Demo image Demo image Demo image Demo image Demo image Demo image Demo image Demo image

هو انتى مش عادى؟؟!!

  • الثلاثاء، 15 فبراير 2011
  • هبة سامى
  • سالونى ..........

    ليه مش بعمل مواضيع عن الاحاسيس الحب والجرح والناس اللى بتجرح بعضها واى احساس ممكن اى انسان يحسه.....وبيحسسونى كانى مش انسانه زيهم عايشه معهم فى نفس المجتمع او عندى نفس الاحاسيس اللى ممكن تتجذب وتقف عند مرحله معينه وهى مجرد شعورى بها ان فيه شىء عجيب ممكن يحصل ووابقى عادى زى بقيه الناس ...لان فيه قيم اتشقلبت وحاجات كتير بقت عادى الكلمه دى بتجيب لى هستريه ضحك ساعات زى خمسه كده فى فيلم احمد حلمى:D

    .........اللى هيلاحظ اللى بكتبه هيلاقينى بكتب حلول بس او بسلط الضوء ع نقط بشويه صرامه ............الحقيقه اصلى اتعقدت وزهقت ...كل شويه صحبتى وبعض الناس اللى اعرفها البنانيت يعنى بتحب واحد مثلا يعنى وعلاقتهم مش بلاقى ليها وصف او شكل واول لما يسبها او باى مصطلح بقى اللى بيعملوا معاها او العكس
    واهىء اهىء ....والدنيا فوحلقى والكلام اللى مبيجبش همه ده:D
    وتلاقى واحده عايشه كل حياتها ع انقاض ماضى وبتبكى وبتقول انا حسة بجرح احساس مؤلم اوى .......او ولد برضه عايش فى نفس الوهم ....بحس انها سيناريوهات شبه بعضها كلها الاول كنت بسمع كتيييير دلوقتى بقيت احس بشويه ملل
    يعنى عملت مواضيع عن شكل العلاقات دى
    بتكليميه ازاى وبيكلمك ازاى؟؟!!
    تيجى نبقى اصحاب؟؟!!!
    قلت شويه من اللى بيحصل وقلت ان الانسان يحافظ ع مشاعره بشكل صح ده اللى مش هيخلينى اكتب عن جرح او احساس بالحب لان مش بشوف للجرح سبب غير اللى بيحط نفسه فى الموضع ده ومش هنعيش طول عمرنا نبكى ع لبن مسكوب .......ومش هكتب نوت عن الشكون من اذيه الناس او اذيه الصاحب لصحبه او الصحابه لصاحبتها اوى انسان لاى انسان زيه ...فيه مواضيع اكبر من كده بكتييير لان اللى بيحصل ده طبيعى ومش طبيعى طبيعى عشان احنا بشر بنغلط ولينا كلنا زلات ربنا بيسترها فبنطيق بعض ...مش طبيعى عشان ملهاش لزمة نجرح فى بعض.....بشوف الحل ان الانسان يكون صادق مع نفسه شخصيته قويه وبرضه عنده احساس باللى حوليه يحاول يبصى ع الناس اللى بتحبه مش الناس اللى بتخنقه.....تعرفوا لو كتبت عن اذيه العلاقات الانسانيه دى هتلاقوا كل يوم نوتس كتييير عشان ده طبيعى وبيحصل معايا برضه انا مش ملاك ولا اللى اعرفهم ملائكة مش بتكلم عنها عشان مثلا زى لو حد سمع اغنيه معينه بتوصف اللى بيحسه يقعد يسمعها وغصب عنه لا واعيا كده بيأسر نفسه اكتر فى مشاعره ديه ومش بيعرف يطلع منها بيلاقى اللى بيغنى عليه ظلموه: D .........واكيد مش ده الحل.....الحل فى الحل فى كلمه طيب وبعدين؟؟؟ ...هعمل ايه يعنى بعد كده فى حياتى؟؟........ده اللى بسلط دايما عليه....كعلاج للنوع دى من المشاعر او اى شىء له علاقه بتنيمتنا وتنميه مجتمعنا الحمد لله ...الافلام خرب شويه معتقدات كده ....الشباب يعنى حب يعنى شغل اى شغل وشقه ..يعنى عادى يعيش عادى وياكل عادى ويحب عادى ويتجوز عادى ويتعلم عادى ويشتغل عادى ويخلف عيال برضه عادى ويموت موت عاديه زى اى حد عادى .....حاجة تجيب ملل ...الافلام القديمه متنفعش دلوقتى والافلام الجديدة بتتكلم عن حاجة مش بتخلق واقع بتخلق خيال يبتحطم بمواجهة الواقع......انت جواك عالم له كل تعقيداته واحاسيسه اللى مش محتاج تتكلم عنها لاننا لو اتكلمنا عنها فيها قبلنا قالوا فيها مآسى بس مقالوش حلول عن كل احساس وحش انت حسيته وهم غنوا لك وقالوا لك عليه طيب يعنى ايه الجديد؟؟.....مقالوش الجديد فى عالم كل يوم فيه جديد ...الدنيا كبييييييرة اوى والعالم كبييييير بطل تبص لمشكلتك ع انها العالم اللى وقف فيه ناس كتير بتحسدك ع حاجة هما فاقدنها ..العا لم مش هيقف عشانك
    كفايه شكوى............عاوزين حلول
    كفايه كلام افلام..........عاوزين واقع فيه معانى جميلة
    كفايه نظريه ...عاوزين تطبيق
    الفعل.....بين القرار والتنفيذ فعل
    ساعات التفكير الكتير بيعيق العممل
    فكر واعمل حاجة جريئةع طول بس اعقلها وتوكل
    بص للحياه نظرة حرة متفائله........خليك حر
    تقبل من حولك كما هم ....عاوز تغيرهم عييش معاهم وحس بيهم وعبر عنهم وشوف الطريق اللى جواهم اللى تمشى لهم فيه فيحدث التغيررر
    ابحث عن كنوز العالم وكنوز نفسك وكنوز مشاعرك وكنوز ناسك ....دور ع الحقائق وسيبك من الخيلات اللى بتقعد تدور عليها
    متحبسش نفسك جوة قوقعه اسمها هم وحزن واحساس بيقتل .......فجر الوقعه واطلع وقول انا اهوووووووو وهعمل اللى يخلينى دائما سعيد وعايش فى الواقع باجمل احاسيس


