Demo image Demo image Demo image Demo image Demo image Demo image Demo image Demo image

صالون رشا خليفة رقم3.......رشا تيبس)(:

  • الثلاثاء، 15 فبراير 2011
  • هبة سامى
  • السلام عليكم
    وصباح الخير او مساء الخير ايا كان الوقت اللى هتقرا فيه النوت دى:D

    امبارح اللى هو كان 12 مارس الساعه 3 كان ميعاد الصالون الجامد جدا كالعادة
    صالون رشا خليفة او رشا تيبس

    اللى بتقول كتيييير(وراكم يا شباب مصر لحد ما تشتغلوا)
    يا انا يا نتم فى البلد دى
    ودايما تقول مافيش بطالة والشباب يقولوا فيه.........(أه لو الشباب يبطل كلام ويبدأ بقى يعمل حاجة)
    بينى وبينكم انا مقتنعه جدا ان فعلا مافيش بطالة وخصوصا بعد ما بسمع رشا واللى بتقدمه وبتقوله عن كيفية اولا ايجاد فرصه عمل وكيفية تطوير الذات ودايما تلاقى كلامها عن الشباب اللى عاوز ينجح لازم يبقى
    عنده ايجابية..........جدية..........تلقائية..........ذكاء ........عنده هدف قدامه بينور ويزمر ومشششششش بيسكت:D......اقتناص فرص.....ومؤخرا انه ميكنش ودنى:D
    يعنى بيسمع كلام الناس ويعطل نفسه (معنى كلمة ودنى)
    وطبعا ده ممكن تتعلموه اكثر بطريقة شيقة ودمها خفيف ......لما تتابعوا خناقشات موزا ونوفا:D
    خناقشاتهم مش بتنتهى ع كل حاجة خاصه بالوظائف قبل وبعد التوظيف

    وطبعا كعادة رشا المميزة فى صالونها المميز ان كل الموجودين معاها وبيقدموا شىء للصالون برضه بيكونوا مميزين
    لشباب برضه عاوزين يبقوا مميزين ويلاقوا طريق........

    قالت ان فيه مفاجأأأأأة فى الصالون من ساعه لما اعلنت عن ميعاده.........وكله كان عاوز يعرف ايه المفااجأأأأة
    طبعا المفاجأأأأأة

    وجود أ/دينا الجيار
    مدربة فى مجال التسويق الإلكترونى والتجارة الالكترونية والعمل عن بعد بواسطة الإنترنت
    اتكلمت عن التسويق الالكترونى؟؟؟
    باختصار شديد هو تسويق منتج او فكرة او اى حاجة عن طريق الانترنت باستخدامات البوابات الالكترونيه كلها
    وسائل مدفوعه ووسائل مجانية وكله من ع الانترنت فى البيت
    الطريقة الاولى يبقى فيه سايت
    او برنامج جوجل برنامج اعلانى شركة اعلانات بتوزع عليها والحساب باى كليك مش بالشهر
    اى موقع يكون الزوار المستهدفين فيس بوك او المصراوى او غيره

    والطرق اللى قالتها زى المواقع وقالت لنا بعض المواقع الهامه
    زى(الطريقة الاولى)
    www.khalya.net
    www.lancerscafe.com
    www.mangan.com
    www.wazayef.com
    ____________________
    www.odesk.com
    www.scriptlance.com
    www.getafreelancer.com
    www.guru.com
    www.elance.com
    ____________________________________________
    الطريقة الثانية:وبما ان رشا بارعه فى كتابه الوصفات والمقادير لاى وصفة سحرية
    قامت وسجلت كل كلام استاذة دينا فى نقط

    1)بريد الكترونى ع google
    www.gmail.com

    2)الدخول ع موقع blogger
    لعمل مدونة

    3)www.google.com
    أ)adword
    ب)adsense
    حساب جديد.دولة .مدينة.حى.شارع.عمارة.دور
    ولازم يكون الاكاونت ببيبانات صحيحة ليك وبالظبط...عشان الشيك اللى يتحول لعنوانك لازم اكيد يكون باسمك وعنوانك صح

    والرمز البريدى02002

    4)كود من جوجل
    5)لازم تكون المدونه لها محتوى ....يعنى مواضيع وجديد دايما اقل حاجة كل يومين

