان تضعونى فى وضع لا ارضاه الا فى حاله تعلمونها!!!

    كنت ارهب منكم لانى رايت افكاركم واضحة جلية ..قلت حتى لا افقدكم كاصدقاء لى ....ابعد عنكم واهرب من رسائلكم التى تحاولوا بثها بداخلى.......



    لا يا اصدقائى الاعزاء....انتم من اردتم البعد
    والان قلت كل الكلام..ولا اريد سماع اى ملام


    لعل ليلة تأتى وتكونوا قد قمتم باعادة التفكير بشأنى...وتظلوا كما عاهدكم انا وحدى دون بقيه العالم والناس....تدعمونى فيما يحلو لى ...ليس فيما يحلو لكم فى رؤيه الاحباء يتعذبون سهرا وسهادا .......اما عنى فالله معى ولا ادع نفسى اتجرع من كأس العسل المر...العسل فى ظاهره..ومر فى باطنه


    هبة الله سامى

    انتى متشددة!!!!

  • هبة سامى
  • انتى متشددة!!!!.....سمعتها من بنوته وقراتها فى عيون ناس كنت مجتمعه معهم اليوم.....الحقيقه اولا انا مش متشدده طبعا....ولو التشدد اللى هما يقصدوه ده وصفوا به وجهة نظرى فى موضوع ما فالحقيقه انا متشددة جدا جدا وفخورة جدا بذلك....


    كنا بنتناقش فى موضوع لذيذ جدا.....كان الهدف منه شىء معين فى شغل ما...
    المهم كان السؤال :توافقى انك بعد الزواج اصحابك !!!!ا الاولاد يكلموكى وتبقى العلاقات زى ما هى؟؟؟؟؟؟

    طبعا اولا انا مش فاهمه يعنى اصحابك الاولاد؟؟؟.....وايه هى العلاقه اللى ممكن تكون يعنى؟؟؟....طبعا انا لى زمايل فى الجامعه فى المدرج فى بحث ما ..كلام معين حتى لو فى موضوعات عامه ليه قوانين وحدود......وليا علاقات عمل او دراسه ...ودى الحدود اللى ممكن اى بنت تعملها فى اطار حياتها لو ليها نشاطات.....اما بقى من وجهة نظرهم او عامة نظر الشباب الايام دى (نسبه منهم) انه ده شىء طبيعى لو بيكلموها فى التليفون وانا عارف او يخرجوا مجموعه سوا وفيه اللى قال ميخرجوش...وفيه اللى قال انا وهو وزوجته وزوجتى نبقى اصحاب كشله...واللى قال ان البنات بيسالوا عنى وبيهتموا بمشاكلى اكتر من الاولاد فايه المشكله مادام انا عارف.....وانا موافق....الحقيقه مع احترامى لوجهة نظرهم اللى هم احرار فيها واحترامى لثقافه الاختلاف....كان ردى عليهم...اذا كان اصلا قبل الزواج ملهاش لزمة ومحطش نفسى درجة تانيه او تالته لان الشىء الطبيعى لاما الموضوع يقلب ويبقى حب ساذج لاما هو هيشوفنى البنت صحبته اللى استحاله يقبلها كزوجة ...وبرضه مش فاهمه ان ولد يسمح للبنت خطيبته او زوجته انه يكون ليها اصحاب ويتعرف عليهم وعادى كده !!!!!!!!......هو يعنى ايه رجوله وشهامه ورجل وامراه ؟؟........والحقيقه لو هو هيوافق ع كده انا مش عوزاه ..فيه زمايل بس مفيش اصحاب وتليفونات ملهاش لزمة وعامله اكل له ايه انهرضه!!!...لانى اكيد هختار حد محترم يعرف دينه صح اولا...لان الدين مؤثر ع الثقافه ومؤثر جدا كمان


    طبعا انا مقولتش غير ان لا طبعا لانى اكيد هختار حد محترم مش هيوافق ع علاقه زى ده وانا فى عصمته....شوفت فى عينهم انتى متشددة ومنغلقه ..وبنت منهم قالت لى انتى متشدده وقالت لى كلام معين فهمت منه اد ايه احنا بقينا عادى!!!


    المهم انى بتناقش معكم.......

    نفترض كده (طبعا هو الدين قال لا)
    ان البنت دى اللى جوزها موافق ..اتخانقت معه وحصل مشكله....طبعا الصديق الوفى هيظهر فى الصورة وبنسبه 85% هيشكل خطر ع علاقتهم حتى لو هما متفاهمين بس اكيد بتحصل مشاكل الزواج العاديه ....ممكن تقارن او الصديق ده يعرف حاجات مش من حقها تطلع بره حيطان البيت حتى لوالدتها....وسورى يعنى ايه لزمتها؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!

    هيعمل ايه هو اعرفه وبنخرج وبنتكلم وجوزى ده بقى ايه؟؟؟!!!.....لما انا هخرج مع صديقى ع حد تعريف الشباب او صاحبى هو يقعد يراعى الاولاد فى البيت!!!!!!!!!!!!!!.........او يكلمنى وانا قعده جنبه وهو بقى عادى كده هياخد منى السماعه يرد عليه ويسلم عليه ويعزمه عندنا!!!!!!.حاجة تغيظ وتنرفز.......المشكله ان فيه شباب موافق جدااااااا....انا قلت البنات تقول كده والشباب تعترض لقيت انه عادى!!!!...وطبعا فيه ناس بترفض تحياتى لهم ...وفيه ناس صريحة مع نفسها وتقولك انا استحاله ابص لبنت بتلف الدنيا معايا وبنخرج يتقولك استحاله اقبلها زوجة والله عندهم حق.....وخاصه انى بحمل البنت الخطا اكتر منه لانها هى اللى بتسمح وتوافق..........



    هو احنا ليه بقينا كده؟؟؟..ومبقاش فيه فرق بينا وبين الغرب.....وديننا راح فين؟؟؟...وثقافه مجتمعنا اللى حجر الاساس بتاعها الدين راحت فين؟؟؟؟؟....الحقيقه انا مستغربه وزعلانه اننا بقينا كده...كل شىء عادى كده؟؟

    معايرنا اختلفت.....وهو يضايق من كلمه تسمح لاختك ؟؟؟....وهو مش يوافق وطبعا له حق..ويقولك انا عادى مادام انا بعرف احافظ وعارف انا هعمل ايه فى حياتى...مع ان التانى ممكن يبقى كده (صاحب اخته)....بقى عندنا ازدواجيه واختلاف معايير

    مع اننا مجتمع شرقى الدين اساس اخلاقه ....ياريت نعيد تفكير فى حياتنا ...اللى لازم تمشى صح ونعرف اصل وجودنا بالحياه...ونحدد هدف...ونعرف نتيجة كل شىء بنعمله...


    انا شايفه ان الصحوبيه نتائجها كوارث بعد الزواج وعمرها ما هتساعد ع تعمير بيت او حياه زوجيه سويه.....يبقى ملهاش لزمة قبل الزواج....االبنت جوهرة والحقيقه انا شايفه ان البنت اللى بتلف مع اصحابها الولاد وعامله قلبها عليهم او مش عامله لان دى غريزة البنت العطف والحنان والرعايه ع كل اللى تعرفهم بتتنازل عن شىء من كرامه الانثى العزيزة اللى اغلب الاولاد بينظروا لها من جوة نفسهم نظرة بنت درجة تانيه او تالته لا تليق بانها تكون مثلا زوجته لان الولد اللى بيبقى عاوز يفتح بيت يطلع منه ذريه صالحة تصلح امه او تكون جزء من امه بتشارك وعندها كل المعتقدات الساميه...............بيختار بنت جوهرة مقفول عليها بخمسين مفتاح مينولهاش الا اللى يقدرها وتبقى هى كل شىء فى حياته ومش هيحتاجوا دخيل......



    الحقيقه طول عمرى هدفى انى اكون بنت مسلمه متفتحة يقظة عندها سلاح الدين والعلم بكل شىء ومثقفه عشان انفع امتى بجددددد......واخدم دينى ومجتمعى...وعمرى ما كنت متشددة وبرفض التشدد....لان المسلم المفروض يكون حد واعى جداااا...ودايما بحاول ابقى احسن ع المستوى الدينى اللى جزء منه عقلى وثقافتى وتحضرى ...والحمد لله ساظل واستمرررررررر

    واذا كان ما قلته يوصفنى من وجهة نظر البعض انى متشددة فانى ذلك ولن اتغير...ولا فيه شىء فى الدنيا ممكن يغيرنى بعون الله..اصعب سنة فى حياه اى حد بيبدا حياه جديده بتشكل قيمه ومعاييره سنة اولى جامعه والحمد لله خرجت منها متمسكه بكل افكارى وقيمى...وبتعمد اكون غلسه فى احيان كثيرة حتى لا اسمح لاحد ان يتخطى حده معى..وهستمر تشدددد من وجهة نظرهم.....


    عملته عشان نتناقش ونفوق من عقدة الخواجةةةةةةةة......ربنا يهدينا


    هبة الله سامى

    تيجوا نقوم نفتح الشباك...وندخل نور الشروق!!!!!

  • هبة سامى
  • عودتكم دايما انى بكتب عن كل مشكله ممكن تواجهنا وازاى نتخلص منها ....

    الحقيقه انهرضه موضوعى ....عننا احنا كشباب بيقول اننا فى بلد شهادتها مش معترف بها عالميا ...ولا فرص شغل كويسه ....ولا تعليم كويس ..وشافين الدنيا غامقه من اول سنة فى الجامعه وده بيخلى ناس كتير بترسم طريق فشلها بايدها....الحقيقه ان دايما فيه حاجة بتقع مننا وهى برضه ديننا اللى بعدنا عنه هو سبب فى كل كارثه بتواجهنا....نسينا ايه قال تعالى(إنا لا نضيع أجر من أحسن عملا)و (وقل اعملوا فسيرى الله عملكم ورسوله والمؤمنون)...............بنحاول دايما نعلق فشلنا ع اى شماعه البلد!!!..فرص العمل.....شايفين ان فيه بطاله....ما هو ده برضه بسببكم.........ايه بسببنا؟؟!!!!.....اه والله بسببكم.....عشان مفيش طموح...ولو فيه طموح..مفيش سعى......مينفعش اقعد اقول انا عاوز ابقى عاوز ابقى عاوزابقى.............وانا مبعملش حاجة اصلا غير انى بتكلم.......طيب ازاى؟؟.....هتقولى بصى بقى انتى شايفه اللى بيحصل فى الجامعه ده اصلا تعليم؟؟!!!.....هقولك انت فاهم الجامعه وتعليمها غلط ...هتقولى ازاى؟؟!!.....هقولك اشمعنى شايف نفسك كبرت فى حاجات وحاجات تانيه سايبها بمعنى مثلا انك حر نفسك وتتخانق مع اهلك وتقولهم انا كبرت خلاص اسهر اخرج اعمل اللى انا عاوزه....وده للاسف بيبقى فى الحاجات اللى ملهاش اى لزمة....انما شايف نفسك عيل بس ومحتاج رعايه فى التعليم وتحمل مسئوليه مستقبلك.....خد فى بالك اننا كتير ..وغير كده الطالب الجامعى المفروض يتعب ويقرا ويبحث وينمى نفسه...ويتعلم كذا حاجة ويشتغل ويخلق لنفسه علاقات كتير توصله لهدفه......نتعلم انت مثلا فى اى كليه فى اى قسم....هتقولى الدكاترة مش حلوين وشرحهم ردىء والكتب مش حلوة.....اولا انت المفروض كطالب جامعى تتعلم اللى بتاخده وتفكر فيه وتبحث عن شبيهه فى كتب كتير...وتقوم تناقش وتتعلم مهارة انك تتكلم وتعبر عن نفسك....هى دى حريه التعبير وتعرف هتحس بذاتك اللى بتحاول تحس بها بطريقه غلط .............






