Demo image Demo image Demo image Demo image Demo image Demo image Demo image Demo image

فوبيا...بابا جاب لوز:D

  • الجمعة، 8 أبريل، 2011
  • هبة سامى





  • احم احم

    هو مش كان موز؟((:



    لا

    ده الجديد

    احتمال عشان بعد الثورة....يمكن برضه!

    واحتمال اللوز اغلى ومش كل الناس بتجيبه

    او انا كاتبه كده عشان اخالف فاعرف وخلاص....يا نهار فوبيا(:



    ماتقولش انى بخرف((:

    مع انه من حقك تقول كده واكثر كمان ههههههه



    بس لو كملت للاخر هتعرف اقصد ايه واحتمال نتفق او نختلف...فيه حاجة هتحصل

    بس هنتفق اطمن

    (:



    زمان كنت بستشيط غضبا_حلوة بستشيط غضبا دى :D- لما كنت اسمع او اشوف حد مستفز!



    مستفز لمشاعر عقيدتى او اتجاهاتى او اى حاجة شايفه انها صح بناء على تفكير وبحث وببقى عندى مليون حجة قوية للرد وممكن تعمل للى بختلف معاه هزيمه عقلية والمشكله انى كنت ببقى عارفه رد فعله.....بس انا مش بعتقد او ببحث عشان اهزم الناس عقليا

    اوعى اوعى تفكر كده

    وخصوصا يا اللى واقف لى عشان تنقدنى ....انقدنى بس بلاش الحتة دى هههههه



    انا ببحث ورا عقيدتى عشان ابقى ثابته عليها مش عشان اهزم حد بيها^^



    وكنت متأكده بقى وانا برد على اللى بيخالفنى باستفزاز

    أنه مش هيسمعنى ..........لانه مهمته انه يخالف..عشان اعرفه هههههههه سورى (اهبل يعنى)



    بس الصراحة انا اصلا مكنش بيهمنى هو......قد ما بيمهنى الناس اللى بتقراله وممكن يكون ايمانهم اعتقادهم مهزوز ..عادى يعنى....لا مش عادى.!



    كنت بتابع كاتب ده برضه زمان ههههههه كنت كل لما اقراله من اول العنوان كنت بحس ان قلبى هيقف ضغطى بيركب اسانسير بايظ طالع نازل من كثر السفه والتخلف وقلة حاجات كتيييييييير.........عيب لو قلت ان اولهم قلة الادب!:P



    دلوقتى بقى ولا بيفرق معايا اشوف اسمه مش صفحته بس

    لانه اكتشفت انه لازم يضحكنى.....وده عيب مش عايزة اسخر او اضحك على حد

    بس هو عمل فى نفسه كده.........ماتقوليش مش مشكلته انك عارفه وربنا هداكى وهو لا........لا مشكلته طبعا لانه انضج واكبر منى وقرا وبحث وربنا هداه السبيل باول حد بيناقشه بالحكمه والموعظة الحسنة مع انه لو بحث وشغل عقله شويتين بعمق هيعرف الحق فين؟....وهيعرف انه مالوش حقيقه الا فى الجنة! او عند ربنا هنعرفها يوم القيامه لما يكشف عنا الغطاء ونشوف بالبصيرة خالصة

    بس هو شايف (أناااااااااااااااااا).............يعنى انا فكرت مرة وطلعت بفكرة جهنميه مافيش زيي انا لازم انشرها وهى كدددددده

    هتشتمتنى مش هسكت لك....ماتنساش ان جنبى قاموس قلة ادب استفزك اكثر بيه عشان تتنرفز وتجيب غيرك يقرالى عشان تشهده علينا .......عيييييييب ده انا من زمان وانا كده!..........(مش انا هبة سامى يعنى اللى بقول كده ههههه....لا ده ع لسان اى حد عنده فوبيا بتكلم عنها وهوضح اكثر)





    قيس كلامى ده او حط تحته اى حد عامل جروب لمهاجمه الاسلام.....او المسلمين او الرسول......او افكاره لا هى غربية ولا هى شرقية دينيه

    افكاره بهلوانية (فوبيا ....بابا جاب لوز...اتخص يعنى هههههه وعاوز يخضك ويخرعك انت كمان)



    بترقص على حبل الاختلاف للخلاف وخلاص!



    سيبه يرقص

    بس اوعى تصقف ......او تقوله اقف!



