Demo image Demo image Demo image Demo image Demo image Demo image Demo image Demo image

انك تكون سعيد ....سهل ولا صعب؟!!!!

  • الأحد، 24 أكتوبر، 2010
  • هبة سامى
  • ايه اللى مضايقك؟؟؟؟.......ليه شايل كل هموم الدنيا؟؟؟؟..............ياترى حاجة خسرتها؟؟؟؟.........ولا حاجة عاوز تكسبها؟؟؟؟.......طيب لو حاجة خسرتها ليه عامل كده فى نفسك وشايف ان دى نهايه الدنيا؟؟؟؟..........انت عارف كل وقت ضاع وانت بتفكر فى الخسارة كان ممكن تعمل مليون حاجة تسعدك بس بقى الشيطان بقى معندوش وقت عشان يرتاح ويسيبك، دايما عاوز يشوفك زعلان وحزين ويخليك تضيع اكبر وقت خسران يعنى لو خسران حاجة هتخسر مليون حاجة............طيب لو حاجة مستنيها ومتشوق انها تحصل وهتخليك مبسوط بس اتاخرت شويه برضه قاعد نفس القعدة .....زعلان .....بائس......طيب انت ليه مستنيها فكر فى حاجة تانيه اعملها او اسعى لتحقيقها ........مينفعش تبقى مستسلم للفشل.....الفشل ده هو التجربه اللى هتعلمك تنجح .......المفروض انك قوى ولازم تعرف اللى هيروح هتيجى حاجة احسن بكتير.
    هنقول بعض الحالات اللى هتبقى قاعد بتفكر ازاى توصلها وانت متوتر وحزين!!!!!
    عاوز انجح فى الدراسه بس انا كنت مش بذاكر .........عاوز اشتغل فى مكان كويس بس تقديرى فى الكليه مكنش كويس........عاوز يبقى معايا فلوس كتير وانا قاعد كده مش عاوز اتعب.............عاوز اجيب شقه وعربيه احدث موديل..........عاوز عروسه زى القمر وبنت ناس وطيبه ومتدينه ...............عاوزة عريس غنى.............عاوز ابقى فى الشغل القائد والرائد وانا بتعب اوى وبشتغل وجه واحد ميعرفش حاجة هو اللى اخد مكانى.........عاوز.....عاوز ............. عاوز .........لازم تعرف ان حاجاتك مش هتخلص هى دى طبيعه النفس البشريه مش بتشبع دايما بتسعى وراء هدف متحرك ...........هتعيش كل حياتك كده ....زعلان وحزين.....عاوز كل حاجة تحصل وانت قاعد او وانت بتشتغل بس معندكش ثقه فى اللى خلقك.
    اهم شىء لازم تعرف انت مين ؟؟؟؟.....ايه قدراتك؟؟؟؟......هتعمل ايه عشان تحقق اللى عاوزه ؟؟؟؟.....او تعوض شىء راح منك؟؟؟؟......لازم تكون صادق وواضح مع نفسك؟؟؟.....اقعد اسالها وهى تجاوبك بس خد بالك اووعى تكدب عليك.
    عرفت ايه قدراتك واشتغلت ع نفسك وحاولت تطويرها ........وعرفت ازاى تستغل قدراتك.......وفعلا اشتغلت كويس اووى وماهملتش شىء ........تفتكر ربنا هيضيع تعبك ؟؟؟؟.........لاطبعا ......ان الله لايضيع اجر من احسن عملا.......لازم تثق فى كده.......وتثق فى عدل ربنا ........طيب انت اشتغلت ومحصلش نصيب........لازم تعرف ان فيه شىء ناقص عندك .....لانت مش راضى........لاحاجة انت ماحستنش صنعها.......كل امرك خير لك.......لو حاجة كسبتها فكر فى اللى بعدها وارضى واحمد الله.....لو حاجة خسرتها وانت تعبت .0.......ربنا هيعوضك خير منها.........والفشل هيعلمك تنجح.
    لابد ان تتعلم ما يبقيك دائما سعيد ......عندك طموحات او بتفكر فى عمل اتممته.........لازم تتعلم فن السعادة والرضا
    السعادة مختلف ع وصفها فقال فونتيل انها الحال التى تود لو تبقى دون تغير.......ولكن هذا سرابا لان كل شىء متغير ......واللى هيسعدك انهرضه .....تاكد انه مش هوهو اللى هيسعدك بكرة.
    وقال جون ستيورات ميل(تعلمت ان انشد سعادتى بوضع حد لشهواتى،لا باشباع هذه الشهوات)وقال الكونته(السعادة لا تمنح وانما تتبادل.
    وقال جيرولد دوغلاس
    ان السعادة تنمو لجوار افئدتنا ولا تلتقط من حدائق الاخرين
    والحقيقه ان الزمان الذى نعيش فيه كثرت فيه الاوهام التى تحجب عن ااعيننا السعادة ،فالمرض الموهوم يسبب من الالام ما يسببه المرض الحقيقى.
    لو تعلم ان نفسك هى سبب تعبك والمك وانت الذى تثقلها الهموم والمتاعب،من الممكن ان ترى شخص لديه زوجة جميله واطفال ومال وكل شىء تتمناه النفس ولكنه مشغول البال من نواحى اخرى انه يزيد من ماله وقد يمرض لانه ربط سعادته بالظروف الخارجية وهذا يعنى ان السعادة تنبع من داخلك(من جوة جوة نفسك)
    هتبقى سعيد فى حاله
    1) العمل:مهما كان نوع عملك فهو بالنسبه لك الوجود ،هو انت،ويتحقق الابداع فى العمل اذا كان عملك يناسب ميولك وقدراتك
    2)عدم االافراط فى التاثر :انت ممكن تغير الوضع الحالى ومتبقاش متاثر باى شىء يجيب اكتئاب هتبقى سعيد لو ساعدت فى تغير الوضع الحالى
    3)عيش الحاضر اكثر من انك تعيش الماضى ،يوجد ناس تعيسه لانهم عايشين فى الماضى كمسكن وهمى للالم،الحاضر احلى يكفى انه كتبه الله لك
    4)لا تسبق الحوادث ،يمكنك ان تكون بعيد النظر ليس اكثر من هذا.
    من اهم وسائل مكافحة الشقاء هى مكافحة الركض وراء المنافسه والملل والتعب وذلك بالاقتراب من الطبيعه وجعل الحياه هى الهدف الذى يحلو بقربك من الله،وفكر فى معنى الفلاح (قد افلح من تزكى)،(قد افلح المؤمنون)،حى على الفلاح.
    ومن اسوا المخاطر ان تجعل بينك وبين الاخرين سورا بحيث لا تبفذ اليك المؤثرات السارة ............السعادة متبادله بيننا ..........بس هى من جوة نفسك.........دور على كل شىء جميل جوة نفسك .......محدش هيحب لك تكون سعيد اوووى الانفسك.......دور جواها حتى لو شىء بسيط............واجعل نظرتك للحياة نظرة حرة متفائله.......يكفى انك تعلم ان الله معك ......وانه لن يصيبك الا المكتوب ........اعبد ربنا صح .....واشعر بقربه وحبه ...........وعمرك ما هتخسر شىء الا وتبتسم وتقول لعله خير يارب .........هو هيعوضك .....ربنا حنين وبيحبنا نكون سعداء........الشيطان بيدخلك وقت الخسارة ويشوه لك الخير......ابتسم واجعل عدو الله حزين.........كل امرك خير لك..........اشتغل كويس .....ودور على مواهبك وقدراتك جوة نفسك واشتغل عليها......ودائما بكرة احسن............اللى فات اتعلم منه.......واللى جيي نتيجة اللى اتعلمته .......والحاضر الخبرة اللى بوظفها للمستقبل .......لو فكرت فان كل شى ءخير لك بس انت عامل اللى عليك ......عمرك ما هتبقى حزين ولا شايل هم الدنيا........ربنا خلق لنا الدنيا فيها الحلو والوحش.......انظر لها من جوة نفسك .....وهتعرف انت شايفها ازاى.......اخدع الدنيا ومتخليهاش تخدعك ..........قول يارب
    الدنيا هتاتى لك راغمة