    اه ع فكرة انا لسه مشتغلتش عشان انا لسه طالبه زيكم بالظبط ده بالنسبه للى بيدرسوا ومش عجبهم الكلام.....انا فى سنة تانيه وعندى 18 سنة بس.......بس تعرفوا بجد عشان بدات حياتى الجامعيه بطريقه اعتقد انها صح....حطيت هدفى وسعيت للتميز وشوفت مهاراتى وقدراتى اللى متاكده انها كتيررر وان فيه لسه كمان لم يكتشف بعد....وابتديت فعلا اسعى نحو هدفى ....بكذا طريقه اولا انى اهتم بدراستى جداااا وع فكرة عندى دكاترة مش بيشرحوا بطريقه صحيحة...بس تعرفوا بحضر برضه...لان اللى قدامى ده دكتور يعنى مر بتجارب وخبرات انا لسه معدتش الواحد فى الميه منها ..فلو لم استفد منه ع المستوى التعليمى وده يستحيل لان كل دكتور عنده شىء...يبقى هستفيد منع ع المستوى الشخصى والاجتماعى....وببحث فى المراجع وبقرا كتب والحياه حلوة برضه بخرج وبفرح وكل شىء.....كمان انت مسئوليه تعليمك وتنميتك مسئوليتك انت مش مسئوليه حد تانى....احضر كورسات ودورات لتنميه ذاتك اقرا كتير ...والاهم انك تتمسك بدينك وتعرفه .......وتتعلم اى شىء يوصلك لهدفك ....وتكلم كل الناس عن هدفك....وتكلم ناس تساعدك بشكل غير مباشر .....وتعمل شىء بسيط تنجح فيه عشان يزود تفاؤلك وثقتك بنفسك


    انت مش صغير ومش قليل.....انت حاجة ...وربنا بيقول كده كمان....هقولكم ع حاجة نوهت بها قبل كده
    هو ربنا فرض الصلاه علينا كام صلاه فى البدايه؟؟؟......50 صلاه مش كده؟؟...اه ولا يكلف الل نفسا الا وسعها مش كده؟؟.....طبعا كده لان ده قول الله اللى خلقنا وعرفنا....واتخففت بقت كام...5.....يعنى 10% من قدرتك الحقييقيه.....عشان كده انا واثقه ان القدرات الكتير دى جوة كل واحدفيكم بلا استثناء....كل عالم وكل حد نجح هو مش احسن منك فى حاجة....غير انه دور ع نفسه وطورها وخرج اللى جواها وبقى حاجة....يلا قوم اتحرك واعمل حاجة بتعقل


    حضرت دورة تنميه مهارات واستفدت منها بشكل كبير جدااا فى ادارة الوقت وتنميه مهارة العمل السياسى والصحفى وكذا حاجة دى الجامعه هى اللى عملتها ع فكرة..وجابوا ناس ناجحة بجدددد ووصلت بجددد واتعلمت منهم كتير وعوزاكم تستفيدوا انتم كمان


    ازاى تكون خريج تنافسى؟؟؟....هتقولى تنافسى؟؟؟....هقولك اه المنافسه فى الخير حلوة ومثمرة وفى ذلك فليتنافس المتنافسون....من خلال سعيك للتميز وتحديد هدف وخطة وكذا حاجة هبقى اكلمكم عنهم ان شاء الله


    الخريج من الجامعه لازم يكون عنده
    1)تميز ايجابى
    2)فرص اوسع
    3)امان وظيفى......خليك انت صانع الاحداث مش هى اللى تصنعك
    4)التعلم المستمر
    5)مسار وظيفى اكثر واكثر ثراء
    6)تحقيق الطموح والثقه بالنفس
    7)المكانه العالميه
    8)التفوق الاجتماعى
    9)جودة حياه مرتفعه
    10)التغير الايجابى.....عاوزة ابقى حاجة بجد..افوق
    11)وضوح القيم وتوافقها مع الدين والوطن



    ابعاد تنافسيه الخريج
    ****************

    1)القدرة ع اداء اعمال معينه
    2)القدرة ع التعلم المستمر
    3)القدرة ع ممارسه الحياه...اتكلم واتعامل مع الاخرين..مهارات الاتصال



    معارف الخريج التنافسى
    ********************
    1)الكمبيوتر
    2) اللغات....الانجلش..مفتاح لثقافات كتير...هتحس بتطور فظيع
    3)الاساليب الكميه وتطبيقاتها الاداريه
    4)المعرفه الفنيه العالميه المتقدمه
    5)اوعى تكون بتاع تخصصك..تعدد العلوم والمعارف
    6)المعايير
    7)البييئه الاقتصاديه
    8)الثقافه العامه
    9)الاتجاهات العالميه فى شتى المجالات



    مهارات الخريج التنافسى
    ********************
    1)اداره الملعومات
    2)كتابه التقرير عن كل ندوة معرفه
    3)التفاوض...الاتفاق
    4)اعرف اتكلم
    5)اتخاذ القرار
    6)القيادة
    7)العمل مع فريق
    8)اعداد المقترحات
    9)التفكير الابداعى وتوليد الافكار
    10)التنفيذ والمتابعه
    11)الاتصال والتعامل
    12)الادارة والمشاركه
    13)القراءة السريعه
    14)التكيف المرن



    اتجاهات التنافسيه
    ***************
    1)الايمان بالله والوطن ةالعلم والانسانيه
    2)الحس الانتقادى وفضيله الشك
    3)قبول الاخر
    4)البعد العالمى
    5)الرغبه فى التعلم والاستكشاف
    6)التوجه بهدف
    7)التركيز ع الهدف
    8)الجديه
    9) المبادرة
    10) الحس التحليلي
    11) الحس الاستراتيجى وبعد النظر
    12)المثابرة والصبر
    13)الاحساس بالزمن
    14)الانتاج
    15)التواضع وعدم الافتتان بالانجازات
    16)الواقعيه والموضوعيه
    17)خفة الظل ولين التعامل
    18)النظرة متعدده الابعاد




    المصادر
    *******
    1)القراءة....2)الكتابه..كل يوم اكتب اللى يجى فى بالك......3)تسمع.....4)تعمل.....5)السفر......6)التدريب ع اى حاجة....7)دراسات عليا..مش شرط......8)الحوار والمشاركه...9)وسائل الاعلام........10)الانترنت.........119الندوات والمؤتمرات.....12)طرق الابواب...........13)المقارنه الواقعيه..........14)الاحتكاكات بالتنوع.....15)التامل





    كتبت لكم ده عشان نتطور كلنا مع بعض ....ونبدا نحس بذاتنا ...وبجد الحمد لله بطبق الكلام ده من قبل ما اسمعه وبجد نتائجه هايله جداااا.......ولما سمعته حفزنى فى اللى بعمله اكترررر


    بالنسبه للى خلصوا دراسه واشتغلوا بس حاسين بالروتين وعندهم طموح.....ممكن جد يستخدموا نفس الكلام....طول ما فيك نفس تقدر تحقق اى شىء بعون الله....بس انت انطلق وابحث عن نفسك....وان شاء هتبقى شىء عظيم وهتوصل..مهما كان سنك

    وانت يا اللى لسه بتبدا حياتك لسه قدامك وقت كبيررر استغله ....

    ربنا يوفقكم جميعاااا.....اى نقطة تحبوا اشرحها وايه علاقتها بالنجاح ..تحت امركم
    ان شاء الله نتطور وننجح سوا ...عشان اسلامنا ومجتمعنا محتاجنا جدااااا
    يلا نخلى نور الشروق يدخل جوة قلوبنا وعقولنا

    حوار ظريف!!!

  • هبة سامى
  • اهلا وسهلا...يسعدنى ويسرنى وجود الاستاذ احباط معايا


    هو:ايه ده ايه ده؟؟؟ من اولها كده يسعدنى ويسرنى؟؟
    انتى متعرفيش انك مش هتوصلى لحاجة من حوارك معايا



    انا:يا منجى يارب....احنا لسه قولنا يا هادى...داخل حامى كده ليه...بس عامه انا مبسوطه


    هو:مبسوطه لالا ليه كده؟؟من اولها مبسوطه؟


    انا:اه طبعا وفرت عليا انى اعرفك للناس:D
    مع انهم اصلا بيكرهوا وجودك فى حياتهم


    هو:بيكرهوا؟؟!!.....

