Demo image Demo image Demo image Demo image Demo image Demo image Demo image Demo image

هتعمل ايه؟!...2

  • الأربعاء، 14 سبتمبر، 2011
  • هبة سامى
  • هتعمل ايه لو شوفت نفسك فى المراية بكيت؟!
    يمكن عشان حسيت انك اتقسمت اتنين!
    نص معاك زعلان....ونص تانى ماتعرفش هو فين؟

    يمكن عارف......بس بتسال وتقول ليه؟

    لما فى يوم بنصحى مش بنلاقى اقرب مالينا فى الدنيا!

    وسألتكم فى النوت اللى فات هتعملوا ايه؟



    فى مننا:
    هيقعد يبكى وينهار ويظهر انفعالاته الداخليه جدا ويعيش فيه...وميبقاش قادر على الفراق وهيحس انه النص اللى راح منه ميقدرش يعيش من غيره
    وهيبقى عايز اللى فارقه يرجع ايا كان حاله
    مات
    نصيب فرقكم
    او ظروف
    او اى حاجة فى الدنيااا



    ومننا:
    هيقوم مع صدمة اول لحظة فراق يقوم ويهندم نفسه ويظبطها حتى لو بيكدب على نفسه فى الاول!
    يقول ده المكتوب وانتى احسن دلوقتى ويكمل حياته بقلب راضى ويقفل على قلبه اللى بينزف من الجرح والالم الباب ويطفى النور عنه وعن الناس ويعمل نفسه مش سامع صريخ قلبه!
    عشان يقدر يكمل ....يتجاهل كل انفاعلاته ومشاعره ويحبسها!
    وهيعمل نفسه ناسى ويقول انا حتى مش فاكر اى شىء حصل قبل الدقيقه اللى انا عايشها!


    وبيتقن تمثيل انه كده فعلا!
    بس هو مش كده!
    هو عايز يبقى كده
    لانه معندوش استعداد الناس تشوفه مكسوراو حتى نفسه تشوفه كده....بيشوف نفسه هيقوى بالله رغما عن نفسه!

    وهيقعد يجرى يجرى يجرى يجرى قوى
    ويهرب من كل حاله حزن او اكتئاب ...
    يجرى فى الحياة القويه اللى بتستمر....الحياه مش بتقف
    يمكن خايف يقف فجاءة يفوق يلاقى نفسه فى مكان الكل مش فيه لانهم مشيوا مع الحياة!

    وشعور الوحدة والانكسار ...بالنسبه له موته
    بيفضل الجري والهروب!



    ومننا:
    هيهرب قوى ويجرى يجرى يجرى يجرى
    ويهرب ويخبط فى الدنيا ......والدنيا تخبط فيه ويعمل صاحبها
    وهى اكبر عدو ليه....وهو اكبر عدو ليها....باللى بيعمله فى نفسه
    من هروب فى وسط طرقها العتمة اللى مزغللة عينه باول عتمة نور مزيفة!



    حاول انك فعلا تقوى...وتستمر رغما عن اللى جواك من مشاعر ضعيفه مهزومة قدام الفراق!
    مقدمكش
    غير انك تكمل حياتك.........لو كان الفراق موت...ادعى بالرحمة وحس بوجوده فى مكان احسن وتتقى عملك فى الدنيا عشان تروح له وانت مستعد!
    لو كان الفراق اى شىء تانى.....مممكن تحاول ترجع اللى راح  وتغير واقع حياتك...بس ده لو بايدك!

    بس وانت عارف انت عايز ليه ترجعه؟!
    وهتعمل ايه؟

    ولو مش هيرجع والنصيب اقوى منك....لان ساعات قلة ثقتنا بربنا بضيع منك حتى نصيبك الحلو!
    لازم تبقى واثق ان ربنا هيحقق لك اللى انت عايزه من قلبك
    ده ربنا احن عليك من والدتك!

    لو بقى النصيب اقوى منك
    لازم تقوى وتصفى وتفتكر كل اللى راحوا بالخير وتنسى كل شر او اساءة
    وماتفكرش كتير فى اللى فات
    قلبك جواه وجع مش لازم تقعد تصحيه....ارضى ارضى قوى

    بص للى جاى كانك مولود جديد
    حتى لو انت حزين
    دارى حزنك فى انك تشيل هموم غيرك وانك تحاول تعمل حاجة تسعد بيها ناس كتير!

    هيعوضك ..وهتحس فعلا انك قوى
    حتى لو جواك كائن ضعيف!

    ومتمثلش لأ
    نسيانك للى فات هيخليك تحس ان عمرك كله يوم!....طفل برىء صفحته بيضاء بس ذكى وعارف هيعمل ايه!