    ربنا يسعدكم يارب ويوفقكم لما يحبه ويرضاه

    كونى المراه التى لم يرى قبلها امرأه و لن تأتى بعدها امراه ...بل مجرد اناث!!

  • الثلاثاء، 19 أكتوبر، 2010
  • هبة سامى
  • ادخلى الحب كبيره ...و اخرجى منه اميره ..لانك كما تدخلينه ستبقين

    ارتفعى حتى لا تطال اخرى قامتك العشقيه

    فى الحب لا تفرطى فى شىء , بل كونى مفرطه فى كل شىء.
    اذهبى فى كل حاله الى اقصاها . فى التطرف تكمن قوتك و يخلد اثرك . ان اعتدلت اصبحت امرأه عاديه سمكن نسيانها...و استبدالها .
    لا تحبى ....اعشقى
    لا تنفقى ... اغدقى.
    لا تصغرى..ترفعى.
    لا تعقلى...افقدى عقلك.
    لا تقيمى فى قلبه ...بل تفشى فيه .
    لا تشوهى شيئا فيه...جمليه.
    لا تكونى امامه ...بل خلفه.
    لا تكونى حاجزه... بل دافعه.
    لا تكونى عذره... بل غايته.
    لا تكونى عشيقته...بل زوجه قلبه.
    لا تكونى ممحاته...بل قلمه
    لا تكونى واقعه...ظلى حلمه.
    لا تكونى دائما سعادته...كونى احيانا المه.
    لا تعدلى , كونى فى الانوثه ظلمه.
    لا تبكيه ...ابكيه.
    لا تكونى متعته ...بل شهوته.
    كونى ارقه ...و اميره نومه.
    لا تكونى سريره , كونى وسادته.
    كونى بين النساء اسمه.
    ذكرياته و مشاريع غده.
    لا تكونى يده بل بصمته.
    لا تكونى قلبه , كونى قالبه.
    لا تغارى من ماضيه, فانت مستقبله.
    و لا من عائلته لأنك قبيلته.
    لا تكونى ساعته, كونى معصمه.
    و لا وقته بل زمنه.
    تقمصى كل امرأه لها قرابه به.
    و كل انثى يمكن ان يحتاج اليها.
    و كل شىء يمكن ان يلمسه.
    و كل حيوان اليف يداعبه.
    و كل ما تقع عليه عيناه.
    كونى ابنته و شغالته و قطته.
    و مسبحته و صابون استحمامه و مناشفه.
    و مقود سيارته و حزام امانه.
    و مصعد بنايته.
    كونى مفاتيحه و من يفتح بابه ....حتى فى الغياب.
    كونى عباءه بيته..سجاده صلاته.
    كونى أريكه جلوسه...و مسند راحته و شاشته.
    كونى بيته.
    كونى المرأه التى لم ير قبلها امرأه.
    و لن تأتى بعدها امرأه...بل مجرد اناث !!
                                      احلام مستغانمى
    عجبتنى قوى(:
    بس طبعا دى من كل امرأة عاقله حساسه......حوا اللى ربنا خلقها
    لزوجها ..........لكل آدم ربنا خلقه
    وهو اكيد هيبقى زوج صالح كما حاولت هى ان تكون سكنه وامانه وكل حياته كما خلقها الله
    هو سيكون لها اكثر مما تتخيل لانها احتوته
    ولكل فعل رد فعل
    كل منهم يعطى .....العطاء ....لابد ان نتعلم ثقافه العطاء
    (:
    لو كل زوج وزوجة وحوا وادم كانوا لبعض كل الحياة
    تخيلوا ازاى هيكون شكل الحياه!!!!