    سيبه.....وروح جنبه ولم اللى حوليه



    بابتسامه صافية

    بكلمه حلوة

    حكمة وموعظة حسنة

    وحضن حنين تحتوى فيه لحظات شرود البنى آدمين (ههههههه غلط بنى آدمين دى...لانه آدم واحد ..مين آدمين ده؟)



    جمعهم على عكس الفكرة الى سمعتها ووجعت قلبك عليهم لو صدقوه

    خلى عندى

    علم قوى

    وقبل منه ايمان قوى





    بلاش تشتم عليه....او تهين انسانيته....او تقوله انت غلط بكلام يجرحه....ناقشه بقلبك عشان يوصل لقلبه كلامه ينوره(:

    حسسه انك بتحبه...مش عايز تخالفه عشان هو مش زيك!



    كل واحد بيقول كلام تحس انه لا يصدق ولا يفهم ومنهم ولاد الايه اللذينا دول بيتسخدموا انظمة لارباك عقلك الواعى

    زى الميتا مودل ...او نظم فى تنويم ....او حاجات كتير كده



    يعنى لو معندكش عقيدة واتجاه واضح ثابت الرؤيه

    هتحس ان فيه حد شد وتر مشدود !

    وهيخليك تايه ومش عارف.......ياماا هتشمته فهيشتمك وهيفقدك نفسك

    ياما هتبقى ع هووووواه





    أعمل نفسك مش سامعه واعمل زى ما قلت لك....اسال اهل العلم لو مش عارف ماتفكرررش فى كلامه ولا تناقشه!

    ولو عارف انت عارف هتعمل ايه....وصل صوت الحق لكل حد تعرفه وانشر عكس الفكرة (يعنى الصح).....بسلام وهدوء وحب(:

    طاقة 10 ايجابين بيفكروا وعايشين صح ممكن تصحى 100 سلبى تفهمه وتوعيه



    خليك راقى.....زى ما عمو ده بينادى وبيقولك حريه التعبير

    سيبه يعبر

    وانت عبر عن نفسك برضه وانشر فكرك.....وتجاهله هيجيلك ....ويحط ايده فى ايدك عشان يفهم!

    طول ما هو فى شد عشان يثبت وجهه نظرة عبثه هيزيد وفكره هينتشر مش عشان هو صح ......لا عشان ساعتها هيقولك انا ضحية الممجتمع المتخلف اللى مش بيسمع الا صوته هو وبس.....وهيجيب شويه من اللى زيه وهيقعدوا ينتشروا



    وانا عارفه انك مش عايز كده





    انا بقيت بعمل كده من فترة طويلة

    الاول كنت برد بحكمه وموعظة حسنة برضه.....بس كنت بتعب من جوايا

    عشان بيصعب عليا((:



    قلت لاااا لازم ابقى ايجابيه بطاقة الحب للعالم كله واللى بيخالفنى قبل الى بيحبنى لانه محتاج لى اكثر اصبر عليه(:

    وانشر فكرى والفكر الصح بالهدى والصبر والسلام والهدوء (:

    لعل فى يوم اللى بيغلط يتوب



    حب قوى كل شىء ....هيحبك كل شىء



    اتعلم ...وحب...واغفر...وخد بايد الناس....وعيييييييييش

    واتنفس حرية



    وجدد نيتك فى كل شىء انه لله

    لو عملت كده مش هتغلط.....لانك بتقدم كل حياتك لله



    عيش صح وخلى لحياتك روح

    علم واتعلم........وماتكونش متعصب ولا متحمس بزيادة......





    خلى عندك سلام نفسى مع نفسك ومع العالم

    وخلى كل شىء للوقت اللى يحتاجه .........بهدوءءءء





    سلام عليكم بقى





    أه ع فكرة

    أنا بحبكم قوى فى الله....وما كان لله دام واتصل^^





    النوت دى للطريقة للرد على الناس اللى من النوع ده بشكل منظم بعنوان توك توك شو



    http://www.facebook.com/note.php?note_id=414089971925







    خليك كده
    زهرة....بتبعث الجمال فى النفس رائحتك زكية ولونك مشرق ...ووقفتك هادية مبتسمه للحياة



    عشان اتكلم ....مش لازم اتعلم.....مش عندى لسان....يخطب ويبان....يبان فصيح....اصلى صريح....بعرف اخرج كلامى الابيح.....اتكلم عن الدين ....مالك انت مش انت اللى هدين....انا بفهم وبقرر ...بلاش تتهور...ده انا حد ملمعنى الفكر المستنير....هتتكلم هتخرس....وانا مش هخرس....ولازم تصقف....ده انا وصلت خلااص للجاهل والمثقف....لسانك حصانك...ان صنته صانك...وان مصنتوش اتحمل كلامك...اصلى مش هحتالك....هبهدل جنابك.....هرد واعبر وازف واجرجر كل اللى يتكلم ويقولى انت مالك؟؟!!!