    انا:مالك مستغرب كده؟؟


    هو: هو انا بعمل حاجة....انا بسالهم وهما عليهم الباقى


    انا :يااااا...ده انت خبيث اوى وشرير بس تعرف....انت بقى اللى مش هتعرف توصل معايا لنتيجة


    هو:نياهاهاهاهاها....انتى؟؟.....ليه بقى ان شاء الله؟؟
    طيب انا هسالك شويه اساله كده وانتى اصلا واخده فى نفسك قلم


    انا:لالا احترم نفسك....انت متعرفش انا ممكن اعمل فيك ايه؟؟


    هو: يا بنتى انتى مش ادى....بس ماشى
    ردى بس ع اسالتى


    انا : طيب صدعنى يلا


    هو:انتى عماله مصدعه الناس....وهما اصلا مش هيخدوا بكلامك كده.....وعمله معايا حوار ...قال ايه البنت بقى هتعرفهم حقيقتى.....وعماله تكتبى نوتس وتتعلمى وتروحى وتيجى....تفتكرى انك فى يوم هتبقى حاجة....يابنتى انتى فى بلد كله بيقول يلا نفسى....وفى يوم هتحسى اد ايه انك تعبك راح هدر....وهتبقى شبه المجانين اللى بتشوفيهم فى الشارع


    انا: هههههههههههههههههههههههههههههههههههههه..........استنى استنى...متكملش ....اكتشفت حاجة



    هو:قاطعتينى بس ماشى....اكتشفتى ايه؟؟؟



    انا:اكتشفت انك ظريف اوى ودمك شربات......وشكلى كده هاخد عندك كورس



    هو:(تنح).....نعم؟؟؟؟



    انا:اه اصلك بتعلمنى حاجتين مهين اوى.....هيفدونى اوى فى حياتى


    هو:نعم؟؟؟؟ ......انا؟؟؟(فى ذهول وحزن)


    انا: ايوة انت يا عدوى اللدود.........انى اتحداك وابقى حاجة كبيرة اوى.....وانى اتعلم اسال نفسى كل فتره واشوف انا فين وهبقى فين وازاى؟؟


    هو:مش بيرد



    انا:مالك....انت عينك احمرت كده ليه؟؟..وشعرك وقف؟؟....وبقيت شكلك غريب



    هو:اصل انا بكرهك



    انا:مش اكثر منى.....بس بقولك ....انا استفدت منك....ممكن اشكرك؟؟.....ولا اقولك ممكن اطلب منك طلب؟؟....ممكن تنورنى كل فترة وتسالنى ؟؟


    هو:والله ما انتى شايفه وشى تانى.....انسى ....مش هجيلك تانى...عمرك ما هتنجحى



    انا:ههههههههههههههههههههههههه......ده انت كمان طلعت غبى....سواء جيت او مجتش فى الحالتين كسبانه.....اولا لانك وانت موجود فى حاله اختفاء صديقى الامل ساعات بيسافر....بستغلك وبطلع عينك
    وانت مش موجود اكيد صديقى الامل مش هيسبنى.....دايما بينور لى طريقى ....وبيجيب لى افكار تزود من رصيدى
    وبعدين عاوزة اقولك ع حاجة:انا معايا ربنا وبثق فيه...وهو مش هيضيع تعبى......وانت بقى انا عرفت انت جى منين....انت حد اهبل وعبيط بعته الغبى الشيطان....ما هو الغبى مش بيبعت الا حد غبى......انت عاوزنى حزينه

    هبقى سعيده


    عاوزنى فاشله

    هبقى ناجحة


    عاوزنى ايأس من رحمه ربنا بعينك

    عاوزنى اروح النار...برضه بعينك...انت واللى بعتك فيها....انما انا ان شاء الله واثقه فى جنة ربى لانى مع الله

    يا فاشل بس بحترمك وعمله حسابك فى اى لحظة


    هو:اسكتى بقى



    انا:بتضايقك يا فاشل..طيب يا فاشل يا فاشل يا فاشل



    هو:بكرهككككككككككككككككككككك(قلب التربيزة وقام اتشنكل وقع ورجله اتكسرت ودخل فى غيبوبه شكله كده هيبقى زى شارون)
    ده ان شاء الله بالنسبه لى



    انا:قلت لك انك مش ادى.....حد يبقى واثق فى ربه ويتعب ابدا وتاثر عليه؟؟؟!!!!......ممكن تيجى اختبار....بس برضه انا بقول يارب وهو واجد ومعانا دايما....(ده طبعا وانا بزوره ومعايا شهادة تقدير بتاعتى عاجلا واجلا ان شاء الله ودايما)
    اصله له حق عليا برضه ولازم ازوره:D



    ده اول حلقه فى برنامجنا


    كتبت افكارى قبل كده بطريقه جديه....يارب تعجبكم طريقتى الهزليه


    ياترى رسالتى وصلت.؟

    رساله الى حبيبى!!!

  • هبة سامى
  • لكل انسان حبيب يخجل من الحديث عنه امام الناس

    اما حبيبى فانى افتخر بانه حبيبى واكتب اليه واعلم انه يشعر بى يشعر بقلبى المشتاق الى رؤيته والى صحبته فى احلى واحسن مكان

    هو






    انه رسول الله:
    اشتقت اليه واريد صحبته فى جنة الرحمن.......مهما كثر كلامى عنه...لا يكفي عنه اى كلام

    كلنا نحبه ولكن هل نعلم عنه كما نعلم عن احبائنا فى الدنيا؟؟


    هل احبائنا فى الدنيا فعلوا لنا ما فعله حبيبى لنا؟؟


    كل احبائنا من الممكن ان يكونوا سبب فى المنا واحيانا جرحنا.....هل حبيبى فعل لنا هذا؟؟



    لا انه حمل رساله.....اسمى رساله وتالم وبكى حتى تصل لنا .....قال هو الله الذى لا اله الا هو.....عاش عشانا....ومات وهو شايل همومنا....ريح عقولنا.....وكان دليلنا



    يعجز لسانى عن وصفه ووصف رسالته فى كلامات تكررت




    اريد ان اقول لحبيبى ....سامحنى ع كل لحظة لم اتذكرك بها واصلى عليك....ولكنك قدوتى وطريقى .....علمتنى ازاى اعبد ....علمتنى ازاى احب....علمتنى ازاى اعامل الناس.....علمتنى ازاى اعيش فى رضا الله.....علمتنى ازاى اكون حد ناجح ويعيش لله.....علمتنى العلم.....علمتنى ان الدنيا هى جسر الاخرة....علمتنى بنهجك ورسالتك ازاى اكون انسان.......


    اعاهدك رسولى امام كل الناس انى ساكون ع قدر استطاعتى بدينى وعلمى ويعلم ربى ان هذا العهد منذ ان بدات ان اعى كيف اكون مسلم ع دين رسول الله.....اعاهدك انى سانصر دينك....وساكون مثل كما تحب ان ترانى......وهمشى بسنتك...ونفسى اكون فى صحبتك




    ان شاء الله كلنا نتعاون مع بعض .....احنا مسلمين وحبيبنا واحد وربنا واحد......عاوزين نكون مسلمين زى ما النبى عاوز....هو قال امتى امتى.....واحنا هنقول رسولنا......هنتعلم صح سنته وهنمشى عليها فى حياتنا.....مش هننصر حد غيره.....لازم نفوق.....عشان نكون كلنا معاه ادينا فى ايد بعض وهو بياخد بايدينا للجنة.....مش هنزعق ونتخانق هناخد بايد بعض زى ما علمنا.......هنوصل دينه فى سلوكنا فى التزمنا فى انتماءنا لديننا ومجتمعنا وغيرتنا عليه....عاوزين نكون زى هدهد سليمان اللى سافر من مكان لمكان.....عبد الله فى سورة يس...نغير ونخاف ع ديننا.....عاوزين يكون رسول الله هو قدوتنا وطريقنا



    عاوزة اقول له سامحنا كلنا.......مش هقول سلبيتنا عشان زمنها انتهى.....كل واحد عارف بيعمل ايه......هنفتح صفحة جديده مع ربنا .....وهننصر دينه ودين رسوله بالطريقه الصح



    ان شاء الله تعالى هنعمل حاجة جديده..جروب جديد....هنوضح فيه ازاى ننصر ديننا ورسولنا...بكل الطرق اللى فى حياتنا زى ما النيى علمنا.....النبى كان ناجح ع المستوى الدينى والدنيوى




    حبيبنا كلنا حبنا ليه غير حبنا لاى حد بنخاف ع زعله ونفسنا نرضيه وهنموت عشان نعرف هو بيحب ايه ونعمله.......حبيبنا اغلى



    اللهم صلى على سيدنا محمد


    النوت قصير...والكلام قليل....ولكن هذا من كثرة ما اشعر به

    اشعر انه ليس كلام ولكنها الام



    تيجى نبقى اصحاب!!!

  • هبة سامى
  • تيجى نبقى اصحاب؟؟!!!


    عارفه انك سمعتيها كتير .....وعارفه انك قلتها كتييير برضه.......فيه منكم اللى مقتنعش بالكلمه ....وفيه منكم اللى فاهمها غلط....وفيه منكم اللى فاهمها بس بيضحك بها ع غيره....وفيه اللى واخدها لسكه وحشه....وفيه...وفيه...


    ممكن اقولك حاجة

    اولا لازم تبقى عارفه انى بنت زيك وبحس بيكى وعندى قلب زيك برضه ......هو انتى بتثقى فيه ازاى؟؟....مهما كان بيقولك انه بيحبك ...وانتى حبتيه ووثقتى انه هيكمل ازاى من غير ما الناس كلها تبقى عارفه واولهم اهلك وتبقى فيه دبله فى ايدك واللى يشوفك يبقى فرحان بيكى ....انا عارفه انك محترمه وبتخافى ربنا وعشان هو بيقول كلام حلو وقالك ايه رايك نبقى اصحاب ولو عجبتينى هتجوزك.....او انا بحبك وهنتجوز....والكلام اللى بنسمعه ده .....وانتى ساعات بتبقى مش واثقه اوى بس لمجرد انك ضعفتى وحبتيه ووقلتى له وانا كمان واتكلمتم وكده...حبك عماكى ..وخلاكى مش عارفه تشوفى الغرض الحقيقى من كلامه معاكى
    الحقيقه هقولك ع بعض الاحتمالات اللى استنتجتها من كتر اللى بسمعه كل يوم
    انه يكون شايفك بنت سهله وضعيفه قدامه

    انه يكون شايفك بنت قويه وهيدخلك من مدخلك اللى بتحبيه وهيكون مراهن انه يوقعك حتى لو هتقولى له انك بتحبيه وبس

    انه فاهم انه البنات حقل تجارب وانتى بقى اللى سمحت لى بكده وانتى اللى وافقتى وانا مضربتكيش ع ايدك........احتمالات كتير فكرى شويه وهتعرفى السبب

    بس فكرى بصدق

    بنت زملتى فى الجامعه عندها بتاع 22 سنة ....المهم انى فى مرة قابلتها بالصدفه وقعدت تحكى انها بتتفهم غلط وان بيقولوا عليها انها بتحب تكلم شباب وكده.....البنت طيبه لدرجة العبط ....بس عندها فكرة انه وايه المشكله يكون اصحابى اولاد يعنى طالما انا نيتى سليمه....وهما بيكلموها وبيقوللها انتى جدعه وحوار ات من دى....وكلام فى البيت وكده....النهايه انهم كلمهم بيتكلموا عليها من وراها انها مش كويسه واولهم اصحابها البنات....استغربت ان بنت فى سنها اكبر منى وبتفكر كده....المهم قلت لها وجهة نظرى فى موضوعها وانها غلط وكده...بس المهم ان كانت ايه النهايه....متقوليش اصحابى جدعان لااااا.....انتى بس اللى طيبه زياده وفاهما الدنيا غلط....ملهاش اى لزمة علاقتك بحد ع سبيل الصحوبية..كده كده مش هيتجوزك ..ثقى بذلك....ذنبه ايه الرجل اللى ربنا كتبه لك من يوم ميلادك ؟؟...لما يجى يلاقيكى حقل تجارب ومجروحة ومعقده ..ليه؟؟؟....صدقينى مفيش شىء يستاهل .....اللى هيجى ويخبط ع باب بيتك هو ده اللى شريكى بجد وعاوزك فى الحلال ....وحتى الخطوبه ليها حدودها .....خدى فى بالك برضه انك ممكن تسمعى كلام عمرك ما كنتى تتوقعى انك تسميعه..كلام يجرحك كانثى عندها حياء ويجرح مشاعرك....