    مقاله بالجريده استفزنى عنوانها (ادخل الحمام برجلك الشمال)

  • الجمعة، 15 أكتوبر، 2010
  • هبة سامى
  • فى جريدة محترمة جدا لكاتب محترم جدا بحترمه واقدره فى عمود محترم
    قرات مقاله عنوانها استفزتى للغايه ....اولا هى عنوانها ادخل الحمام برجلك الشمال !!!!!!!!!!!!!!!! اثار هذا العنوان علامات التعجب هذه وخاصه ان هذا الكاتب بيتميز بقلمه وفكره
    ظللت اقرا تقريبا المقاله كلها الا سطرين ولم اجد علاقه للموضوع بالعنوان ولكن اتضحت نيته فى نهايه المقاله واليكم محتوى المقاله:
    تتحدث صحيفه نيويورك تايمز الامريكيه هذه الايام عن مقال قديم اكتشفوا ان الرئيس اوباما كان قد كتبه عندما كان طالبا فى جامعه كولومبيا وكان عمره وقتها 21 عاما!
    فى ايجاز بيقول
    ان اوباما فى هذه المرحله فى سنه 82 ينادى باخلاء العالم من السلاح النووى وكان يرى بعينيه فى ذلك الوقت كيف ان الرئيس ريجان الذى حكم الولايات المتحده من 80 الى 88 كان يواجه تحذيرات شديده من عواقب السلاح النووى ع مستوى العالم ولم يكن ريجان يفكر طبعا فى اخلاء العالم من هذا السلاح المدمر ولكن كان يفكر بالطريقه التى يمكن بها نزع ترسانه الاتحاد السوفيتى النوويه باعتبارع الخصم الاكبر لواشنطن فى ذلك الحين
    وفى الطريق من 82 الى 2009 حيث وصل اوباما للبيت الابيض لم ينس فكرته ابدا وكانت هى الفكرة الاهم التى يتبناها من خطابه الاول .............................

    ويقول فى نهايه المقاله لاتسطيع ان تمنع نفسك من التساؤل المتواصل وانت ترى شابا فى الحاديه والعشرين من عمره منشغلا بفكرة مبكرة بهذا الحجم عما اذا كان بين طلابنا فى الجامعه الان من يملك افكارا بهذا الحجم او بغيره بحيث يسعى الى تطبيقها اذا كتب الله له يوما ان يصبح حاكما فى بلده
    هل بيننا طالب من هذا النوع وهل جامعتنا مهياة لانتاج طالب ع هذه الصورة وهل ينشغل طلابنا بفكره جادة وضخمة سوى افكار الحجاب والنقاب ودخول الحمام بالشمال والاكل باليمين؟!
    اولا انا شخصيا بحترم اوباما جدا وعقليته وان شاء الله يكون نافع للعرب والقضايا العربيه واقدر ذكاؤه واحترامه للمسلمين وطبعا تفكيره رائع منذ وهو شاب كما يتضح من هذه المقاله
    ثانيا انا اقدر هذا الكاتب
    كل الذى ضايقنى
    انه سخر من الاساس وهى التعاليم الدينيه التى لابد ان نتعلمها حتى نحسن عباده الله ومتهيالى يعنى انها الاساس الذى يقوم عليه اى شاب صالح ذو علم وعقل
    افكار الحجاب والنقاب ودخول الحمام بالشمال وكل معتقد وتعليم دينى الغرب اصلا يتمناه فالحجاب والنقاب يتمنوه الغرب وخاصه الحجاب بسبب طبعا العرى والمشاكل التى تسببت فيه
    وعلاوة ع ذلك من المؤكد انه ليس كل طلاب الجامعه بامريكا يفكروا بجديه وتشغلهم قضيه جادة مثل هنا فى مصر هناك شباب ما شاء الله ذو عقل وفكر مثقف لدرجه عاليه له اختراعات وافكار لقضايا كثيره والشباب الان اصبح عنده وعى اكثر من الاول وان كان هناك بين طلابنا من لايفكر اصلا فى اشياء جادة ولكن يوجد الملايين من يعرفون ويقدرون اى مشكله ويفكروا ويتكلموا ويعبروا عن ذلك بكتابات واوباما عندما فكر وكتب كتب الله له ان يصبح رئيسا وكل الناس تهتم به واكيد الجامعه فى امريكا لم تاخذ مقالته بعين الجديه فانه طالب ذكى وجاد وكل ما يناله عين الاعجاب والتقدير مثله مثل الكثير من الشباب المصرى والعربى
    الذى اثار فكرى وغضبى انه يقلل من قدرات كل الشباب المصرى وهذا ليس صحيح ومن المؤكد انه فى مصر افضل من اوباما ويفكرون ولديهم وعى وامنيات لحل كل مشاكل العالم ولكنهم ليست مشكلتهم انهم غير مشهورين .......

    عشر شخصيات يصعب التعامل معها

  • هبة سامى
  • العلاقات الانسانيه تحتم عليك معرفه انواع عديده من البشر بشخصيات عدة لكل منهم تفكيره وطباعه التى ترتسم ايضا ع ملامحه وتعامله معك .
    وهناك شخصيات تشعر بالضجر عند تعاملك معهم لانهم يتركون بداخلك اثر سلبى بشعور ما ،هناك عشر شخصيات غير مرغوبين فى التعامل معهم لدى اغلب الناس وهم :
    1) الشخص العدوانى:
    ان الشخص العدوانى دائما يجعل سلاحه تحد وتصويب وغضب وهذا هو ذروة الضعط والسلوك العدوانى ،يجعلك تشعر بالغضب من تصرفاتهم التى تتسم بالغباء و الاندفاع فى السلوك .
    2)المتهكم
    ان التعليقات الوقحة والتهكم المؤذى والتوقيت السىء لتعليق ما تضعك فى موقف محرج مع الاخرين فتقتل ابداعك ومواهبك ،يجعلك تشعر بالنقص والغضب وقله الثقه
    3)الهائج بلا سبب مقنع
    بعض الناس يتعامل بهدوء، ثم ينفجر ويصيح بسبب اشياء لاتمت بصله الى الحاله الراهنة يجعلك تشعر بالياس والاحباط والذهول
    4)المتعالم الذى يدعى المعرفه فى كل شىء
    ان الشخص المتعالم يدعى المعرفه بكل شىء وهو لايعرف اى شىء وعند حدوث خطا فانه يحاول ان يظهر معرفته به
    5)المغرور
    ان المغرورين لا يستطيعون خداع الناس الى الابد ولكنهم سيستطيعون خداع الناس لمده ما
    6)الشخص الامعه
    دائما يسعى الامعات من الناس لارضاء اخرين تجنبا للمواجهة معهم ويوقول الامعات من الناس دائما نعم دون التفكير بما يلزمون بانفسهم من اعمال وتصبح حياتهم ماساه لانهم يحملون انفسهم مالا طاقه لهم به من التزامات
    7)الشخصيه المترددخ
    فى اللحظه التى يجب ان يتخذ فيها صاحب هذه الشخصيه قرارا نراه يلجا الى التسويف والمماطله
    8)الشخص اللامبالى
    وهذا الشخص هو الذى يقتل الحقائق والوقائع والامنيات ببرودته وقله حماسته وعدم اهتمامه باى شىء
    9)الشخص الرافض
    ان الشخص السلبى الرافض مثله مثل شخص مخادع مائع السلوك يحارب دائما فى معركه لاتنتهى ،دائما معارض لكل شىء
    10) الشخص الشاكى الباكى
    ان الشكاه من الناس تشعر دائما بالبؤس والصواب لديهم هو مقياسيهم وقناعاتهم ،ودائما يلعبون دور الضحيه
    هؤلاء الاشخاص لديهم شخصيه صعبه ولتتمكن من التعامل معهم لتجنب اثارهم الضارة
    1) هناك حل اذا رايت نفسك لا تستطيع التعامل معاهم ويثبطون من عزيمتك ويقللون قدرتك ولا تسطيع رد اثرهم الضار عليك ففارقهم بالتى هى احسن.
    2)او تتعلم كيف تراهم وتغير نظرتك لهم بمرور الوقت وهذا لابد ان يكون لك تقبل للاخر
    3)او اذا كان لديك شخصيه قويه ان تؤثر فيهم وتتعامل معهم بذكاء اجتماعى تستطيع من خلاله ان تغير نت حده طبعهم.


