Demo image Demo image Demo image Demo image Demo image Demo image Demo image Demo image

من غير أمارة

  • الجمعة، 15 يونيو، 2012
  • هبة سامى

    • من غير أمارة خااالص ..
      و بدون عذر و سَنَد ..
      قررت اكون متفائل ..
      بالعِند ف النكد ..

      قررت إنى اغنِّــى ..
      لو كل الكون سكوت ..
      لو مِية سد ف طريقى ..
      قررت اعنِد و افوت ..
      قررت اعيش بـ كيفى ..
      و حلمى يبقى سيفى ..
      و اهزم دولة خريفى ..
      بـ ربيع فيا اتولد ..

      قررت يا بلدى اشوفك ..
      أغلى و أجمل بلاد ..
      و ف لوحتِك الحزينة ..
      ألــوِّن السواد ..
      قررت اكون مشاغب ..
      و اكون جدع و صاحب ..
      و امَّـا تهــل المصاعب ..
      ثابت زى الوتَــد ..

      لـ الشاعرة : دعاء عبد الوهاب

    0 التعليقات:

    إرسال تعليق