Demo image Demo image Demo image Demo image Demo image Demo image Demo image Demo image

كنت نونة....وبقيت ماما:D!!!!

  • الثلاثاء، 15 فبراير 2011
  • هبة سامى
  • كنت نونة....وبقيت ماما:D!!!!

    by Heba Samy on Friday, March 19, 2010 at 12:37pm
    بقيت ماما
    :D

    امممممم....من كام يوم كده كان عندنا نونة قعده عندنا عسوله ولما تزورهم هم كام ساعه تشيلها شويه يا كوتى كوتى وكده يعنى :D....ان ان أأأأن عرفت انها هتقعد معانا بينى وبينكم فرحت اوى اوى قلت هلعب بيها لعب جت ظروف ووالدتى ربنا يخليها ليا تعبت شويه وكمان الشقه الايام دى فيها فحت وردم ...خير خير....فجاءة لقيت نفسى والنونة دى هنا اشيلها وهى بتعيط وملزمة اسكتها طبعا والعبها واكلها وطبعا يعنى اطقال بقى لازم كل شويه تتطمن ان الامن مستتب:D........وخصوصا بقى لو شوفت نونه بتعيط ومش راضيه تسكت بتعصب اوى وببقى عاوزاها تسكت لان ببقى خلاص هعيط انا (دى نونه ):...... انا بموت فيها مهما عيطت بس بينى وبينكم شويه بحس بزهق بس لما حد بيشلها ببقى عاوزة اخدها تانى.....طبعا بقى غير الجامعه وحاجات كتير تانية يعنى برضه بروح احضر ندوات وارجع لمهامى البيتوتية الفظيعه دى بس ببقى مبسوطة لان دى وظيفتى اكيد فى الحياه انى ممكن اعمل مليون حاجة دراسه وجامعه واى حاجة تانى بس برضه الوظيفة الاساسيه لاى بنت البيييت والشقة ولو ماما مش موجودة ممكن اتطوع واعمل اكل ..فجاءة حسيت نفسى ماما بعمل كل حاجة حتى بعد ما النونة مشيت .....وقلق وزهق وحاجات كتير كده.....فجاءة رجعت بذهنى لما كنت انا كمان نونة صغيرة ....اكيد برضه كنت بتعب ماما واخليها صحية طول الليل ومتعرفش تنام طول النهار عشان تعمل كل المهمام بتاعتها الاكل ووالشقه وغيره وغيره والقلق اللى بتبقى حساه لما بتعب وانا بكبر وبروح الحضانه ومدرسه وجامعه هى اكيد قلقانه وقلقها بيزيد وخوفها وعوزانى فى احسن حال .....حسيت احساسها واخواتى الصغيرين يروحوا المدرسه بقعد افكر فيهم اوى وببقى قلقانه انا كمان بس اكيد مش زى ماما ..........ماما وكل ماما بيتعبوا اوى ....احساس واللى بيعملوه لينا ...حط نفسك مكانها بس فكر بعمق شويه ماتقولش هبقى عادى زى ما كنا بنقول واحنا صغيرين...لو عشت شويه اللى هى بتعيشه وحطيت نفسك مكانها ....مش هتستحمل ربع اللى بتعمله وبتحسه .....اللهم ارحمهما كما ربيانى صغيرا
    اللهم ارحمهما كما ربيانى صغيرا هى وابى .....بيتعبوا اوى عشانا....اجرى قبل ايديها يلا مستنى ايه؟؟؟
    عيشوا اللى بتعيشه هى والله ماهتستحمل البنات برضه بتستحمل بس يستحيل زيها ...والاولاد بقى ________:D
    بجد الامومة احساس جميل وصعب ومشاعر كتير متناقدة

    كتبتها عشان اذكر نفسى واذكركم بان عيد الام جاى اهو ممكن تجدد علاقتك بيها من اليوم ده
    كتبتها عشان فضلها عليا كبييييير اوى ولازم اعترف بده واوعدها هى وبابا انى دايما اخليهم فرحانين بيا
    واكون سبب فى دخولهم الجنة
    ماقلتش كل حاجة بتعملها معايا لانى مش هيكفينى الف نوت لا فيها ولا فى بابا
    كتبتها عشان اقول لربنا شكرا احمدك يااااااااااااااااااااااااارب ع كل نعمه اولها بابا وماما ....وعشان بتعلمنى كل حاجة وبتحطنى فى حاجات كتييير بتعلمنى وبترشدنى وبترزقنى وبتعوضنى خيييير عن كل شىء ..رضيت بالله ربا وبالاسلام دينا وبمحمد صلى الله عليه وسلم نبيا ورسولا

    كتبتها برضه عشان البنانيت الحلوين اللى بسمعهم بيقولوا ده انا مش بعرف اعمل كوبايه شاى لنفسى
    وفرحانه اوى؟؟؟!!!!:@
    مهما كان طموحك ....مهما كنتى عاوزة تبقى شخصيه ليها شأن ى مجتمعك ومش فاضيه للزواج وللامومة ولا الكلام الفاضى ده ع رايكم يعنى:D
    لازم تعرفى انتى مخلوقه ليه؟؟؟.......اتعلمى وكونى اعظم انسانه يا ستى بس لازم تعرفى ان اولويتك فى بيتك يعنى لازم تكونى 10 ع 10 فيه ..وتتعلمى تعملى مليون حاجة فى اليوم من دلوقتى غير الجامعه ودراساتك وحياتك اللى بتحبيها والخروج ولما ترجعى اقفى واعملى حاجة فى البيت عشان لما يحين وقت وربنا يرزقك بزوج حياتك ماتتلخبطش وتكونى اد كل مسئولياتك اولهم بيتك لانك مش هتحسى بنفسك الا فيه ومش هتحسى بنفسك اوى اوى غير وانتى ماما برضه وعدى نفسك اتك تكونى فخر لابنائك وزوجك ومجتمعك كله
    ربنا يوفقكم

    )وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَانا)(النساء: من الآية36) وقال تعالى )وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانا)(الاسراء: من الآية23) وأوصى وصية خاصة بالوالدين فقال )وَوَصَّيْنَا الْأِنْسَانَ بِوَالِدَيْه)(العنكبوت: من الآية8) وبيّن العلة في ذلك حثا للأولاد على الإعتناء بهذه الوصية فقال بعد قوله )وَوَصَّيْنَا الْأِنْسَانَ بِوَالِدَيْهِ)(لقمان: من الآية14) قال ) حَمَلَتْهُ أُمُّهُ وَهْناً عَلَى وَهْنٍ)(لقمان: من الآية14)

    يلا هات وردتين واحده لماما وواحده ل بابا (:
    وحماتك برضه مفيش مانع:D
    مستمتعه جدا برضه بكل تفاصيل حياتى الحمد لله....كفايه ان ربى كتبه ليا...بيعلمنى (:


    سواء بقى كنتى نونة
    او كنت نون:D
    هتبقى ماما وهتبقى بابا
    شىء لابد منه...........ويا حرام اللى بيتحرم منه
    خاصه لو بمزاجه

    0 التعليقات:

    إرسال تعليق