    بقوة شخصيتك واحترامك لانفس من حولك تستطيع ان تكتشف من حولك وتسد نقصهم بذكاءك وليس بانك تشعرهم بنقصهم
    اللهم اكرمنا ولا تهنا واعطنا ولا تحرمنا واعفو عنا واستر عيوبنا

    تعلم لغه الجسد

  • هبة سامى
  • تعلم لغه الجسد
    هناك سبع اشارات خاصة بلغة الجسد عليك ان تنتبه لها عند التعامل مع الاخرين:
    1) العين:
    تمنحك العين واحدا من اكبر مفاتيح الشخصية التى تدلل بشكل حقيقى على ما يدور فى عقل من امامك.
    ستعرف من خلال عينه ما يفكر فيه , فاذا اتسعت حدقه العين وبدا للعيان فان ذلك دليل على انه يسمع منك توا شىء اسعده اما اذا ضاقت الحدقه فالفكر هو الذى حدث ، واذا ضاقت عيناه ربما يدل على انه حدثه يشىء لا يصدق.
    2)الحواجب:
    اذا رفع المرء حاجبا واحدا فان ذلك يدل على انك قلت له شيئا اما انه لا يصدقه او يراه مستحيلا ، اما رفع كلا الحاجبين فان ذلك يدل على المفاجاءه.
    3) الانف والاذنان:
    فاذا حك انفه او مرر يديه على اذنيه ساحبا اياهما بينما يقول لك انه يفهم ما تريده فهذا يعنى انه متحير بخصوص ما تقوله ومن المحتمل انه لا يعلم مطلقا ما تريد منه ان يفعله.
    4)جبين الشخص:
    فاذا قطب جبينه وطأطأ راسه للارض من عبوس فان ذلك يعنى انه متحير او مرتبك او انه لا يحب سماع ما قلته توا، اما اذا قطب جبينه ورفعه الى الاعلى فان ذلك يدل على دهشته لما سمعه منك.
    5)الاكتاف:
    فعندما يهز الشخص كتفه فانه لايبالى بما تقول.
    6)الاصابع:
    نقر شخص باصابعه على ذراع المقعد او على المكتب يشير الى العصبيه او عدم الصبر.
    7)عندما يربط الشخص بذراعيه على صدره:
    فهذا يعنى ان هذا الشخص يحاول عزل نفسه عن الاخرين او يدل على انه خائف بالفعل منه.
    هذه الاشارات السبع تعطيك فكرة عن لغة الجسد ككل وكيف يمكن استخدامها ليس فقط فى ابراز قوة شخصيتك ولكن تعرف فيما يفكر الاخرون بالرغم من محاولاتهم لاخفاء ذلك.ولكن لا نستخدمها لاظهار ضعف الاخرون بمعنى لو حسينا الضعف من اللى بيكلمنا نقويه ونحسسه انه قوى ، اجمل شىء انك تكون حاسس باللى حوليك وبتساعدهم انهم يبقوا احسن ، حتى لو انهم شخصيات مينفعش حد يعاملها، بالمرة لكل انسان مفتاح ممكن تدخل لقلبه وتكون فى عونه الشعور ده جمييييييييييييييييل اوى وتذكر : كان الله فى عون العبد ما كان العبد فى عون اخيه
    يارب بحق ما شقيت لموسى جوة البحر طريق وبحق ما رزقت مريم مياه تبل الريق وبحق ما حفظت يونس جوة فى بطن الحوت وبحق ما نجيت ابراهيم من اللهب والموت وبحق يوسف الامين على تلال المال وبحق ايوب ما صبر صبره يهز جبال ترزقنى ضى بسكتى وكتابى باليمين وتصلى على سيدنا النبى امام المرسلين عليه افضل الصلاه واتم التسليم

    محاضرة فى الجامعه غيرت شىء بحياتى!

