Demo image Demo image Demo image Demo image Demo image Demo image Demo image Demo image

هتعمل ايه ساعتها .. تفتكر هتموت ؟ .. عيش !

  • الجمعة، 19 يوليو، 2013
  • هبة سامى
  • قبل ما تقرا النوت أنزل تحت أسفل المدونة وأقفل الأغنية ولما تخلص القراية شغلها تاني هتقولك حاجة عاوز تحسها



    هتعمل ايه لو قمت يوم وصحيت ولاقيت أقرب ما ليك فى الدنيا مش حوليك
    إتكلمت فى الموضوع ده قبل كده وقلت كل حد فينا بيعمل ايه ع حسب تقبله اللى بيحصله او اللى بيكون السبب فيه

    أحياناً بنلاقي احسن وسيلة للوجع الهروب والإستسلام للواقع بمراراته ووجعه والمه اللى بنحطه قدامنا مش عاوزين نشوف غيره

    وساعات بنقاوم واحنا سادين ودانا عن أنين الألم وتكحيته إزاز صوته بيعزف بألم الوجع .. ونقوم نغسل وشنا نضحك من برة ومن جوة نتعصر قلم .. نكره احلى ما فينا ونقول هو السبب نقول طيبة نقول حب نقول سذاجة وبنقرر نبعد قوي عن كل ده ونقول خلاص هيبقى الجفا والضحك لينا عادة

    وساعات بنعيط شوية ونقول لازم نطيب .. نواجه نفسنا بالسبب والنتيجة ونتحسن قوي وسط كل ده ونواجه كل شىء بشجاعه .. القلب وجعه صعب وساعات مميت بس محتاج عقل يطبطب عليه ويبقى زى الطبيب يعالج جرحه لما يكتشفه ويفحصه وبدوا بيوجع يحيه وينظفه .. ويعدي بيه الوقت يدبل ويخف ويمكن يسيب اثر .. ونكمل حياتنا بدون موت بحياة برضه بس وايه المشكلة ما احنا لازم نقع


    عارفين ؟
    الخوف ساعات بيكون السبب بنضيع بيه الحقيقة .. عشان مانشوفهاش ونغيش فى وقت يوم اتنين سنين خايفين نفوق نبقى لوحدنا
    بس الحقيقة موجودة تفضل تواجه فينا كل شوية لحد ما فى يوم نتصدم مش فى اى حد بس فينا .. لو من الاول وقفنا وعرفنا الحقيقة ويمكن كنا لاقينا حل وفرنا ع نفسنا حاجة كان لازم نتعلمها بدل ما نتعلمها فى يوم قدناها فرصه لالف نفر يعلمهلنا وفى الاخر نقول الناس دي خاينة وهو ده القدر !

    من أصعب الجُمل وأكثرها تأملاً : " لو كنت عارف أن دي آخر مرة هشوفك فيها أكيد كانت هتفرق في الوداع "

    كلنا بنتفنن نثبت إننا على حق .. وكلنا بنعند ونتمسك أننا صح
    ونندم قوي وقت ماينفعش فيه ندم .. بنقطع فى بعض .. بنجرح فى بعض .. وكل واحد نفسه يبقى ضحية التاني .. يمكن ضحية تسرعه ويمكن ضحية سوء شخصيته ويمكن لحاجات كتير .. بس الحقيقة الوحيدة بقى : أن اللى بيعمل كده حد من أتنين شخص غبي بيحب يعيش حياته ضحية وبيضيع لحظات السعادة من إيديه او شخص عمره ما حب ولا هيحب فاكر كل الدنيا تجربة بيضيع من نفسه وبيضيع الآخريين وبيفقدهم ثقتهم بنفسهم والعالم .. والحقيقة الأكتر بقى : ان الحُب فعلاً بيصنع معجزات
    وفعلاً بيغير الناس
    وفعلاً حاجة حلوة تستحق نتمسك بيها

    بس ده للي بيحب بجد .. قلبه بيتملي مهما بيفضى من طاقة .
    لو متملاش .. معناه أن مكنش حاجة ولا كان فى يوم هيبقى حاجة ,, كان بس يوم دقة أمل متغمسة بكدب وخداع عشان يمثل انه انسان قدر يعيش . !

    فكر وقرر انت مع مين ؟ بتحب بجد ؟
    لو جاوبت على السؤالين .. هتوصل لنجاح العلاقة أو إنهائها . . ماتزعلش قوي كده حل أو قرر تبقى إنسان مسئول عن عواطفك وعواطف ناس متشعبطة فى قلبك وهي كمان لازم تفهم وتقرر .


    مافيش حاجة نهاية الدُنيا .. فى النهاية كل البداية
    اعرف مين معاك ؟ بيحبك ؟ بيتهم بيك ؟ راضي عنه .؟ بتعرف تحكي له .؟ بتعرف تشتكي منه ليه .؟ بيفهمك ؟ بيتغير لما حاجة تضايقك ؟ بيحاول يطمنك ؟ بيحضنك ؟ بيحضنك بكلامه ؟ بيخفف عنك وجعك ؟ بتحس ان كل الدنيا فيه امان ؟ مش بتخاف يسيبك ؟ أصله ثقة .. حاجات كتير لازم تسألها نفسك

    مسئول عنك ؟
    مسئول عن سعادتك ؟
    طيب انت مسئول عن سعادته ؟
    بتنجحوا سوا ؟
    قلبك مطمن وعقلك بيخطط ؟

    متظلمش قلبك ونفسك وعمرك مع حد كان عايش نص حالة او عاوز يعشها او يخاف يكملها او عايز يعيشهالك عايش هو بنص قلب وعاوزك تديله كل قلبك لحد ما يموتك بخنقة مشاعره اللى عاش يموتها عشان يعيش سعيد مش باكي الا ع نفسه

    عيش كل حاجة لآخرها
    حب للآخر
    وانجح للآخر
    وافرح للآخر
    واحزن للأخر وبعد كده قوم

    هنكمل .. متبكيش اصلك لازم تعيش


    هبـــة ســــامي
    " القلب فهمه .. يطمنك .. والعقل فهمه يرضيك "
    متبسش حد ياخد من قلبك حاجة تطمنه
    ولا من عقلك اللى يرضيه ويسكتك
    وتقوم وانت لوحدك
    هتكمل ماتخفش
    بس لو دي اول تجربة او العشرة او العشرين خليها الاخيرة .. عشان تعيش راضي عن نفسك حتى لو لوحدك صدقني فى يوم هتلاقي اللى يكملك وبقلبه يرجع لك باقي اللى رجعته وانت مكمل طريقك عشان تعيش .
    وهيفرحك
    بس انت قول " يارب "

    0 التعليقات:

    إرسال تعليق