    عامه لو انتى لسه قلبك طاهر مفيهوش حد ...اشجعك واحييكى واستمرى ....وصدقنى ربنا هيحط فى قلبك القبول والحب مع شريك حياتك اللى هيدخل من الباب

    ولو انتى حبيبتى وانجرحتى....فروشتتى ليكى ....اقرى قرءان كتيييير واسمعى احاديث حلوةة لشيوخ وصلى كتير وحسى بحب ربنا ....هتحسى احساس حلو اوى


    نصيحتى الاخيرى ليكى

    متصدقيش حدددد.....حتى لو شوفتى الجناحات بترفرف....حفظى ع نفسك.......انتى جوهرة محدش بيقرب من الجوهرة اللى محطوط حوليها سياج كتير ومقفول عليها بخمسين قفل....خليكى ملكه متوجة ومتحرميش نفسك من الحق ده...انتى قويه ومسلمه ذكيه ....هما اللى يعيطوا لما يدخلوا من الباب وانتى ترفضى .....مش انتى اللى تبكى وقت ما تحس برخصك...ربنا خلقك غاليه.....انتى مش الطماطم اللى فى السوق اللى كل من هب ودب يشوفها لو تعجبه ولا لا..انتى جوهرةةة

    كتبت لك حاجة
    انتى يا بنتى....استنى اتأنى.....فى يوم هيجى اللى يقولك يا حبيبتى....هتبقى صدق لو جنبها زوجتى...صحبتى رفقتى....ده كلام ولد نايتى...عاوزك صعبه...لو هتبقى سهله...خلاص انجرحتى....قولى قلبى لربى...اللى هيشيل همى...وامرنى اطيعه وفى طاعته حبى




    وانت بقى يا استاذ


    عارفه ...انك اول كلمه هتقولها.....هى اللى سمحت لى....عندك حق هى برضه مسئوله مسئوليه كبيرة كمان عشان سمحت لك انك بمنتهى الوقاحة تتكلم معاها....وسااعات بتجاريك....معلش برضه هى اختك فى الله انصحها ...متعلقهاش بيك ....ملوش لزمة....خاف ع بنتك ولا انت ضامن انك مش هتجيب بنات؟؟....خاف ع اختك ....خاف ع اللى يهموك بجد فى حفاظك ع اللى مش بيهموك......عف نفسك....وقرب من ربك ....ممكن تموت وانت عصيه..ترضى؟؟....ربنا مش هيحاسبها لوحدها ..هيحاسبك انت كمان.....ربنا يعافيك من شر نفسك ويقربك منه


    كلامى ليكى كان اكتر...لانك اديكى شايفه هو ولا همه حاجة....وساعات مش بيفكر غير فى انه يرضى شهوة جواه وخلاص.....ربنا خلق حوا وادم وهو اللى دور عليها زمان ...لانهم لما نزلوا الارض كل واحد نزل فى حتة.....يعنى دى فطة يا استاذة...هو اللى يدور عليكى ..وعاوز يوم ما يلاقيكى ويخبط بابك...يلاقيكى غاليه ومستنياه وانتى متخبيه فى احلى فستان ابيض ....ويلاقيكى الزوجة الصالحة ....سيبك منه وتقولى يعنى انا هبقى صالحة وهو يبقى ......،انتى ربنا هيبعت لك اللى يستاهلك....حافظى انتىبس ع مشاعرك الحلوة دى لزوجك.....لان الولد اللى بيلعب ده يوم ما هيتزوج ..مش هيتزوج اللى لف الدنيا معها.

    ربنا يحفظكم كلكم.........كتبت النوت دى لانى سمعت غرائب وعجائب كتيييييير..ومش عوزاكوا توقعوا فيها....والحمد لله انا موقعتش فيها....والمسلم الذكى اللى يتعلم من تجربه غيره مش لازم يعيش تجارب ملهاش لزمة



    دى نوت كتبتها زمان بعنوان بتكلميه ازاى وبيكلمك ازاى؟
    http://www.facebook.com/heba.samy1?v=app_2347471856&ref=profile#/note.php?note_id=109261946925


    ودى نوت بعنوان الحب الحقيقى

    http://www.facebook.com/heba.samy1?v=app_2347471856&ref=profile#/note.php?note_id=96653506925

    الصورة الاولى فى بدايه الصحوبيه
    والتانيه فى النهايه

    احساس لم اجد له عنوانا!!

  • هبة سامى
  • فى النوت بتاعت وانا مالى ..ونوت يعنى ايه؟؟.....كنت اتكلمت عن حاجتين هما فى الحقيقه بيكملوا بعض......الايجابيه والانتماء....استنى متقفلش النوت ....كمل للاخر...مش جايه اقول كلام هتقولى احنا سمعناه كتير فخلينا فى اللى احنا فيه وهنعمل ايه يعنى......او تقولى خلاص ماهى بايظة بايظة......لا مش بايظة ولا حاجةةة.....ولاهقول كلام تشوف الدنيا سودة..ولا هقول كلام تشوف الدنيا ملونه...احنا هنلمس واقع وكلام وهنتناقش يعنى

    المهم ندخل فى الموضوع

    لما اى حد فينا ...بيتكلم عن علم او فطرة او حضارات او ثقافه او اى شىء فى حياتنا بنتكلم فيه ....هتلاقى نفسك غصب عنك بتدخل فى الدين....ليه بقى؟؟......عشان اصلا حياتنا هى الدين....هسالكم سؤال....هو ربنا خلقنا ليه؟؟....عشان نعبده....طيب ايه هى شكل العبادة انى اصوم واصلى واذكر الله وبس......الحقيقه من يعتقد ان هذا هو الدين فهو شخص محدود الفكر.....عشان ربنا ادانا دليل بايه قال تعالى (
    سنريهم آياتنا في الآفاق وفي أنفسهم حتى يتبين لهم أنه الحق أو لم يكف بربك أنه على كل شيء شهيد (فصلت 53)
    يعنى معنى كده تفكر...وابحث واتعلم....متسبش اى شىء يعدى كده....وانت بتبحث هتلاقى كل الكلام اللى اكتشفته الدين اتكلم فيه......الدين مش هو الصوم والصلاة ورايح الجامع وجى منه وبس ...لاااااا.....ده ربنا مهد لنا الدنيا كلها عشان نعرف بعض ونتعلم من بعض..وغريزة التأثر والتآثر...ديه جوانا ....من وانت طفل بتتاثر....وبتاثر فى الطفل اللى زيك......ده واحنا لسه منعرفش حاجة..........ليه واحنا بنقرب من ربنا بنبقى مكسوفين كده...وبنخجل نبين التدين ده....اللى هو اصلا بيبان عن غير قصد.....ليه لما بتددين مش بتتعامل صح....وتخلى واحد لما يشوفك يقول يوووو الواد ده كئيب كده وعامل فيها شيخ......ليه مش بتبتسم فى وجه اللى بتتكلم معه....وتكلمه باللين....ليه مش بتخليه زيك...تعرف بتبقى ايه النتيجة؟؟!!.....انك بتقع تانى ...كل شويه تقرب وتبعد....تقرب من ربنا اووى وترجع تانى صفر...وبعدين تقول خلاص انا كده مفيش فايده....الحقيقه طبعا انك فيك فايده....بس فيه حاجة انت موصلتش لها ...وهى لازم تتعمل بجانب الصلاة والصوم والعبادة.......انك تكون بتغار ع الاسلام...يعنى ايه؟؟....مش انك تكون بتزعق وبتتخانق ومكشر وتبقى بشكلك ده تكره الناس فى الاسلام.....لاااااااااااااا...........انك يكون لحمك ودمك هوالاسلام....بتحبه....بتحب ربنا....هى اصلا كلمه حب دى بتوحى بالرقه والمشاعر الجميله...........يعنى مش معنى انك بتحب الاسلام انك تبقى منفصل ومنتظر كل خطأ عشان تتخانق.........انك تكون بتحب الناس كلها......نفسك كلهم يبقوا قريبين من ربنا ....وقريبين منك......تكون سبب فى سعادة حد.....فيه ناس كتير محجبه وبتصلى وبتصوم بس مش فارق معها ان جارها او صحبتها مثلا مش بتصلى وبتلبس لبس مش كويس....تقول اصلهم(احرار)....ده كده اسمه سلبيه وعدم انتماء للاسلام....امال فين قلبك وحبك ليهم....لو بتحبهم فى الدنيا هتكون عوزهم معاك فى الاخرة......المنتمى ده بيخاف ع الاسلام والناس كلها خوف وبيبقى عاوز يشوف كل الناس فى احسن حال....غيران يعنى جوايا بركان نفسى الناس كلها تبقى موصوله بربها.....وتصرفاتى لازم تكون بالحب واللين والطرق المباشرة والغير مياشرة....ده النبى كان دايما مبتسم...هل النبى مكنش غيران ع الاسلام.اكيد طبعا غيران ع الاسلام...يعنى..وانت بتتعامل تاخد بايد ده وتبتسم فى وجه ده.......تكون متفوق اوى فى دراستك او شغلك....تكون بتعامل الناس كلها بالحب وبالرفق.....يكون عندك رساله فى حياتك....متسكتش وتقول وانا مالى؟؟.....تتفكر ....خليك مسلم متوقد الذهن.....ذكى ....متعلم.......اتعلم كل حاجة .....مش عيب.....وعلم....هتقولى مش بعرف....اتعلم تعرف.....هتقول مش عارف انا عايش ليه؟؟....لازم تعرف طالما انت موجود ....اكيد اكيد لك لزمة.....فى اقل حاجة بتعملها......ودلوقتى بقى متاح لاى حد انه ينمى قدراته وانه يحدد هدفه وانه يعمل كل حاجة....مفيش شىء صعب ولا مستحيل...فيه حكمه بتقول سال الممكن المستحيل اين تعيش قال فى احلام العاجز....خليك ايجابى منتمى لدينك اللى هو فيه كل حاجة سويه..ومتفصلش بين الدين والدنيا..ولا الدين والعلم ولا الدين واى شىء.