  • هبة سامى
  • السلام عليكم ورحمة الله وبركاته
    انا اسمى هبة الله
    طالبه بكليه اداب قسم الدراسات اليونانيه واللاتينيه
    درسنا مادة بالقسم بمعروفة باسم الادب الاغريقى وبهذه المادة ندرس ادب وحياة اليونانيين القدامى
    والمعروف عند هذه الشعوب القديمة الاساطير وهذه الاساطير لها مرجع حقيقى بحياتهم
    فهم كاى انسان بدائى يريد ان يعرف كيف يعيش ؟ كيف خلق؟ من خالقه؟
    ولكى يتعايشوا ويريحوا عقلهم جعلوا كل شى ء بالحياه له تاثير ع حياتهم اله : المطر ، السماء .... كل شىء
    وكان فى معتقداتهم اله لكل شىء بحباتهم :الحب والزواج والخمر .... كل شىء بمعنى كل شىء .
    جمع كل هذه الاساطير والقصص عن الالهة 12 فوق جبل الاولمب وكل الالهه
    وكل شىء وكل قصه تاثروا بها الاغريق شاعر اعمى يدعى هوميروس ، وفى تاريخ الادب هذا الشاعر مجهول حقيقته هل هو اسطورة ام لا.... الله اعلم
    المهم
    فى احدى المحاضرات قال لنا دكتور المادة ، الشاعر هوميروس جمع كل شىء فى قصيدتيه الالياذه والاوديسيا.
    ولان ديانه الاغريق وعبادتهم لم يكن لهم كتاب مقدس مثل القران ، فكانت قصيدتى هوميروس بمثابه مرجع هام لكل اغريقى ، يرجعوا اليه فى كل امور حياتهم مع انه كتاب كتبه شخص عادى انسان.
    صمت وذهبت بفكرى وقلت سبحان الله قديما كان لايوجد الاسلام ولا اى ديانه منزله من الله سبحانه وتعالى وسعى الانسان لكى يكون له اله خرافى وكتاب خرافى.
    ونحن اليوم ما شاء الله عندنا ديننا الحنيف وكتاب منزل من الله وتعاليم سنة سيدنا النبى ونذهب لاى شيخ لكى يعطينا فتوى مع ان سبحان الله عندنا كلام ربنا بالقران الكريم سهل وجميل وفيه كل حاجة بتساعدنا لتستقيم حياتنا كل حاجة فعلا الحمد لله ع نعمة الاسلام والقران.
    لو كل يوم نبدا بصفحة هنتعلم منها حياة كامله بكل تفاصيلها
    اذا اردت التغيير فابدا بنفسك
    وانا بدات بنفسى منذ هذه المحاضرة وقلت ان شاء رب العالمين هقرا كل يوم جزء وبدات فعلا ولكن ساعات كنت بقرا اقل من جزء ولكن اهم شىء انى استفدت
    سبحان الله هتعلم صح من كتاب الله وكل حرف عليه حسنات وليس حسنة واحدة
    لا استطيع ان اصف مدى السعادة التى اشعر بها
    فعلاااااااااااااااااا الحمد لله على نعمة الاسلام
    رضيت بالله ربا وبالاسلام دينا وبسيدنا محمد نبيا ورسولا
    بحبكم فى الله

    اسئله لم تخطر بالبال!

  • هبة سامى
  • اسئله لم تخطر في البال يجيب عليها الامام علي عليه السلام
    ________________________________________
    اللهم صلي على محمد وال محمد


    عندما كان الامام علي صلوات الله عليه في جامع الكوفه قام اليه رجل من اهل الشام فقال


    ياامير المؤمنين اني اسالك عن اشياء

    فقال الامام: سل تفقها ولا تسال تعنتا
    الان تبدا الاسئله العجيبه والاجابات العجب"
    فقال الشامي
    1-اخبرني عن اول ماخلق الله تعالى؟
    قال عليه السلام: خلق النور

    2-قال: فمم خلقت السموات؟
    قال عليه السلام: من بخار الماء

    3-قال فمم خلقت الارض؟
    قال عليه السلام: من **د الماء

    4-قال فمم خلقت الجبال؟
    قال عليه السلام: من الامواج

    5-قال فلم سميت مكه ام القرى؟
    قال عليه السلام: لان الارض دحيت من تحتها

    6- فساله عن السماء الدنيا مما هي؟
    قال عليه السلام: من موج مكفوف

    7-ساله عن طول الشمس والقمر وعرضهما؟قال عليه السلام: تسعمائة فرسخ في تسعمائة فرسخ

    8-ساله كم طول الكوكب وعرضه؟
    قال عليه السلام: اثناعشر فرسخا في مثلهما

    9-وساله عن السماوات السبع واسمائها؟
    فقال عليه السلام: اسم السماء الدنيا الرفيع وهي من ماء ودخان,واسم السماء الثانيه فيدوم وهي على لون النحاس,والسماء الثالثه اسمها الماروم وهي على لون الشبه,والسماء الرابعه اسمها ارفلون وهي على لون الفضه,والسماء الخامسه اسمها هيغون وهي على لون الذهب, والسماء السادسه عروس وهي ياقوته خضاء,والسماء السابعه اسمها عجماء وهي دره بيضاء.
    10-وساله عن الثور ماباله من غاض طرفه لم يرفع راسه الى السماء؟
    قال عليه السلام: حياء من الله لما عبد قوم موسى العجل ن** راسه

    11-وساله عن من جمع بين الاختين؟قال عليه السلام: يعقوب بن اسحاق جمع بين حبار وراحيل ,فحرم بعد ذلك,فانزل
    "وان تجمععوا بين الاختين"

    12-وساله عن المد والجزر ماهما؟
    فقال عليه السلام:ملك من ملائكة الله عز وجل موكل بالبحار يقال له:رومان,فاذا وضع قدميه
    في البحر فاض,فاذا اخرجهما غاض.

    13-وساله عن ابي الجن؟فقال عليه السلام:شومان, وهو الذي خلق من مارج من نار.

    14-وساله هل بعث الله نبيا الى الجن؟
    فقال عليه السلام: نعم, بعث اليهم نبيا يقال له يوسف, فدعاهم الى الله عز وجل فقتلوه

    15-وساله عن اسم ابليس ماكان في السماء؟فقال عليه السلام: كان اسمه الحارث

    16-وساله لم سمي آدم آدم؟
    قال عليه السلام: لانه خلق من آديم الارض

    17-وساله لما صار للذكر مثل حظ الانثيين؟
    فقال عليه السلام: من قبل السنبله كانت عليها ثلاث حبات, فبادرت اليها حواء فأكلت منها
    حبه وأطعمت آدم حبتين, فمن ذلك ورث للذكر مثل حظ الانثيين....
    "صححو معلوماتكم يعني مو لان الذكر افضل من الانثى ...لا

    ....................................... ........... ..
    ملاحضه "الامام عليه السلام اذا قام اليه رجل وساله يقول له ,اسال تفقها ولا تسال تعنتا
    لان البعض من الناس كانو يسالون الامام بغرض تعجيزه عن الاجابه
    الله اكبر كيف يعجز علي بن ابي طالب وهو الذي يقول
    سلوني عن طرق السماء فاني اقرب اليها من طرق الارض

