Demo image Demo image Demo image Demo image Demo image Demo image Demo image Demo image

ابو لمعة السكرة..:D!!!

  • الثلاثاء، 15 فبراير 2011
  • هبة سامى
  • ابو لمعه ......وعلى بيه مظهر...وبكيزة الدراملى بنت الاصول....والناس التحفة دى:D

    السؤال بقى اللى بجد عاوزة له اجابه مقنعه
    ليه؟؟؟
    خير ان شاء الله؟؟

    تلاقى ناس داخله راسمة صورة معينه والناس تثق فيها وبسبب الثقه اللى بقول انها مش لازم تبقى موجودة تعمل كوارث ولو تعرف حقيقتهم تشفق عليهم):

    وتلاقى بنت حطة صورتها وهى يعنى شايفه نفسها تقدر تلفت النظر ....وتقعد تتكلم وتقول انا مش عارف منين ودادى مين ومامى بنت شاه تاه باشا .....ويلا يا واد ويلا بت نعمل شله ونتقابل ونفك ..وع رأيهم افتكاسات..وبيس يا مان..وقشطه يامعلم....ويا حلاوة الحلاوة:D

    وولد داخل عامل نفس مصلح الاحوال والاخ لاخته بس مش لاخوه:D..يسمع ويتكلم ويحل العقد اللى هو اصلا معقدها بيا حبيبتى وياروحى(طلعت روحك ان شاء الله.....بس ياريت واتمنى لما ربنا يتوب عليك) وخدى كلمه من اخوكى ....وثقى فيا.....الى اخر الحوار الاهبل اللى اكيد كل واحد فيكم عارفه.....


    ولو لقى البنت محترمه او متدينه ......يبقى ساذج ويقولها ايه رأيك نبقى اصدقاء فكرى وصلى استخارة وردى عليا....ع ايه ان شاء االله:D

    وهى داخله تدور ع بن الحلال اللى هيقع فى حبها وهيحترمها اول لما تمثل انها محترمه وبنت شاه تاه باشا:D


    ليه مننا بيرسم صورة لنفسه خياليه عشان يتكلم مع ناس تانين ممكن يكونوا هما كمان خيالييييين..........
    انتم عارفين التحليل للكلام ده ايه؟؟
    ان فيه نقص بشع ....بشع بجد.....ومن الضعف والتفكير الركيك ....متخيل انه كده هينبسط او هتنبسط لما تلاقى ان فيه حوليها مجموعه عشان حاجة مش فيه او فيها....حاجة تزعل
    طيب ليه متغيرش فى نفسك انت وتبقى فعلا بالصورة الحقيقيه ليك.اولا بالنسبه للشكل انا مش شايفة عائق عشان الشخص يبقى ناجح وعنده حاجات يقدر يجمع بيها حوليه ناس ويعملوا حاجة بجد....

    وحكايه انا بن مظهر بيه.....وبكيزة الدراملى سليلة الحسب والنسب .ههههههههههههههه
    وانت مش عارفه او عارف انت بتكلم مين...انا بن كذا؟؟..اول لما حد بيقول انا بن قبل ما اعرف هو ابن مين ..بعرف انه فاشل
    لانه لو ناجح هيقولك انا كذا كذا بعمل كذا كذا ....وفى الغالب هيكون محترم وهيتعامل بانسانيته اكتر من المراكز والمظاهر الكدابة

    وتيجى الصدمه ان ان أأأأأأأأأأأن
    تقابل الناس دى وتشوفها بالحقيقه..بيبقى نفسك حد يجيب ميه ساقعه ويفوقك ع الحقيقه.....وعادة بتبقى مرة اوى
    ولا الشكل الحقيقى ولا الشخصيه المثاليه ولا شاه ولا حاجة بيبقى تاه خلاص:D

    الحقيقه اللى بتبان ع الفيس بوك لو حقيقه.بتبقى فى الواقع احلى بكتيييير......الاحترام والبساطه وجمال الروح والشخصيه بيبانوا اكتر

    اللى بيمثل ده لازم يتكسسسسف.......الناس مش بتحبه عشان شخصيته ولا عشانه هو ....عشان الشخصيه اللى بيأديها


    الحقيقه مهما كانت هتبقى حلوة عشان هى حقيقه هتلاقى اللى يساعدك تبقى احسن صدقنى
    انا واحده من الناس بحب اللى بيعترف بغلطه وبيقول نفسى اتغير او عاوز ابقى احسن...تحياتى بجد...عارف نفسه مهما كان بقى
    وهيبقى احسن..وجواك هتبقى محترم نفسك

    النقص بيزيد طول ما انت مش انت......مش هتلاقى نفسك ولا اى حاجة..طول الوقت هتحس بانها ملهاش طعم ..عشان خيال
    وهتضيع وقتك ووقت الناس وانت بتساعدهم نفسك وهتساعد الناس انهم يكملوا تمثيل وانت معاهم ..بدل ما تجمعهم وتبقوا احسن وتعمل حاجة ...وتستغل ال ساعات الكتييير اللى بتقعدهم وبتضيعهم فى الكلام الفاضى والكذب وغضب ربنا ومعصيته طيب ليه؟؟؟؟

    اى شىء لو مكنش بيزود منك وبتثبت شخصيتك فيه......يبقى (كلام فاضى)ووقت هتتحاسب عليه قدام ملك الملوك

    الفيس بوك والانترنت عامة مليان كدابيييييييييين وغشاشين وافاقين وبارعين فى التمثيل .......ومع ذلك ساذجيييييييييييين اوووى وبيصعبوا عليا جداااااااااا

    بيضيعوا وقتهم ووقت الناس فى التمثيل والخيال

    كتبته لسببين...اولا:
    الثقه:
    متثقش فى اى حد حتى لو شوفت الجناحات بترفرف فى صفحته ..........حاول تبقى ذكى تستفيد من كل الناس كل الناس حتى لو وحشين وانت بتلمس ع الخير اللى جواهم.وبتكتشف خبايا النفس الكتيييير اووووى....وهتساعدك فى التعامل مع كل الشخصيات وتعرف تساعدهم ويساعدوك.......ومع كل ده عامل سور ميخترقهوش اى حد ممكن يشوه معنى جميل جواك(للبنات خصوصا..تامر مش كويس ولا حاجة بيضحك عليكى:D......كن ذكى

    ثانيا:دعوة للصدددق مع النفس قبل الناس...

    مش هرغى اكتر من كده وحاولت مكتبش كلام دمه تقيل.....بشوف نماذج كتير اوى وبتضايق ان الناس مريضه للدرجة دى وفكرها مشوش وملوث.....وال500وش اللى تحت وش البراءة (حاجة فظيعه ومقززة بجد لما تعرف الحقيقه)

    خد بالك
    وخدى بالك........ع نفسك ومن نفسك
    كل وقت وانت مش تعمل حاجة مفيده فى الدنيا وكل ثانيه حتى وانت بتضحك..يبقى انت ملكش لزمة وانت اللى عملت كده فى نفسك .....لان ربنا خلقك ليك لزمة بس هى جوة نفسك.....اكتشفها وعيييييييييش وانت انت


    عاوزة اسمع رأيكم واعرف احنا ليه بنمثل...او الناس بتمثل؟؟؟
    اممممممممممم........ماشى


    هبة سامى
    :D
    مضايقه بجد

    0 التعليقات:

    إرسال تعليق