    النسيان مش سهل

    يمكن محتاج ارادة ....وقلب صافى!

    صفى قلبك ...هتصفى حياتك

    عدم سماحك هيأذيك اكثر ما هيأذى اللى انت مش قادر تسامحه!

    مافيش وقت تضيعه فى انك تكره حد او تزعل من حد

    عيش حب الناس وعيش
    هتلفى الظلمة نور
    حب والناس عمرهم ما هينسوك!


    اجابتى بقى على السؤال هو التفكير فى التوبيك اللى انا كتبته ده
    وعشان ابقى اوضح فى نقط

    انا واحده من الناس فى عز ما ببقى تعبانه قوى
    بحب ابان واقول انى قويه قوى
    وبحب اتناسى كل مشاكلى وهمومى اتناساها بس مش بنساها !
    وابقى فى وسط ناس اساعدهم واسعدهم على قد ما بقدر
    واكون مخلصة دائما ابدا
    حزنى مش هيرجع حاجة.....بالعكس ممكن يزعل ناس عليا
    وانا مبحبش ازعل حد او حد يشيل هم همى
    همى اشيله لوحدى ....وجعى كفايه انى انا اتوجع بيه لوحدى
    محدش له ذنب!
    عشان كده اكتر وقت بزعل فيه بقعد اهزر واضحك واتقن تمثيل انى تمام!
    ممكن اكون انا النوع الثانى!
    فى كل حالات الفراق فى موت او كله

    بداريه بالابتسامه والطاقه الايجابيه والشغل الكتير
    فصبر جميل....والله المستعان على ما يصفون

    وربك كبير ....لما بيريد كل شىء بيكون(:
    وبيقوى وبيكرم وبيجعلك طاهر فعلا




    *مقدمكش ومقدمكيش اى حل تانى.يمكن ده قوة الضعف أنك تسلم امرك لله اللى بيده ملكوت كل شىء
    كده كده هتكمل كمل وانت قوى وراضى ومتحكم فى نفسك
    وماتضعيش باقى عمرك تبكى على الماضى وتعيش فيه!
    ويا بختك لو انت مظلوم ومجروح من شىء وبتحاول تنسى وانت مكنتش السبب فى اللى انت فيه!
    كل بيد الله
    وده قدرك اصبر فصبر جميل..مهما كان حمله تقيل!



    *سر قوتك فى انك تحاول ترجع النص اللى ضاع......انك تكون صادق مع نفسك!
    وعارف انت عايز ايه؟


    *حاول على قد ما تقدر تكون حكيم فى كل تصرف ولا تستكبر ...انك تحاول
    ماتقعدش تعيط.........قوم غير من الواقع
    حاجة راحت حاول ترجعها........او تكمل وتغير حياتك للاحسن
    عشان ما يجيش يوم الندم!
    اصعب يوم ممكن يمر عليك فى حياتك يوم الندم!
    لما توصل لاخر الطريق .....وقلبك متعلق بحاجة كان ممكن يحققها فى اول الطريق وكمل وهو بيضحك ع نفسه وعامل انه مش عايزها
    كن واضح مع نفسك ومع حياتك
    وضوحك هيعرفك حقائق......وهتبقى عارف تسيب ايه وتمسك فى ايه؟
    وضوحك والحقيقه اللى هتلاقيها نتيجة وضوحك وانك.طول الوقت بتشوف بالبصيرة وتشيل غشاوة امراض النفس من كبر و و و و
    هيريحك وهيخليك تعمل كل حاجة وانت مرتاح .....اوعى تسيب فى حياتك لغز او عشان حاجة تعبتك فترة ...تسيب اطلالها جواك...انطق بيها وسمع العالم كله لانها اكيد هتبقى بريئه ومشروعه....وده هيخلى حياتك دايما بيور بتعمل الصح وبتصرخ بيه
    !
    الحياه بسيطة ....وجدا.....بنعقدها بعقدنا....وجهلنا وغباءنا ساعات!
    اكثر حاجة هتريحك وهتليخك دائما اشعاع للضوء اللى بينور حياتك وحياه اللى حوليك
    الوضوح والصدق والرضا  .....والتعبير عن النفس ببراءة وصفاء!
    وحقك ......
    أعند فى تحقيق حلمك .....





    *قمة الاحتياج هو الى ماتقدرش وماتعرفش تعبر عنه....وقمه الحزن هو اللى تستكبر انك تبينه!


    فصبر جميل...عسى الله ان يتبدل حالك فى ليلة وضحاها
    ارضى
    واطلب من الله
    وثق
    هتلاقى الخير كله(:





    يا الله(:
    الله اكبر

    هبة سامى

    0 التعليقات:

    إرسال تعليق