    كيف تحدد هدف وتحققه بحياتك؟

  • هبة سامى
  • حدد هدفك
    ما هو هدفى بالحياة؟! وهل هدفى هذا صحيح ام لا؟! هل انا اخطو خطوات صحيحة نحو هدفى؟!
    كل هذه الاسئلة لابد ان تكون فى خاطر كلا منا منذ نعومة اظافرنا ولكن يمكن ان يكون لى كل صباح هدف جديد اسعى اليه وامل جديد!
    ساقص عليكم قصة قد تكون غريبة لانها عادية تحدث لاغلبية الناس : ولد طفل فى اسرة متوسطة الحال والديه متعلمين وعندما بلغ هذا الطفل السادسة ادخله والده الحضانة حتى يتعلم ويستطيع ان يتعايش، هذا هو هدف والده ولكن هذا الطفل الصغير لا يعلم لما هو يدرس ويذهب كل صباح باكرا الى المدرسة كره التعليم ولم يحسن المذاكرة ونجح كل سنة ولكن غير متفوق ولم يستفيد شيئا وعندما بلغ المرحلة الثانوية حصل على مجموع ليس بكبير ليدخله كلية اختارها بارادته وقالوا له مجموعك هذا يدخلك الكلية .... كمل مسيرته بالجامعة ، الى ان تم تعليمه قالوا له تقديرك هذا يهيئك للوظيفة...... ثم اراد ان يتزوج قالوا له ..... محترمة وعلى خلق وبالفعل تزوجها وانجب اطفال وكل يوم يذهب الى عمله ليحصل على قوته وقوت اسرته ، جمع مالا ليس بكثير ولكنه عاش مستور ، قام بتربية اولاده وقام بتزويجهم ومات وهو لا يعرف لما هو كان يعيش ؛ تعتقدون انه حقق هدف؟!
    الحقيقة لا ! هو لا يعرف السبب الحقيقى وراء وجودنا بهذه الحياة ، فلو علم وهو صغير اننا موجودون بهذه الحياة للعبادة وكل شىء بهذه الحياة مهىء لنا حتى نعبد الله فاذا علم وهو صغير:
    1) انه يذهب للتعليم حتى يتسع ذهنه ويعرف كل شىء حتى يرى بعين ذكية ما حوله.
    2) انه منذ وهو صغير لابد ان يعرف ماذا يريد ان يكون .
    3) لو تعلم ان يحول جميع عاداته وحياته لعبادته.
    4)لو تعلم كيف كان النبى ناجح على المستوى الدينى والدنيوى .
    5) لو تعلم ان كل نجاح يصل اليه يكمن فى نفعه للامة باكملها.
    تعتقدوا انه لو تعلم كل هذا كانت حياته تنتهى واهدافه بلا غاية مجدية ، فكلنا نعيش ونتعلم ونتعامل حتى نتفكر فى خلق الله سبحانه وتعالى يزداد ايماننا به وكل هدفى دنيوى نقرنه بهدف دينى اعتقد اننا سوف ننجح على المستويين الدينى والدنيوى وسنترك فى دنيانا قبل رحيلنا للاخرة بصمة وعلامة نعرف بها ، فابنك وحفيدك واخوك وكل من تعرف يمكن من خلال هدف بداخلك ان تعلمه الهدف الحقيقى من اسرار الوجود يمكن من خلاله نفع امم واجيال قادمة.
    لو علمتم ان الشركات والمؤسسات العالمية كلها نشأت ونجحت على اساس هدف مكتوب بورقة مجتمع عليها رجال هدفهم واحد يسعوا للنجاح بقدم واحدة ، ولو علمتم ايضا ان فى الدول الاوربية هناك محاضرة يحضرونها تسمى حدد هدفك بالحياة من وهم صغار يسالون الاطفال : ماذا تريد ان تصبح؟ ثم يسالونه: ماذا فعلت لتحقق هدفك؟ ويرسلوا للاسرة بالاجازة ويقولوا لهم ابنكم يريد كذا ساعدوه ؛ فاننا جميعا نريد ابنائنا والاجيال القادمة كلها منذ نعومة اظافرها بهدف حقيقى تسعى اليه . فاننا يمكن من هذه اللحظة ان نحضر قلما وورقة ونكتب هدف جديد بحياتنا شرط ان تقرنه بهدف حقيقى دينى يسعدك دنياك واخرتك .
    ليكن لديك الايمان بان لك هدفا وغاية فى هذه الدنيا ، ما الفائدة من جمال المخلوقات اذا لم يكتشفها احد ويرى جمالها ،فليكن لديك اذن الايمان الكامل بانك قادر على صنع التغيير باى شىء ترى فيه عيبا .
    حدد هدفك من الان حتى ولو كان عمرك 50 عام يمكن ان تكمل عمرك بهدف جديد وامل جديد .
    فيمكن ان نحدد نقاط نسير على خطاها لكى ننجح:
    1) السعى للتميز والدليل قول الله تعالى(انهم كانوا يسارعون فى الخيرات).
    2) تحديد الاهداف والدليل قوله تعالى( فمن يعمل مثقال ذرة خيرا يره، ومن يعمل مثقال ذرة شرا يره)
    3)ترتيب الاولويات .
    4)التخطيط لكل امر من امور حياتك والدليل قوله( واعدوا لهم ما استطعتم من قوة من رباط الخيل )
    5)التركيز والسعى للفلاح الذى لابد ان يكون هدف المسلم والدليل قوله: قد افلح المؤمنون ، الذين هم فى صلاتهم خاشعون
    6)اداره الوقت ( الوقت كالسيف ان لم تقطعه قطعك
    7) جهاد النفس وتزكيتها
    8) ان تحسن الخلق والكياسة وفن التعامل مع الاخرين
    9)التفكير الايجابى والتفاءول
    10)التوازن فى عمل اى شىء وعدم الاسراف.
    ادعوا الله ان يوفقنا جميعا ،ارجو ان الموضوع ينال اعجابكم
    جزاكم الله كل خير
    يارب بحق ما شقيت لموسى جوة البحر طريق ، وبحق ما رزقت مريم مياة تبل الريق، وبحق ما حفظت يونس جوة فى بطن الحوت ، وبحق ما نجيت ابراهيم من اللهب والموت ، وبحق يوسف الامين على تلال المال وبحق ايوب ما صبر صبره يهز جبال ترزقنى ضى فى سكتى وكتابى باليمين وتصلى على سيدنا النبى امام المرسلين عليه افضل الصلاة واتم التسليم.