    تعبير عن فكر كل صاحب فوبيا بابا جاب لوز((:









    يارب نور بصيرتى والهمنى رأى العقل

    احمينى

    نجينى

    اهدينى

    واحفظنى

    واحفظ لى صله الرحم والاهل

    يارب هون كل صعب واجعل طريقى سهل



    يارب بحق ما شقيت لموسى جوة البحر طريق وبحق ما رزقت مريم مية تبل الريق وبحق ما حفظت يونس جوة فى بطن الحوت وبحق ما نجيت ابراهيم من اللهب والموت ويحق يوسف الامين ع تلال المال وبحق ايوب ما صبر صبره يهز جبال ترزقنى ضى فى سكتى وكتابى باليمين وتصلى ع سيدنا النبى امام المرسلين عليه الصلاة والسلام





    دائما بحاول اكون انى اكون انا......اتحدى كل الكون واملا الدنيا غنا!.....فى الصورة دى اجد روحى^^





    ولدت باكيا والناس يضحكون •• إعمل خيرا لترحل ضاحكا والناس يبكون♥



    (:


    تم حذفها من صفحة الفيس بعد تعليقات احترمها واقدرها جدا


    #
    Kareem Zien ربنا يكرمك يا هبة
    اتمنى العالم كله يبقى نسخة منك فى النقطة دى
    ربنا يثبتك ويوفقك دايما
    about an hour ago · LikeUnlike
    #
    Heba Samy ميرسى يا كريم.....كلك ذوق....شكرا لحسن ظنك^^
    about an hour ago · LikeUnlike
    #
    نهاد رجب ههههههههههههههههه
    جميلة اوي ياهبة وفعلا الواحد لازم يثبت دايما عقيدته علشان ميتأثرش بسهولة ، نظرية جميلة وتستحق الدراسة ، تسلم ايديكي
    52 minutes ago · LikeUnlike
    #
    Mohammad Shaker جميلة يا هبة، بتحكي فيها وتتكلمي عن أسس الحوار الراقي، واللي لازم في أوله أكون هاااااااادي علشان أقدر أوضح وجهة نظري بطريقة سليمة، معاكي في النرفزة اللي كانت بتحصل، من بعض الناس واتكلمنا قبل كده عن فكرهم وآرائهم ، ربنا يهديهم
    48 minutes ago · LikeUnlike · 1 personLoading...
    #
    Ahmed Khattab ElSayed
    نوت جميلة, و تشمل معاني الديمقراطية و قبول الآخر :)

    و لو إني مختلف مع جزء بسيط منها و هي إني لازم أسمعه كويس و أنصت له و أفكر في كلامه علشان أعرف أرد عليه من كلامه هو, بس لازم الأول يكون عندي عقيدة راسخة و سليمة و أكون فاهم تقنيات الإقناع..

    و... حلو كسر المعارضة إلي في الأول بتاع اللوز و الموز: يخلي الواحد يكمل للآخر ;)

    1 التعليقات:

    محمد يحيى يقول...

    انا ببحث ورا عقيدتى عشان ابقى ثابته عليها مش عشان اهزم حد بيها
    بجد هو ده اللى المفروض نعمله .
    شوفى المقوله دى لدكتور وولتر أوسكار لندبرج بيأول أيه بأى :
    " أما المشتغلون بالعلوم الذين يرجون الله فلديهم متعه كبرى يحصلون عليها كلما وصلوا إلى كشف جديد فى ميدان من الميادين ، إذ أن كل كشف جديد يدعم إيمانهم بالله ، ويزيد من إدراكهم وأبصارهم لأيادى الله فى هذا الكون "

    إحنا مش فى حرب إحنا ربنا سلام بيحب السلام واحنا لازم ننشر السلام علشان دينا بيأمرنا بكده
    إستمرى يا أستاذه هبه ربنا يقويكى ويساعدك ويعينك
    وخليكى دايما أحسن منهم لو هما غلطوا إنتى لأ متعمليش زيهم لإنك دايما فى موقف أفضل منهم وخليكى فاكره إن ربنا قال " أدع إلى سبيل ربك بالحكمة الموعظة الحسنه وجادلهم باللتى هى أحسن "
    فى النهايه بشكرك جدا عالنتوت دى بجد جميله جدا وأسلوبك دايما مميز وجذاب جدا ربنا يحفظك ويفتح عليكى ويقويكى ويجعل أيامك كلها سعاده ورضا
    محمد يحيى

    إرسال تعليق