    فى حياتنا بنقابل حاجات كتير مش راضين عنها..وتقول انا مش عالم عشان اصلح حاجة مش لما اصلح نفسى....طبيعه ديننا اننا نصلح من انفسنا ومع ده حد تانى او ناس تانيه وده مش صعب ولا مستحيل......فى سورة يس(وجاء من اقصى المدينه رجل يسعى قال يا قوم اتبعوا المرسلين....انا مش فقيه اسمعوا كلام الناس دى....(اتبعوا من لا يسئلكم اجرا وهم مهتدون ومالى لا اعبد الذى فطرنى واليه ترجعون)....شايفين الغيرة؟؟!!!....بيتكلم كلام سهل.....وقال كمان (انى امنت بربكم فاسمعون)...بيدافع عن الانبياء...اتقتل معجبهمش الكلام....قيل ادخل الجنة قال ياليت قومى يعلمون.....قتلوه وبيفكر فيهم...مات وقلبه لسه غيران عليهم.....مش تبقى بتصلى وكاتم لسانك وشايف صحبك بيغلط.....مش بتبقى صاحب شركه او مؤسسه...ليه متجمعش الناس ع الصلاة وتحسن معاملاتهم......اعمل حاجة لدينك ولمجتمعك....هو ده الانتماء ...هى دى الايجابيه

    لو انت صاحب شركة هتعوز ايه غير ناس تساعدك تاخد بايدهم وياخدوا بايدك.....مش هتعرف تعيش كويس لوحدك.....خد بايد كل اللى تعرفهم عشان متقعش

    خليك مسلم
    متفائل.........عندك هدف.....بتسعى للتميز....عرف الناس اهدافك وشجعهم.......خليك متجدد....ساعد الناس...خليك صدوق اللسان...بشوش الوجه....عندك رساله .....سيب بصمه الناس تعرفك بها بعد موتك.....فكر واعمل فى ثقه فى قدراتك...تحمل الصدمات....تعاون مع الاخرين....اكبح جماح الحسد والقلق....خلى عندك حماس....خليك شعله نشاط....اتعلم من كل حد بتعرفه مهما كان..فكل انسان بداخله حياه كامله..انطلق فى سماء فكره...حتى لو غلط تاكد انك هتستفيد وهتتعلم...عشان كده الدين اكثره اخلاق واسلوب معامله...عشان نعرف بعض ونعين بعض

    استغل الفرص واعرف ان فيه حكمه منها
    مثلا بعتبر معرفتى بكل فرد فيكم فرصه بالنسبه لى وشرف ليا .....عشان اكيد فى حكمه من معرفتنا...حتى لو نحب بعض فى الله....دى اجمل فرصه.....وانتم بتقراوا النوت فرصه...ممكن اكون سبب فى حاجة فكرتوا فيها دلوقتى.....ممكن تكونوا سبب بتعليقكم باضافه فى انى اعرف حاجة.....وبجد بستفيد منكم....حتى لو بختلف مع حد منكم فاحب انى اشكره...لانه عرفنى انى ليا وجهة نظر فى حاجة....مفيش شىء فى الدينا عبث ولا هباء....كل شىء وراه حكمه بحاول دايما انى افكر فى الخير اللى وراها عشان اوصله...وده بيقرب منك الخير لانك احسنت الظن بربك

    عاوز اقول لكم ع حاجة حلوة اوى هتساعدك ع النجاح بعملها بقالى سنة.....عندى اجندة بكتب كل يوم فيها لربنا..طبعا انا عارفه ان ربنا عارف كل كلمه جوايا....بس بكتب له وبقول له ع كل شىء حسة به وعوزاه يحصل...واحلامى واهدافى وكل حاجة.....ولما حاجة بتحصل بتضايقنى بخجل انى اشكى له من حد..بتكلم عن اللى حساه وبس....بعمل الحكايه دى كل يوم....متعرفوش نتائجها ايه؟؟..تخيل انك بتكلم ربك كل يوم وبتبقى واثق انه مفيش غيره اللى عنده الدواء لكل شىءءء....وسبحانه بجد حسيت بحبه اوووى ..وان كل شويه عاوزة ابكى واكتب له اكتر...لانك بجد هتحس انه معااااااك.....عشان كده مش بزعل من حد خالص مهما عمل...حد يبقى معه ربنا ويخاف من حاجة ولا حدددد او يشيل من حد.....سبحانه كبييييييييير وبيحبنا اوووى

    تحياتى لكم وعاوزة اقول لكم جزاكم الله خيراااااااااااااااا

    هبة الله سامى


    انقاذ المجتمع من الانحراف من اعظم ما سعى اليه الانبياء!!

  • هبة سامى
  • بينات من الآيات
    [ 54] من أعظم ما يسعى اليه الانبياء إنقاذ المجتمعات من الإنحراف ،


    (1) الأعراف / 138 .


    و توجيهها نحو الخير ، ولا يثنيهم عن ذلك شيء مهما كان موقف المجتمع ، ذلك انهم يجدون أنفسهم مسؤولون عن تبليغ رسالتهم التي يتحملون من أجلها كل أذى ، و هكذاكان نبي الله لوط :

    [ و لوطا إذ قال لقومه أتأتون الفاحشة وأنتم تبصرون ]كيف تعملون المنكر و أنتم تعلمون قبحه ، و أنه ضلال و انحراف ؟!

    [ 55] [ أئنكم ]

    خلافا للسنة الطبيعية .

    [ لتأتون الرجال شهوة من دون النساء بل أنتم قوم تجهلون ]اذ تتركون علمكم النابع من العقل و الوجدان الى الجهل الذي هو كل سلوك لا يهتدي بنور العلم ، ولا يتوافق مع فطرة الانسان .

    [ 56] و الذي يحمل رسالة التغيير يجب أن يتحمل من أجل تبليغها كل مكروه ، لا أن يكون مستعدا لتحملها مادامت لا تسبب له أذى ، فإذا أوذي في الله نكص على عقبيه ، و نبي الله لوط كان يعرف مسبقا موقف قومه السلبي إلا أنه لم يتوان في تحمل مسؤوليته .

    [ فما كان جواب قومه إلا أن قالوا أخرجوا ءال لوط من قريتكم ]حينما يتبع الانسان الجهل ، و يعارض العلم ، فإنه يعارض العالم أيضا ، و الذي يعارض فكر انسان ما و علمه فإنه يعارضه شخصيا في غالب الاحيان ، و هكذا نجد الصراع بين لوط و قومه يتحول من اختلاف حول موضوع معين - هواللواط - الى صراع عنيف يسعى فيه المجتمع الى طرد نبي الله ، و كثيرا ما يلجأ الانسان الى منطق القوة مع الأطراف المخالفة له حينما يفشل في معركة المنطق ، فعندما أراد مجتمع لوط طرد المؤمنين قالوا :

    [ إنهم أناس يتطهرون ]

    إن آل لوط يريدون حياة طاهرة ، لذلك يجب إخراجهم و طردهم . أوليست الطهارة تقف مع عقل الانسان و فطرته ؟! بلى . ولكن أصحاب منطق القوة لا يهمهم مع من يكون الحق ، لأنهم لا يريدون الحق ، بل يريدون ما يتفق مع شهواتهم ولو كان الباطل بعينه .

    و هذا هو منطق الطواغيت حين يخرجون المؤمنين ، و يعذبونهم ، ويقتلونهم بحجة انهم يسعون لإقامة حكم الله ، و كأن ذلك جريمة ، إنهم يريدون منا أن تنحصر صلاتنا بين جدران المساجد ، أما أن تنعكس على واقعنا السياسي و الإجتماعي فلا .

    [ 57] و عندما أجمع القوم على إخراج لوط ومن معه أنجاهم الله ، و بقيت زوجته معهم لأنها منحرفة ، فنزل عليهم العذاب الذي شملها أيضا .

    [ فأنجيناه وأهله إلا امرأته قدرناها من الغابرين ][ 58] [ و أمطرنا عليهم مطرا فساء مطر المنذرين ]

    تستخدم كلمة المطر في القرآن للسوء فقط ، أما الغيث الذي يأتي من السماء فاسماؤه مختلفة ، و ما أنزل الله مطر السوء عليهم دون سابق إنذار ، بل أنذرهم فكذبوا بالنذر ، ولم ينتفعوا بها .


    [ 59] [ قل الحمد لله ]

    لقد انتهى أولئك فأحمد الله أنك هديت للإسلام . والذي يحمد الله على الهداية وكونه مع المؤمنين لابدان يتصل بعباده الذين اختارهم .

    [ و سلام على عباده الذين اصطفى ]

    وهؤلاء الذين اختارهم الله من عباده علينا المسارعة للإنتماء إليهم اذا كنا نعبد الله حقا ، فالخاضع لله هو الذي يسلم لأوليائه الذين اصطفاهم على خلقه ، و التسليم الحقيقي هو الخضوع لهم في القول و العمل من جهة ، و التبري من أعدائهم في كل شيء من جهة ثانية، ولهذا جاء في زيارة الأئمة عليهم السلام :

    " أشهد الله و أشهد أني .. موال لكم ولأوليائكم ، مبغض لأعدائكم و معاد لهم ، سلم لمن سالمكم و حرب لمن حاربكم " ( 1)[ ءالله خير أما يشركون ]

    وهنا تبدأ سلسلة من الأسئلة التوجيهية : أيهما أفضل ألله أما يشركون ؟ وهدف هذه الأسئلة أن يحرك الإنسان عقله متفكرا ، ليبتعد عن الشرك عن وعي و قناعة نابعة من عقله لو أجاب على هذه التساؤلات إجابة سليمة .

    [60] في إطار بيان القرآن لعبر الأمم السابقة ، يوقفنا السياق لحظات ليذكرنا بربنا العزيز عبر آياته في الحياة :

    اولا : لان معرفة الله تساهم في معرفة الحقائق الأخرى ، و بالذات في حقل الرسالة .


    (1) مفاتيح الجنان / الزيارة الجامعة .


    ثانيا : لأن كتاب الخليقة نسخة صامتة لكتاب الله الناطق المنزل على الرسل .

    و لعل القرآن يشير في كل سياق إلى الآية الطبيعية التي توحي بنفس الاسماء التي تبينها آيات الله .

    [ أمن خلق السموات و الأرض وأنزل لكم من السماء ماء فأنبتنا به حدائق ذات بهجة ما كان لكم أن تنبتوا شجرها أءله مع الله بل هم قوم يعدلون ]إن الاجابة على هذه التساؤلات كلها تهدينا الى الله ، إلا أن البشر كثيرا ما يميلون عن الحق لانه يخالف اهواءهم .

    [ 61] [ أمن جعل الأرض قرارا ]

    بسبب الجاذبية التي لولاها لكنا نسبح في هذا الفضاء الرحب .

    [ و جعل خلالها انهارا ]

    يستفيد منها الإنسان ، و يقوم بها حضارته .