    6)المحتوى مهم انه ميكونش مكرر.....يعنى مش منقول بالحرف..لازم تعيد صياغته تبدل الفقرات اى شىء المهم ميكونش منقول زى ما هو عشان الاكواد
    ___________________________________________
    الطريقة الثالثة:
    1)اخترع منتج عليه
    زى مثلا لفات الطرح اللى بتنزل ع مليكان وبيعلن عنها وبيتسوق للمنتج والفكرة دى
    2)له اقبال عند الناس
    3)يكون بيشبع رغبات مش حاجات
    4)الافكار لازم تكون تجددة وتهم عدد كبير من الناس
    5)المحتوى يكون
    1)متجدد
    2)يهم ناس كثر
    3)غير منقولة


    الايميلات/مواقع شبكات اجتماعيه زى الفيس بوك واى موقع تانى زيه/المنتديات/مواقع الفيديو زى اليوتيوب/التبادل الاعلانى

    _____________________________________
    وفيه كتاب للتسويق الالكترونى مجانى ممكن تحمله اسمه
    التسويق للجميع لرؤوف شبايك
    ___________________________________________
    بجد بجد شكرا جزيلا ل أ/دينا الجيار نيابة اكيد عن كل حد حضر ع كل معلومة وكل حاجة اتعلمناها منها
    متهيألى كده فعلا فعلا مافيش بطالة
    يعنى كمان وانت مستريح فى البيت ممكن تشتغل وتجيب فلوس ..........وكمان اهو كل الطرق اللى ممكن تشتغل بيها ومش بتتكلف حاجة زى المدونات وغيره .......ولكن برضه لازم ننوه عن حاجة زى موقع الكترونى ده بيبقى مدفوع ده ع حسب اللى انت بتعلن عنه والقعده اللى انت بتستهدفها..................لكن فيه اهو طريقة من طرق العمل
    يعنى مالكش حجة:D
    ______________________________

    وبعدين بريك سريع وبعدين رشا اتكلمت عن رحلة تتطلع من الصالون
    وفطار فى رمضان.......كنشاط من نشاطات الجروووووب اللى اللينك بتاعه اخر التوبيك


    سألت رشا من قرا خناقشة نوفا وموزا بتاعت انهاردة اللى هى كانت دى
    خناقشة....وانا مالى هو انا اللى هصلح الكون؟؟
    http://www.facebook.com/heba.samy1?v=app_2347471856&ref=profile#!/notes/rasha-khalifa/knqs-w-n-mly-hw-n-hl-lkwn-/359587884820

    ده اللينك

    وقالت يا جماعه برضه فى نقاط ووصفة من وصفات السحرية اللى وقع فيها موزا
    1)اتعلم الشركة
    *اعرف كل المعلومات عنهاااااا لانها بتفرق فى الانترفيوووو جداااا
    *الهيكل الوظيفى
    *الجرائد والمجلات (عالم المال-المال-العالم اليوم)

    2)مدير الموارد البشرية المشهورررررررررر بال(HR)
    سكرتيرة المكتب ...أسأل عن
    *توظيف وظيفى
    *هيكل وظيفى للشركة
    *هيكل وظيفى للادارة

    ابقى عارف المواعيد....الاجازات..من مين.......نماذج معينه الشركة بتستخدمها

    3)العقدددد:
    اقراه كويس جدااااااا........كل تفصيله مهمة لان ممكن يكون فى تلاعب بالالفاظ يحرمك من حق معين ليك(حلوة تلاعب دى:D)

    4)ثقافة الكشكوووووووول......اكتب فيها كل حاجة المواعيد
    اى حاجة خاصة بالشغل واذااكرها كويس....واذاكر كل الاماكن فى الشركة
    وطبقا للثاقه المعهودة اللى يقابلها كل شاب او كل موظف مبتدأ او غير مبتدأ(النفسنةةةةةة)
    يعنى ممكن تقابل اللى فوقك مديرك بقى اى حد بتشتغل معه ممكن تكون عنده الثقافه دى.......اتعامل ازاى بقى؟؟؟
    قالت اعمل اللى عليااااااااا.........مافقدتش ايجابية ولا تحفيز ولا اى شىء بالعكس اروح اعرف نفسى وفين مكتبى واكون عارف الشغل المطلوب منى وابدأ فيه........

