Demo image Demo image Demo image Demo image Demo image Demo image Demo image Demo image

أنت والنجوم والاحلام !~

  • الخميس، 22 سبتمبر، 2011
  • هبة سامى
  • الاحلام !
    كلنا احلام
    السعادة
    النجاح
    الحب
    الجواز
    العلاقات الاجتماعيه
    و....
    و....
    مليون الف حلم ....حتى نومنا بقى حلم !
    اصل مش كل نوم ممكن نسميه نوم
    ساعات بيبقى هروب ...وده مش حلم ....ده موت افكار ومشاعر وحلول !

    امممممم احيانا بنحب نهرب من صوتنا جوانا
    احتمال من كثر ما تعبنا ....

    بقينا اشطر وافلح فى ثقافه الاستيكر !
    نلزق ع ده استيكر انه كداب والتانى منافق والتالت مريض .... وطول الوقت بنهرب من اننا نلزق استيكر ع نفسنا  وبتقول محدش هيفهمنى !
    لان انا نفسى مش عارف نفسى لس هفكر
    مين انا؟
    عاوز ايه؟
    بحس بايه؟
    اوازن ازاى؟
    اسئله كتير

    احم تنهيدة كبيرة ....لحظة صمت !

    بياخد وقت كتير
     ساعات بنحتاج الدنيا تلطشك قلم كبير وتفقدك روحك عشان تعرف كل ده وتوازن غصب عنك !
    لاما هتعيش نص ميت ونص حيي حتى مش عارف تعيش الحياة بنصك الحي لانه ممسوخ

    مش بقول كلام كبير ولا مكلكع
    بس الدنيا ماسخة واحنا فى اوفة
    او واحنا بناكل بتنجان كتير هههههه




    وهنبقى مسخ طول ما احنا بنهرب من الاسئله اللى لازم نسالها لنفسنا عشان حتى يبقى لنا مبدأ ثابت
    مش مثلا قدام الناس حاجة عشان هم يحبوا يشوفوا كده ....وبينا وبين نفسنا بنكسر فى كل حاجة عشان نرتاح من كثر الكرافاتات والسنيهات والحياة المتزوقة المخنوووقة اللى رسمناها عشان نوصل لحلم سمناه حلم
    فى فترة كنت بانيه طموح حدوده السما .... وكنت هنسى حاجات كتير وبقتلها بايدى عشان طموحى اللى هو هيحقق انى مثلا ابقى لقب رغم استمتاعى به
    بعد فترة من كثر اللى بشوفه وبسمعه فى الناس ومن الناس
    لقت الحياة مش شهادات مثلا ! ومش لقب فى مكان بحبه ! الحياة متعه كبيرة اوووووى
    انى اكون مستمتعه بالعلم وهو مرن كده مش عشان ابقى طويل العمر يطول عمره هاى هىء
    عشان اعيش احسن ..عشان افهم الدنيا والناس عشان اقدر افدهم صح بس وانا زى ما ربنا خلقنى ...بفطرتى كأنثى وبالحاجة اللى خلقنى عشانها
    عشان كده عمرى ما بكمل فى حاجة ببدأ فيها
    بحس بخنقة شديدة وانا ملزمة فى مكان بشويه حاجات ...طول ما بحس ان الحاجة دى خارجة منى بنجح وبكمل او لما يدخل كلمه لازم ! من حد تانى !
    بلاقى نفسى بنسى وبروح لحاجة تانيه بحبها اكثر وبتحكم فيها عشان كده بمووووت فى الكتابه والقراية وكل حاجة حرة شقيييييية ! بشقاوتها تخلينى هادية نفسيا
    بكره الصراعات رغم انى مابدخلش صراع وبخسره ابد ا الا لو كان حق اقدر اخده اسيبه عشان عوض ربنا اكبر واحلى والفطرة تقولك تبقى هادى لما تعرف الصح والغلط االحرام والحلال !

    مؤمنة بأن
    طول ما بتقدر تاخد حقك ...سيبه اللى عند ربنا اكبر واكتر بكتير
    بس المهم تكون بتقدر !

    ساعات بنعمل حاجة عشان نحس بلذة معينه لوقت معين
    يمكن لانه اللى عاوزين نعمله غلط... طيب ما هو فيه صح ؟
    عشان كده مافيش مبرر لاى حد بيغلط ع وجه الارض
    فيه اسباب بس عمرها ما بتكون مبرر
    لان كل حد بيقدر يخلق لنفسه حياة سعيدة جدا
    فى الصح والنور ويصرخ بيها قدام العالم كله ..ومش هو كمان دى الحاجة الحلوة اللى عاوزين نعملها ...كل حاجة صادقة العالم كله بيصدقها !
    حتى اللى ضدك

    ونقعد نندب عليها ساعات جوة بيبقى ألم كده عامل زى حكه أزاز نكره نفسنا ونكره حياتنا كلها ونهرب !
    هى دى حياة ؟

    مش عارفه فترة ترويض النمرة اللى اخدتها فى حياتى دى هههههه
    تعبت منها كتير
    اكتئبت يمكن !... بس كان اكتئاب مضحك احتمال لانى بعند بقول لااااا انا هعيش الدنيا اللى بحلم بيها غصب عن عين الدنيا كلها
    مش بالقاب بحياااااااة كده

    واللى بيساعدنى ع كده كلام ربنا
    والحكمه و الحب والقلب اللى مليان حرية عشان كده عمره ما هيجبر انه يكره حتى اللى اذوا ...قلت قبل كده مش مهم !