    [ وجعل لها رواسي ]

    من شأنها حفظ توازن الارض .

    [ وجعل بين البحرين حاجزا ]

    حيث تنحدر المياه من الجبال و هي عذب فرات ، و على مقربة منها البحر وهو ملح أجاج ، و التراب لا يحجز الماء عن التسرب ، ولكن وصول الماء إلى الترابيتحول الى طين يتحصن أما الماء فيمنعه من التسرب .

    [أءله مع الله بل أكثرهم لا يعلمون ]

    بعــد أن يتعرض القرآن إلى هذه الآيات ، و يعرضها على عقل الانسان ، يتساءل : هل يوجد مع الله إله آخر ؟! و الإجابة بالطبع : كلا .. فلو كان ثمة اله آخر لوجدنا أثره في هذه الحياة في الارض أو في السماء أو في البحار أو .. أو .. ، فإذا أشركنا دون دليل فنحنإذن جهلاء .

    [ 62] ثم يطرح القرآن سؤالا آخر يخاطب به وجدان الانسان ، إذ يقول :

    [ أمن يجيب المضطر إذا دعاه و يكشف السوء ]

    من هو الذي تلتجىء إليه فيدفع عنك الخطر حين يحيط بك أيها الإنسان ؟!

    [ ويجعلكم خلفاء الأرض ]

    أ - يجعلكم خلفاء الارض باعطائكم السلطة السياسية .

    ب - يجعل بعضكم يخلف بعضا .

    و سواء هذا أو ذاك ، فإن الذي يهلك ملوكا و يستخلف آخرين ، و يهلك قوما و يأتي بغيرهم ، هل يعقل أن يكون له شريك ؟! فلماذا لا تفكرون بعقولكم لتتوجهوا الى الله ؟

    [ أءله مع الله قليلا ما تذكرون ]

    في كثير من الأحيان يعتقد الإنسان أن السلطة السياسية بيد الناس فيعبدهم ،و لكنه لا يدري أنه لو شاء الله لتهاوى جميع الذين يجلسون على العرش ، و لتساقطوا كأوراق الخريف ، إن هذه الحقيقة قريبة من الإنسان ، ولو عاد إلى فطرته ، و فتش في داخله لوجدها ، و لكنه ينساها بسبب الشهوات ، و المشاكل ، و الضغوط .

    و حين يوجهنا الله إلى الإيمان به ، فذلك لكي نستطيع السيطرة على أنفسنا ؟ و تسخير الطبيعة من حولنا ، وإلا سخرنا كل شيء ، و كما في الحديث القدسي :

    " عبدي أطعني تكن مثلي أقول للشيء كن فيكون و تقول للشيء كن فيكون "أما حين يخرج البشر من حصن الله ، و يبتعد عنه فإن كل ما في الطبيعة يستعبده و يسخره ، كالذي صار شهيدا للحمار فلم يصل عليه رسول الله مع سائر الشهداء .

    [ 63] [ أمن يهديكم في ظلمات البر و البحر]

    الهداية من عند الله ، فلو لم يلهمه صناعة البوصلة لضل طريقه ، و لو لم يرسل له الأنبياء لما عرف الحق و الباطل .

    و قد يتصور الانسان أن البوصلة هي التي تهديه حينما يتيه في عرض البحر ، أو أن عقله هو الذي يهديه ، و لكن من الذي يلهمه معرفة الطريق حينما لا تنفعه البوصلة ولا يهديه العقل ؟! ثم إذا كانت الهداية عن طريق العقل فهو من عند الله تعالى .

    و المخترعون الكبار يقولون : إن الإختراعات نوع من الإلهام ، حتى أن بعضهم يتوصل إلى الإكتشافات في حال النوم ، و كذلك يقول كبار الشعراء : إن الشعر شيء من الإلهام في غالب الاوقات .


    [ ومن يرسل الرياح بشرا بين يدي رحمته ]

    لقد جعل الله الأنبياء رعاة للأغنام إلا بعضهم ، و الحكمة في ذلك كما جاء في حديث لينتظروا الغيث ، و الانسان يعلم أن الذي يأتي بالسحاب عبر الرياح إنما هو الله إذا :

    [ أءله مع الله تعالى الله عما يشركون ]

    مع كل هذه الآيات الواضحة إلا أن بعضا من الناس يتصورون أن النفع و الضر يأتي به الحكام ، فيخضعون لهم ، ويشركونهم مع الله .

    [ 64] [ أمن يبدؤا الخلق ثم يعيده ]

    من الذي يأتي بالخلق من العدم ، ثم يعيده يوم البعث ؟!

    [ ومن يرزقكم من السماء و الأرض ]

    من أين نحصل على الرزق ؟ هل من عند أنفسنا ؟! كلا .. إنه من عند الله ، الذي بيده أرزاق العباد ، و من الناس من ينظر إلى السبب المباشر للرزق ، ويغفل عن ملايين العوامل التي يدبرها الرب من وراء ذلك السبب المباشر .

    [ أءله مع الله ]

    البعض يدعون أن لله شركاء كالطواغيت

    [ قل هاتوا برهانكم إن كنتم صادقين ]

    أحد الحكام يشتري طائرة خاصة فيها مستشفى للقلب ، و طاقم خاص من الاطباء خوفا من أن يموت ، فهل هذا إله حتى نشتري مرضاته بمعصية الله ؟!



    لقراءة الباقى اتبع الرابط
    http://www.almodarresi.com/hedayat/10/a20iwkg8.htm

    وياريت تسمعوا بهذا الصوت الجميل سوف تشعر بان قلبك يكاد ينطق
    http://www.youtube.com/watch?v=TM7RsZGD1nM&feature=player_embedded#

    وانا مالى؟؟!!

  • هبة سامى
  • وانا مالى؟؟؟....كلمه بتسمعها فى اليوم كام مرة؟؟.....بتقولها كام مرة؟؟......للاسف بنسمعها كتير وبنقولها اكتر ....مع انك كده بتشارك اكتر فى اى حاجة مش راضى عنها وتقول انا مالى؟؟....وانت مالك ازاى؟؟....مالك طبعا ....ده مجتمعك اللى هيزداد سوءا طول ما انت بتقول انا مالى....احفادك هتعيش فيه .....ترضى انهم يعيشوا فى مجتمع انت مش راضى عن الظواهر الغريبه اللى بتحصل فيه؟؟..والله اعلم هتبقى موجود عشان ترسخ دين ومبدا وقيم فيهم ولالا ....هتقولى انتى عاوزانا يعنى نعمل ايه ؟؟...انتى فكره اننا عايشين فى المدينه الفاضله!!!.....هقولك ما هو احنا عشان مش عايشين فى المدينه الفاضله لازم نتصرف ..نكون جزء من كل بيتغير وبيشارك...هتقولى انا؟؟؟......هقولك اه انت عارف ليه؟؟؟؟ عشان انت ربنا اعطاك قدرات ومواهب وحاجات لو استغليت 10% منها هتبقى اعظم انسان....وياريتك بتستغل العشره فى الميه كويس!!.....لا يكلف الله نفسا الا وسعها ...صح؟؟....اكيد صح لانه قول الله.....طيب ربنا فرض الصلاه كام صلاه 50 صلاه ....اى ان ده هو استطاعه الفرد انه يصلى 50 صلاه........طيب وبقت كام ...5!!!....يعنى 10%....من قدرتك.....شوفت بقى انت قوى اد ايه ؟؟؟.....بس المشكله اننا كمان مش بنستغل العشرة فى الميه دول...يعنى المشكله الاولى فين؟؟؟؟؟........جوانا ...طيب هقولكم بعض الاوهام اللى بيتدخل فيها الشيطان والمجتمع والياس

    اولا التواضع الوهمى
    ******************
    اولا عشان منختلفش.....التواضع الحقيقى مطلوب لله عز وجل فى سجودك ليه وعدم التكبر ع عباده اللى انت زيك زيهم.....طيب امال ايه التواضع الوهمى ده؟؟؟......انك تشوف نفسك لست اهلا لشىء ولا استطيع ان افعل شيئا وانا انسان ضعيف ....الكلام ده كويس بس مينفعش يبقى مبدا فى حياتنا تقف عليه كل تصرفاتك ....درس ..الله المستعان انا لا اصلح للتدريس...علم ..لا انا احتاج من يعلمنى.....اذا تحول هذا التواضع الى قيد يقيد الانسان على الاعمال الصالحة هذا نوع من انكار نعمه الله قال تعالى يعرفون نعمت الله ثم ينكرونها.......ده الانبياء كلهم كانوا يزدرون انفسهم ويتواضعون لله تعالى ولكن هذا التواضع لم يمنع اى نبى ع ان يؤدى رسالته.....وقدوتنا الرسول صلى الله عليه وسلم ....كان متواضع كثير الحياء ...ولكنه كان رزينا حكيما وقورا...وادى رسالته وعلمنا ..يبقى اعرف قدر نفسك فى انك تشارك وهتشارك ...مش بقول تبقى متعالم.....لكن بقول ده لثقتى فى القدرات اللى ربنا اعطاها لك واللى هتبان بشويه شغل بسيط ع نفسك.....يبقى لازم تعرف انك عندك قدرات كتييير وبعون الله هتبان وانت عندك هدف سامى نحو عقيدتك ومجتمعك اللى انت وانا وكلنا منه ....


    ثانيا الكمال الوهمى
    *****************
    بعض الناس بتقول انا مش هشارك فى اى عمل....عشان شايف نقص فيه....اولا الكمال لله وحده.......ولما تقول ماهى بايظه بايظه.....ما هو لازم ميكنش فيه تغير للاحسن لانك مش لوحدك بتقول كده اللى جنبك واللى جنبه بيقول كده...فيه مثل صينى بيقول خطوة الالف ميل تبدا بخطوة واحده....ليه مستنى اى حد غيرك اللى يقوم بيها.....ليه مش انت؟؟.......ابدا انت ايوة بقصدك انت....ابدا انت الخطوة واذهب لمجلس علم واتعلم ...مش عيب عشان تشارك عشان نعيش احسن.....فيه ناس تقعد تنقد تنقد....طيب النقد بحد ذاته ايجابى ...فيه اعمال محتاجة النقد الحر البناء...ولكن ينبغى مع النقد يجب ان تعرف لن وجود العيب لا يمنعك من المشاركه ابدا...النبى نصحنا وقال سددوا وقاربوا وابشروا......يبقى الكمال عزيز ونادر ...عشان نوصله لازم

    نبدا بنفسنا.....ابدا بنفسك الاول شوف هتعمل ايه....عشان تشارك ....هتلاقى حاجة اكيدددددددددد.....كلنا بنكمل بعض .....ومن غير بعض مش هيبقى فيه تغير .....هتقولى طيب والناس اللى بتخرب....هقولك احنا نبقى كتير ...نسعى للتغير بدون شعارات...نخليها مبادىء فى حياتنا بنشتغل عليها.....ولما انا وانت وغيرنا وغيرنا نبدا بنفسنا ثم غيرنا.....اللى بيخربوا دول هيقلوا وهيتعلموا مننا...وطول ما فى حد واعى صاحى وينسى كلمه وانا مالى!!!!!.......مجتمعنا ده هيبقى احسن مجتمع فى الدنيا .......انت ممكن تكون غاندى او عبد الناصر او اى حد عمل تحول طرا ع مجتمع....عندنا ثوابت نمشى وراها العقيده طبعا.....بس لازم تستغل ال10% من قدراتك ويا سلام لو اكتررررر......تفتكر ممكن تبقى مين وتساعد فى ايه...وهتعيش فى دنيا عامله ازاى؟؟....وهتخلد لاخرة شكلها ايه؟؟؟........من اراد التغير يبدا بنفسه وانا بدات بنفسى وهستمررررر ان شاء الله وانتم معايا عشان نكمل بعض



    يارب وفقنا لما تحبه وترضاه
    هبة الله سامى









    انا مش معاهم!!