    كيف تكون قدوة يقتدى به الاخرون؟

  • هبة سامى
  • كن نموذجا يقتدى به الاخرون
    يبغى ان نتذكر دائما ان القائد هو مثال يجب ان يقتدى به الاخرون وليس نموذجا يعجب به الاخرون ؛علمنا النبى صلى الله عليه وسلم_ان نكون مثالا حيا للتغيير الذى نريد الوصول اليه ,فقد كان رجلا مثاليا ذا قدوة حسنة فى كل شىء وكان الناس يرون فيه الصورة المثلى التى يجب ان يكون المسلم عليها.
    ولكى تكون مثالا يقتدى به الاخرون لا بد ان تنمى بنفسك بعض الصفات الحميده وحبذا التعاليم الاسلاميه التى شملت كل الصفات الانسانية الحميدة .
    وبافعالك وصفاتك سوف تكون مؤثرا بالاخرين بل وصفاتك سيكون لها التاثير الاقوى ؛ وباسلوبك المثالى سوف تجعل الاخرون يفخرون بك وتزداد رغبتهم فى فعل ما تريده منهم حتى يكونوا عند حسن ظنك بهم.
    وهناك ثمانى وسائل يمكنك ان تستخدمها لكى تضرب المثل للاخرين:
    1) ضع معايير عالية اثناء التعامل مع الاخرين.
    2)كن قدوة للاخرين من خلال التزام الجدية فى عملك.
    3)احتفظ دائما بنشاط جسمي ويقظة عالية.
    4)تحكم دائما بانفعالاتك.
    5)اجعل نظرتك للحياة نظرة حرة متفائلة.
    6)كن معتدلا دائما بحيث لا تكون عرضة للنقد من الاخرين.
    7)قم دائما باستخدام اللطف والكياسة مع الاخرين.
    8) عليك ان تلتزم دائما بما تقول.
    اذا اردت التغيير فابدأ بنفسك اولا .
    اللهم ارزقنى حبك وحب من يحبك وحب كل عملا يقربنى لحبك




    بنات حوا.........والشغل واللى بيشتغلوه:D

  • الثلاثاء، 5 أكتوبر، 2010
  • هبة سامى
  • السلام عليكم ورحمة الله وبركاته

    ازيكم يا كلكم؟
    :D

    انهاردة موضوعى خاص بموضوع بيكرهوا اغلب الرجال.......والبنات رافعين شعار حريه المرأة واثبات الذات((:
    طيب يا سيدى..........وامرك يا ستى


    بس مش هو ده موضوعى وعمره ماهيكون موضوعى:D
    ممكن يكون الموضوع خاص شويه بالبنات فى الشغل .......بس محتاجة جدا رائى الشباب وهيلاقوا كلام ليهم هم كمان


    البنات والستات فى الشغل!

    اولا فيه كتير بيشتغلوا عشان ظروف الحياه
    ومنهم بيشتغل لارادة كامله منهم لاثبات الذات....واهداف وكلام كبير كده

    طيب انا بنوته عسوله كتكوته وبشتغل ايا كان بقى ايه هدفى..........اعمل ايه؟؟؟
    طريقه فى التعامل تبقى ازاى؟؟؟
    رقتى وخجلى اللى معروفين  بيها بنات حوا كلهم بيها ده هيفدنى ولا يضرنى؟؟؟
    ازاى يكون عندى خطة لشغلى حتى لو بشتغل بيبى سيتر ؟؟؟
    ازاى اطور نفسى ......واخد خبرة؟
    ازاى اخلى من مكانى ......فرصة ليا فى جذب التقدير والوظائف الاحسن؟؟
    ازاى اتحكم فى كل الى حوليا حتى رئيسى الاعلى منى فى الشغل؟؟؟
    ازاى .........ازاى..........ازاى؟؟؟



    ع فكرة انا كلامى...مش عشان التوظيف ولا الشغل
    كلامى عشان نفسيه بنات حوا ........اللى كتييييير جدا مش بيبقوا عارفين يتصرفوا

    الفترة اللى فاتت.....اصحابى وناس كتير كانوا بيتكلموا معايا فى مشاكل الشغل بالنسبه لهم كبنات
    وقررت اخد من كلامهم واكتب حلول مش اعرض مشاكل......لان فى كل حل ...هتلاقى مشكله كانت بتواجهك!!



    اولا :انا بنوته كتكوته رقيقه وجوايا عواطف بتحركنى دايما......وضعف ممكن يظهر ...مش سذاجة بس اهى طبيعتى الانثويه ....دى هتنفعنى ولا هتضرنى؟
    *********************************************************************************************************************************
    بصى يا ستى .....انتى بنوته يعنى الادب والخجل والاخلاق والدين والاحترام وغلاف حمايه قوى متين مغلفة بيه نفسك
    وده مش اللى بتشتغل وبسسسسس

    لا .....لاى بنت بتتعرض انها بتخرج فى المجتمع وتخلتط بالناس كلها!!!!
    فيه حتة لو مش عندك هيضيع كل ده.......الا وهى.......الذكاء
    لو مش عندك أما هتحسى ان اخلاقك ودينك بيعيقك فى طريقك وهتدخلى فى دوامه كبيرة كده ..........وهتلاقى نفسك بتتخلى عنهم بمنتهى السذاجة فعلا
    او انك هتقعدى فى بيتك خايفه وقلقانه وما بايدك حيله........

    الذكاء ده يعنى اللى هو ايه؟؟؟
    ماسك لطيف قوى وهو فى نفس الوقت مش ماسك.....بس طبيعى برة البيت غير جواه وتعاملاك مع اهل البيت غير براه مش الكل برة البيت هيحافظ عليكى زى اللى جوة البيت......يعنى هتبقى محترمه نفسك جدا ...ومحافظه ع نفسك ودينك
    وذوق ومحبوبه.........بس كل اللى حوليكى بيعملوا ليكى حساب ......حدود ......تبقى عارفة مين بيتعامل معاكى كويس جدا وتبقى فاهمه غرض اى حد بيتعامل معاكى..........من الاخر كده اى حد يتعامل معاكى مش عشان شغل او مصالح مشتركة او غيره....ده مالوش اى مسمى ممكن حد يعملك حدود فيه
    ...وده شىء مش صعب على بنت عارفه دينها

    فيه حكمه بتقول المراه الفاضله كتاب مغلق لا يفتحه ويعرفه الا شريك حياتها
    دى مهمه جدا فى التعامل ..........يعنى انتى نازله تشتغلى او ليكى اى هدف...... كويس؟
    اكيد مش لازم الناس تشوف انك دلوعه قوى
    وانك حلوة قوى
    وانك دمك خفيف.........مالهومش دعوة اصلا.......متبقيش مشتهلكة
    يعنى تبقى ذوق وانشفى شويه ..........يعنى ساعات هتحتاجى تبقى قليله الذوق وساعتها مش هتبقى اسمها قلة ذوق يعنى ماتنكسفيش لو حد استذكى عليكى وعمل فيها نايتى......ولاقيتى تصرفات غريبة بس انتى عشان ذوق مش عاوزة تحرجيه........فهميه انك فهماه ولو بنظرة عين وانشفى....يزعل بقى يتفلق مش مهم ...حيطان الدنيا كتير..