    من فتاة
    مش عاوزة تتعلم عادى ولا تعيش عادى ولا تعمل اى شىء عادى ولا تحب عادى ولا تتجوز عادى ولا تخلف اطفال عاديه ولا تموت عادى لازم تعمل جديد فى كل حاجة من الحاجات دى ..هقدم جديد فى كل تفصيله من تفاصيل الحياه رغم انها قديمه .....بتحس زيكم وبتشوف الواقع زيكم وعايشه فى مجتمع معاكم ...وبتفرج ع نفس الافلام وبتحصل جوايا لخبطة كتيييير جدا بس برجع وبفكر كتير فى كل اللى بتفكروا فيه بس بزياده شويه التفكررر اللى ربنا امرنا به فى النفس والعالم .........بس الفرق انى بحب اعمل بحب الفعل اللى بين التفكير والتنفيذ..بحب اتغير واتحرك .......بكره ان ادفن نفسى جوة قوقعه ....بحب الحرية اللى اساسها مسئوليه وربى راضى عنها راضيه بالقضاء والقدر اللى انا سبب كبير فيه

    وربنا يستر


    يوووووووووووووو...........برضه عادى؟؟!!!:D

    لأأأأأأأ مش عااااااااااااااااااااااادى


    هبة سامى

    بحب الكنوززز اللى جوة كل حاجة مستخبية
    اصل الكنوز استحاله تكون واضحة جليه لازم نتعببببببب لها


    بتعبر عنى جدااا

    0 التعليقات:

    إرسال تعليق