  • هبة سامى
  • انا مش معاهم!!!......كلمه غريبه مش كده؟....النوت بتاعتى اللى فاتت...كنت بتكلم عن الانتماء لفطرتنا ولعبادة الله وعباده والوطن والبيت والعائله والاصحاب وكل شىء فى دنيتنا سوى نعرف هو بيعنى ايه لينا!!!!......وقلنا ان روح الانتماء دى هى برضه من فطرتنا وانه بيسعادنا اننى نبقى سعداء...لما يكون لينا صلة روحيه بكل شىء حولنا ...وبالله عز وجل.... وقلنا اانا المفروض يكون عندنا انتماء للاسلام ده شىء اكيدد.....بس اللى انا مش معاهم ..هكلمكم عنهم.......فى سنة اولى السنة اللى فاتت فى الجامعه دخلت ولقيت ورق متعلق ع جدران الجامعه.بتقول....جماعة الاخوان المسلمين ترحب بالطلبه المسلمين .....مكنتش اعرف عنهم كتيير اوى...بس عرفت.....انا شايفه ان كل المسلمين اخوان وفيه منهم اللى بيعمل الخير وبيبقى قدوة وبيدعوا للمعروف لانه مسلم ...عارف دينه ...يعنى مش لازم يكون منهم....مش شايفه اى شىء زيادة بيعملوه يعنى ولا متفقهين فى الدين اوى ولا حاجة ....هو بالنسبه لهم له ابعاد سياسيه اكتر من انها دينيه .....كنت بشوفهم فى المدرجات بيعملوا اسئله وجوايز عشان يسروا الثقافه يعنى بس فيه غيرهم بيعمل كده وعادى.....وتلاقيهم الحزب المعارض ع كل حاجة واى حاجة.....كل يوم الامن المركزى ع باب الجامعه...كل شويه مظاهرة ....واعتراض....تشدد ....وانغلاق غريب...مع ان الرسول صلى الله عليه وسلم سنته واضحة وجميله وكلها مودة وتفاؤل وهدوء...دايما بسال ايه الفرق بينا وبينهم بحس دايما انهم عاملين سور حوليهم ....قلت احتمال يكونوا بيساعدوا بعض عشان يقربوا من ربنا اكتر ملقتش كده...لقيت منهم اللى بيشتم وبيتهكم....واللى بينم ...واللى بيكلم بنات عادى برضه....واللى قدام الناس شيخ ومن وراهم..... نفسيا بيحس ان الممنوع مرغوب...الالتزام لما بيكون نابع من جوة ....وانت مع ربنا وبتحبه بيكون احسن عشان مفيش قيد عليك ...غير حبك لله......مثلا انا حد مش منتقبة ولا مرتديه الاسدال مع احترامى الشديد للملابس دى....بس بحترم دينى جدااا والمجتمع اللى حوليا وبرضه ملابسى محتشمه ومش فتنه....وان شاء الله ربنا يهدينى للصورة اللى يحبها.....وبقرا قرءان وبسرى ثقافتى الدينيه وبسعى لحفظ القرءان ومش بسمع اغانى......ودايما بسعىىللى يرضى الله عليا...واللى بلاقيه متفق جداا مع الفطرة والاخلاق وكل شىء جميل....وفى القسم بتاعنا عندنا زى جمعيه مشرف عليها دكتور.....وبنجمع تبرعات وبنروح بيها للدور اللى محتاجها.....وناس غيرنا بتعمل احسن من كده كمان...ومع ذلك مش منهم.....ومرة بنت حاولت تتكلم معايا انى كده المفروض انى ابقى احسن وحورات كده...طبعا جزاها الله خيرا وقلت لها كده....وربنا يوفقنى لما يحبه ويرضاه ....وانا بعمل اللى ربنا طلبوا منا فى القرءان والسنه....وان شاء الله هطور من نفسى للاحسن بس بدون الانضمام ليهم .....

    وبالنسبه لمسااله التأثر
    اى انسانه او انسان يلاقى بنت منتقبه من النوع اللى هو معندهوش تقبل للاخر ويحسسوا ان كلنا بنغلط وتحاول تنصح ....ممكن الناس متخيلين ان المنتقبات مش بيغلطوا وبيرجعوا فبيقول هى احسن واستحاله ابقى زيها....وهى شويه بتدى االانطباع ده من خلال انها بتتكلم بطريقه تخلى اللى قدامها ينفر منها......وفى حكايه التاثر لما مثلا بتكلم مع بنت صحبتى مش بتصلى بس محترمه وبتخاف من ربنا ولبسها محترم ...لما بتكلم معاها بحاول بطريقه غير مباشرة اوصلها انها تصلى وان هى كده هتساعدنى انى انا كمان ابقى احسن....دى بتقبل منى لانى محسستهاش انى احسن منها فى حاجة....وانا فعلا دايما بحاول اوصل للاحسن .....وبنات كتير غير ى بيعملوا نفس الكلام وهم مش منتمين للاخوان المسلمين .....احنا منتمين للمسلمين اللى انا وانت وكلنا منهم....كلنا عباد بنغلط وبنرجع...ع الاقل بنبقى صادقين مع نفسنا....ولما بنعمل اى مظهر بيبقى من جوة قلبنا ...عشان احنا مسلمين.....مش عشان احنا جماعه...وكلما بنعمل زى بعض....ومن ورا بعض ممكن نعمل اى حاجة....وبعض منهم لما بيبقى فى الجماعه دى ويبعد عنها بينحرف للعكس...عارفين ليه؟؟؟...لانهم معملوش الدين اللى ربنا امرنا به ....اليسر والحب...والانتماء للسنة بدون احزاب ...احباب النبى مش احزاب ولا فى حد افضل من حد الا اللى بيحاول يقرب من ربه اكتر ...وياثر فى غيره بالحب...وبالطرق الغير مباشرة...بالحكمه اللى علمها لنا سيدنا النبى ...مش باى مظهر خداااااع....عشان كده انا مش معاهم...انا مع ديننا الجميل وسنة النبى اللى امرنا اننا نعمل زيه فى كل حاجة ....وبعدين هما سمعتهم مش لطيفه لدى الغير مسلمين بسبب طبعا التشدد الشديد....ولا حتى المسلمين...وخصوصا اللى بيمول الجماعات دى غالبا ما بيكون الغرب.....انا مش معاااااهم....ربنا يوفقنا جميعا لما يحبه ويرضاه ويرزقنا الاخلاص فى العبادة والعمل ويعفو عنا ان شاء الله

    يعنى ايه؟؟!!

  • هبة سامى
  • يعنى ايه؟؟؟.....يعنى ايه كل حاجة بالنسبه لى؟؟؟.....ماتعرفوش السؤال ده مهم اد ايه.....بالنسبه لى بيعنى ايه:..اصحابى ...عائلتى.....بيتى.....شغلى....دينى.....وطنى .....الدنيا كلها بمعنى الدنيا كلها......تفتكروا ايه اللى بيخلى المجرم مجرم ؟؟....واللى بيبعد عن دينه يبعد؟؟.....والشاذ؟.....واللى كاره الدنيا؟....واللى كاره بيته؟...واللى كاره الناس؟...وكل فعل نقدر نوصفه بانه انحراف عن الطبيعى؟.....لما جيت افكر هو ليه الجاسوس بيبقى جاسوس؟؟...او اللى بيسرق؟؟....او اللى بيحقد؟؟.....او اللى بيعمل شىء ضد الفطرة ؟؟......مثلا الجاسوس..ايه اللى بيخليه يبيع وطنه؟؟!!....الحكايه بتبدا اولا انه بيفقد انتمائه لبيته...ولعائلته..لسبب ما ..مشكله نفسيه مثلا...يكره بيته ..وتلاقيه مستنى اليوم اللى يخرج منه...وممكن يسرق منه...هو كده اولا عمل سور بينه وبين الناس كلها...بيبدا يشوف انه مينفعش يبقى فيه حد فى الدنيا بيحبه او ممكن يححقق له حلم ما..كمان كده بقى ضعيف الايمان....وشويه وهتلاقى ياسه..كرهه فى المجتمع كله....وشويه تلاقيه بيقول انا بكره البلد دى.....ماهى معملتلليش حاجة....خلاص كده انتهى مشواره...بقى عنده عدم انتماء لاى شىء ...صيده سهله لافكار غلط...ممكن يقبل اى شىء بشويه ضغط صغيرة......عندك بقى اللى كاره اى شىء ....او عنده اى سلوك غير سوووى.....قيس عليه كل ده..

