Demo image Demo image Demo image Demo image Demo image Demo image Demo image Demo image

بتكلميه ازاى؟؟؟؟؟.......وبيكلمك ازاى؟؟؟؟

  • الاثنين، 22 نوفمبر 2010
  • هبة سامى
  • بتكلميه ازاى ؟؟؟؟؟......وبيكلمك ازاى؟؟؟؟......ايه المواضيع اللى بتتكلموا فيها؟؟؟؟؟.......حسيتى انه احترمك؟؟؟؟؟.....انت احترمتها؟؟؟؟.......لو هى مش كويسه هتعمل ايه؟؟؟؟؟ .......هتتصحها ولا؟؟؟؟؟؟.......هتستغل انها ع نيتها او انها فاهمة الدنيا غلط؟؟؟؟؟؟......ولا هتاخد بايديها؟؟؟؟؟؟
    كتبت الموضوع ده لما لقيت ناس كتيييير اوووى بيغلطوا ولقيت ان الناس مش فاهمه معنى الاحترام،الاحترام موجود فى كل مكان ملازم للانسان المحترم زى ضله ،بعتب ع الشباب فى شىء لو وجدوا البنت محترمه يحترموها وفيه منهم اللى بيعوز يخليها مش محترمه ،ولو وجدها غير محترمه سورى فى اللفظ بيزيط ايوة تلاقيه غير الانسان المحترم اللى بيتعامل مع البنت المحترمه ......طيب انصحها لوجه الله هتقولى وانا مالى؟؟؟؟ هى اختى ؟؟؟هى حد من معارفى؟؟؟؟؟هى حد اتشبه بسببه؟؟؟........هى اللى مش متربيه و....و...وهى اللى سمحت لى........
    هقولك هى اختك فى الاسلام لو تقوم سلوكها وتفهمها انها غلط بس مع تحفظك معاها انها مثل اختك حفاظا برضه ع مشاعرها .......الرجال قوامون ع النساء......انت شاب كل يوم بتصدم ببنات اشكال والوان لو كل يوم تكون سبب فى هدايه حد اعتقد انك هتبقى اسعد انسان وربنا هيحفظ لك اهل بيتك ......صدقنى .......من يعمل مثقال ذرة خيرا يره ومن يعمل مثقال ذرة شرا يره..........داين تدان.......خد بالك واحفظ اختك وامك وزوجتك وبنتك وكل بنات دينك......باحترامك وحفاظك ع تعاليم ديننا.......البنت مشاعرها رهيفه جداااا بتستقبل اى شىء بسرعه الا من رحم ربى ......هيجرى ايه لما تكوون صادق.........مفيش مشكله تكلمها باحترام فى مواضيع هادفه ومفيدة هتستفيدوا انتم الاتنين .....الدين الثقافه كل شىء مفيد ..........وليه تسالها لون شعرك ايه ؟؟؟؟ليه يعنى ؟؟؟؟هتستفيد ايه ؟؟؟ولا حاجة هى بنت زى القمر يا سيدى عرفتها وبعدين ؟ياترى هتتزوجها معتقدتش لانك كده هتبقى بتظلم نفسك واحده وصفت لك نفسها هى كمان عاوزة ايه؟؟؟اللى بيجى سهل .....بيروووح اسهل ،من امتلك مشاعر امراه امتلكها كلها ممكن تعمل اى شىء الا من رحم ربى خد بالك منها هتتسال عليها يوم القيامه شوف كام واحده اضرت بسببك شوف كم واحده سبتها تضيع اكتر واكتر.........شوف كام واحده كنت سبب انها اتغيرت للاسوأ......ممكن تبدا من دلوقتى وتفتح صفحة جديده مع ربنا كلها صدق وحب ربنا اكتر وكون فى عون عباده هيكون فى عونك ....نقى نيتك واستغفر ربنا واقوى ع نفسك .




    وانتى بقى
    اوعى
    توصفى شكلك ،ولا تسمحى لحد يهزر معاكى هزار غير لائق بيهزر معاكى كانك ولد، خليكى غلسة حتى لو كان دمك شربات ،هو ملوش دعوة انتى حلوة ولا قرد،دمك خفيف ولا يلطش ،اتكلموا فى كل هادف لذيذ ،انتم الاتنين تقوموا مستفدين من خبرات بعض محافظين ع دينكم ،انتى بالذات محافظه ع مشاعرك وكرامتك،اوعى تنصدقى حد يقولك نبقى اصحاب واشوفك واعرفك ولو عجبتينى هتجوزك...............بيضحك عليكى .......عارفه ليه شايفك طيبه وساذجة......وع فكرة من وجهة نظره بتبقى كمان مش محترمه ممع انك ممكن تكوونى محترمه بس ضعفتى قدامه......اوعى تضعفى.......نصيبك هيجى لك لحد عندك وانتى معززة مكرمه ......اووعى تبحثى عن عريس انتى لااااااااااااااااااا...............انتى ربنا خلقك غاليه و نقيه حافظى ع نفسك............زوجك اولى بمشاعرك البريئه .......................هتتكلمى اتكلمى قويه عندك مبدا وسلوك قويم وتعاليم دين ماشيه وراها .....واى شاب هيحترمك وهيحترم عقلك ......اه واوعى تعملى برضه الكلام ده تمثيليه عشان توصلى ...مش هيكمل صدقينى ولو كمل هتبقى اتعس واحده .........نقى نيتك وانتى بتتكلمى مع اى حد ودايما خلى ربنا فى قلبك هيحفظك من كل شيطان والتزمى بتعاليم دينك ......مروة ماتت شهيده للحجاب ....وانتى بتفكرى ازاى تجذبى الناس بجاملك .........انتى جميله باخلاقك وبروحك وبدينك
    خدى بالك من نفسك



    سورى لانى كتبت بلغه عاميه مش فصحة عشان الموضوع ده محتاج كده



    بحبكم فى الله اوووى
    ونفسى ندخل الجنة ادينا فى ايد بعض
    بخاف عليكم ،من الشيطان وضعف النفس
    سامحونى لو كنت قسيت فى الكلام من حبى لكم والله
    ربنا يصلح حالنا جميعا

    0 التعليقات:

    إرسال تعليق