    واللى هيقرا الخناقشه هيلاقى ان اقتناص الفرص والصبر والجدية والايجابية هى اللى خلت نوفا تشتغل وهيكون ليها مكانه عشان هى مش ودنية كلاكيت تانى مرة ع الكلمه دى ..........يعنى بعمل اللى عليا ماليش دعوة بكلام حد...اسأل المسئولين فى الشغل

    5)اشوف نماذج يقتدى بها فى مجالى
    يعنى حد يكون نجح وله بصمه فى مجالى ده واشوف عمل ايه؟؟؟
    ودى اسرع طريقة للنجاح

    6)اهم حاجة انى ابقى عارف انا رايح فييييييين وهعمل ايه وهعمل ايه بعد كده؟؟؟
    يعنى اكون شايف مكانى دلوقتى وبعدين.....(الهدددددددف)

    أه ......وبرضه رشا طرحت شىء مهم جدااا....افرض انا شخص مميز وناجح
    واللى تحتى فاشلين او مش فى دماغهم الشغل
    وهتلاقيهم كارهينى .......طيب اعمل ايه؟؟؟
    اطنشهم وهفضل ادفع وابذل جهد للحفاظ ع النجاح ده؟؟
    ولا انزل اخدهم من مكانهم وهطلع بيهم؟؟
    رشا عملت زى استفتاء.........طبعا الاكتر للى هينزل ياخد بايديهم
    وقالت الاسباب
    اللى هى انى لو حد مطنش وماليش دعوة غير بنفسى
    يعنى هفضل طول عمرى ابذل جهد شديد اوووى عشان احافظ ع النجاح ده وبمجرد ما يحصل لى انى انزل شوية عن مستوايا اللى فوقى مش هيستحمل ودى حقيقة

    انما لو من النوع التانى
    بالعكس بيبقى شخص محبوب فى الشركة وبيبقى القائد لمجموعه ناجحة ولو اتعرض لترقيات برضه هتفضل الناس تحبه عشان هو علمهم ومجدش هاياخد مكانه لانه اللى معلمهم ده

    واكيد الناجح بينجح وسط ناجحين
    مش بينجح وسط فاشلين او يمعنى اخر اللى بيتفوق بيتفوق وسط مجموعه ناجحة اللى هى شركة امال هى اسمها شركة ليه؟؟؟

    اخيرااا بقى ياجماعه وليس اخرا
    المواضيع الصالون القادم
    ازاى نعلى الكرف بسرعه...؟؟؟...لما نقع نطلع بسرعه تانى ازاى؟؟
    لسه موظف جديد ايه المشاكل اللى ممكن تقع فيها(ده الصالون اللى جاى)
    ازاى اتعامل مع مدير مستفز؟؟
    طريقة التعامل فى بيئه العمل الجديدة
    قاون العمل
    ازاى اطلب حاجة من مديرى؟؟؟

    ___________عملت نقل من موقع الحدث فى السريع كده:D
    موضوع الصالون القادم:(لسه جدديد فى الشغل ايه المشاكل اللى ممكن تقع فيها)
    الساعه 3,15: الساعه7
    تانى جمعه من الشهر اللى جاى
    وتابعوا الجروب داااايما فيه كل جديدددد
    http://www.facebook.com/groups.php?id=614928693&gv=12#!/group.php?gid=101642403015


    بجد بجد اوعى الصالون اللى جاى يفوتك
    لان قدر الاستفادة للى حاضر كمان بتبقى كبييييرة جدا ..لانه ممكن يستفسر ويشوف ناس جديدة مميزة

    الجديد بقى:انى بقيت ادمن فى جروب رشا تيبس وده شىء اسعدنى وشرفنى جدا
    وشكر كبييييييييييير اوى لرشا خليفة يعنى تلقائية طيبة جدعنه ذكاء حب بتنشره لكل اللى حوليها ومساعدات وكلام كبير اوى اوى .....دايما بتقول كل الشباب اولادى مع ان سنها مش كبيير بس هى ام عشان بتعرف بجد تدى وتعلم(:

    شكرا لكل الجرروب اللى قابلته اليوم
    سورى للاطالة
    بس حاولت انقلكم الكلام بشكل بسيط .........مطولتش برضه (بجد بيبقى يوم مليان وجميل ومفيد وبيعمل رى فرش لكل حاجة طاقةونشاط واهداف بتتجدد وبتتبنى كمان)
    يارب اكون قدرت اوصل المعلومات اللى اتعلمتها وتكونوا استفدتوا

    سؤاااااااااااااااال بقى
    لسه فيه بطالة؟؟؟

    شكرا جزيلااااااااا لكل جروب رشا تيبس(:



    بما ان صور الصالون لسه مش نزلت
    جبت صورة رشا خليفة من مكتبهااااااا
    (:
    بجد بجد ربنا يكرمهاا ويوفقها

    0 التعليقات:

    إرسال تعليق