    الانتماء مهم اوى لكل بنت وولد منذ المراهقه....ده اللى بياثر فيهم طول حياتهم....وربنا جعل الانتماء للعائله شىء طبيعى....قال تعالى وجعلناكم شعوبا وقبائل لتعارفوا.....فماذا يحدث لاى شاب ليس عنده انتماء لعائلته ....من الممكن ان تلتقطه احدى الجماعات ...وبيبقى عرضة للارتماء فى احضان اى جماعه يشعر بالانتماء معها....وممكن الاب يعند ويضرب ابنه والابن يزداد عنادا.....ممكن تبقى جماعه مخدرات ارهاب اى نصيبه......وممكن يهرب ويبقى جاسوس...او شخص غير سوى لا ينتمى لعقيدته....الاسرة هى اللى بتوفر سلوك الانتماء....حتى عندما تحدث كارثه ..تجد وراءه من يسناده ويشعر بالامان.....هى اللى بتحميه من ارتكاب اكبر المعاصى....هى حضن الامان ....شاب سوى ....عنده انتماء بيبدا بانتماءه لعيلته.....هتقولى طيب واليتيم هقولك اقاربه.....طيب لو مفيش.......المؤسسات لابد ان يكون عندها وعى وتوفر لهم اكثر شىء يحسسهم بالانتماء......لانه مفتاح الشخصيات الناجحه....والرسول كان بيفتخر باصله وعلمنا الانتماء




    لازم يكون عندنا انتماء للطبيعه ....يعنى كل حاجة افكر هى ليه موجودة اكيد عشان تسعدنى.....لان ربنا خلق لنا الدنيا وهيئها لنا للعبادة.....التفكر فى خلق السماء والارض وكل شىء والحيوانات كل شىء........ما فائده جمال الطبيعه اذا لم تشعر بجمالها.....خلى عندك صلة روحية بينك وبين كل شىء حوليك .....طبعا العبادة هى اول صلة ممكن نبقى عندنا انتماء ليها....لو حسيت بوجود ربنا...وبعظمته وبحبه وبكرمه.....هيبقى عندك انتماء لعبادته ولعباده...هتخاف عليهم مش هتحقد ع حد ....مش هتاخد حق حدد....مش هتظلم عبد ضعيف....مش هتبقى كاره الصلاه والصوم والعبادة .......مش هتبقى بتسخر من الملتزمين ....مش هتنصر اللى ضد الفطرة ...لان انتماءك افطرتك..هتخليك تستحقر اى حد شاذ......مش هتبقى خايف....وربنا قال سنريهم اياتنا فى الافاق وفى انفسهم.....يعنى فكر يا عبدى.....يعنى تفكر....يعنى ابدع....يعنى اعبد...يعنى حب....يعنى عيش سعيد....يعنى ادخل جنتى......يعنى ساعد كل اللى حوليك...كل حاجة اكتشف علماء النفس ان ليها تاثير علينا وع جهازنا العصبى الالوان والاشكال وكل شىء.....لازم تكسر السور العالى اللى بنيته عشان فقدت حاجة....مع ان عندك كل حاجة.....ربنا خلق كل شىء جميييل ...انت لو نفسك فيها مشكله هتشوفها وحشة وسلبيه.....للمرة المليون دور ع كل شىء جميل جوة نفسك....دور عليها وطلعها ...طلع الجميل اللى جواها....طوره....فكر فى كل شىء .......وشوف كل حاجة فى حياتك بتعنى ايه؟؟؟ .....وطور حياتك ....وابدا بنفسك.....ثم الاخرين.....



    عاوز تنجح

    انتمى كل شىء حوليك دينك عقيدتك السليمه.......فطرتك كانسان.....الدنيا.....نفسك.....وبعد كده

    اسعى للتميز
    حدد هدفك
    رتب اولوياتك
    خطط
    ركز
    دير وقتك
    فكر بايجابيه وايمان
    اشتغل اووى باقصى جهد

    انجح
    فكر كده لما تبقى القائد والرائد فى شغلك ومجالك.........هتحتاج ايه؟؟؟...........طبعا ناس تساعدك وموظفين تحت ايدك.......هتعمل ايه معاهم عشان تنجح بيهم وبفكرك؟؟؟..........عارف تعمل ايه؟؟........خليهم يحبوك وينتموا ليك.....ويحبوا شغلهم وينتموا ليه.......هتنجح ........وهما هينجحوا.......لو كل الناس بقت كده تفتكر المجتمع هيبقى ازاى؟؟.....هيبقى احسن مجتمع اسلامى متكامل ......وسعيد ....ومش هيحتاج ينتمى للباطل


    الموضوع قلت فيه تقريبا جزء بسيط من فكرة فى دماغى....ان شاء الله هنناقش كل مشكله ع حدا.....

    يارب نتقابل كلنا ع باب الجنة

    الخوف الوهمى!!!!!

  • الاثنين، 22 نوفمبر، 2010
  • هبة سامى
  • الخوف الوهمى:

    اصبح عند كثير من الناس ،قلما تقع عينيك الا على الجبناء الذى يخاف الواحد منهم من ظله،وهذا من علامات ضعف الايمان، ،فعلى الانسان ان يكون قويا شجاعا لا يخاف فى الله لومة لائم..........نستعرض اشكال الخوف الوهمى

    1)خوف الاعداء
    الكثيرون يضخمون اعدائهم ويعطوهم قدرا اكبر من قدرهم ،مع انهم بشر ياكلون ويضعفون وينسون ، على سبيل المثال بعض الذين يقرءون الكتب عن المخابرات العالميه الامريكيه والقوة الامريكيه والغير الامريكيه ،اصبح الواحد منهم ينام ع خوف ويستيقظ على الخوف،وبعض من هؤلاء ناس عاديه لا يعنيهم شيئا .....قوتهم فى ضعفك ليس اكثر من ذلك ....صحيح هم يمتلكون قوى ولكن من الخطا ان نقلل او نهول او نضخم ......اعلم قدرك وقدرهم ....ومهما كانت قوتهم ....انت ايضا بداخلك قوة ولكن مستترة وراء خوفك الوهمى.



    ينبغى ات تتحرر من الاوهام والاشباح التى هى من صنع خيالك من صنع عقلك اللاواعى وتواجه كل هذه الاشباح بتعقل


    2)عقدة المؤامرة

    اصبحنا الان نعيش عقدة المؤامرة،فكل شىء اصبحنا نشاهده نعتقد ان وراءه اعداء الاسلام او خصوم الدين حتى لو كان الامر ليس كذلك ،نعم اعداء الاسلام يحبون المؤامرات ويخططون ويكيدون ولا شك فى ذلك،ولكن ذلك لا يعنى ان كل شىء تحت تصرفهم ..وانهم يملكون كل شىء..

    البعض منا حتى يريح ضميره ومن اشتراكه فى الكوارث التى نشاهدها الان يقول هم اعداء الاسلام وكانهم ليس ببشر !!!!!!!!!

    ابدا ....كلنا كنا نتوقع ان قوة الاتحاد السوفيتى قوة لا تقهر .....ماذا حدث بعد؟؟؟!!!

    والان الاقتصاد الامريكى بل الاوربى كله يعيش فى ازمة متلاحقة .....انظر كيف كانوا امس محط انظار الجميع واليوم شاء الله ان تصبح هكذا

    الكثيرون منا لايستفيد من بعض الفرص ومن بعض الامكانيات وبعض المكاسب بحجة انه خاف او ان وراءه مؤامرة .......يحدث هذا لانك لا تمتلك ثقه فى نفسك ولا ثقه فيمن حولك ...ابحث عن سبب المك وتعبك داخل نفسك.....واذا رادت السعاده ..ابحث عنها ايضا داخل نفسك.

    لغتك مع نفسك:حد جاب لك خير ....هتقول هو ده يجى من وراه خير ابدا اكيد وراها نصيبه ...طيب ليه ما تبحث مش ممكن يكون فيه الخير؟؟؟......ليه معتقد انك محط تآمر للناس ؟؟؟.....



    3)الخوف من الفشل

    مثل ذلك الخوف من الفشل :لا يفعل الانسان شيئا الا يقول اخاف من الخطأ ،لا يؤم الناس ويقول اخاف من الخطأ.....كثيرا لا يمارس او يقوم باى عمل ويقول اخاف من الخطأ.

    ثم ماذا لو فشلت؟؟؟ الفشل هو طريق النجاح والخطا هو طريق الصواب،والذى لا يخطأ هو الذى لا يعمل ،اما الذى يعمل فاحتمال صوابه اكبر من خطأه لانه يخطأ ثم يخطأ ثم يتعلم ثم يكتسب خبرة ....وتجد الناس يلتمسون العذر لفلان اذا اخطا لان حسناته كثيرة ،ولكن اذا فلان لايفعل شيئا ثم اخطأ يقولون اين اعماله مقابل هذا الخطا...اخطا وتعلم واكتسب خبرة ....الفشل ليس عيبا لان وراءه نجاح محقق اذا تبعه طموح


    4)الخوف من النقد

    تجد الناس ايضا تتجمل ولا تريد العمل خوفا من النقد وهؤلاء الناس تفكيرهم سىء للغايه وسلبى ،من اين عرفوا ان عملهم يؤتى لهم بالنقد؟؟!!!! ومثله مثل الخوف من النصيحة...


    5)الخوف من النصيحة

    اذا رايت اى مجتمع يرفض النصيحة ،فثق ان نهايته قربت لامحاله ..لماذا؟؟لانه بمجرد ما ينصح سوف يسار اليه باالاصابع ويقال:انت تريد كذا وانت قصدك كذا وانت فعلت كذا ،حتى لا يقوم احد بامر بمعروف او نهى عن المنكر ....بداخله ايضا عقدة المؤامرة..دون اعمال العقل وما ذلك الا بسبب الخوف الوهمى
    6) الخوف من المستقبل

    الكثير من الناس ايضا يخافون من المستقبل ،ولهم رؤيه غريبه تشاؤميه للحياه منتظرين الكوارث ،ولا يروا سوى المستقبل المجهول الملىء باشباح الوهم ....كل ما هو مجهول بالنسبه لهم شبح يخافون منه.....الخوف من المستقبل لا يمثل سوى ناس لديهم ضعف ثقه فى انفسهم ...ضعف شخصيه.....ضعف ثقه فى امكانياتهم......عدم ثقه فى الله ......ضعف ايمان.....انظر للحياه نظرة حرة متفائله مع طموح وتطوير امكانيات وقدرات ......واعلم ان لن يصيبك الا ما كتبه الله لك وعليك .....حتى لو قعدت فى عقر بيتك ....المستقبل سوف ياتى لا محاله ومن الافضل ان تواجهه شجاع ..متحرر من كل وهم.
    خوف = وهم ......لا تخشى ولا تخاف او تهاب الا الله لانه حقا ان نخشاه ..........كلنا عباد رب قدير وان قال للشىء كن فيكون ..........ولا احد باستطاعته هذا الا الله..........القوى مستمد قوته من ضعفك ليس الا....انتم الاثنين بشر ......والفارق الوحيد انه بحث عن مواطن قوته التى وهبه الله اياها.........وانت بحثت عن مواطن ضعفك داخل نفسك وتركت مواطن قوتك ......الخوف سلبياته كثيييرة وعلى سبيل المثال قضيه فلسطين .........ما شاء الله اللهم لا حسد العرب خايفين ......بس خوف وهمى...عشان ضخموا عدوهم الضعيف وعملوا له حساب اكثر مما يستحق .......قوتهم بذات كل منهم ......وما اجمل ان تجتمع جميع القوى فى لفظه اتحاد عربى .


    خايف ....خايف ..... مما تخاف ؟؟؟؟ ......فكر لحظة.......لاشىء


    المؤمن عمره ما يخاف .....لا خوف عليهم ولاهم يحزنون