    هتبقى قويه شويه فى التعامل .........مش مسترجلة افهمى كلامى كويس
    هتبقى قويه.........مع اى حد.........الا زوجك ...الراجل ده له كلام تانى؟؟!!.......
    اعرض مهاراتك فى حياتك العمليه بثقة وحزم وقوة وادب ورقة وخجل وكله.......بس لازم بقى تدعميه بالذكاء((الحدود اللى هى زى كده السور الكهربائى اى حد يقرب منه هو عارف بقى ايه الى هيجراله ))
    ده الاحترام فعلاااااا.........والمراه الذكيه المتدينه اللى بتعرف تنجح وهى محافظه ع انوثتها ......لان الانوثه هى اللى بيتحافظ عليها ......مش اللى بتتعرض فى السوق والكل يجربها ...........
    .لو لقيتى نفسك مش قادرة تبقى كده........وتخلى اللى حوليكى يعملوا حساب انك بنت محترمه ......اقعدى فى البيت

    انتى بتتهانى  فى كل لحظة
    وهيطمع اللى فى قلبه مرض......
    أه ماتثقيش فى حد ثقه عاميه......لا احسنى الظن بس خليكى فطنة........وعندك فضيله الشك..... والتفكير المستنير

    ***********************************
    ثانيا:
    بقى هلخص لك فيها كلام كتير
    1)انتى متعلمه ....ايا كانت الشهادة......وايا كانت الوظيفه اللى انتى فيها
    قسمى قراءاتك
    *اقرى فى تخصصك اللى اتعلمتى فيه اكثر...........
    *اقرى فى المجال اللى اشتغلتى فيها.........
    *اقرى فى المجال اللى انتى عاوزة تتطورى وتبقى فيه
    *لازم تقرى فى كل حاجة .......كل حاجة .....حتى فى البيت والاتيكت هتلاقى حاجات كتير تخلى حياتك احلى

    2)احضرى ندوات وكورسات واهى بقت كثييييير
    فى كل حاجة..........وجددى نشاط ذهنك ....هتحسى بالدنيا اكثر وهتستمتعى
    اى ندوة فى اى موضوع واى مجال!

    3)ادى لكل حاجة فى حياتك حقها
    عبادتك...نفسك
    بيتك
    اهلك.....كل جانب فى حياتك هم 7

    4)اسمعى برامج لعلماء فى كل شىء برضه
    دين-تنميه ذاتيه-سياسه-كله

    5)أكتبى ...وخططى حياتك ووقتك
    انتى مش شويه.........ربنا خلقك فيكى حاجات كتير لانك انسان
    اعرفى حقك وواجبك
    واعملى واجبك على اكمل وجه.........وطالبى بحقك دى مالهاش علاقه بكرامه
    كرامتك فى انك تخدى حقك لما تعملى واجبك........لو شايفة نفسك مقصرة يبقى مطالبيش بحق!!
    الكسسسسوف فى الحق .........عيب ورذيله

    6)خليكى امراه ذكيه متجددة دائمااااااا.......وجددى دم علاقاتك
    اجتماعيه ومحبوبه بس الحدودددددددددددددد والاحترام........الدين محافظ لك عليهم

    7)خلى عندك رساله فى حياتك ومن شغلك اللى انتى بتشتغليه .......حتى لو قررتى انك تربى اولادك بس دى اكبر رساله

    8)خلى الباطل يعملك حساب

    9)خلى اخلاقك قوة وثقه بالنفس......

    10)افرقى فى المكان اللى انتى فيه...كونى اضافه(:

    11)لازم تعرفى انى هتقابلى شرائح كتير وناس مختلفه..لازم تبقى عارفه هتتعملى ازاى
    يعنى لا تنصدمى ......ولا تنبهرى باى حاجة بتلمع....شوفى الابعاد التانيه دايما

    *************************
     طيب ايه اللى هيحصل لما تعملى ده؟؟؟


    1)هتكسبى ثقه فى النفس
    2)هتتطورى
    3)هتخلى اللى حوليكى فى الشغل مقدرين جدا وجودك معاهم هتلاقى نفسك غصب عنك تميزتى عنهم وضفتى ليهم
    4)هتلاقى ابواب كتير اتفتحت ليكى ...فى مجالات اخرى
    5)هتدعمى حتة الحدود دى كمان.......التقدير هيعلى.......ثقافتك هتخليكى عندك وعى وذكاء اجتماعى ....هتعرفى مين ؟ عاوز منك ايه؟....وهتعرفى تتصرفى
    الثقافه دايما:بتخلى الانسان فى حمايه

    قانون الطبيعه لا يحمى المغفلين
    أه وهتلاقى رئيسك فى الشغل نفسه محسسك انك شريكته بتميزك فى الشغل
    كل صاحب عمل لايهمه ابدا الا مصلحة العمل

    6)حقوقك هتاخديها .........لانك هتبقى ضفتى ع واجباتك كمان ومش هتحتاجى تحسى بالقهر
    7)هتعيشى حياتك  صح من غير بتوع حقوق المرأة هههههههههههه بيصعبوا عليا والله


    8)هترضى ربك
    يعنى هتلاقى نفسك ومجتمعك وكل اللى حوليكى راضيييييييين عليكى
    كل شىء هيتظبط قوى(:

    رضا ربنا.......فكرى دايما فيه
    والمؤمن ذكى قوى فطن

    انتظروا الاجزاء القادمة(:



    ان شاء الله كل التوبيكات اللى جايا على

    البلوج....عاوز اتغير
    http://hebasamy.blogspot.com/


    او على منتدى مصريانوو
    فى قسم عاوز اتغير
    http://www.masryanoo.com/vb/forumdisplay.php?f=57

    او جروب عاوز اتغير
    http://www.facebook.com/group.php?gid=165776465991&ref=search


    وقريبااااااا منتدى مختلف........باقسام مختلفه مميزة
    وفيه مفاجأت كده
    ادعوا لى بالتوفيق


    وربنا يوفقكم ان شاء الله