    مش عارفه ؟
    عاوزة اتكلم اكثر
    بس مش عاوزة اطول عليكم  اكثر من كده !....وكمان عاوزاكم تفكروا وتجاوبوا إيه هى حقيقه الحب ؟
    وإيه هى حقيقة القلق ؟
    وليه موجود فى كل نفس بنتنفسه ؟

    لكل ده عندى اجابه ممكن تصدم !
    وممكن نعوز نسد ودانا ونعمى عيونا عشان مش عاوزين نتحرر ؟

    كلنا قلنا ثورة ثورة عشان نحرر البلد من الفساد
    الفترة اللى جايه لازم كل واحد يقول ثورة ثورة عشان يحرر نفسه من كل كلكوعه مكعبرة عملتها حاجات سموها عادات !
    وحاجات سموها احلام وطموح وبتنجان مقتول !

    بعشق الطموح والنجاح والتيمز فى بصمتك فى الحياة ...بس ارجوك
    وأنت عايش !

    عايش يعنى الدنيا كلها عارفه كل حاجة بتحبها كل حاجة بتعملها حتى وانت لوحدك ...من الاخر ماتنكسفش منها !
    مافيش حاجة فى الدنيا ممكن نتكسف منها الا الحاجة الغلط اللى هتدبح اجمل ما فينا

    وكل حاجة حلوة تقدر تسعد بيها العالم حتى لو مش حبوها بس ع الاقل فهموا انك عايش حتى لو مش لازم يعرفوا
    لازم انت تكون عارف انه
    ربنا هيحاسب ع الحاجات اللى بنخنق نفسنا بيها
    وتكون متوقع
    ان الناس ممكن متقلدكش مثلا فى طاعه بس بيبقوا بيغبطوك لو المهم أنت !
    يبقى ماتتكسفش
    وعشان ماتتكسفش وكمان متبقاش بجح ههههههه يبقى قرر هتعيش حياتك ازاى فى حين ان كل لحظة هتتحاسب عليها دنيا و اخرة !
    بس هو اختيار حتى النصيب اختيار
    (:

    الثورة هاتكون لما تجيب الحقيقة هنتخيل انها بتعرض عليك فى شاشة تلفزيون
    وانت هتفضل مفتح ! وهتلزق وشك كمان حتى لو جه منظر وجعك لانه فيك !

    هستعين بكتاب الاحلام
    لدكتور مصطفى محمود
    الكتاب ده قراته من شهور طووويله ونصحتكم تقروووه لكل اللى عاوز يعيش بجد !

    زمان كنت اقول ان مافيش حاجة اسمها حقيقه بس فيه حاجة اسمها حق !
    بس طلع
    ان فيه حقيقة وهى القاانون اللى بترتاح عليه نفسنا زى ما فطرت !

    من قلبى بقول سبحانك ياربى ^^
    نويت اكمل
    حقيقة القانون فى مقالات فى مجله فورورد  .... وعارفه ان حلمى فى عاوز اتغير هى حلم كل واحد فينا عاوز يعيش مش موجوع من حقيقته وعايش كل تفصيله زى ما هو عاوز
    ناجح
    سعيد
    حياته مليانة حياة بيحب وبينفعل وبيقدر يعمل كل حاجة ... ع فكرة كلنا الحد ده وربنا سن قوانيه عشان نعيش الحد ده !
    كل لما بنهرب
    كل لما بنتعب

    وصدقنى وهقولهالك تانى
    هو اختيار
    حتى النصيب اختيار !
    (:

    منتظرة تعليقكم
    واجابة الاسئله اللى هجاوب عليها فى نوت جايه
    إيه هى حقيقه الحب ؟
    وإيه هى حقيقة القلق ؟
    وليه موجود فى كل نفس بنتنفسه ؟

    هبة سامى









    النجوم المميزة لها تأثير قوى مهم ينهار العالم بدونهم
    حتى على القمر الذى يضىء العالم
    يعكس ضوء النجمة فاصبح قمر يتغزل العالم فى طلته وتأثيره

     يشرفنى رأيك وتعليقك ويسعدنى كثيرا

    للتعليق ع الفيس بوك
    اضغط هنا

    0 التعليقات:

    إرسال تعليق